ثانوية عامة (UR Guide)

مخطط لأدب الاتجاه الوجداني 📈 #لغة_عربية • أدب المدرسة الكلاسيكية 𝐉𝐎𝐈𝐍 ➥ • channel • bot • group

مسألتش نفسك ليه بنوزع البسط على المقام واشمعنا مينفعش العكس!؟🤔 ولما بناخد العامل المشترك ويكون متغير، ازاي بنقسم عليه واحنا مينفعش نقسم على متغير عشان فيه احتمالية إنه يساوي صفر!؟ في البوست ده بنجاوبك على الأسئلة دي وبنفهمك معنى الكلام ده من الأساس عشان يبقى منطقي في دماغك ومتغلطش أو تتساءل تاني. https://www.facebook.com/share/NTLGBYWZz6c4gTs6/

علق على الماسدج دي واكتب فيدباك عن التشانل والبوت وايه اللي شايفه كويس وايه اللي حاسس انه المفروض يتظبط، وبالذات البوت يريت تديني feedback عشان ده بيساعدك عموما لو محتاج حاجة وبيديني طاقة انه فيه اهتمام بالجزء ده فأحسنه واهتم اكتر

عشان بلاقي السؤال ده كتير ودي اجابة نفس سؤال اخد مع مين مدرس او اعرف اني ماشي صح ازاي..؟ المقياس الاساسي هو مش وجهة نظر او رأي حد انما المقياس هو انك بعد ماتخلص اي فرع كده او باب لمادة معينة هتجيب اسئلة الامتحانات السابقة على الجزء ده وتبدأ تحلها ولو لقيت نفسك فاهم الاسئلة وبتعرف تحل كده يبقا انت ماشي تمام (قصدي هنا ان متوسط غلطاتك في اسئلة السنين السابقة هو نفس متوسط عدد غلطاتك الطبيعي في الواجبات والامتحانات) لكن لو لقيت نفسك مش عارف تحل او بتغلط نص الاسئلة او حاجة (وده مش الطبيعي بتاعك يعني في الواجبات والكويزات بتغلط غلطات بسيطة مش لدرجة نص الاسئلة عشان لو بتغلط نص الاسئلة في الواجب كده انت مشكلتك مش مدرس والموضوع ده اتكلمت عليه هنا) فكده فيه مشكلة وهنا فعلا تبدأ تغير المدرس او تجرب حد تاني لغاية ماتستقر وتلاقي نفسك فاهم وبتعرف تحل اسئلة السنين السابقة. هتقولي اجيب اسئلة السنين السابقة من فين؟ معظم الكتب الخارجية بتحط اسئلة السنين السابقة على الدرس بعد تدريبات كل درس واههم كتاب الامتحان، غير اني حاطط ف البوت امتحانات السنين السابقة ٢٠٢٤ و٢٠٢٣ والتجريبية. غير اللي نزلته قبل كده ع E #URGuide_ثانوية_عامة

بوست عن باي (π) كعدد غير نسبي لو حد معتم بالرياضيات او ال math https://www.facebook.com/share/p/Sn2rtepAHGQCanaL/https://www.facebook.com/share/p/14Ee2wJ5kf/

لو حد مهتم بالرياضيات او ال math وبيحب يعرف ما وراء الكواليس واثباتات القوانين وتطبيقات حياتية والكلام ده يتابع البيدج دي تحفة هيستفيد جدا ويعمل لايك وكونمنت على البوستات عشان الخوارزميات تعرف انك مهتم وكده https://www.facebook.com/profile.php?id=100083338962935&mibextid=ZbWKwL

شباب معايا كتاب أحمد عصام هندسة فراغية 2025 زيادة ومعايا كتب خالد صقر 2025 باكدج الباب الاول والتاني بالورش (مش مكتوب فيهم حاجة موجودين بالتغليف)، لو حد محتاجهم يبعتلي هنا @besho_1

