Hasan Hawlery حەسەن هەولێری

خۆشەویستان سڵاوتان لێبێت من حادەتم وایە کەسێکی میزاجیم، واتا بەپێی حەز و ئارەزووی خۆم کار دەکەم، جا هەر ماوەیەک بە شتێکەوە خەریک دەبم، هەتا پێش ساڵی 2021 من نان و ئاوم تۆپی پێ بوو و زۆر چێژم لێدەبینی، بەڵام لەپڕ تەرکی ئەو بوارەم کرد و بە سوتفەش بەدیار یاریێکەوە دانەنیشتووم، دواتە لە سەرەتاکانی ساڵی 2021 چوومە بواری گەیمینگەوە و لەگەڵ برادەرێ بەناوی ژیر سلێمانی ڕۆژانە نزیک بە 6 سەعات یاری پی ئێس و پەبجی موبایلمان دەکرد و کاتێکیش ئەو لەخەت نەبوو من ئەچوومە نێو یاری ماینکرافتەوە تا وایلێهاتبوو سەردەمێک لەخەو هەڵدەستام دەچوومە سەر ماینکرافت ئەوکاتە لێی ئەهاتمە دەر کە بخەوتمایە، جا پێموابێ ئەو کاتە لە گەورەترین جیهانەکانی ماینکرافتم هەبوو لەسەر ئاستی کوردستان. بەڵام دواتر دووبارە حەزم بە گەیمینگ نەما و ئەوە بوو هاتمە تیلیگرام و شارەزای مۆنتاژکردنی فیلم و دراماکان بووم، سەرەتا بەس فیلم و زنجیرەکانم کۆدەکردەوە و لە سایت و کەناڵەکانی سۆشیاڵ میدیا و یان لە کەناڵەکانی تیلیگرام هەر بەرهەمێک هەبوایە هەوڵم دەدا لای خۆم بیپارێزم بۆ ئەوەی گەر سوتفە ئەو بەرهەمە لای خودی بڵاوکەرەوەکەش نەما من ئەرشیفی بکەم، تا ئێستا پێموابێ چەندین زنجیرە بەهۆی کۆپیرایتەوە لە سۆشیاڵ میدیا سراونەتەوە و لای من پارێزراون، بەشێکیانم بڵاوکردونەتەوە، ئیتر قەناعەتی تەواوم بۆ دروست بوو کە واز لە کاری فیلم و دراماش بهێنم، بڕواتان هەبێت من ڕۆژ نەبووە 12 سەعات خەریک مۆنتاژ نەبم، واتا زۆر جار لەبەر خاتری ئێوە کە ڤیدیۆ 4تا12 سەعاتیەکانم لێکدەدا من پێش ئەوەی بخەوم ئەمخستە کۆنڤێرتەوە و کاتێک دوای سێ چوار سەعات لەبەرنامەی مۆنتاژەکە ئەپڵۆد دەبوو، من جەڕەسیکم دانابۆوە لە نیوەی شەو تاوەک و هەڵسم و ئەو ڤیدیۆیەی کە تەواو بووە لایبەم و ڤیدیۆیەکی تر بخەمە کۆنڤێرتەوە، لاتان وانەبێ کە ئەو درامایانە هەروا بەئاسانی لێکدراون، دراما هەبووە 200 ئەڵقە بووە من موبایلەکەم بە چلەی زستان حارەقی دەکرد وابزانم ئەگریا ئەیووت ئەیهاوار بهێڵە پشوێک بدەم. جا یەک شتیش هەیە بەڕاستی نابێت وەفای موبایلەکەم لەبیر بکەم، باوەر دەکەن من تەواوی ئەو کارانەی کە باسم کردووە لە 8/12/2020ەوە تا ئەمڕۆ هەرچیم کردبێ بە موبایلی A51 کردوومە، ئەم موبایلە هێندە ماندووە کە ئەگەر بەراوردی 24 سەعات بکەین لەگەڵ کارکردنی موبایلەکە لە تەواوی ئەو 3 ساڵ و نیوە، ئەوە دڵنیام موبایلەکەم ڕۆژانە لانی کەم 15 سەعات کاری کردووە بگرە زیاتریش، ئینجا هەرگیز نە شەکلی کردووە نە کوژاوەتەوە، شەعنیشی بە حیسابی ئەو هەموو ئیشە بوایە ئەبێ بەرگەی سەعاتێکی نەگرتایە ئینجا بەرگەی 3 سەعات ئەگرێت. بەهەرحاڵ ڕێز و خۆشەویستیم بۆ هەمووتان هەیە و بۆ هەموو خاوەن کەناڵەکانی تریش و کێشەم لەگەڵ هەر کەسێکتان هەبێ گەردنتان ئازاد بێ و گەردنم ئازاد بکەن و داوای لێبوردن لە هەموو ئەو خاوەن کەناڵ و ئەو کەسانە دەکەم کە دڵیان بەهۆی منەوە ڕەنجاوە، ئەمە دواین پۆستمە و چیتر بەردەوام نابم لەم کارە، وە یەک تێبینیش بۆ ئێوەی خۆشەویست، تکایە هەر بەرهەمێک کە بەتەمان سێری بکەن لە داهاتوو لای خۆتان داونڵۆدی بکەن و بیپارێزن چونکە دوای 1 مانگی تر تەواوی بەرهەمەکان چ لەم کەناڵەم چ لە کەناڵەکانی تر گشتی دەسڕمەوە، بەهیوای کاتێکی خۆش بۆ هەمووتان و بەڕاستی لەو دوو سالەی لە تیلیگرام بووم چێژێکی زۆر تایبەتم بینی و هیوادارم هەر شاد و دڵخۆش بن و ئامانەتی خودای گەورەبن.