Prof. Kalinga Bandara

Photo from Prof. Kalinga Bandara

MCQ 40 ගැටලුව: A/L විෂය නිර්දේශයට අනුව පිළිතුර (1) වුවද, ෆෝටෝන සංඛ්‍යාව සැලකිල්ලට ගෙන වඩා නිවැරදිව විග්‍රහ කළහොත්, තීව්‍රතාව ( I ) නියතව තිබියදී f වැඩි කළ විට, ඒකක කාලයකදී පෘෂ්ඨයට පතිත වන ෆෝටෝන සංඛ්‍යාව අඩු වේ. එක් ෆෝටෝනයකින් එක් ඉලෙක්ට්‍රෝනයක් විමෝචනය වේ යැයි සරලව සලකන්නේ නම්, ප්‍රකාශ ධාරාව ද ආසන්න වශයෙන් සංඛ්‍යාතයට ප්‍රතිලෝම ලෙස අඩු විය යුතුය. නමුත් එවැනි ප්‍රස්තාරයක් දී ඇති විකල්ප අතර නැත.

ඔව්. මෙහි පැටලෙන්න පුළුවන් තැනක් තියෙනවා. “ශක්තිය සංඛ්‍යාතය මත රඳා පවතී” කියන එක පාරජම්බුල (UV) සහ අතිධ්වනි (ultrasonic) තරංග දෙකට එකම ආකාරයෙන් යොදන්න බැහැ. 1. පාරජම්බුල තරංග — Electromagnetic wave UV යනු විද්‍යුත් චුම්බක තරංගයක්. Photon එකක ශක්තිය, E=hf ඒ නිසා photon එකක ශක්තිය සෘජුවම සංඛ්‍යාතය (f) මත රඳා පවතිනවා. f වැඩි වන විට E වැඩි වේ. ඒ අනුව UV photon එකක ශක්තිය සංඛ්‍යාතය මත රඳා පවතී. 2. අතිධ්වනි තරංග — Mechanical wave Ultrasound කියන්නේ යාන්ත්‍රික තරංගයක්. මෙහි E=hf යොදන්නේ නැහැ. උදාහරණයක් ලෙස, සරල අනුවර්තීය චලිතයක් ඇති කරන මාධ්‍ය අංශුවක ශක්තිය, E=1/2 ×m×(omega)^2 ×A^2 හා omega=2×pi×f නිසා, E=1/2m(2×pi×f)^2×A^2. එනම්, අනෙක් සාධක නියත නම් E, A හි වර්ගයට මෙන්ම f හි වර්ගයට සමානුපාතික වන බව පෙනේ. ඒ නිසා යාන්ත්‍රික තරංගයක ශක්තියත් සංඛ්‍යාතය මත රඳා පවතිනවා, නමුත් එය සංඛ්‍යාතය මත පමණක් තීරණය වන්නේ නැහැ. විස්තාරය (A) වැනි සාධකත් බලපානවා. MCQ එකේ වැදගත් වෙනස ඒ නිසා A ප්‍රකාශය, “තරංග දෙකෙහිම ශක්තිය ඒවායේ සංඛ්‍යාත මත රඳා පවතී.” කියලා තිබෙනවා නම්, “රඳා පවතී” (depends on) යන්නෙන් අදහස් කරන්නේ සංඛ්‍යාතය ශක්තියට බලපාන සාධකයක් බවයි. එහෙම නම් එය තරංග දෙකටම සත්‍ය ලෙස සැලකිය හැකියි. නමුත්, “තරංග දෙකෙහිම ශක්තිය සංඛ්‍යාතයෙන් තීරණය වේ” කියලා තිබුණා නම් එය නිවැරදි නැහැ. UV photon එකකට E=hf වුවත්, ultrasonic wave එකක ශක්තියට amplitude එකත් ඉතා වැදගත්. මෙන්න මේ වෙනස තමයි මේ MCQ එකේ සිසුන්ට පැටලෙන්න පුළුවන් වැදගත්ම conceptual point එක.

❤️ හෙට A/L විභාගයට මුහුණ දෙන මගේ ආදරණීය දරුවන්ට... වසර ගණනාවක් තිස්සේ ඔබ බොහෝ දෙනෙක් මාත් සමඟ මේ ගමනේ සිටියා. පාඩම් අහගෙන, ප්‍රශ්න අහගෙන, සමහර වෙලාවට මාවත් ප්‍රශ්න කරමින් 😊, මේ සමූහයේ දැනුම බෙදාගෙන, එකිනෙකාට උදව් කරගෙන අපි දිගු ගමනක් එකට ආවා. ඒ නිසා හෙට විභාගයට යන්නේ මට නිකම්ම “students” පිරිසක් නෙවෙයි. මට ඉතාමත් විශේෂ දරුවන් පිරිසක්. ❤️ A/L කියන්නේ ඔබ මෙතෙක් මුහුණ දුන් අභියෝගාත්මකම විභාගයක් වෙන්න පුළුවන්. ඔබේ අනාගත ගමනේ වැදගත් හැරවුම් ලක්ෂ්‍යයක් වෙන්නත් පුළුවන්. නමුත් හෙට විභාග ශාලාවට යනකොට ඒ බර ඔළුවේ තියාගෙන යන්න එපා. ඔබ මෙතෙක් කරපු වැඩ ගැන විශ්වාසය තියාගන්න. දන්න දේ සන්සුන්ව හිතන්න. ප්‍රශ්නය හොඳින් කියවන්න. කාලය ගැන සැලකිලිමත් වෙන්න. අන්තිම මොහොත දක්වා ඔබේ උපරිමය කරන්න. අමාරු ප්‍රශ්නයක් හමුවුණොත් කලබල වෙන්න එපා. ඔබට අමාරු නම්, බොහෝ දෙනෙකුටත් ඒක අමාරු වෙන්න පුළුවන්. එක ප්‍රශ්නයකට ඔබේ මුළු විභාගයම පාලනය කරන්න ඉඩ දෙන්න එපා. මේ වසර ගණනාව පුරා ඔබ ඇසූ ප්‍රශ්න, කළ වැරදි, නැවත උත්සාහ කළ අවස්ථා, එකිනෙකාට දුන් උදව්—ඒ හැම දෙයක්ම ඔබව හෙට දවසට සූදානම් කරලා තියෙනවා. දැන් ඔබේ වාරයයි. Go and do your best! 💪❤️ ඔබ හැමෝටම හෙටින් ආරම්භ වන A/L විභාගයට මුළු හදවතින්ම සුබ පතනවා! ඔබ බලාපොරොත්තු වන ප්‍රතිඵලයටත් වඩා හොඳ ප්‍රතිඵලයක් ලැබේවා! Good luck, my dear students! ❤️ All the very best! — Prof. Kalinga Bandara

Sir meke B,C වාක්‍ය 2 පැහැදිලි කරල දෙන්න පුලුවන්ද?