Pab «Medžuslovjanska kapibara» • «Interslavic capybara» pub

​​Sajt slovnika jest glavny prijatelj medžuslovjanina, ale poněkogda i on davaje nedobre sověty. Tutoj tekst jest o možlivyh i nemožlivyh formah pričestij v MS. https://teletype.in/@mashine_of_goodness/5rHYmTxUlXW

Роберто Ломбино и Воjтєх Мерунка привитајут и врачајут се к нам в новом петом подкасту. Пријемного слушанја! Roberto Lombino i Vojtěh Merunka privitajut i vračajut se k nam v novom petom podkastu. Prijemnogo slušanja! https://youtu.be/h64KsRy2jI0

V tutoj denj v 2017 godu je počela se prva konferencija CISLA na temu medžuslovjanskogo jezyka. Imenno na njej po šestilětnomu procesu slivanja sut byli sjedinene tri projekty panslovjanskyh jezykov, stvorjene raznymi avtorami s cěljem razumlivosti vsim slovjanojezyčnym ljudam bez učenja i zato dostatočno blizke medžu soboju. Hčemo podnjeti čašu kvasa za ljudij, ktori sut našli v sobě ne jedino znanja i entuziazm, no takože mudrost i uměnje dělati kompromisy, da by nakonec sjedinili slovjanske jezykove projekty zajedno. Čestitajemo tebe s dnjem rodženja, Medžuslovjansky jezyče!

В тутој дењ в 2017 году је почела се прва конференција CISLA на тему меджусловјанского језыка. Именно на нјеј по шестилєтному процесу сливанја сут были сјединене три пројекты пансловјанскых језыков, створјене разными авторами с цєљем разумливости всим словјанојезычным људам без ученја и зато достаточно близке меджу собоју. Хчемо поднјети чашу кваса за људиј, ктори сут нашли в собє не једино знанја и ентузиазм, но такоже мудрост и умєнје дєлати компромисы, да бы наконец сјединили словјанске језыкове пројекты заједно. Честитајемо тебе с днјем родженја, Меджусловјанскы језыче!

Zakončenje raboty v petok jest takovo

Законченје работы в петок јест таково

Здрав! Jестли ты живеш в Москвє, приходи 03.06.2024 в Центр словjанскых култур. Буде лекциjа о меджусловјанском jезыку од @plamenj. Информациjа и регистрациjа: https://tsentr-slavyanskih-kultur.timepad.ru/event/2894504/ Zdrav! Jestli ty živeš v Moskvě, prihodi 03.06.2024 v Centr slovjanskyh kultur. Bude lekcija o medžuslovjanskom jezyku od @plamenj. Informacija i registracija: https://tsentr-slavyanskih-kultur.timepad.ru/event/2894504/

Kake slova v medžuslovjanskom sut najlěpše za "this" i "that"? To, tuto, ovo, se, ili něčto drugo? My jesmo zapytali o tom 57 nositeljev raznyh slovjanskyh jezykov i stvorili analizu, rezultaty ktoroj my nakonec možemo publikovati. Каке слова в меджусловјанском сут најлєпше за "this" и "that"? То, туто, ово, се, или нєчто друго? Мы јесмо запытали о том 57 носитељев разных словјанскых језыков и створили анализу, резултаты кторој мы наконец можемо публиковати. Tekst na latinici: https://teletype.in/@mashine_of_goodness/this_that Текст на кирилици: https://teletype.in/@mashine_of_goodness/this_that_cyr Video / Видео: https://youtu.be/aMpb5anBrUk?si=C6edlqqlcTDHRo-s

В Пољскє сємја вепрев одбрала ранец у школника. Неравнодушны проходитељ помогл дєтети вратити јего. V Poljskě sěmja veprev odbrala ranec u školnika. Neravnodušny prohoditelj pomogl děteti vratiti jego.

