Pab «Medžuslovjanska kapibara» • «Interslavic capybara» pub

Skaži, že ty jesi v Bělorusi, ne govoreči, že jesi v Bělorusi Скажи, же ты јеси в Бєлоруси, не говоречи, же јеси в Бєлоруси Iztočnik / източник: t.me/belteanews/26316

Хчемо припомнити вам, же канал имаје своју групу t.me/MSbesieda Зачто има смысл пријдти до њеј? a) Ако ли направду хчете научити се језыку, јест потрєбна практика, а то јест говорјенје с носитељами. Официалны Discord и јегова братска Телеграм-група сут одличне мєста за то. b) Устројство и организација коментарев в Телеграм сут таке, же из самого канала јест видна једино чест дискусиј. Члени групы видет цєлы разговор, члени канала — једино одговоры на саму публикацију. c) У нас је добро. Правила сут класичне, говоримо о мс или на мс, комуникујемо адекватно и не починајемо споров на националне темы. Чекамо вас!

Hčemo pripomniti vam, že kanal imaje svoju grupu t.me/MSbesieda Začto ima smysl prijdti do njej? a) Ako li napravdu hčete naučiti se jezyku, jest potrěbna praktika, a to jest govorjenje s nositeljami. Oficialny Discord i jegova bratska Telegram-grupa sut odlične města za to. b) Ustrojstvo i organizacija komentarev v Telegram sut take, že iz samogo kanala jest vidna jedino čest diskusij. Členi grupy videt cěly razgovor, členi kanala — jedino odgovory na samu publikaciju. c) U nas je dobro. Pravila sut klasične, govorimo o ms ili na ms, komunikujemo adekvatno i ne počinajemo sporov na nacionalne temy. Čekamo vas!

Поправјенја в алгоритмах меджусловјанского словника! Обновјенје од мене: в словнику было забыто, же етимологична "đ", ктора вливаје на стандардну "дж" при склоњенју, јест мекка буква, тутчас алгоритм уже работаје добро. Измєнили се склоњенја слов: краджа, рджа, нуджа, меджа, жеджа, тврджа, одєджа, саджа, господжа, водж, преджа, воджа. Обновјенје од @simonthewarlock: јест поправјены проблем с показыванјем слов подпираны од, основаны од, прєзначены за. Примєры можете видєти на образках.

Popravjenja v algoritmah medžuslovjanskogo slovnika! Obnovjenje od mene: v slovniku bylo zabyto, že etimologična "đ", ktora vlivaje na standardnu "dž" pri sklonjenju, jest mekka bukva, no tutčas algoritm uže rabotaje dobro. Izměnili se sklonjenja slov: kradža, rdža, nudža, medža, žedža, tvrdža, odědža, sadža, gospodža, vodž, predža, vodža. Obnovjenje od @simonthewarlock: jest popravjeny problem s pokazyvanjem slov podpirany od, osnovany od, prěznačeny za. Priměry možete viděti na obrazkah.

