ABCmedicine

بتحدى العالم كله وانا وياك مع تحيات ABC medicine team

"Post stress trumatic disorder " PSTD اضطراب ما بعد الصدمة هو عبارة عن حالة مرضية عقلية بتصيب الأشخاص الاتعرضو لي حدث صادم. الحدث الصادم دا ممكن يكون عبارة عن حرب وتبعاتها  قتل ناس قدامك، أصوات المدافع الثقيلة سقوط قذائف قريبة منك  تعنيف انسان قدام عينك سرقة ممتلكاتك غيرو من الأحداث المؤلمة زي الحاصل في السودان دا. وممكن يكون كارثة طبيعية حصلت قدامك، حدث حركة خطير، حرائق والخ. باختصار كدا اي حدث تلقي نفسك ما قادر تستوعبه ولا ح تقدر تتعايش معاو ويسبب ليك الحزن الشديد سواء كان الحدث دا حاصل ليك او حاصل لي ناس قريبين منك. -بس هل كل شخص أتعرض لي حدث صادم مؤلم ممكن يجيهو الPSTD؟ لا،معظم الناس بتقدر تتخطى الحدث الصادم دا وبرجعو طبيعين بس في ناس ما بقدرو وديل ياهم الح يتصابو بي PSTD حسب تقرير الكلية الملكية لطب النفسي. -للاسف نتيجة لقلة الوعي في ناس بكون عندها الاضطراب دا وما عارفين يتعاملو معاو كيف وبعيشو بيو سنين طويلة وممكن مدى الحياة. -أعراض اضطراب ما بعد الصدمة بتتسب الإعاقة عن الأعمال اليومية طيب اذا الأعراض دي شنو إذا الموضوع دا خطير قدر دا؟ أ/إعادة عيش الاعراض  تتمثل في الآتي : -الذكريات "وجود ذكريات للصدمة تخليك تشعر بالحزن والكرب   الشديد، - كوابيس متكررة محتواها الحدث الصادم - رد فعل فصامي يعني انك. ترجع تتصرف بنفس الطريقة الاتصرفت بيها وقت الحدث الصادم. -التوتر الجسدي والنفسي" كتسارع النفس وتسارع ضربات القلب "في حال تعرضك لي أمور بتذكرك بالحادثة المؤلمة. ب/أعراض اجتنابية: -فقدان ذاكرة انفصالي يعني ما تقدر تتذكر بعض الأحداث الحصلت ليك في الحدث الصادم -الانعزال  من الناس كلها حتي الاقربين ليك. -عدم الرغبة  في الكلام والتفكير في الحدث الصادم. -تجنب اي حاجة بتذكرك بالحدث دا مثلا مكان الحدث، الناس الكانو متواجدين انذاك، ذكريات الحدث وحتي كمان تتجنب وسائل التواصل الاجتماعي والتلفزيون طول ما هي بتذكرك بالحدث الصادم دا. ج/أعراض المزاج : -الأفكار السلبية تجاه النفس والناس والعالم ككل. -لوم نفسك أو الناس على الحدث الصادم. -فقدان الاهتمام بالنشاطات الكنت بتعملها دائما. -فقدان الشعور بالاحاسيس الإيجابية زي الرضا ، المحبة أو السعادة. د/أعراض التفاعل والوعي : - الترقب  المفرط يعني تكون متوقع يحصل ليك نفس الشي دا تاني  فبتقعد تراقب بشدة ما حولك ودا بخليك تفقد القدرة على الاسترخاء "من اعتاد القلق يظن أن الطمأنينة فخاً". -الاستجابة المبالغ فيها للأصوات والحركات البتذكرك للحدث الصادم مثال بسيط "لو زول رزع الباب ساي في الفترة دي انت بتنط وبتخلع وتوتر وتقول خلاص الدانة وقعت فينا 😂" -صعوبة النوم. -التهور انك تعمل حاجات خطيرة شديد و مؤذية لي نفسك. -وجود  واحد من الأعراض دي بعد التعرض لحدث صادم برضو ما كفاية تصف نفسك انك مصاب باضطراب ما بعد الصدمة  حسب كلام الكلية الملكية للطب النفسي. وبالإضافة لي انو الأعراض دي بتبدأ تظهر خلال أسابيع او شهور من تعرضك للحدث الصادم وتم تقدير الفترة دي بصورة ادق عبارة عن 6 شهور. فالبتالي لا يمكن تشخيص اضطراب ما بعد الصدمة في الشهر الأول من الصدمة دا ببقي أضطراب تاني البجي بعد شهر من الصدمة دا واسمو "اضطراب التوتر الحاد". -انت ما ح تقدر تصنف نفسك مصاب باضطراب ما بعد الصدمة بمجرد انك قريت عنو فافضل طريقة لتأكيد د الإصابة بيو انك مجرد ما شكيت نفسك مصاب بالحاجة دي تمشي لي طبيب نفسي يقيم حالتك ويشخصك تشخيص صحيح نظراً لتداخله مع إضطرابات تانية. في حاجات بسيطة لو داومنا عليها ممكن تعمل لينا وقاية من الإصابة بالإضطراب دا: ترجع لي روتينك بقدر المستطاع، تتكلم مع ناس قراب منك َتفضفض ليهم، تعمل تمارين استرخاء، الروحانيات ، ترسم، تلون او تطبخ المهم اي حاجة انت بتحبها. ودمتم بخير وعافية وستر وسلامة #صحتك_النفسية_خلال_فترة_الحرب #PSTD ABC medicine team 🌹

