وِصال

مستعد أخلي بلاد وأنزل في بلاد دام ذعذاع الكرامه لاهب يهبني والقلوب اللي خذاها التغطرس والعناد مستحيل أشري رضاها عشان تحبني

- سعد بن لويبه

‏لا تجاملين الناس محد منور ‏النور نورك والمزايا مزاياك ‏إذا ضحكتي كل قلبَّ تعور ‏ وإذا التفتي كل عين تمناك ‏واللي تباري خطوتك وش تدور ‏إلا بقايا من حضورك وممشاك

‏المصافح بالقلوب أصدق من مصافح الأيادي ‏إسمحي لي كل يوم أصافحك — وأنتي بعيده

‏« أشوفك سحابٍ في مجيّة حيا و أمطار ‏وأشوفك مجي القوم و الحرب والسلّه ‏وخذ أول شبابي عمر لا شحت الأعمار ‏وإذا كان ما يكفي — فداك العمر كله »

‏خذاه اللي على خده علامه ‏سوادة غيم في شمسٍ مطله ‏سرقني ما دريت انه سرقني ‏سلبني واحسب اني فاطنٍ له

و غيرت وجهات نظري في كل شي اما غلااااك وجهة نظر « باعيش و ابا موت » ما غيرتها

يامهجة الروح يوم أدعيك وتلبّي معك — معك وين ماودك توديني

ما سكن غيره خيالي والغلا ماهو لغيره واحدٍ لا من طرالي جاب طاريه المسره والله اني في غرامه لين لحظاتي الأخيره ما تنزّح لين نجم سهيل ينزح من مقره

خلقنا الله للبيرق و للعارض سياج و سور البيرق صملة انصاره والعارض لبنة جداره

‏« أنت حبّك كنّه الحكم السعودي‏ ثبّته عبدالعزيز ولاتغيّر » 🤍

‏أنت حبّك كنّه الحكم السعودي ‏ ثبّته عبدالعزيز ولاتغيّر ‏

نجد شامت لأبو تركي واخذها شيخنا ‏واخمرت عشاقها عقب لطم خشومها ‏لي بكت نجد العذية تهل دموعنا ‏بالهنادي قاصرين شوارب قومها ‏حن هل العادات ومخضبين سيوفنا ‏والطيور الحايمة جادعين لحومها ‏صعبةٍ افعالنا لي بغاها غيرنا ‏وكلمة التوحيد حنا عمار رسومها

حفظتك سرٍ ما يظهر على العالم ولا ينقال زرعتك بين تنهيد الضلوع وبين غربالي لك الله مال غيرك بالحنايا و الضمير ظلال أقرب من قريب الخلق و أقرب لي من ظلالي

—— داره بعيده ومسكنه وسَـط عيني

معك الليالي أفراح و دروبي وساع و الحب ثوبٍ من لبسته زهى بي شلون بجزع معك و أضيق و أرتاع ؟ و أنت العوض عن كل خوفٍ عثى بي

يا متسيد ومتأكد ومتفرد على جالك ياكل الوقت منت اللي يجي في نوبه ونوبه لك اللهفة لك النظرة لك الإحساس وعذالك يعف الطهر لا ينزل سوا في صدر محبوبه أحبك غير عن كل الغرام اللي يجي بالك غرامٍ ما مشى غيرك خطاه وصرت مكتوبه وأشوفك غير عن كل الوجيه اللي تهيالك وعن من حاول يشابه حلاك وماني بصوبه ❣️

‏صلّوا على من يأتي يوم القيامة مناديًا أُمّتي أُمّتي ‏« اللهم صلِّ وسلم على نبينا محمد »

« معك من وين ما ودك بلا مرسّى ولا ميقاف معك لو مالت أوراق الشعور المنهك الذاوي معك حتى لو سنين الحنين الماضيات عجّاف معك حتى وانا مدري علينا الوقت وش ناوي »