Во многых регионах (сут фото даже из Афганистана и Егыпта), сут видиме поларне сијанја! 1. Великы Новгород, Россија 2. Белград, Сербија 3. Чрногорија 4. Донецк 5. Намибија (да, сериозно) 6. Дусселдорф, Нємција 7. Ленинградска област, Россија 8. Минск, Беларус

Vo mnogyh regionah (sut foto daže iz Afganistana i Egypta), sut vidime polarne sijanja! 1. Veliky Novgorod, Rosija 2. Belgrad, Serbija 3. Črnogorija 4. Doneck 5. Namibija (da, seriozno) 6. Dusseldorf, Němcija 7. Leningradska oblast, Rosija 8. Minsk, Belarus

​​Na Solncu stala se cěla serija močnyh izbuhov s erupcijami čestic v stranu Zemje, i v najblizše noči budut sěverne sijanja nad cěloju teritorijeju Rosije i mnogymi krajinami Evropy! Za minule 32 časiny (od včerašnjej noči do 12 časin dnja) na Solncu stali se 4 izbuhy klasa "X" i 8 izbuhov s močju vyše "M4". To je rekordna serija za několiko desetkov lět! Pri tom vyše od poloviny izbuhov stvorila grupa peten/flekov, ktora nahodi se okolo centra diska Solnca (AR3664), a erupcije solnečnoj materije byli napravjene v stranu Zemje. Podolg analizovanij naučnikov, v nočah 10/11 i 11/12 tutogo měseca, Zemju čekaje serija močnějših geomagnitnyh burjej, zato čto gustost solnečnogo větra bliz našej planety povysi se do 100 čestic na 1 kubičny centimetr, a brzina solnečnogo větra dostigne 800 km/s. To može privesti k ekstremalno silnoj burji stupnja G5 (to je maksimalno značenje). Pri takyh značenjah geomagnitnogo polja sěverno sijanje jest očekyvano na širotah do 40 stupnja sěvernoj široty, a to je praktično cěla Evropa i Rosija, vključajuči daže mnoge južne rajony! Ako li vy hčete uviděti sěverno sijanje, prěporučajemo vam izbirati regiony, kde prognozuje se jasno nebo od 10 do 12 dnja tutogo měseca, a takože města, kde nebo ne jest prěmnogo zasvěčeno od velikyh gradov, i je otvorjeny sěverny horizont. Kogda solnečne čestice doletet do sputnikov, to bude značiti, že burja počinaje se, i priblizno črěz jednu časinu je možlivo očekyvati sěverno sijanje. Mimohodom, po razměru tuta grupa flekov AR3664 je velmi podobna toj, ktora v 1859 godu porodila "Sobytje Karringtona" ("Solnečna superburja"). Žrlo: https://t.me/astroalert/6435

​​На Солнцу стала се цєла серија мочных избухов с ерупцијами честиц в страну Земје, и в најблизше ночи будут сєверне сијанја над цєлоју територијеју Росије и многыми крајинами Европы! За минуле 32 часины (од вчерашњеј ночи до 12 часин дња) на Солнцу стали се 4 избухы класа "X" и 8 избухов с мочју выше "M4". То је рекордна серија за нєколико десетков лєт! При том выше од половины избухов створила група петен/флеков, ктора находи се около центра диска Солнца (AR3664), а ерупције солнечној материје были направјене в страну Земје. Подолг анализованиј научников, в ночах 10/11 и 11/12 тутого мєсеца, Земју чекаје серија мочнєјших геомагнитных бурјеј, зато что густост солнечного вєтра близ нашеј планеты повыси се до 100 честиц на 1 кубичны центиметр, а брзина солнечного вєтра достигне 800 км/с. То може привести к екстремално силној бурји ступња G5 (то је максимално значенје). При такых значенјах геомагнитного поља сєверно сијанје јест очекывано на широтах до 40 ступња сєверној широты, а то је практично цєла Европа и Росија, вкључајучи даже многе јужне рајоны! Ако ли вы хчете увидєти сєверно сијанје, прєпоручајемо вам избирати регионы, кде прогнозује се јасно небо од 10 до 12 дња тутого мєсеца, а такоже мєста, кде небо не јест прємного засвєчено од великых градов, и је отворјены сєверны хоризонт. Когда солнечне честице долетет до спутников, то буде значити, же бурја починаје се, и приблизно чрєз једну часину је можливо очекывати сєверно сијанје. Мимоходом, по размєру тута група флеков АР3664 је велми подобна тој, ктора в 1859 году породила "Событје Каррингтона" ("Солнечна супербурја"). Жрло: https://t.me/astroalert/6435

