ثانوية عامة (UR Guide)
Open in Telegram
يور جايد توفرلك كطالب علمي: ماتيريالز وملخصات - كيف تستفاد من بنك المعرفة - اصلاح المفاهيم الغلط سواء في طريقة المذاكرة والحل وعقليتك بشكل عام البوت @EgyptianKnowledgeBank_Bot الجروب @SECGUIDE2
Show more3 109
Subscribers
No data24 hours
-97 days
-5330 days
Posts Archive
الملف ده فيه امتحان السنة اللي فاتت بالاجابات + الفيديو ده حل اسئلة التربية الوطنية العام السابق واسئلة اضافية
https://youtu.be/2FfZYYY0AGQ?si=liwL2cAUIc4woKko
شرح كامل للتربية الوطنية مستر احمد فضل ودي المذكرة بتاعته
https://youtu.be/tPh4ElfI6tU?si=bntLR4jXdN6gGODp
دي مراجعه كاملة للدين المسيحي للقس تواضروس
https://youtu.be/65SLr9wpD7g?si=ndv2xFoh8kvR-iOE
ده فيدو حل اسئله
https://youtu.be/iMAKLIeDLVA?si=gDF-zLMigplVQ6AY
الفيديو ده شرح التربية الاسلامية لمستر محمد صلاح لامة كل حاجة واللي فوق دي هي الملزمة اللي بيستخدمها
https://youtu.be/F0HzjFDiiC8?si=vwAxGqGDKlkJHkPL
متقلقش من المواد الغير مضافة للمجموع وتذاكرها ازاي عشان محضرلك كل حاجة عشان متتشتتش وتضيع وقت ❤️
لو حد عنده مشكلة في الكيمياء او واقعة منه فخالد صقر عامل حاجة جامدة جدا خلال الايام اللي قبل الامتحانات الغير مضافة كل يوم بيلخص الوحدة وبعدين التكات والزتونات وبعدين حل شامل على الباب عشتن تكون قفلته حرفيا وكل ده على اليوتيوب مجاني فاستغل الفرصة دي قبل زنقة العربي، ده فيديو التفاصيل
https://youtu.be/ecBns0w0jJY?si=E2FyZO1ntn4Q3C4s
لو حد عنده مشكلة في الكيمياء او واقعة منه فخالد صقر عامل حاجة جامدة جدا خلال الايام اللي قبل الامتحانات الغير مضافة كل يوم بيلخص الوحدة وبعدين التكات والزتونات وبعدين حل شامل على الباب عشتن تكون قفلته حرفيا وكل ده على اليوتيوب مجاني فاستغل الفرصة دي قبل زنقة العربي، ده فيديو التفاصيل
https://youtu.be/ecBns0w0jJY?si=E2FyZO1ntn4Q3C4s
+1
عدد وتقسيم الأسئلة في كل مادة خلال امتحانات شهادة الثانوية العامة ٢٠٢٣ / ٢٠٢٤ للمواد المضافة وغير المضافة للمجموع.
تقدر تستعلم عن رقمك جلوسك بايميلك الموحد وكلمة السر او تستنى لما تجيبه من المدرسة بكره او بعده
وزارة التربية والتعليم تعلن إتاحة أرقام الجلوس لطلاب الثانوية العامة اليوم من خلال موقع الوزارة الإلكتروني
الاثنين ٢٧ مايو ٢٠٢٤
تعلن وزارة التربية والتعليم والتعليم الفني، عن إتاحة البيانات الخاصة بطلاب الشهادة الثانوية العامة (رقم الجلوس- اللجنة التي سيؤدي بها الامتحان – المواد الدراسية التي سيؤدي بها الطالب الامتحان)، اليوم الاثنين ، وذلك عبر الموقع الإلكتروني للوزارة في إطار الاستعدادات لامتحانات شهادة إتمام الدراسة الثانوية العامة للعام الدراسي الحالي 2024/2023، والتى من المقرر أن تبدأ يوم 10 يونيو المقبل.
وتوضح الوزارة أنه تم إتاحة البيانات من خلال الموقع الالكترونى عبر الرابط التالي:
https://moe-register.emis.gov.eg/
وأكدت الوزارة أنه سيتم تسليم بطاقات أرقام الجلوس للمديريات التعليمية اليوم الاثنين الموافق 27 مايو 2024 تمهيدًا لتسليمها للطلاب من خلال المدارس غدا الثلاثاء الموافق 28 مايو 2024.
