القحطآني .

ساس الرجوله كلها دين وأفعال ومن غير ها لثنتين ماهي رجوله ماهي تراها بالمهايط ولا المال ولا هي بكبر المرتبه والحموله المال كل يملكه حتى الأنذال والمرجلة ماكل رجل يطوله

"لا تشوف الناس ضعفك وانكسارك لو عظامك تنكسر ما جبروها انتصب كنك طلعت من المعارك ماخذٍ ثار القبيلة كل ابوها"

‏الحياء يرفع مقام المرء ويبّين علوّه دوّر الأخلاق قبل إنّك تدوّر من ترافق النقي مابينه وبين الدِني عُصْبة أخوّة و الضحى مابينه وبينه المساء أوجُه توافق السموّ سْموّ الأنفس والفقر فقر المروّة قاتل الله النفاق وقبّح الله المنافق

صباح الخير وخطر علي وانا بالانتظار: "نفسك ليا أرخصتها مره؟ بترخصها نهائي" " يهون التعب ما هان وجهي ولا قدري" "لله يا نفسي الأمّارة.. اتجهي ‏لا تختلف بوصلة دربك وتخطينه ‏أعزّ ماء فوق وجه الأرض ماء وجهي ‏مُوتي ضما، بس وجهي لا تهينينه" "لا تسقني ماء الحياة بذلةٍ ‏بل فاسقني بالعز كأس الحنظلِ"

‏يسوقني طاريك لمشاهدك سوق ‏و أشفق على لمسة يدينك شفاقه ‏زرعت لك زرعٍ له أثمار و عروق ‏و قدمت لك من زهرة العمَر باقه ‏و أن كان عندك شك لاناشك العوق ‏في قلبي إللي لك يزيد أشتياقه ‏الشوق مشتاق لك أكثر من الشوق ‏شوق بدويٍ ضاعت أغلى نياقه

ياروح روحي مهجة الروح تفداك ‏راحت علىٰ مركب غرامك وساقه ‏واليوم لك غيبات ماعاد شفناك ‏عقب التقارب صار شوفك شفاقه ‏ويش اللذي دلهك عني ونسّاك!؟ ‏هاك السوالف والعلوم الدقاقـه ‏ ‏هاجوس قلبي مايخليني أنساك ‏أذكرك في نومي علىٰ كل فاقـه - عبدالله بن عـون

«حبيبي جابك الله عن شموس الكارهين الظل أضيّع لـ اجلك سنيني ، و اسابيعي ، وساعاتي شريتك في ليالي تكسر الخاطر و بعت الكل وشفتك عند هقواتي عليك و فوق هقواتي ولو ما قلت " أحبك " والله إن مردها بتزل و تسمعها بكلماتي . . . و تقراها بنظراتي»

أسأل الله لي ولكم جميعاً في هذا اليوم المبارك من يوم الجمعة أن لا يحرمني ولا يحرمكم من سبع : رزقه ، وتوفيقه ، ورحمته ، ومغفرته ، ورضوانه وجنته ، وصحبة نبيه ﷺ اللهم صل وسلم وبارك على نبينا محمد ﷺ

‏مامشيت إلا وأنا عايف وعندي يقين القلوب إن ذاقت الغبن ماهي لاينة رحت لا مكسور خاطر ولا شكلي حزين وحافظٍ قلبي من العابثين وصاينه

‏علمتنا عزة النفس والدرب النزيه لاتردت شيمة اللي يقول ولا يطول كل ما حدّك زمانك على اللي ما تبيه الله الله فالمواقف على حسب الاصول لا تسوم الوجه الابيض ولا ترضى عليه ما يقلل قيمته عند ذربين الفعول الحياء لا قل فالارض ولا في الوجيه قل مافيها من الجاذبيه والقبول -مبارك ابن رادعه

- تفاصيل وجهك و ابتساماتك الرحبه يعيشون أمّه كامله . . في تأملّها ㅤ عسى كل صبح يمر وجهك يصبّح به و عسى كل خير . . يمر يدّك يقبّلها .

‏لا طالت الخوة تبين العذاريب وتعرف قراح البير ولا هماجه ابعد عن اللي لا زعل ينكر الطيب اللي تقلّب عشرته مع مزاجه.

‏العزلة اللي تكتم الصدر والأنفاس ولا الجمعة اللي لا مزاجي ولا شفي انا العاقل اللي كل ما ضايقوه الناس يوقفّ دقيقة صمت ، ويصد ويقفّي - سالم بن حمد

‏أنا اعتبر مزحك دواء كل علّة أمزح معي واللي يجي منك مقبول ومن ناحية هـم الزعل لا تشله معقوله ازعل منك ؟ ماهو بمعقول! حتى لو أزعل والزعل في محله بزعل عليك شوي وأرضى على طول

‏ابيات ناصر مناحي اللي كل ما قريتها حسيت انها مشهد سينمائي راسخ في بالي اللي يقول : يوم أعاف النوم لأجل السهر .. لا تزعلين من يحب النور من شامتك حب الظلام ! أضحكي لين أدري أنك وضحكاتك يقين وأمهليني عمر .. لين الله يجيييب الكلام

‏اتقهوى صبر واقدع من العقل اللبيب واتجاهل كلمة اللاش وش ، مضمونها

‏تدفع له الجزيه وتدراه شيخان تستاذنه يوم السنين العجافي جحادرً صفه وبالحرب فرسان من شافنا بالعلم جاه ارتجافي من نجد لي تثليث لي عين قحطان دار الجحادر ما عليها أخلافي حنا عيال مضيم للمجد عنوان و اسم " قحطان " للمناعير كافي

‏من الابيات الصبّاحيه الفائقه بالجمال ؛ صبّحك باشواقي اللي ودّها تسْرح بك لين ترسي بك على بحر الغلا من حدرى يا حبيبي كل صُبح وكل يوم افرح بك غير لاتنشد عن اسباب الغلا وانت ادرىّ _علي الدعيه

‏هذا الشاعر حب له بنت ذكية وعوبا ومزيونة والمصيبة اذا اجتمعت الثلاث صفات هذي في بنت ووصفها بـ •ماتسمع كلام أحد ورايها براسها ثم كتب فيها أبيات منها "كيف ابنسى وليفٍ ما استمع للمشير مايطيع الخوال ولا يطيع العمام مع لباقة علومه فيه زينٍ غزير قرن ضافي ووسط خافق ياسلام"

يجذبني اللي في حضوره مُميّز ويعجبني اللي في غيابه له الشوق شخصٍ تفرّد في حياته تِميّز تنافس الأخلاق مع قمة  الذوق ،