🇵🇸 قَنَاةْ خَوَاطِرْ وأَحَادِيثْ 🇵🇸

س/ يعني ايه قيام الليل ؟ ج/قيام الليل هو أي صلاة تصليها من بعد صلاة العشاء وسنته لحد الفجر وهو أفضل صلاة بعد الفروض لحديث ((أفضل الصلاة بعد الفريضة صلاة الليل )) ** س/ طيب ايه افضل عدد ركعات أصليها في قيام الليل ؟ ج/أفضل حاجة اللي كان النبيﷺ بيعملها وهي انه كان بيصلي ١١ ركعة قيام ليل ويسلم بعد كل ركعتين ** س/طيب لازم أصلي ١١ ركعة ولا ممكن أزود أو انقص ؟؟ ج/لا.... مش لازم ١١ ركعة ممكن تصلي الوتر ركعة واحدة ويكون قيام ليل ممكن تصلي ٣ ركعات بعد العشاء قيام ليل وممكن ٥ أو ٧ وممكن أكتر من ١١ ركعة ** س/طيب ينفع قيام الليل أصليه بعد العشاء ع طول ؟؟ اه ينفع بعد العشاء ع طول وأفضل وقت ليها في التلت الأخير من الليل اللي بيكون قبل الفجر بثلاث ساعات تقريبا ** س/طيب فيه سور معينة أصلي بيها قيام الليل ولا بأي سور ؟؟ ج/ تصلي بأي سور عادي ** س/طيب ينفع أقرأ من المصحف في قيام الليل ولا لازم من المحفوظ ؟ ج/ في قيام الليل ينفع تقرأ من المصحف حتى لو مصحف على الموبايل وطبعا ينفع من حفظك...اعمل الأسهل ليك *** س/ينفع أقسم صلاة القيام طول الليل ، أصلي شوية بعد العشاء وشوية قبل الفجر ؟؟ ج/ايوة ينفع عادي.. *** س/طيب ينفع لو صليت الوتر بعد العشاء ع طول ..ينفع أصلي قبل الفجر قيام ليل تاني؟؟ ج/ايوة ينفع بس ماتصليش الوتر مرتين ، يعني هتصلي قبل الفجر ٢ او ٤ او ٦ ..من غير ركعة وتر طالما صليت الوتر مرة بعد العشاء *** س/ ينفع أصلي ركعتين بس ولا لازم ٣ ركعات أو خمسه ؟؟ ينفع ركعتين بس تاخد بيهم أجر القيام بس هتبقى ضيعت ع نفسك أجر الوتر ...خلي صلاتك ركعة واحده او تلاته او خمسه او ... عشان تاخد أجر القيام والوتر *** س/طيب لو متعود أصلي قيام الليل وضاع علي في يوم أعمل ايه ؟؟ ج/ممكن تصليه في وقت صلاة الضحى من بعد الشروق لحد الظهر وهيبقى ده قضاء لقيام الليل بس مش هتصليه وتر .. يعني مثلا لو كنت بتصلي بالليل ٣ ركعات ..هتصلي تاني يوم في وقت الضحى ٤ ركعات قضاء قيام الليل وده غير صلاة الضحى لحديث عائشة رضي الله عنها (( كان رسول الله ﷺ إذا فاتته الصلاة من الليل من وجع أو غيره صلى من النهار ثنتي عشرة ركعة)) #قيام_الليل_شرف_المؤمن

وعليكم السلام ورحمة الله وبركاته ' رد الإمام ابن باز علي تلك المسأله ، الواجب غسل اليد من أطراف الأصابع إلى المرفق في الوضوء، كان النبي ﷺ كان يغسل ذراعيه مع المرفقين حتى يشرع في العضد يعني: يدخل المرفقين في الغسل، سواء بدأ من أعلى، أو من أسفل، المهم أن يجري الماء على اليد من أطراف الأصابع إلى المرفق، إلى أول العضد، وهكذا في الرجل يجري الماء على الرجلين حتى ... الكعبين يشرع في الساق ، فتكون المرفقان والكعبان كلها داخلة في المغسول . والله أعلم.

هل الأغاني حرام؟

وعليكم السلام ورحمة الله وبركاته ' هنزل رد السؤال للشيخ عثمان الخميس حفظه الله.

يعني ما شاء الله لابسين الخمار مع بعض والمفروض صحبه صالحه ' انا بستحقر النساء الي بدَّخن ' بحسهم إنتزع منهم الحياء ' أختي هداكي الله ' التدخين حرام شرعاً ' ولا يليق بفتاة أصلاً التدخين ' أنصحك بأن تفارقي هذه الصديقة السوء ولا تتحدثي معها حتا ترجع عن ما تفعله ' أما فعلكم مع البنت المنتقبه فدا كذب وخداع وذنب كبير يلزمه توبه واعتذار لها هيا خايفه عليكم ومن أفعالكم السوء ' أخر سطر في رسالتك دا مستفز. 😒

وعليكم السلام ورحمة الله وبركاته ' لأ والدتك غلط المفروض تقولك خافي من ربنا أكتر من خطيبك ' أختي الكريمة ؛ لأ يجوز مصافحة الرجال الأجانب وهذا حرام ويلزمه توبه إلي الله .

مين دا الي متجوز ' دعواتك ' لأ يجوز الحلف بالنبي هذا شرك إستغفري ربك .

النهاردة بس هرد أما بكره لأ أجازه .

السلام عليكم ورحمة الله وبركاته الحمد لله رجعنا تاني للأسئلة لمن له سؤال ديني فليتفضل بالسؤال هنا👇 http://koatr.sarhne.com في طريقه تانيه من هنا برضو 👇 وهنا بنرد اسرع من صراحه ان شاءالله @HiiiiiiiiiiioiiiiiiiiiiHbot والرد ان شاءالله هيكون كل (يوم جمعة وثلاثاء) هنا ❤🌿

من أعظم الدعوات : ‏ اللهم إني أعوذ بك من زوال نعمتك وتحول عافيتك وفجأة نقمتك وجميع سخطك