​​Školne albumove snimky pokazyvajut svez medžu dolgožitjem i priteglivostju člověka Okazyvaje se, pritegliva fotografija v školnom albumu jest važna ne samo za to, da byste mogli pripominati minulu mladost. Amerikanski naučniki nedavno našli, že ljudi s menje priteglivymi fotkami iz školnyh albumov živut kratše žitje, než jih vyše priteglivi součeniki. Iz naučnoj literatury jest znajemo, že fizična priteglivost može byti znakom zdravja. Takože, prijetno izgledanje jest važny socialny faktor, ktory davaje prědnosti v karierě i ljubvi, i pomagaje dobyti dohod i koristne svezi. Vsečto tuto pozitivno vlivaje na dolgost i kvalitet žitja. No, minule izslědovanja, ktore analizovali svez medžu priteglivostju, zdravjem i dolgožitjem, pokazali različne rezultaty. Napriměr, ostavaje se nejasno, či vyše priteglivi ljudi imajut prědnosti v toj sferě, ili menje priteglivi ljudi imajut gorše žitje. Minule izslědovanja često ne gledali na razne životne fakty i demografične harakteristiky, ktore mogut vlivati na rezultaty. Izslědovatelji iz Arizonskogo državnogo universiteta i Teksaskogo universiteta v Ostinu (SŠA) htěli razjasniti te nejasnosti. V svojej nedavnoj rabotě, ktora byla izdana v časopisu Social Science & Medicine, upotrěbjali se dane iz dolgotrvalogo izslědovanja Wisconsin Longitudinal Study (WLS), ktoro vključalo tyseče ljudij, ktori končili školu v 1957 godu. Observacije šli do jih smrti, ili do 2022 goda, kogda vsi živi učestniki dosegnuli vozrasta 80 lět. Oni sravnili informaciju ob učestnikah WLS s danymi iz nacionalnoj statistiky smrtnosti (The National Death Index-plus, NDI) i izbrali grupu 8386 ljudij, za ktoryh udalo se uznati datu smrti abo podtvrditi, že v koncu izslědovanja oni byli živi. Dodatno k anketě WLS, priteglivost učestnikov byla ocěnjena po snimkah iz albumov. Izslědovatelji imali nezavisnu grupu šesti mužev i šesti žen, ktori byli obučeni ocěnjati snimky, da by dostali konsistentne rezultaty. Izgled byl ocěnjeny po 11-balnoj škalě od "polno nepriteglivy" do "krajno priteglivy." Dalje izslědovatelji izčislili riziky smrti učestnikov i sravnili jih ocěnky priteglivosti. Da by točno dopoznali vliv priteglivosti na dolgožitje, izslědovatelji dělali popravjenja na take faktory kako uspěšnost v školě, intelekt, srodnikov člověka, dohod v dorastlom životu, a takože duševno i fizično zdravje. Finalno, razbor pokazal, že najmenje priteglivi ljudi imajut na 16.8% večši rizik smrti. Analiza ne našla važnyh razlik v riziku smrti medžu učestnikami, ktori byli ocěnjeni kako najvyše priteglivi, i s ljudami, ktori imali srědnji uravenj priteglivosti. Inymi slovami, hot menje priteglivy izgled byl svezany s kratšim žitjem, najvyše priteglivi ljudi ne pokazali prědnost v dolgosti svojego žitja v sravnjenju s ljudami, ktori ne byli tako priteglivi. Izslědovatelji ne gledali na možlive pričiny večšego rizika smrti srěd nepriteglivyh ljudij, ale prědpoložili, že socialna stigmatizacija i razne formy diskriminacije mogut byti važnym faktorom. V budučih rabotah sociologi budut izučiti tute pytanja i razgleděti měry za popravjenje negativnyh izslědkov, govoret avtori.