وحدة ما فيها أي غلطة و قلت خلاص دي اللي حخطبها هي فجأة:..

منقول: كنت بستغرب لما ألاقى الأمريكان كاتبين فى CV و على تويتر أنهم First Generation (FG) Medical Student/Doctor بمعنى انهم أول ناس فى أسرتهم المباشرة يخشوا أو يتخرجوا من طب. فهمت لاحقا من الخبرة و التفكر فى تجربتى الشخصية انها حاجة فعلا تستحق الفخر ... ليه؟ ... لأن مقارنة بالطلبة اللى بتبقى Second أو Third Generation الناس دى بتتحرم من مميزات كتير. و هنا الكلام عن المميزات و الطرق المشروعة اللى تقدر تساعد بيها أولادك مثلا زى ارشادهم للطرق المميزة و المختصرة اللى تسهل عليهم (Mentorship) ... و أنك تعملهم علاقات مع ناس يفيدوهم (Connections) و أنك تساعدهم بالمال (Financial Assistance) أو الخبرة للسفر أو التدريب أو الأبحاث و غيره (Access to Opportunities) أو حتى أنك تكون مثال و قدوة ليهم قصاد عينهم طول الوقت (Role Model). كل دى مميزات مشروعة بتاخدها لو والدك/والدتك مثلا فى الطب و قيمتها فوق ما تتخيل. بجانب غياب معظم المميزات دى ... ففى تحديات تانية بيواجهها طلبة First Generation و منها: 1. الصعوبة فى مواجهة المشاكل النفسية (زى الاكتئاب المنتشر بين طلبة الطب و Imposter Syndrome و هو الاحساس أنك ما تستحق اللى أنت فيه) نتيجة غياب شبكة اجتماعية مساندة أو انعدام الشعور بالفاعلية Self-efficacy و عدم الاستعداد الكافى للمرحلة الجامعية. مثلا فى أحد الدراسات الحديثة وجدوا ان طلبة الجيل الأول أقل اهتماما بنفسهم و بنومهم و صحتهم النفسية و الاجتماعية من زملائهم. 2. معدلات الفصل أو ترك الكلية Drop-outs أعلى فى طلبة الجيل الأول عن غيرهم. 3. معدلات أنهم ياخدوا قروض دراسية بفوايد عالية فى أمريكا أعلى من غيرهم 4. قد تظن أن المشاكل دى بتنتهى مع التخرج من الكلية ... الا أنها بتستمر ... مثلا طبقا لتقرير من AAMC سنة 2021 فالطلاب FG.فرصتهم أنهم يبقوا Physician-Scientists أقل من زملائهم ... فرصتهم أنهم يخشوا تخصصات تنافسية زى Cardiothoracic Surgery أقل من زملائهم. *كل ده ما معناه أن اطباء الجيل الأول ما حيوصلوا لنفس الحاجات اللى بيوصلها غيرهم ... المقصود أن طريقهم أصعب و دى حاجة تستحق الاعجاب و المساندة. و عشان كده كليات الطب فى أمريكا فى أخر عشر سنين بقت تعمل دراسات مفصلة لأوضاع الطلاب FGو تعمل برامج لمساعدتهم ... مثلا الجمعية الأمريكية لكليات الطب AAMC (عن طريقها الطلاب بيقدموا من خلالها على كليات الطب ) فى 2017 حطت خانة فى الأبليكشن للكلية بتسأل هل أنت من طلاب الجيل الأول؟ و بتشجع الكليات على اعتبار ظروف الطلاب أثناء تقييم الأبليكشنز. كمان كل الكليات تقريبا حتلاقى فيها برامج مخصوصة للطلاب FG. الصور المرفقة من استبيان حديث من AAMC لفهم الصعوبات التي يواجهها طلاب FG. لو أنت من طلبة الجيل الأول فى الطب اعتز بده و اكتبه فى CV و على السوشيال ميديا ... انتهي - الواحد يمشي يختها وش في ال CV - First Generation (FG) Medical /Doctor كم زول طلع FG -منقول

