📚Kitoblar rasmlari📚

Hammasi joyida! Baʼzan azob chekish bu odatiy hol. Aslida, ogʻriqlar bizga undan biror nima oʻrganishimiz uchun beriladi. Oʻzingizni yomon his qilayotgan boʻlsangiz, hammasi yaxshi. Bunday holatda oʻzingizni yaxshi his qilayotgandek tutishga majbur emassiz. Oʻzligingizni aldamang, qaygʻu cheksangiz ham, yurak tilka-pora boʻlsa ham hammasi joyida. Har bir hissiyotingizning oʻz sababi mavjud. Har bir hissiyotingiz muhim va ahamiyatlidir. Shuni bilingki, ayni paytda nimani his qilayotganingizdan qatʼiy nazar unga yuzlanishingiz va qabul qilishingiz lozim. Baʼzan odamlar oʻz maqsadlari yoʻlida yengilishadi, bu oddiy holat. Bilaman, baʼzan hayotdan shunchalar charchaysizki, taslim boʻlishni xohlab qolasiz. Bu kabi hissiyotlarga berilish ham odatiy holat, lekin hech qachon bu kabi ogʻriqli oʻy-fikrlar sizni boshqarishiga yoʻl qoʻya koʻrmang. Miyangiz ichidagi maxluqlar yengilishingizga undashiga quloq tutmang. Tinch yashay olishingiz uchun oʻzingizga oʻzingiz imkon bering. Oʻzingizni nimaga loyiq deb bilsangiz, oʻsha narsaga erishing. Koʻkragingizdagi ogʻriq va qaygʻuga qaramasdan, hozir oʻzingizni qanday his qilayotgan boʻlsangiz, bilingki, oʻsha narsaga loyiqsiz. Bir kun kelib hammasi iziga tushishini bilishingizni judayam xohlardim. Shuning uchun hozir nimani his qilayotgan boʻlsangiz, unga quchoq oching va yashashda davom eting. Hammasi yaxshi boʻladi. Bilishingiz kerak boʻlgan eng muhim narsa shuki, Alloh doim siz bilan! Biz bilan sodir boʻlayotgan barcha hodisalar, boʻlishi kerak boʻlgan eng yaxshi va toʻgʻri hodisalardir. Sababi Alloh bizni ulardan oʻrganishimizni va ularni faqat yaxshi taraflarinigina koʻrishimizni istaydi. Bu sinovlar sizga berilibdimi, demak, Alloh sizni ularni yengib oʻta olishingizni bilgan. Axir Alloh hech bir jonni toqatidan tashqari narsaga taklif qilmas. #tarjima ✍️ ©Hubbuna