​​Школне албумове снимкы показывајут свез меджу долгожитјем и притегливостју чловєка Оказываје се, притеглива фотографија в школном албуму јест важна не само за то, да бысте могли припоминати минулу младост. Американски научники недавно нашли, же људи с мење притегливыми фотками из школных албумов живут кратше житје, неж јих выше притегливи соученики. Из научној литературы јест знајемо, же физична притегливост може быти знаком здравја. Такоже, пријетно изгледанје јест важны социалны фактор, кторы даваје прєдности в кариерє и љубви, и помагаје добыти доход и користне свези. Всечто туто позитивно вливаје на долгост и квалитет житја. Но, минуле изслєдованја, кторе анализовали свез меджу притегливостју, здравјем и долгожитјем, показали различне резултаты. Напримєр, оставаје се нејасно, чи выше притегливи људи имајут прєдности в тој сферє, или мење притегливи људи имајут горше житје. Минуле изслєдованја често не гледали на разне животне факты и демографичне характеристикы, кторе могут вливати на резултаты. Изслєдоватељи из Аризонского државного университета и Тексаского университета в Остину (США) хтєли разјаснити те нејасности. В својеј недавној работє, ктора была издана в часопису Social Science & Medicine, употрєбјали се дане из долготрвалого изслєдованја Wisconsin Longitudinal Study (WLS), кторо вкључало тысече људиј, ктори кончили школу в 1957 году. Обсервације шли до јих смрти, или до 2022 года, когда вси живи учестники досегнули возраста 80 лєт. Они сравнили информацију об учестниках WLS с даными из националној статистикы смртности (The National Death Index-plus, NDI) и избрали групу 8386 људиј, за кторых удало се узнати дату смрти або подтврдити, же в концу изслєдованја они были живи. Додатно к анкетє WLS, притегливост учестников была оцєњена по снимках из албумов. Изслєдоватељи имали независну групу шести мужев и шести жен, ктори были обучени оцєњати снимкы, да бы достали консистентне резултаты. Изглед был оцєњены по 11-балној шкалє од "полно непритегливы" до "крајно притегливы." Даље изслєдоватељи изчислили ризикы смрти учестников и сравнили јих оцєнкы притегливости. Да бы точно допознали влив притегливости на долгожитје, изслєдоватељи дєлали поправјенја на таке факторы како успєшност в школє, интелект, сродников чловєка, доход в дорастлом животу, а такоже душевно и физично здравје. Финално, разбор показал, же најмење притегливи људи имајут на 16.8% вечши ризик смрти. Анализа не нашла важных разлик в ризику смрти меджу учестниками, ктори были оцєњени како највыше притегливи, и с људами, ктори имали срєдњи уравењ притегливости. Иными словами, хот мење притегливы изглед был свезаны с кратшим житјем, највыше притегливи људи не показали прєдност в долгости својего житја в сравњенју с људами, ктори не были тако притегливи. Изслєдоватељи не гледали на можливе причины вечшего ризика смрти срєд непритегливых људиј, але прєдположили, же социална стигматизација и разне формы дискриминације могут быти важным фактором. В будучих работах социологи будут изучити туте пытанја и разгледєти мєры за поправјенје негативных изслєдков, говорет автори.

Napravdu strausi/noji ne skryvajut glavy, kogda jih straši něčto. Oni prosto ogledajut i obračajut jajca v svojem podzemnom gnězdu, da by garantovali ravnoměrno progrěvanje. Направду страуси/ноји не скрывајут главы, когда јих страши нєчто. Они просто огледајут и обрачајут јајца в својем подземном гнєзду, да бы гарантовали равномєрно прогрєванје.

​​Новины меджусловјанского сполоченства • Послє долгој паузы Јан ван Стеенберген @IJzeren_Jan изнова стал активны и регуларно работаје над улєпшенјем словника. Тут јест спис измєњениј за минулы мєсец. • Была публикована нова игра на мс, ктора стала вирусноју благодаре видеу Дмитрија Куплинова, то јест русскојезычны стример на YouTube. Видео има 1.2 милиона гледаниј, неслабо! • Појавила се нова пєватељка, ктора дєлаје cover-версије знајемых пєсњеј на меджусловјанском, Татјана Ињушина. - Kukučka / Кукушка (автор прєвода је @arbtttrn6) - Prěkrasno daleko / Прекрасное далёко (автор прєвода је @arbtttrn6) - Jeli meso muži / Ели мясо мужики (автор прєвода јесм ја) Јест пријетно, же меджусловјанскы примєчајут професионали, ктори уж имајут име ❤️ • В пољском граду Вроцлав (Wrocław) прошла сходка меджусловјанскых говоритељев. Хлапци говорет, же сустрєча была добра! - Видео на YouTube - Тема на Discord • Иде напрєд работа над двома меджусловјанскыми книгами, «Љубов како Бурја» од Мелаца @aleksybernat, и «Божидар» од Алексєја Бондаренко. Тут без линков, але помагам в корекцији и могу сказати, же обє сут добре. Такоже је интересно, же и жанр «Божидара» и жанр обох книг Мелаца јест словјанско fantasy.

