အထူးစစ်ဆင်ရေးတပ်ဖွဲ့ - S.O.F

ငါတို့ အဘိဓမ္မာ ရွတ်ဆို - ရဲဘော် ကျောင်းဆရာ ဂစ်တာ - ရဲဘော် အငယ်ကောင် #ခွန်အားမျှအစီစဥ် #အထူးစစ်ဆင်ရေးတပ်ဖွဲ့ #ပြညသူ့ကာကွယ်ရေးတပ်မတော် #စစ်ဆင်ရေးနယ်မြေ(၁)

ကျနော်တို့SOFတပ်ဖွဲ့တိုက်ပွဲဝင်ရန်အတွက်လိုအပ်လျှက်ရှိသော ကျည်ကာဦးထုပ်၊ကျည်ကာပြား၊ကျည်ကာအင်္ကျီများဝယ်ယူနိုင်ရန်ထောက်ပံ့ကူညီပေးပါသောCRPH/NUG Support Group- Australiaအဖွဲ့အား ကျနော်တို့SOFတပ်ဖွဲ့ရဲဘော်တဦးချင်းစီမှကျေးဇူးအထူးတင်ရှိပါကြောင်းနှင့် တော်လှန်ရေးပြီးဆုံးအောင်မြင်တဲ့အထိတိုက်ပွဲဝင်သွားမည်ဖြစ်ကြောင်းဂတိသစ္စာပြုအပ်ပါတယ်ခင်ဗျာ။ #CRPH/NUG Support Group- Australia #အထူးစစ်ဆင်ရေးတပ်ဖွဲ့ -SOF #အမှတ်၁စစ်ဆင်ရေးနယ်မြေ #ပြည်သူ့ကာကွယ်ရေးတပ်မတော်

SOF ဖွဲ့စည်းတည်ထောင်ခြင်း (၄) နှစ်ပြည့်အမှတ်တရ ပိုက်ကျော်ခြင်းပြိုင်ပွဲကျင်းပ _____ ဇူလိုင်လ ၂၈ ရက်၊ ၂၀၂၅။ အမျိုးသားညီညွတ်ရေးအစိုးရ၊ ပြည်သူ့ကာကွယ်ရေးတပ်မတော်၊ လက်ရုံးအထူးတပ်ဖွဲ့ဖြစ်သော P29999 - အထူးစစ်ဆင်​ရေးတပ်ဖွဲ့ SOF ဖွဲ့စည်းတည်ထောင်ခြင်း (၄) နှစ်ပြည့်အခမ်းအနားကို ဇူလိုင်လ (၂၁) ရက်နေ့က ကရင်ပြည်နယ်၊ မွန်ပြည်နယ် နှင့် ပဲခူးတိုင်းအတွင်းရှိ တပ်ရင်းအထိုင်ချစခန်းများ၌ တပြိုင်တည်း ကျင်းပခဲ့ကြသည်။ P29999 - အထူးစစ်ဆင်​ရေးတပ်ဖွဲ့ SOF ဖွဲ့စည်းတည်ထောင်ခြင်း (၄) နှစ်ပြည့်အခမ်းအနားနှင့် အတူ အမှတ်တရအနေဖြင့် တပ်ဖွဲ့ရုံး၊ စစ်ကြောင်းရုံး၊ တပ်ခွဲများမှ ကိုယ်စားပြု အသင်းလိုက် စုဖွဲ့ကာ ပိုက်ကျော်ခြင်းလုံးခတ်ပြိုင်ပွဲ ကျင်းပခဲ့သည်။ ပြိုင်ပွဲတွင် ပထမဆု၊ ဒုတိယဆု၊ တတိယဆု၊ အထူးဆုနှင့် နှစ်သိမ့်ဆုများလည်း ချီးမြှင့်ပေးအပ်ခဲ့ပြီး လေးနှစ်ပြည့်အမှတ်တရပွဲအား ပျော်ရွှင်စွာ ပြီးစီးအောင်မြင်ခဲ့ပါသည်။ အထူးစစ်ဆင်ရေးတပ်ဖွဲ့ - SOF အား ၂၀၂၁ ခုနှစ်၊ ဇူလိုင်လ ၂၁ ရက်နေ့တွင် ပြည်သူ့ကာကွယ်ရေးတပ်မတော် ၊ တောင်ပိုင်းစစ်ဒေသကွပ်ကဲရေးအဖွဲ့မှ စတင်ဖွဲ့စည်းပေးခဲ့ပြီး ယနေ့ ဇူလိုင်လ ၂၁ ရက်နေ့တွင် တပ်ဖွဲ့စတင်ဖွဲ့စည်းတည်ထောင်ခြင်း (၄) နှစ်ပြည့်မြောက်ခဲ့ပြီဖြစ်ပါသည်။ #အထူးစစ်ဆင်ရေးတပ်ဖွဲ့ - SOF #ပြည်သူ့ကာကွယ်ရေးတပ်မတော်