= جميع مواد الامتحان ليها ورقة مفاهيم ما عدا أسئلة المواد غير المضافة للمجموع.. والإحصاء ليها ورقة مفاهيم في بوكليت الأسئلة للقوانين والنظريات.. وورق مفاهيم السنة اللي فاتت هو نفسه اللي هيتوزع على الطلبة السنادي.. لو عايز تشوف شكله وتقرأ فيه شوية ادخل على موقع وزارة التربية والتعليم هتلاقيه قدامك.. مادة مادة بحيث تتعود عليه قبل ما يتوزع عليك وانت قاعد في اللجنة.
= نقطة مهمة: لو اتمسكت بتليفون مغلق هتسقط في المادة.. لو اتمسكت بتليفون مفتوح حتى لو مستخدمتهوش في الغش هتسقط في السنة كلها في جميع المواد.. لو اتمسكت بتغش بالتليفون أو بتصور أسئلة هتسقط سنتين كاملين.. السنادي والسنة الجاية هتتحرم من دخول الامتحانات.. ركز في ورقتك فقط.. وسيبها على الله فقط.
لو عايز تفهم أكتر شوف الفيديو اللي في الرابط ده
https://www.facebook.com/watch/?mibextid=WC7FNe&v=675430558042614&rdid=lXMFJAZu8wD4BBn4
شرح تفصيلي لطلاب الثانوية العامة.. خلاصة الخلاصة من أول ما تدخل لجنة الامتحان لحد ما تخرج من اللجنة:
= انت هتستلم بوكليت أسئلة + بابل شيت تحل فيه أسئلة الاختيار من متعدد + ورقة تحل فيها الأسئلة المقالية + كتيب مفاهيم عبارة عن ملخص للمنهج.
= أول حاجة تعملها هتبص في نموذج الأسئلة بتاعك (أ) (ب) (ج) (د).. هتروح على البابل شيت وورقة إجابة الأسئلة المقالية تعلم على نفس رقم النموذج بتاعك (أ) (ب) (ج) (د).. وركز في الحتة دي جدا.. لأنك لما تكتب رقم النموذج بتاع الأسئلة في ورقة الإجابتين صح.. ورقتك هتتصحح على نموذج إجابة مطابق لنفس نموذج الأسئلة بتاعك (اللي انت كتبته بخط إيدك)... راجع الصور اللي منشورة مع البوست هتلاقي طريقة كتابة رقم النموذج بطريقة صحيحة.
= إيه موضوع الأربع نماذج ده؟.. ببساطة الأربع نماذج هم نفس الامتحان بس ترتيب الأسئلة مختلف.. يعني انت معاك نموذج أسئلة رقم (أ) هتلاقي السؤال الأول عندك هو رقم 15 في نموذج (ب) اللي مع زميلك اللي قاعد قدامك، ونفس السؤال ترتيبه رقم 20 في نموذج (ج) اللي مع زميلك اللي قاعد وراك.. علشان كده متحاولش تغش إجابة.. وركز كويس وانت بتنقل رقم نموذج الأسئلة في ورقة الإجابة (ورقة البابل شيت وورقة الأسئلة المقالية).. وابقى بص في الورق المنشور مع البوست.
= تاني حاجة هتروح على ورقتين الإجابة تكتب اسمك في الورقة دي والورقة دي.. وتحت اسمك تكتب اسم مدرستك في الورقة دي والورقة دي.. وبعد كده تكتب اسم الإدارة التعليمية اللي انت تابع ليها في الورقتين برضو (بص في الصور اللي تحت 👇)
= تالت حاجة هتروح على شمال ورقتين الإجابة تكتب رقم جلوسك من الشمال لليمين.. وبعد كده تظلل رقم الجلوس في الدوائر اللي تحت (هتلاقي صورة من الصور اللي منشورة مع البوست فيها طريقة كتابة رقم الجلوس).
= بعد كده تبدأ بسم الله وتجاوب على الأسئلة.. هتروح على السؤال الأول في بوكليت الأسئلة (مثلا) هتلاقي الإجابة الصح هي رقم (ج)، هتاخد بعضك وتطلع على البابل شيت وتروح قصد رقم (1) اللي هو السؤال الأول.. وتظلل الدايرة اللي قصاد حرف (ج)، انت كده جاوبت على السؤال الأول، وكمّل بنفس الطريقة في باقي الأسئلة.
= لو حسيت إن الدايرة اللي انت ظللتها (ج) مش هي الإجابة الصحيحة وعايز تختار إجابة تانية؟.. بسيطة جدا.. هتروح على الدايرة اللي انت ظللتها (ج) وتعمل عليها (إكس) وبعدها تظلل الدايرة الصحيحة ولتكن الدايرة اللي قصاد حرف (ب).. راجع الصور اللي تحت هتلاقي منشور مع البوست صورة فيها الطريقة الصحيحة للإجابة وازاي تلغيها وتختار إجابة تانية.