​​Noviny medžuslovjanskogo spoločenstva • Poslě dolgoj pauzy Jan van Steenbergen @IJzeren_Jan iznova stal aktivny i regularno rabotaje nad ulěpšenjem slovnika. Tut jest spis izměnjenij za minuly měsec. • Byla publikovana nova igra na ms, ktora stala virusnoju blagodare videu Dmitrija Kuplinova, to jest russkojezyčny strimer na YouTube. Video ima 1.2 miliona gledanij, neslabo! • Pojavila se nova pěvateljka, ktora dělaje cover-versije znajemyh pěsnjej na medžuslovjanskom, Tatjana Injušina. - Kukučka / Кукушка (avtor prěvoda je @arbtttrn6) - Prěkrasno daleko / Прекрасное далёко (avtor prěvoda je @arbtttrn6) - Jeli meso muži / Ели мясо мужики (avtor prěvoda jesm ja) Jest prijetno, že medžuslovjansky priměčajut profesionali, ktori už imajut ime ❤️ • V poljskom gradu Vroclav (Wrocław) prošla shodka medžuslovjanskyh govoriteljev. Hlapci govoret, že sustrěča byla dobra! - Video na YouTube - Tema na Discord • Ide naprěd rabota nad dvoma medžuslovjanskymi knigami, «Ljubov kako Burja» od Melaca @aleksybernat, i «Božidar» od Aleksěja Bondarenko. Tut bez linkov, ale pomagam v korekciji i mogu skazati, že obě sut dobre. Takože je interesno, že i žanr «Božidara» i žanr oboh knig Melaca jest slovjansko fantasy.

Nikakyh "umrětyh" i "uletěnyh". Komanda medžuslovjanskogo slovnika popravila problem s pokazyvanjem nekorektnyh pričestij. Slovjansky glagolny sistem jest velmi bogaty, pogledite na glagoly zamrzažati, zamraziti, zamrznuti i zamrzati. Vse one prěvodet se kako anglijsko to freeze, ale različajut se v gramatičnyh kategorijah. Ja jesm zamražal meso (I was freezing meat) — prěhodny i nesovršeny glagol, to znači, že dějstvo odnosi se k někakomu drugomu prědmětu (prěhodi na njego), i ide o někakom procesu, ktory povtarjal se/šel dolgo i ne byl skončeny. Ja jesm zamrazil meso (I have frozen the meat) — prěhodny i nesovršeny glagol, dějstvo ide o někakom drugom prědmětu, ale ono bylo skončeno. Ja jesm zamrzal (I was freezing) — neprěhodny i nesovršeny glagol, to znači, že on byl v procesu zamrzanja, i zamrzal sam. Ja jesm zamrznul (I froze) — neprěhodny i sovršeny glagol (on je zamrznul sam i sdělal tuto jednokratno). I to ne jest vsečto, vsaky glagol potencialno ima četyri tipy pričestij, vsako iz ktoryh imaje svoj smysl. Težka tema, razuměju, začto vo mnogyh jezykah one sut slabo znajeme ili odnoset se ko knižnomu stilju. Zamražajuči větr — Aktivno pričestje nastoječego časa (Větr zamražaje něčto drugo, i on dělaje to tutčas). Zamražajemo meso — Pasivno pričestje nastoječego časa (Tutčas meso ne zamražaje se samo, jego zamražaje někto). Zamražavši meso člověk — Aktivno pričestje minulogo časa (V minulosti někto je zamražal meso). Zamražano meso — Pasivno pričestje minulogo časa (V minulosti meso bylo zamražano někakym drugym subjektom). Ale ne vsake pričestja imajut smysl so vsakym glagolom, pogledite: Zamrznuči muž — Čto to je, nastoječi čas od glagola, ktory označaje uže sovršeno dějstvo? V russkom to by značilo rědko pričestje budučego časa (Сегодня смеются беспечно умрущие завтра в бою), a v drugyh jezykah ne znači ničto. Zamrznemy muž — Ja daže imam problemy s prěvodom tutogo. Věrojetno "muž, ktorogo někto bude zamrznuti v budučnosti", haha. Zamrznuvši muž — Aktivno pričestje minulogo časa, vse je normalno. On je zamrznul v minulosti, i je zamrznul sam. Zamrzneny muž — Takože ne rabotaje, ne možemo sdělati pasivno pričestje od neprěhodnogo glagola. Zamraženy muž — da, jego zamrazil někto. Ale on ne može byti zamrzneny někyh drugym, zamrzati možeš jedino sam. Obče pravilo izgledaje dostatočno prosto, ne možeš tvoriti pričestje nastoječego časa od sovršenyh glagolov (sdělati, uviděti), i ne možeš tvoriti pasivne pričestja od neprěhodnyh glagolov (běgti, sěděti, zamrzati). My jesmo nedavno analizovali kako to rabotaje v slovjanskyh jezykah, možete uviděti detalje tut. I da, problem byl velmi stary, i je dobro, že on nakonec jest popravjeny, hvala Jaroslavu Sergějevu @simonthewarlock i drugym ljudam za to!