အထူးစစ်ဆင်ရေးတပ်ဖွဲ့ - SOF ဖွဲ့စည်းတည်ထောင်ခြင်း (၄) နှစ်ပြည့်အခမ်းအနားများကျင်းပ ____ ဇူလိုင်လ ၂၂ ရက်၊ ၂၀၂၅။ အမျိုးသားညီညွတ်ရေးအစိုးရ၊ ပြည်သူ့ကာကွယ်ရေးတပ်မတော်၊ လက်ရုံးအထူးတပ်ဖွဲ့ဖြစ်သော P29999 - အထူးစစ်ဆင်​ရေးတပ်ဖွဲ့ SOF ဖွဲ့စည်းတည်ထောင်ခြင်း (၄) နှစ်ပြည့်အခမ်းအနားကို ကရင်ပြည်နယ်၊ မွန်ပြည်နယ် နှင့် ပဲခူးတိုင်းအတွင်းရှိ တပ်ရင်းအထိုင်ချစခန်းများ၌ တပြိုင်တည်း ကျင်းပခဲ့ကြသည်။ အခမ်းအနားများတွင် ပြည်သူ့ကာကွယ်ရေးတပ်မတော် အလံတော်အား အလေးပြုခြင်း၊ သစ္စာဓိဌာန်ရွတ်ဆိုခြင်း၊ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှပေးပို့သော ဂုဏ်ပြုသဝဏ်လွှာ ဖတ်ကြားခြင်း၊ အမှတ် (၁) စစ်ဆင်ရေးနယ်မြေရုံး စစ်ဆင်ရေးမှုး ရဲဘော်စောရှားမှ ဂုဏ်ပြုမိန့်ခွန်းပြောကြားခြင်း၊ စစ်ရုံးချုပ် ဒု-စစ်ရေးချုပ်မှ ဂုဏ်ပြုမိန့်ခွန်းပြော​ကြားခြင်း၊ အထူးစစ်ဆင်ရေးတပ်ဖွဲ့ - SOF တာဝန်ခံ ရဲဘော်အောင်စံရှားမှ (၄) နှစ်ပြည့်မိန့်ခွန်းပြောကြားခြင်းနှင့် ရန်ကုန်တိုင်း ပကဖ ထောက်ပို့တာဝန်ခံ မှ ဂုဏ်ပြုအမှတ်တရစကား​များ အသီးသီးပြောကြားခဲ့သည်။ ထို့နောက် ၂၀၂၄ ဇူလိုင်လ မှ ၂၀၂၅ ဇူလိုင်လအတွင်း မြင့်မြတ်စွာအသက်ပေးလှုခဲ့ကြသည့် SOF ကျဆုံးရဲဘော်များအား "သက်စွန့်အာဇာနည်ဆုတံဆိပ်"များချီးမြှင့်ခြင်း၊ ကိုယ်လက်အင်္ဂါပျက်စီးဆုံးရှုံး၍ ထိခိုက်ဒဏ်ရာပြင်းထန်စွာရသည့်တိုင် တာဝန်ကျေပွန်စွာ ထမ်းဆောင်ခဲ့သူများကို "ကိုယ်ကျိုးစွန့်သူရဲကောင်းဆုတံဆိပ်"များ ချီးမြှင့်ခြင်းဖြင့် အခမ်းအနား အောင်မြင်စွာပြီးဆုံးခဲ့သည်။ တပ်ဖွဲ့ (၄) နှစ်ပြည့်အမှတ်တရ အားကစားနှင့် ပျော်ပွဲရွှင်ပွဲများ ကျင်းပကာ ဂုဏ်ပြုဆုငွေများလည်း ချီးမြှင့်ခဲ့ကြသည်။ အထူးစစ်ဆင်ရေးတပ်ဖွဲ့ - SOF အား ၂၀၂၁ ခုနှစ်၊ ဇူလိုင်လ ၂၁ ရက်နေ့တွင် ပြည်သူ့ကာကွယ်ရေးတပ်မတော် ၊ တောင်ပိုင်းစစ်ဒေသကွပ်ကဲရေးအဖွဲ့မှ စတင်ဖွဲ့စည်းပေးခဲ့ပြီး ယနေ့  ဇူလိုင်လ ၂၁ ရက်နေ့တွင် တပ်ဖွဲ့စတင်ဖွဲ့စည်းတည်ထောင်ခြင်း (၄) နှစ်ပြည့်မြောက်ခဲ့ပြီဖြစ်ပါသည်။ အထူးစစ်ဆင်ရေးတပ်ဖွဲ့ - SOF ပြည်သူ့ကာကွယ်ရေးတပ်မတော်