= خد بالك.. لو ظللت دايرتين لسؤال واحد، انت هتاخد صفر على السؤال ده.. ولو نسيت تعمل (إكس) على الإجابة اللي انت لغتها برضو هتاخد صفر.. ومتقولش اللي بيصحح يختار هو الإجابة الصحيحة.. ده مش هيحصل.
= بلاش تكتب أي إجابة أو أي بيانات في ورقة الإجابة بالقلم الرصاص.. اكتب واستخدم القلم الجاف في كل كتاباتك ومتصدقش حد يقولك عكس كده.. وحتى لو هتبدأ تظلل بالرصاص لحد ما تستقر على الإجابة.. أوعى تسلم ورقة البابل شيت وانت مجاوب على أي سؤال بالقلم الرصاص.
= طيب هل لما أعمل كذا علامة إكس على كذا إجابة لسؤال واحد أنا كده هاخد صفر على السؤال ده؟.. لأ طبعا.. لو عملت 3 إكس على 3 دواير وظللت الدايرة الرابعة فقط والباقي إكس وطلعت الدايرة اللي متظللة هي الإجابة الصح هتاخد درجة السؤال كاملة.. متقلقش.
= هتقوللي جهاز التصحيح الإلكتروني مش بيقرأ الإجابة اللي فيها إكس.. هقولك ورقة الإجابة اللي زي كده بتعدي على ٣ أو ٤ مراحل لأنها بتتصحح بالعين المجردة (يعني بتتراجع من مصحح يدوي)، ودرجتك هتاخدها يعني هتاخدها.. ومتصدقش اللي يخوفك بكلام غير كده.
= أي إجابة هتكتبها في بوكليت الأسئلة مش هتتصحح ولا هتاخد عليها أي درجة.. الوزارة مش هتعترف بأي إجابة إلا المكتوبة في البابل شيت وورقة إجابة الأسئلة المقالية.
= بالنسبة لإجابة الأسئلة المقالية.. لو محدد لك سطرين فقط تكتب فيهم متكتبش أكتر من سطرين.. محدد لك 3 سطور متكتبش أكتر من 3 سطور.. متقولش لما أكتب أكتر هاخد الدرجة كاملة.. ده مش هيحصل وبلاش تضيع وقتك وجهدك.
= متقلقش من الأسئلة لأنها السنادي (30% أسئلة بسيطة +40% أسئلة متوسطة المستوى +30% مستويات عليا) يعني 70% من الأسئلة مش هتيجي صعبة.. الموضوع بسيط مش مستاهل منك قلق يا بطل.
= نقطة مهمة: لما هتيجي تتظلم على النتيجة السنادي هتستلم صورة من بوكليت الأسئلة + صورة من ورقة إجابتك في البابل شيت + صورة من ورقة إجابتك للأسئلة المقالية + صورة من نموذج الإجابة اللي الوزارة صححت منه وانت هتقعد تصحح لنفسك وتدي لنفسك درجة الامتحان، ولو ليك نص درجة هتاخدها.. متقلقش حقك محفوظ لأن كله على المكشوف.
ده كتاب الوزارة الفيزياء الجديد 2024 كان كذا حد طلبه عشان مدرسين كتير هتستخدمه في المراجعات النهائية وكده
ضفتلك في البوت كتب المراجعة النهائية المتاحة حاليا ولما ينزل الباقي هحطه ان شاء الله بس شد حيلك انت احنا في أخرها ولازم نحسن ختامها وحرفيا الفترة دي هي الفيصل يعني لو كنت بتذاكر جامد ومبقيتش كل التعب اللي راح ملهوش لازمة واللي مكنش بيشد ودلوقتي بدٱ هيلم الدنيا وهتظبط ان شاء الله ف شد حيلك كده واجمد/ي 🤛
بما اني ليا فترة مش active عاملين ايه يا شباب؟! خلصتوا مناهج معينة؟! وهل ماشيين كويس؟! واللي مش تمام ايه اللي واقع معاك بالظبط عشان نعرف نظبطه؟! طبيعي يكون فيه حاجات واقعة والدنيا مش احسن حاجة بالذات الفترة دي عشان من اصعب الفترات واحنا هنا عشان نساعد بعض فمتيأسش وان شاء الله المشاكل هتتحل بس نشتغل عليها
