هێشووە ترێ 🍇

ئارشیڤی موسیقی کوردی 🎶 گەنجینەیەک لە ئاواز و گۆرانی و حەیران و لاوکی کوردی کە لە بەر دەست هەموان دا نییە. ئایدی کاناڵ: @KurdishMusicArchive ئایدی گروهی کاناڵ: @KurdishMusicArchiveGroup

ئارشیڤی موسیقی کوردی 🎶 گەنجینەیەک لە ئاواز و گۆرانی و حەیران و لاوکی کوردی کە لە بەر دەست هەموان دا نییە. ئایدی کاناڵ: @KurdishMusicArchive ئایدی گروهی کاناڵ: @KurdishMusicArchiveGroup

وتووێژی شاخەوان سدێق و یاسین عومەر و جەواد حەیدەری لەگەڵ شێرزاد حەسەن، لەسەر ڕۆمانی "دوا شەوی دابەزینی عیسا" بەشی دووهەم و کۆتایی 🍇 | @BunchGrapes

وتووێژی شاخەوان سدێق و یاسین عومەر لەگەڵ شێرزاد حەسەن، لەسەر ڕۆمانی "دوا شەوی دابەزینی عیسا" بەشی یەکەم 🍇 | @BunchGrapes

شەو باش، من ناوم کراسی ژنانەیە ئەوەی نیشتمان پێی شەرمە بیکاتە بەری خۆی، منم! ئەم مێژووە نێرە، ئەم نیشتمانی سمێڵە تەنها جارێ منی نەکردە بەر هەتاوێ، بەر جۆگە ئاوی، بەر شووشە گوڵاوێ، ئەوانەی منیان لەبەر کرد: گسک بوون و مەنجەڵ بوون و تەنەکەی خۆڵ. ئەوانەی منیان کردەبەر: بەژنی درێژی غەریبی و بەژنی تەنیایی و ئازار بوو! ئەوانەی منی پێ بەخشین هەر بێدەنگی و قفڵ و تێڵا و شریخەکانی قامچی و جلوبەرگی دەردەدار بوون. من ناوم کراسی ژنانەیە! ئەوی ئاگای لە من نەبێ و گوێی لە هاواری من نەبێ، گوێچکەی تەپی نیشتمانە من مێینەم، من سەراپا هەموو جەستەم لە گوناه و پرسیاری ڕووتی حەرام پێکهاتووە! لە یەکەم ڕۆژی بوونمەوە بەردی ڕەجم لە قوماتمەوە پێچراوە و نیشتمان تفم لێ ئەکات! 📚 «شێرکۆ بێکەس، ئێستا کچێک نیشتمانمە» 🍇 | @BunchGrapes

گەلێک ژن هەن کە لەپاش مردنی هاوژینەکەیان (با لەڕووی تەمەنەوە گەنجیش بن)، چیتر پرۆسەی هاوسەرگیری پێک ناهێنن و بەتەنێ بەرپرسیارێتی بەخێوکردنی منداڵەکانیان وەئەستۆ دەگرن و هاوکات هەم ڕۆڵی دایک و هەم ڕۆڵی باوکیان بۆ دەگێڕن. ئەم دیاردەیە زۆر بەدەگمەن پیاوەکان ئەگرێتەوە و زۆرجار لەدوای مردنی هاوژینەکەیان، دەسبەجێ بڕیار دەدەن هەمدیسان پڕۆسەی هاوسەرگیری پێک بهێنن. ئەم ڕەوتەی بڕیاردان کە تەژییە لە هەڵاواردن، بەزۆری بۆ ژنان، ئارەزوو و خواستێکی تاکەکەسی نییە. ترس لەوەی کە لەپاش زەواج، منداڵ یان منداڵەکانی لێ بستێننەوە، وەرنەگرتنی منداڵەکانی ژنەکە لەلایەن هاوسەری نوێوە، ڕادەی نزمی قەبووڵکردنی کۆمەڵایەتی سەرلەنوێ زەواجی ژنی خاوەن منداڵ و ... لەو هۆکارانەن کە زۆرجار ژنان ناچار دەکەن خۆیان بەتەنێ منداڵەکانیان بەخێو بکەن. ئەم گرووپە لە ژنان کە لەمەوبەدوا ناوی ''بێوەژن''یش لەگەڵ خۆ بەکێش دەکەن، نەک تەنێ ناچارن نۆرمە کۆمەڵایەتییەکان زیاتر لە ژنانی هاوژینداری‌تر لەبەرچاو بگرن، بەڵکوو خۆیان بەتەنێ لە ڕۆڵی نان‌هێنەری ماڵەوە، دەبێ بەرپرسیارێتی ئابووری خۆی و منداڵەکانیان وە ئەستۆ بگرن. لەم ڤیدیۆیەدا، گێڕانەوەی یەک لەو ژنانە لە باشووری کوردستان دەبیستین کە لەساڵی 1974ی زایینی تا بە ئێستە بە دووکانداری، بژێوی ژیانی خۆی و حەوت منداڵەکەی بەتەنێ دابین کردووە. 🍇 | @BunchGrapes