قرار نهائي بخصوص الطلبة اللي مأجلين او قاسمين من دفعة ٢٠٢٤: لو انت قاسم السنة (يعني واخد مادة او اكتر. السنة اللي فاتت وباقيلك مادة او اكتر) كده انت نظام قديم لو انت مأجل السنة كاملة وعملت استمارة وطلعلك رقم جلوس السنة اللي فاتت كده انت نظام قديم لو انت مأجل السنة كاملة ومعملتش استمارة كده انت نظام جديد (دي الحالة الوحيدة اللي اي طالب مأجل او قاسم هيكون فيها نظام جديد) - المصدر هو ورقة من الوزارة بعتتها لكل المدارس على مستوى الجمهورية 𝐉𝐎𝐈𝐍 ➥ • channel • bot • group

اهم قاعدة تمشي بيها ولازم تقتنع بيها هي انك ملكش دعوة بتجارب حد، ملكش دعوة بوجهة نظرة اي حد في اي حاجة.. انت بتسمع وجهة نظر حد في مدرس او كتاب او اي حاجة مش عشان لو قلك حلو انت تجري عليه ما ممكن تعريف حلو بالنسباله ان الكتاب يكون ملون ومنظم انما انت مش فارق معاك غير المحتوى وده الحلو بالنسبالك الخ الخ ده مثال بسيط يعني. المفروض انت تجرب او تشوف وتحكم بنفسك. لما تسمع نصيحة حد الاول لازم تفكر في الكلام ولو اقتنعت اشطا او ممكن تستفاد بجزء من كلامه، لكن كون مثلا واحد عشان جاب مجموع كبير او دخل كلية انت عايزها فانت تمشي بكل الكلام اللي بيقول عليها سواء كطريقة مذاكرة او حل او الخ الخ فده غلط جدا. كل انسان مختلف عن التاني في طريقة الفهم وطريقة المذاكرة ونظام المذاكرة فانت ملكش دعوة بحد وامشي بدماغك، مادام شايف ان انت بتذاكر بطريقة معينة وشايفها احسن حاجة بتحصّل منها معلومات وبتفهم منها خلاص امشي بيها وهكذا. اهم حاجة المبدأ وهو انك تخلص اللي عليك بأتقان انما طريقة التطبيق دي خاصة بيك مش بحد تاني. انا ليه بقول الكلام ده؟ عشان ناس كتير بتضيع وقت كبير في انها تسمع نصايح وطريقة مذاكرة وعايز جدول الم المتراكم ومش عارف ايه، ده غير فيه ناس فعلا بتحاول تطبق طريقة مذاكرة معينة لواحد - لمجرد انه جاب مجموع عالي - فشايف ان طريقة المذاكرة بتاعته هي الصح وهي القاعدة وده بيخليه يجلد ذاته لو منفعتش معاه وان المشكلة فيه والمشكلة مش فيه وده بيأثر عليه نفسيا وبيضيع وقت كبير منه. على سبيل المثال اعرف حد سمع فيديو عبيط على اليوتيوب بيقول لازم لازم تصحى الفجر تذاكر ولو معملتش كده مش هتجيب مجموع كويس وهتضيع وقت كبير على الفاضي، فالشخص ده فضل كل يوم على العشا يحاول ينام ويقعد للفجر مش عارف وينام الفجر (هو متعود على كده طول حياته بينام الفجر) ويصحى الصبح يروح دروس ويرجع يدوب المغرب يذاكر ساعتين وميلحقش يخلص حاجة ويحاول ينام عشان لازم يذاكر في الفجر 😆 ويقعد زي كل يوم للفجر صاحي ولا عارف يذاكر ولا عارف ينام واتراكم عليه محاضرات كتير والدنيا باظت منه وحس بعدها بإحباط شديد ونفسيته باظت. الخلاصة انت اللي تقرر تذاكر ازاي او تحل ازاي او تنام امتى وتصحى امتى على حسب دماغك عشان محدش هيفهمك اكتر من نفسك ولا حد هيعرف يقيمك او يقول وجهة نظره فيك غير نفسك عشان محدش يعرفك قد نفسك وظروفك واللي بتمر بيها عموما. اللي فعلا تاخد بيه او المبادئ زي لازم تذاكر محاضرتك بأتقان وتحل عدد كافي م نالاسئلة بفهم ووبالكيفية وليس الكمية (كل دي قواعد عامة صحيحة لكن طريقة تطبيقها بتختلف من شخص لآخر والمهم في الآخر النتيجة وبس). #URGuide_ثانوية_عامة