الnon essential amino acids في البايو قالت ليكم الدنيا حرب انجزو👌🤣🤣 مع تحيات ABC medicine team

الناس بتعمل سلطة عادي -طلبة الطب : مع تحيات ABC medicine team

‏الناس بتعمل سلطة عادي -طلبة الطب: مع تحيات ABC medicine team

- متابعي ABC medicine الأعزاء عيد أضحى مبارك أعاده الله علينا وعليكم بالخير واليمن والبركات وتقبل الله منا ومنكم صالح الأعمال، والقابلة كدا على أمانيكم وأفضل حال ومجبوري الخاطر وتامين ولامين في خير وعافية ❤️. -نسأل الله ان يحفظ البلاد والعباد وينعم علينا بنعمة الأمن والاستقرار دمتم بألف عافية وخير.🌹💙 مع تحيات ABC medicine team

متابعي ABC medicine الكرام منصة ABC medicine التعليمية تهنئكم بحلول عيد الفطر المبارك اعاده الله علينا وعليكم بالخير واليمن والبركات كل عام وانتم بخير وصحة وسلامة وسعادة وستر وعافية💙 وربنا يحفظ البلاد والعباد مع تحيات ❤️ ABC medicine team

في اوقات الحروب الاهلية ربنا يحفظنا ويحمينا والصدمات الجماعية والكوارث الطبيعية بظهر الدور المهم والحاسم للإسعافات النفسية الاولية / Psychological first aids اوقات الحروب وبسبب القتل والصدمات، الناجين من اراضي المعارك بتعرضو لصدمات نفسية بالبشوفوهو قدامهم، او البحصل في البيوت كنتاج للرصاص، القذائف الطائشة او القصف دا بوست عن واحدة من التقنيات المستخدمة للتخفيف من الاثر النفسي للناجين المباشرين من الصدمات وعن كيف نعملها _ معلومة مهمة : اي زول ممكن يعمل الاسعافات النفسية الاولية ما بتحتاج شخص متخصص في الصحة النفسية _ الاسعافات النفسية الاولية هي فكرتها الاساسية بتشبه الاسعافات الجسدية الاولية في الاسعافات الجسدية الاولية انت ما مطالب تعالج الاصابة ، لكن دورك تحاول تبطئ النزيف / تجبر الكسور مثلاً عشان تقلل خطر الوفاة او الضرر الدائم كمان الاسعافات النفسية الاولية وهي تقنيات مدروسة علمياً ( كفعل ونتيجة ) الهدف الاساسي منها : * تقلل حالة التوتر اللحظي / الاضطراب العاطفي البحصل بعد الصدمة * تقليل خطر الاصابة بالاضطرابات النفسية الحادة ( اضطراب ما بعد الصدمة ) * تساعد الانسان علي بداية رحلة تعافيهو الذاتية بي طريقة صحية نفسياً * ومساعدته علي العودة لحياة طبيعية بأسرع فرصة و تعزيز التكيف الذاتي انت ما دورك تعالج الصدمة او الضرر النفسي البحصل بي سببها او بي سبب فقدان شخص عزيز لكن الانسان في حالة الصدمات النفسية الناتجة عن الحروب والكوارث الطبيعية بكون محتاج : - تواصل بشري آمن - تطمين ودعم نفسي - طعام : لأنه امن الانسان الغذائي مهم لتعافيهو النفسي و هاجس الجوع والطعام بفاقم الوضع النفسي سوءاً للشخص وافراد اسرته وبدخله في مضاعفات عضوية ونفسية - مَسْكَن آمن : الانسان مستحيل يحس بالراحة النفسية او اثر الصدمة يقل ، في مكان هو ما حاسي فيهو بالامان من مصدر الخطر المسبب للصدمة - بحتاج يتواصل مع احبابه : الانسان لو خايف علي الناس البحبهم ، لازم بتواصل معاهم ويلم فيهم حتى يهدأ ويرتاح نفسياً - استعادة احساس السيطرة علي حياته : الصدمات النفسية بتفقد الانسان احساس السيطرة علي جسده ونفسه وحياته ولازم نساعده يستعيدهم _ وعلي