Ја јесм мыслил, же мој живот јест трагедија. Тутчас ја разумєју - то јест образок на кебабовом возу в Пољскє. Ja jesm myslil, že moj život jest tragedija. Tutčas ja razuměju - to jest obrazok na kebabovom vozu v Poljskě.

Kniga "Nehaj nesut nas běle oblaky" jest publikovana! Čto nam podobaje se v medžuslovjanskoj kulturě? Ne někaka unikalnost, ne. Vyše važnoju jest možnost viděti, kako ona raste od 0 i stavaje vyše i vyše dobroju, a projekty, vo ktoryh ty jesi pomagal, dostigajut množstva ljudij. Ale tuta kniga napravdu jest osobliva. Prva avtorska kniga na medžuslovjanskom, prva audiodrama so svojeju muzikoju, rekordsmen po dolgosti. Projekt s jednym avtorom, ale mnogymi ljudami, ktori dělali korekciju i obrazky za knigu. Nu i literaturny kvalitet, samorazumno. Heroji izzyvajut realnu empatiju, fabula i opisany vsěsvět sut logične i interesne, a k takomu stupnju razumlivogo i literaturnogo jezyka, myslim, ješče dolgo nikto ne smože pribliziti se.

Prodavatelj, ktory stoji pri trgu, uže jednojų rukojų tre o drugų rųkų. On imaje dòlge, črne vųsy, suknjų trgovca i htivy / lakomy usměh. Ne izględaje on kako někakovy izmamitelj, ktory hće jedino omamiti / obmanųti svojih klientov. Jest prosto cělkom jasno, že iz vsih věćij vò vsesvětu, on najmnogo ljubi groše

Audio-drama na YouTube, Čest 1 i Čest 2 Audio-versija na Spotify Čitati online na latinici i kirilici PDF-versije

Книга "Нехај несут нас бєле облакы" јест публикована! Что нам подобаје се в меджусловјанској културє? Не нєкака уникалност, не. Выше важноју јест можност видєти, како она расте од 0 и ставаје выше и выше доброју, а пројекты, во кторых ты јеси помагал, достигајут множства људиј. Але тута книга направду јест особлива. Прва авторска книга на меджусловјанском, прва аудиодрама со својеју музикоју, рекордсмен по долгости. Пројект с једным автором, але многыми људами, ктори дєлали корекцију и образкы за книгу. Ну и литературны квалитет, саморазумно. Хероји иззывајут реалну емпатију, фабула и описаны всєсвєт сут логичне и интересне, а к такому ступњу разумливого и литературного језыка, мыслим, јешче долго никто не сможе приблизити се.

Продаватељ, кторы стоји при тргу, уже једноју рукоју тре о другу руку. Он имаје долге, чрне вусы, сукњу трговца и хтивы / лакомы усмєх. Не изгледаје он како нєкаковы измамитељ, кторы хче једино омамити / обманути својих клиентов. Јест просто цєлком јасно, же из всих вєчиј во всесвєту, он најмного љуби гроше

Аудио-драма на YouTube, Чест 1 и Чест 2 Аудио-версија на Spotify Читати онлајн на латиници и кирилици PDF-версије

Hura! Jest vyše 500 medžuslovjanskyh kapibar v našem pabu!

Хура! Јест выше 500 меджусловјанскых капибар в нашем пабу!