القحطآني .

‏ارهقتني سود الايام ياسوده عسير وين اجيك وخاطري مادله ولا استراح

‏الله خلقني كذا ماحب طول الجدال والمخطي أسرحه والطيب أقدره ماهو صحيح المواقف كلها للرجال أحيان تغني عن الوقفات وقفة مره .

يا أهل المزاين جعلكم كل الاوقات تقومون افراح ومناسباتي الزين واجد والجوايز ثمينات تشجيع للي يقني الطيباتي —عبدالله بن زويبن رحمة الله

‏يضيعون في شخصيتي معشر الردايا ما يفهمني إلا طيّب من ظهر طيّب

‏أنا ألعب على الواضح وأغنّي على المكشوف ويعرفني المبدع ويجهلني العادي اذا صارت الكلمة ما تعنيك يا ملقوف لا ترفع علينا الصوت وتصيح وتنادي أشوف الفوارق واضحة وأنت ويش تشوف؟ ترى المشكلة في عقلك الضايع الغادي مايذبحك غير الصاحب اللي ذبحه الخوف تعدّي به المشراف ويطيح فالوادي

تعبنا من الايام والعالم الفاضين نجامل وآثر ساس البلا يوم جاملنا

"مانيب ماخذ كل شور ولا بسامع كل راي ‏المجد للي ما يحسب حساب عاقبة الأمور ‏قل للسنين اللي تراهني على كسرة عصاي ‏ضربت الأرض الين ثورت الغبار من الصدور ‏انا على ماتشتهي نفسي و وين القى هواي ‏محدٍ يوجه وجهة شراعي على السبع البحور ‏اليا رضيت اطير الحاجه واوصلها سماي ‏واليا زعلت اخلي الحاجه دبورٍ في دبور"

‏الناس تجحد راعي الطيّب لأ زل أدنى خطاء كل الجمايل محوها

‏تمرّد على قوس الحنايا مشيب الراس والامال والاحلام ماهيب عاديّه حلالاه يا المشراف والفجر والنسناس وحذف الهموم اللي ورى الصدر مكنيّه ابا اروح منها روحة اللي ما فيه احساس ولا عاد في نفسه لأمانيه أهميّه يعاف الطمع من يعتبر من مصاب الناس عسى الله يعافي كل مبلي ومبليّه

‏نهج بدويٍ عيشته ناقة وشاه ولايعرف الا الهيمنة والمشاجر واليا حداه الصيف والحر لا أقصاه كبده يبردها على .. ( جح ساجر )

والله إن فرق الرجاجيل واضح ومعروف بينهم مابين نجم الثريا والثرا يامدور للعلا لا توقفك الظروف ارتفع وارق القمم من طويق ليا كرا لا تدور حاجتك عند بيبان الضعوف ولا تدور عند الأنذال منزال وذرا الردي لو طاب مره يلحقها الحسوف یوم راسه خايب بالمكارم ما ضرا ولا تحسب إنه معك لو تشوف اللي تشوف لا لقى غيرك من الناس باعك واشترا عز نفسك عن هل الذل وارقى بالشفوف والمهم إن ما تقدمت لاترجع ورا

‏وقتنا صعب والأصعب علينا انفرض بين واقعْك وأحلامك : شكوك ويقين لا تعاتب ولا تحزن ولا تعترض اجتهد لـ الفرح والا بـ تبقى حزين لا حضورك علاج ولا غيابك مرض عيش عمرك لــ نفسك وأترك الآخرين لا تحبّ الحياه أكثر من المفترض ولا تخاف الفراق وكلّنا راحلين

‏يطل القمر ولا يغيب القمر .. لا باس الاغلى تهون بـ حضرته ، قيمة الغالي عن الطلة اللي تنتظرها جميع الناس أنا فـ انتظار !.. الطلة ، اللي على بالي - عبدالله السراهيد

‏لاطرق صدري من ديارها ذعذاع نود زارني شوق سلاح الغلا متنجده ليت لي عين ليا طول اسهاد الرقود ماتفيض ادموعها الى معى المتهجده قلبي الي فيه من لوعة الفرقا لهود وكبدي الي من صدوف الزمن متبجده فيه شطر لـ ابن جدلان ما يبغى شهود وعاد انا يوم اقتبس فكرته وامجده هايم في لبة معنق وطرّاق سود رمشها لا سلهمت به ماتحيي سجّده اشهد ان الحب والبعد سلال الكبود و آوجعه ما ينصرف له علاج يهجده من تعلق في هوى الغيد واثبات الوجود ضاع عمره بين رغباته وتوجده

‏الردى في الحظ والحال ولا فالعمار خير من موقف يذل الرجل ويحطّمه ما يذوق العز ويذوق طعم الانتصار واحد ٍضيع طريق الله وما عظّمه ما جعل بعض الرياجيل في وضع انهيار غير تبّاع الهوى في الدروب المعتمه كلمة الرجال تشبه لتصدير القرار ودك انها تنفحص قبل تصدر من فمه

‏احتل طيش المشاعر وأخلف أسلوبي وجميع ما مرني منه اتهجى به الكلمة الطيبة لا قطها صوبي ولاّ نظرني بنظرة عطف جذَّابه فرحت فرحة صلاح الدين الأيوبي ليلة تولى على المقدس وصلى به

‏أميّز شعور الحاسد إنّ قال و إنّ ما قال تغيضه حروف أسمي لا مرّت على سمعه محد سالم من الحسد حتى فقير المال يحسده غني المال — في موتة الجمعه

‏لا تنظر لماضيك لأنه لا يعود فكر بحاضرك الجديد وسنعه وابذل عشان أحلامك اضعاف الجهود وباب الأمل بين المحاني شرعه وإثبت لـ نفسك بين خلق الله وجود ودور على اللي قدر نفسك يرفعه وإذا فتر عزمك وحسيت بـ برود حفز خفوقك بالطموح وشجعه نفسك بيدك تقودها للعز قود وتارد بها عد قراح منبعه

‏أبيض وجه و أبيض قفا مثل ثوبك أكرم نبا و أكرم عطا مثل مخباك عابوك في شيٍ ماهو من عيوبك ياللي قليل عيوبك أحلى مزاياك و الله ما غير يخاشرونك ذنوبك و لا ما هم مثلك و لا هم بشرواك

سلام مني الفين كلن يسمعه من بدو لا تقرأ ولا متعلمه اما السياسه ماعرفنا شغلها مانعرف الا كيف حالك سلمه