ثانوية عامة (UR Guide)
Open in Telegram
يور جايد توفرلك كطالب علمي: ماتيريالز وملخصات - كيف تستفاد من بنك المعرفة - اصلاح المفاهيم الغلط سواء في طريقة المذاكرة والحل وعقليتك بشكل عام البوت @EgyptianKnowledgeBank_Bot الجروب @SECGUIDE2
Show more3 109
Subscribers
No data24 hours
-97 days
-5330 days
Posts Archive
تحل 60 سؤال على الدرس ومتراجعش غلطاتك وولا تفهم قصورك ❌ (غلط جدا)
تحل 30 سؤال على الدرس وتراجع غلطاتك وتفهمها وتفهم قصورك وتحاول تعالجها مع الوقت ✅ (الصح)
تحل 60 سؤال على الدرس وتراجع غلطاتك وتفهمها وتفهم قصورك وتحاول تعالجها مع الوقت ✅✅ (البيرفكت)
تحل الواجب قبل الحصة الجديدة بساعة او اتنين وتكروته ❌
تحل الواجب بعد متذاكر الدرس في نفس يوم الحصة او بالكتير بعدها بيوم ✅
تقسم الواجب جزء منه بعد ماتذاكر الدرس في نفس يوم الحصة وباقي الاجزاء على ايام الاسبوع الباقية ✅✅
#URGuide_ثانوية_عامة
𝐉𝐎𝐈𝐍 ➥ • channel • bot • group
الرحلة فردية يا صديقي، متستناش اي نوع من الدعم حواليك سواء من اهل او صحاب او اي حد وبطل صياح كده وشوف ايه اللي واقع منك ونظم وقتك ولمه عشان الرحلة بجد فردية ومحدش هينجدك او يلملك حاجة غيرك فشد حيلك كده احنا لسة في البداية 🖤
• انا بغلط كتير جدا في الواجب حوالي نص او تلت الأسئلة خصوصا في المواد العلمية زي الفيزياء والرياضيات، ايه الحل؟
بص يا صديقي/صديقتي انت اكيد يأما بتذاكر بشكل مش سليم او بتذاكر عادي بشكل سليم بس عندك قصور تانية فتعالى نحلل الدنيا
- لو انت بتذاكر بشكل مش سليم فلازم تمشي على الخطوات دي عشان تكون بتذاكر بشكل سليم وبتدي الحصة حقها وبتتعلم فعلا:
١/ هتسمع الشرح كويس وتفهم كل المفاهيم واللي ماتفهمهوش كويس تسمعه اكتر من مرة لغاية متفهم الجزء كويس.
٢/ تحل اسئلة الحصة وتراجعها مرة تانية مع المستر وهو بيحلها وتشوف غلطاتك وتتعلم منها.
٣/ بعد ماتخلص كده اشرح لنفسك الدرس على السريع ولخص القوانين والمفاهيم.
٤/ ادخل حل الواجب.
لو عملت كل ده ولقيت نفسك لسة بتغلط كتير فانت كده عندك قصور تانية محتاج تعالجها وتعالى اقولك تعمل ايه:
تشوف سؤال سؤال غلطت فيه وايه النقطة او الحتة اللي غلطت بسببها. هل انا نسيت سالب؟ هل لما بعوض بنسى حاجات مثلا ١٩ بكتبها ٩ وبتسبب اني المسئلة تطلع غلط؟ هل اساسيات ومش فبفهم الاشكال البيانية في الفيزياء مثلا او مش بعرف احلل معادلة درجة تانية او مش حافظ قانون مهم تراكمي؟ هل فكرة السؤال جديدة خالص عليا ومعرفتهاش فاتعلمتها؟ هل حتة مش فاهمها كويس في الدرس؟فارجعلها واذاكرها كويس الخ الخ.
فانت لما تكتشف غلطاتك فين هتبتدي تفهم انت بتغلط في ايه وايه القصور اللي عندك وهتركز اكتر المرة الجاية وهتطور من نفسك لغاية متوصل بعد فترة ان عدد الغلطات بيقل كتير لما بحاول اصلح مشاكلي.
انت محتاج تشتغل على نفسك تشوف نقط ضغفك وتعالج مشاكلك عشان محدش هيعالج مشاكلك لو قعدت تصيح السنة كلها، انت بس المسئول عن نفسك ومشاكلك واللي هتعرف تعالجها وبس كده.
#URGuide_ثانوية_عامة
𝐉𝐎𝐈𝐍 ➥ • channel • bot • group
الكتب الخارجية #انجليزي بجودة محترمة بدون لوجو تقدر تذاكر او تحل منهم بسلاسة
الله يكون في عون الشباب اللي بتاخد فيزياء مع عبد المعبود بجد، انا حاولت اديله فرصة واجربه الصبح في اول محاضرة حرفيا حسيت بيعك جامد (بيقول حاجات مش من المنهج كتير ومش بتصب على فهمك يعني مش هتزود فهمك او استيعابك انما فيها تعقيد حبتين تلاتة) هو عنده مادة علمية بس تروبيًا مش احسن حاجة وطريقته في الشرح مش سلسة خالص محتاجة حد دارس المنهج قبل كده ورايح يلم او يزود معلومات، قولولي رأيكم بجد لو حد مجربه او بياخد معاه عشان هو مشهور فشخ واوائل كتير بتكون معاه وانا حاسس انه اوفرريتد جدًا
الكتب الخارجية #عربي ٣ث 2025 بجودة محترمة ومن غير لوجو زي ما عودتكم نفس جودة الكتب اللي فوق
الفايل ده فيه كل اسئلة السنين السابقة #فيزياء على الفصل الاول بشكل تدريجي + الاجابات في اخر الفايل.. لو خلصت الفصل فراجعه على السريع وحل الملف مع نفسك وبعدين راجع الحل هتستفاد كتير وهتتدرب كويس كطريقة تفكير على نظام الامتحانات
• اضغط هنا
