عندي باك 🤲🏻🥇

نتمنى كامل ننجحو الله يوفقنا وعيد سعيد وسلام

تبقاو بخير ✨

وهذي هيا جروب تع لفيس نتمنى كامل تنضموا ليه

ان شاء الله كامل تدعوا لاكرام ربي يسهلها فحياتها وينجحها لانو فادتكم بزاف ولله الحمد

المهم حان موعد حذف القناة..

أنوه فقط بمعلومة لأي واحد راه متأخر فالبرنامج ولا مراهش لاحق ويحصل فالوقت بحكم انو الوقت مبقاش بزاف باه يحلق وين راه حاب ، جماعة لوكان تلاحظو نلقاو بلي بزاف ناس من اول العام وهي تقرا مبعد يخرج الباك تكون حاطو يدي 17 ولا 18 تلقاه ضرب 13 ، جامي خممتو زعما وشنو هو السبب ، سواء هذي الفئة ولا الجماعة لي تقرا شهرين ولا 3 اشهر الاخيرة تكون حاڨرو تقول امبوسيبل يلحق في هذ المدة حتى يضربك بمعدل يخليك مشوكي ، وكثيييير هذه الأمثلة رانا نتصادفو بيهم ، ومنه المتخصر حبيت نقلكم بلي التوفيق بيد الله ، صدقني تجيب أفضل استاذ في العالم في كل مادة ويقريك وحدك وميكونش التوفيق تاع ربي ياو ديك القراية ضربها في الحيط ، خصكم تتقربوا من ربي قد ما تقدرو بالصلاة والنوافل والاذكار والقرٱن والدعاء ؛ وبلاكم من هذاك لي يقلك راك تتنافق كي قرب الباك ، على الأقل راك حاط في نفسك انو التوفيق بيد الله اذا لم تعبده حق العبادة وتتقرب اليه بالامور اللي يحبها فكيف تريد التوفيق ؟ ثاني حاجة تنظيم الوقت والاستمرارية ، صدقوني تلقا واحد يقرا في النهار 5 ساعات ولكن منتظم وملتزم ومركز فبهم كل يوم يقراهم خير ملي يقرا 15 ساعة ومخلط البيرو تاعو ويقرا برك بدون تركيز لوكان تجمع المفيد وش قرا تلقا ساعة ولا ساعتين ، الخطوة الاخيرة هيا انك تتعب ، اذا وفرت هذ الامور الثلاثة بالترتيب ( حقك مع الله ، تنظيم وقتك ، الدراسة بجد ) صدقني يجيبوك شهر الاخير قبل الباك تديه بمعدل عالي ، يتسما مزال الحال جماعة شمروا على ارواحكم هذا هو الوقت الصح ، مزال الحال الكافي جدا للامتياز والله العظيم ، فقط توكل على الله حق التوكل وادعه وكثر الدعاء ، ونظم وقتك وزير روحك الفترة الباقية صدقني راح دير حاجة مش نرمال 🥰❤️ وفقكم الله اخوتي ، أتمنى في آخر العام ان اراكم جميعا لحقتو وين حبيتو

سلام عليكم جماعة الخير 🍓 معاكم إكرام صاحبة القناة "عندي باك" حبيت نقولكم شكراا لكل واحد دار فيا ثقة 💗شكراا لكل شخص دعالي بالخير 🥺💕 ربي يحفضكم كامل 🤲🏻🤍 و إن شاء الله نشوفكم كاامل نااجحين ياارب 🤲🏻 بأعلى المعدلات 💌🥇🥺 حبيت نوضح وحد الموضوع ، لكونت تاعي لول نحيتو لأسباب غبية 💀، و كيما راكم عارفين خليت حلقوم و محمد أدمين مورايا ✅ ، بصح بحكم إعدادات القناة معندهمش صلاحية يغيرو فمعلومات القناة 😀 معنااه ميقدروش يزيدو حتى أدمين 💔🙂 و منه نستنتج تفرت فييا حاوزت روحي بروحي 🤧🤦🏻‍♀️🤦🏻‍♀️ عادي عادي مكتوب يصرااا هك لعله خير لي و أنا لا أعلم 🤝🏻 سوو قررت منسمحش فيكم بالساهل ❌ ، كيما علابالكم فتحت صفحة على الفايسبوك أسمها Ikoubac23 و راح نحطلكم راابط تاعها لي حاب يدخل و يبقى يتبعني 💌✅ الخطوة هاذي درتها للناس لي تحبني برك ، لي دارو فيا ثقة 🤝🏻 شكرااا لكم 🥺 و علاجالكم برك رااح نواصل معاكم كيما وعدتكم فالبداية مراحش نخليكم لآخر لحظة من رحلة البكالوريا بإذن الله 🤲🏻 نطلب من الأدمين حلقوم ترسل رسالتي فالقناة و في مجموعة المناقشة 💌 و تخليها 24 ساعة أي غدوة فالوقت هاذا 20:45 تحذف القناة نهائيا ✌🏻 و في الأخير نقدم جزيل الشكر و الإحتراام لكل من محمد و حلقوم 🫶💞ربي يحفضكم و ينجحكم إن شاء الله 🤲🏻🥇و مرااحش ننسا خيركم و الشيء لي قدمتوه للقناة 🥺💌 و جزاكم الله كل الخير 💗 شكراا لكل واحد قرا رسالتي 💌 و كملها للأخير 🍓🍓، بلييز شاركوها في ڨروبات بااش كامل يعرفو و ميقولوش راحت و خلاتنا 😔 #ربي يوفقنا 🤲🏻 #ربي ينجحنا 🤲🏻🤍 #آخر رسالة 03/04/2023 😔💔 #راح نبقى نحط فصفحتي على الفايس ✅ @ikoubac23 أختكم إكرام 🍭 تحبكم في الله 🥺💗 ادعوولي فقط 💗 ...شكرااا 🍓

وان ليس للانسان الا ماسعى