اساس الحاجات دي بتجي الموجهات العامة و الخطوات الاساسية البنعمل بيها الاسعافات النفسية الاولية وهي : الموجهات العامة : - لغة الجسد : تكون لغة جسد امنة وهادئة ( غير عدائية ) وغير متعالية ، لازم نراعي للكرامة البشرية. - التواصل البصري. - نوع التواصل المناسب : لازم يكون بما يتوافق مع خلفية الشخص الثقافية ، من السلام لي طريقة الجلوس . - الجنس : مثلاً لو انثى وطلبت تقابل انثى ليها الحق في كدا. - تلبية الحوائج الغذائية . - احترام الديانة ، الثقافة والمعتقدات : ما تعكس ديانتك في تقديمك للخدمة دي ، السودان بلد متعدد الاثنيات والثقافات والاديان ، احترم الكل كما هم . - عدم استغلال الشخص معنوياً او مادياً او جنسياً : ما تطلب منه خدمة في المقابل الخطوات : ١- جهز : تجهيز المكان الحتعمل فيهو الاسعافات النفسية الاولية وهو لازم يكون مكان امن ( بعيد عن مكان الاشتباك) وما يكون في خطر لحظي او متوقع ، لا عليك لا علي الشخص المعني بالمساعدة ٢- عاين : شوف الناس الحولك المحتاجين للاسعافات الجسدية الاولية ( النزيف ، الكسور ) لانه الاولوية ليهو وبلغ عن حوجتهم للمساعدة وبعداك فتش الناس المحتاجين الاسعافات النفسية الاولية وابداها ليهم ( وهم البمرو بي اعراض الصدمات النفسية ، التوتر او اي اضطراب عاطفي ) وابداها معاهم ٣- اسمع : في البداية لازم تعرّف نفسك ، وعايز تعمل شنو مع الزول ( مساعدة نفسية ) وتكون هادي وواثق من نفسك وبتعاين في عيون الشخص عشان يكون الاستماع فعّال بعداك اسأل الشخص هو محتاج شنو اولاً وبعدها حصل ليهو شنو ( بصورة مبسطة ) وانت ممكن تساعده بي شنو اسمع منهم ، وطمن الشخص انك هنا لي مساعدته واديهو امل حقيقي وما تضغطه / تستعجله يتكلم ولو رفض المساعدة من الاساس طوالي تقيف ٤- الربط : بعد تسمع من الشخص وتعرف مخاوفه وحوائجه لازم تلبي حوائج البقاء الاساسية وتديهو اكل وشراب وتوصله بالناس البحبهم لو طلب منك كدا وبي مراكز تقديم خدمات صحية نفسية ( لو كانت متوفرة ) او بي مقدمين خدمات نفسية متواجدين في المكان ، بعد تستأذنه ويوافق علي كدا وتملك الشخص اي معلومة هو بسأل منها عن تطورات الاوضاع ، وتجاوب بالحقيقة وبما تعرف ، لو ما عارف قول ما عارف _ الحاجة البسيطة دي ما مفروض تاخد منك اكتر من ٢٠ دقيقة ( ما حتفصل في المعلومات او تقدم خدمة متخصصة ) لكن اثرها على الجانب النفسي للمتضررين كبير جداً وبتعيد ثقتهم بالامل وبالبشر والعالم وضرورية لحمايتهم من اي ضرر نفسي مستقبلي او التقليل من حدته ربنا يحفظنا جميعاً د.مؤتمن بادي

نسأل الله أن يسلم البلاد والعباد من الفتنة ما ظهر منها و ما بطن ، عن أم سلمة قالت استيقظ النبي صلى الله عليه وسلم ذا ليلة فقال سبحان الله ماذا أنزل الليلة من الفتن وماذا فتح من الخزائن * أيقظوا صواحبات الحجر* فرب كاسية في الدنيا عارية في الآخرة" ف ألزموا بيوتكم وأعملوا حسابكم وما تطلعو ولا تصورو دي فتنه ده رصاص دي دماء أبدا ما سبق صحفي ولا شيء يدعو للحماس ، حياتكم غاليه وارواحكم أمانة فما تأذونا فيكم ولا تبكونا عليكم الله اللهم اجعل كيدهم في نحرهم وتدميرهم في تدبيرهم واخرجنا منهم سالمين.. 🤲 -منقول