​​Nikakyh "umrětyh" i "uletěnyh". Komanda medžuslovjanskogo slovnika popravila problem s pokazyvanjem nekorektnyh pričestij. Slovjansky glagolny sistem jest velmi bogaty, pogledite na glagoly zamrzažati, zamraziti, zamrznuti i zamrzati. Vse one prěvodet se kako anglijsko to freeze, ale različajut se v gramatičnyh kategorijah. Ja jesm zamražal meso (I was freezing meat) — prěhodny i nesovršeny glagol, to znači, že dějstvo odnosi se k někakomu drugomu prědmětu (prěhodi na njego), i ide o někakom procesu, ktory povtarjal se/šel dolgo i ne byl skončeny. Ja jesm zamrazil meso (I have frozen the meat) — prěhodny i nesovršeny glagol, dějstvo ide o někakom drugom prědmětu, ale ono bylo skončeno. Ja jesm zamrzal (I was freezing) — neprěhodny i nesovršeny glagol, to znači, že on byl v procesu zamrzanja, i zamrzal sam. Ja jesm zamrznul (I froze) — neprěhodny i sovršeny glagol (on je zamrznul sam i sdělal tuto jednokratno). I to ne jest vsečto, vsaky glagol potencialno ima četyri tipy pričestij, vsako iz ktoryh imaje svoj smysl. Težka tema, razuměju, začto vo mnogyh jezykah one sut slabo znajeme ili odnoset se ko knižnomu stilju. Zamražajuči větr — Aktivno pričestje nastoječego časa (Větr zamražaje něčto drugo, i on dělaje to tutčas). Zamražajemo meso — Pasivno pričestje nastoječego časa (Tutčas meso ne zamražaje se samo, jego zamražaje někto). Zamražavši meso člověk — Aktivno pričestje minulogo časa (V minulosti někto je zamražal meso). Zamražano meso — Pasivno pričestje minulogo časa (V minulosti meso bylo zamražano někakym drugym subjektom). Ale ne vsake pričestja imajut smysl so vsakym glagolom, pogledite: Zamrznuči muž — Čto to je, nastoječi čas od glagola, ktory označaje uže sovršeno dějstvo? V russkom to by značilo rědko pričestje budučego časa (Сегодня смеются беспечно умрущие завтра в бою), a v drugyh jezykah ne znači ničto. Zamrznemy muž — Ja daže imam problemy s prěvodom tutogo. Věrojetno "muž, ktorogo někto bude zamrznuti v budučnosti", haha. Zamrznuvši muž — Aktivno pričestje minulogo časa, vse je normalno. On je zamrznul v minulosti, i je zamrznul sam. Zamrzneny muž — Takože ne rabotaje, ne možemo sdělati pasivno pričestje od neprěhodnogo glagola. Zamraženy muž — da, jego zamrazil někto. Ale on ne može byti zamrzneny někyh drugym, zamrzati možeš jedino sam. Obče pravilo izgledaje dostatočno prosto, ne možeš tvoriti pričestje nastoječego časa od sovršenyh glagolov (sdělati, uviděti), i ne možeš tvoriti pasivne pričestja od neprěhodnyh glagolov (běgti, sěděti, zamrzati). My jesmo nedavno analizovali kako to rabotaje v slovjanskyh jezykah, možete uviděti detalje tut. I da, problem byl velmi stary, i je dobro, že on nakonec jest popravjeny, hvala za to Jaroslavu Sergějevu @simonthewarlock i drugym ljudam!