خوێنەری دەقی خوارەوە بن... 🍇 | @BunchGrapes

بۆ بە میزۆپۆتامیا دەکوترێت «لانکەی شارسانییەت»؟ شارستانییەت لە کوێ دروست بووە؟ 🍇 | @BunchGrapes

کاتێ شەرمی دەکرد، پێدەکەنی و دەگریا، گۆناکانی سوور هەڵدەگەڕان گۆناکانی بە ترێ سوورەکان هاوشێوە دەکرا دەگوترا لە جوانیدا شایەنی وەسفی نوێ بوو هێندە نەدەکرا بڵێین سێوە لاسوورە و لەوەبەدوا بە ترێ بانگ دەکرا... تەمەن تێپەڕی و بوو بە «هێشووە ترێ»-ێی ئێستا...🍇

تەکبیرێکیش بۆ دواتر دەکەینەوە...

وەرن ئەمشەو بەم گۆرانییە تێپەڕێنین...

🎥 زنجیرەدرامای «ئەڤینا کورد» دەرهێنەر: نومان ئیگیت، هاشم ئایدیمیر بەرهەمی کۆمپانیای کۆمۆن فیلمی ڕۆژاوا بەشی پازدەهەم، کۆتایی Evîna Kurd 🍇 | @BunchGrapes

حوسێن مەولوود ئەحمەد ناسراو بە «مەلا عەلی» لە ساڵی 1953 لە گوندی بەردبردی قەزای ماوەت سەر بە ناوچەی شارباژێڕ لە دایک بووە. لە ساڵی 1962-1993 پۆلەکانی سەرەتایی لە سەرچنار و ماوەت و چەرمەگا تەواو کردووە. لەساڵی 1972-1971 پەیوەندی کردووە بە زنجیرەی ڕۆشنبیری کۆمەڵەی ڕەنجدەرانی کوردستان و لە ساڵی 1974 دەکرێت بە لێپرسراوی ڕێکخراوی تۆڵەی کۆمەڵەی ڕەنجدەرانی کوردستان. لە ساڵی 1976 چووەتە زانکۆی سلێمانی کۆلێژی ئەدەبیات بەشی کوردى، بۆیە کاتێک فەرمانی دەستگیرکردنی بۆ دەردەچێت ناچێتەوە بۆ زانکۆ و خوێندن تەواو ناکات. لە رێکەوتی 30یی کانوونی دووەمی ساڵی 1979 بۆ ئەنجامدانى چالاکییەکی پارتیزانی لە ناوچەی سورداش لە گوندی کرژە لە لایەن بەعسییەکانەوە پێی دەزانرێت و دەستگیر دەکرێت. دوای دەستگیرکردن و ئەشکەنجەدانێکی زۆر لە زیندان و دەزگاکانی ڕژێمی بەعسیدا، لە ڕۆژی 6ی حوزەیرانی ساڵی 1979 لە دادگای ھەیئەی خاسەی کەرکووک بە شێوەیەکی نمایشی لە چەند خولەکێکدا بەبێ ئەوەی پارێزەری ھەبێت دادگایی دەکرێ و بڕیاری لەسێدارەدانی بەسەردا دەسەپێنرێت.. لەدوای دەرچونی فەرمانی لەسێدارەدانی تا ڕۆژی جێبەجێکردنی حوکمەکەی کە تەنیا 45 ڕۆژی خایاندووە، لە شەوی 22 لەسەر 23 تەمووزی 1979 لە زیندانی موسڵ لەگەڵ دوو ھاوڕێی تری بە ناوەکانی (ئەڵوەند عومەر حسێن) و(عەلی عالی حسێن) لە سێدارە دەدرێن. 🍇 | @BunchGrapes