Бонки миллии Тоҷикистон

7 сентябри соли 2026 ба муносибати 35-умин солгарди Истиқлоли давлатии Ҷумҳурии Тоҷикистон дар Маркази таълимии Бонки миллии Тоҷикистон «Маҷмаи Хуталон» бо иштироки муовини якуми Сарвазири Ҷумҳурии Тоҷикистон Холиқзода Ҳоким Ҳикматулло, раиси Бонки миллии Тоҷикистон Толибзода Фирдавс, муовинони раис Шарифзода Фирӯз, Икромӣ Сироҷиддин, Назири Гулбаҳор, Муродализода Далер ва Ғуломзода Зиёратшо, намояндагони ташкилотҳои қарзии молиявӣ, кормандон ва собиқадорони низоми бонкӣ ҷаласаи бошукӯҳи идона баргузор гардид. Муфассал: https://nbt.tj/tj/news/643186/

28 августи соли 2026 дар Бонки миллии Тоҷикистон бо иштироки намояндагони Вазорати молияи Ҷумҳурии Тоҷикистон, Кумитаи андози назди Ҳукумати Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон ва ташкилотҳои қарзии молиявӣ семинари омӯзишӣ оид ба тартиби таҳияи супоришномаҳои пардохтӣ ҳангоми пардохти маблағҳои буҷетӣ ва дигар пардохтҳои ҳатмӣ баргузор гардид... https://nbt.tj/tj/news/642801/

2 сентябри соли 2026 раиси Бонки миллии Тоҷикистон Фирдавс Толибзода бо сафири фавқулода ва мухтори Давлати Кувайт дар Ҷумҳурии Тоҷикистон ҷаноби Муҳаммад Рошид Ал-Амирӣ мулоқот анҷом дод... https://nbt.tj/tj/news/642756/

2 сентябри соли 2026 муовини раиси Бонки миллии Тоҷикистон Далер Муродализода бо муовини роҳбари Намояндагии Хазинаи кӯдакони Созмони Милали Муттаҳид (UNICEF) дар Ҷумҳурии Тоҷикистон хонум Эри Двидеди мулоқот намуд... https://nbt.tj/tj/news/642691/

Бонки миллии Тоҷикистон бахшида ба ҷашни 35-солагии Истиқлоли давлатии Ҷумҳурии Тоҷикистон тангаҳои хотиравии дорои тарҳи вижа ва мазмуни баланди миллӣ-ватандӯстиро ба муомилот баровард... https://nbt.tj/tj/news/642689/

Шарҳи раванди лоиҳаи озмоишӣ дар самти андозбандии соҳибкорони инфиродӣ. Бонки миллии Тоҷикистон дар ҳамкорӣ бо Агентии инноватсия ва технологияҳои рақамии назди Президенти Ҷумҳурии Тоҷикистон, мақомоти андоз ва ташкилотҳои қарзии молиявӣ корҳои ташкилӣ ва техникии татбиқи лоиҳаи озмоиширо идома медиҳад. Ҳадафи лоиҳа — содагардонии расмиёти андозбандӣ, коҳиш додани сарбории маъмурӣ, рақамикунонӣ ва таъмини шаффофияти ҳисоббаробаркуниҳо мебошад. Марҳилаи озмоишӣ. Аз моҳи сентябри соли 2026 платформаи рақамӣ ба муҳлати се моҳ дар муҳити техникии озмоишӣ мавриди истифода қарор мегирад. Ин марҳила барои санҷиши фаъолияти низом, мубодилаи маълумот ва устувории ҳамгироӣ бо низомҳои дахлдор пешбинӣ шудааст. Пас аз анҷоми озмоиш натиҷаҳо арзёбӣ гардида, масъалаи гузариш ба татбиқи пурраи лоиҳа тибқи тартиби муқарраргардида ҳал карда мешавад. Маълумоти расмиро танҳо аз манбаъҳои расмӣ дастрас намоед. Муфассал: https://nbt.tj/tj/news/642372/ #БонкиМиллииТоҷикистон #Андозбандӣ #Соҳибкорӣ #Рақамикунонӣ #ЛоиҳаиОзмоишӣ

Бонки миллии Тоҷикистон иттилои дар Telegram-канали «Голос Ирана» паҳншуда, дар бораи гӯё ҷойгир намудани тасвири Абуалӣ ибни Сино дар пули коғазии 200 сомонӣ дар баробари пули коғазии 20 сомониро, расман рад менамояд. Муфассал: https://nbt.tj/tj/news/642053/