​​Никакых "умрєтых" и "улетєных". Команда меджусловјанского словника поправила проблем с показыванјем некоректных причестиј. Словјанскы глаголны систем јест велми богаты, погледите на глаголы замрзажати, замразити, замрзнути и замрзати. Все оне прєводет се како англијско to freeze, але различајут се в граматичных категоријах Ја јесм замражал месо (I was freezing meat) — прєходны и несовршены глагол, то значи, же дєјство односи се к нєкакому другому прєдмєту (прєходи на њего), и иде о нєкаком процесу, кторы повтарјал се/шел долго и не был скончены. Ја јесм замразил месо (I have frozen the meat) — прєходны и несовршены глагол, дєјство иде о нєкаком другом прєдмєту, але оно было скончено. Ја јесм замрзал (I was freezing) — непрєходны и несовршены глагол, то значи, же он был в процесу замрзанја, и замрзал сам. Ја јесм замрзнул (I froze) — непрєходны и совршены глагол (он је замрзнул сам и сдєлал туто једнократно). И то не јест всечто, всакы глагол потенциално има четыри типы причестиј, всако из кторых имаје свој смысл. Тежка тема, разумєју, зачто во многых језыках оне сут слабо знајеме или односет се ко книжному стиљу. Замражајучи вєтр — Активно причестје настојечего часа (Вєтр замражаје нєчто друго, и он дєлаје то тутчас). Замражајемо месо — Пасивно причестје настојечего часа (Тутчас месо не замражаје се само, јего замражаје нєкто). Замражавши месо чловєк — Активно причестје минулого часа (В минулости нєкто је замражал месо). Замражано месо — Пасивно причестје минулого часа (В минулости месо было замражано нєкакым другым субјектом). Але не всаке причестја имајут смысл со всакым глаголом, погледите: Замрзнучи муж — Что то је, настојечи час од глагола, кторы означаје уже совршено дєјство? В русском то бы значило рєдко причестје будучего часа (Сегоднја смејутса беспечно умрушчие завтра в боју), а в другых језыках не значи ничто. Замрзнемы муж — Ја даже имам проблемы с прєводом тутого. Вєројетно "муж, кторого нєкто буде замрзнути в будучности", хаха. Замрзнувши муж — Активно причестје минулого часа, все је нормално. Он је замрзнул в минулости, и је замрзнул сам. Замрзнены муж — Такоже не работаје, не можемо сдєлати пасивно причестје од непрєходного глагола. Замражены муж — да, јего замразил нєкто. Але он не може быти замрзнены нєкых другым, замрзати можеш једино сам. Обче правило изгледаје достаточно просто, не можеш творити причестје настојечего часа од совршеных глаголов (сдєлати, увидєти), и не можеш творити пасивне причестја од непрєходных глаголов (бєгти, сєдєти, замрзати). Мы јесмо недавно анализовали како то работаје в словјанскых језыках, можете увидєти детаље тут. И да, проблем был велми стары, и је добро, же он наконец јест поправјены, хвала за то Јарославу Сергєјеву @simonthewarlock и другым људам!