"ပြည်သူ့ကာကွယ်ရေးတပ်မတော်၊ အထူးလက်ရုံးတပ်ဖွဲ့ဖြစ်သော P29999 - အထူးစစ်ဆင်ရေးတပ်ဖွဲ့ - SOF ဖွဲ့စည်းတည်ထောင်ခြင်း (၄) နှစ်ပြည့်သို့ ပေးပို့သော သဝဏ်လွှာ" ______ ၂၀၂၅ခုနှစ်၊ ဇူလိုင်လ(၂၁)ရက်နေ့ ၁။   (၄)နှစ်တာ တော်လှန်ရေးခရီးအတွင်း မိမိ၏ အသက်၊ သွေး၊ ချွေး တို့ကို ပဓာဏ မထားဘဲ တနိုင်ငံလုံး လွတ်လပ်ရေးအတွက် တိုက်ခိုက်ရုန်းကန်ခဲ့ကြသော အထူးစစ်ဆင်ရေးတပ်ဖွဲ့ - SOF ဖွဲ့စည်း တည်ထောင်ခြင်း (၄) နှစ်ပြည့်သို့ သဝဏ်လွှာ ပေးပို့ခွင့်ရသည့်အတွက် ဝမ်းမြောက် ဂုဏ်ယူ ပါသည်။ ၂။     (၄) နှစ်တာ ကာလအတွင်း အသက် ခန္ဓာ၊ ဘဝ တို့ကို ပေးဆပ် စွန့်လွှတ် သွားသည့်အတွက် ပြည်သူ့သူရဲကောင်း ရဲဘော်များကို လေးနက်တည်ကြည်စွာဖြင့် ဦးညွှတ် ဂုဏ်ပြုအပ်ပါသည်။ ၃။       တော်လှန်ရေး၏ ကြမ်းတမ်းသော အချိန်များအတွင်း အခက်အခဲ စိန်ခေါ်မှုများကို ကြံ့ကြံ့ခံရပ်တည်နေကြသော ပြည်သူ့သူရဲကောင်းများနှင့် အတူ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနသည် နိုင်ငဲံသားများ၏ ဘဝလုံခြုံအေးချမ်းမှုကို အပြည့်အဝ ပေးစွမ်းနိုင်သည်အထိဆက်လက် အားထုတ်ကြိုးပမ်း ဆောင်ရွက်သွားမည်ဖြစ်ကြောင်း ကတိသစ္စာပြုပါသည်။ ၄။     မိမိတို့ပြည်သူလူထုအတွက် ယုံကြည်အားကိုးရသော တပ်မတော်တရပ် ဖြစ်လာရန် ကြိုးစားအားထုတ် ရမည်ဖြစ်ကြောင်း အသိပေး တိုက်တွန်းရင်း မဆုတ်မနစ်သော ဇွဲ၊ လုံ့လ၊ ပေးဆပ်မှုတို့ဖြင့် (၄) နှစ်ပြည့်ခဲ့ပြီဖြစ်သော အထူးစစ်ဆင်ရေးတပ်ဖွဲ့ - SOF သို့ ဤဂုဏ်ပြုသဝဏ်လွှာကို ပေးပို့လိုက်သည်။ ကာကွယ်ရေးဝန်ကြီးဌာန အမျိုးသားညီညွတ်ရေးအစိုးရ

အထူးစစ်ဆင်ရေးတပ်ဖွဲ့ - SOF ၏ (၇၈) နှစ်မြောက် အာဇာနည်နေ့အခမ်းအနား မှတ်တမ်းဓာတ်ပုံများ။

(၇၈) နှစ်မြောက် အာဇာနည်နေ့အခမ်းအနားကျင်းပ ________ ဇူလိုင်လ ၁၉၊ ၂၀၂၅ ခုနှစ်။ ပြည်သူ့ကာကွယ်ရေးတပ်မတော်၊ လက်ရုံး အထူးတပ်ဖွဲ့ဖြစ်သော ၊ P29999 / အထူးစစ်ဆင်ရေးတပ်ဖွဲ့ - SOF မှ (၇၈) နှစ်မြောက် အာဇာနည်နေ့အခမ်းအနားအား တပ်ဖွဲ့အထိုင်ချစခန်းတွင် ကျင်းပခဲ့သည်။ အခမ်းအနားတွင် ပြည်သူ့ကာကွယ်ရေးတပ်မတော် အလံတော်အား အလေးပြုခြင်း၊ ဗိုလ်ချုပ်အောင်ဆန်းနှင့်တကွ အာဇာနည်ပုဂ္ဂိုလ်ကြီး (၉) ဦးအား အလေးပြုခြင်း၊ ခေါတ်အဆက်ဆက် တော်လှန်ရေးကာလအတွင်း ကျဆုံးခဲ့ကြသော အာဇာနည်သူရဲကောင်းများအား အလေးပြုခြင်း နှင့် ၁၀း၃၇ နာရီအချိန်တွင် ဝမ်းနည်းခြင်းအထိမ်းအမှတ် ဦးညွတ်ငြိမ်သက်ခဲ့ကြပြီး အခမ်းအနား ပြီးဆုံးအောင်မြင်ခဲ့သည်။ #အာဇာနည်နေ့ #(၇၈)နှစ်မြောက်အာဇာနည်နေ့ #SOF အထူးစစ်ဆင်ရေးတပ်ဖွဲ့ - SOF ပြည်သူ့ကာကွယ်ရေးတပ်မတော်

ဇူလိုင် ၁၉ ၊ “(၇၈) နှစ်မြောက် အာဇာနည်နေ့ အလေးပြုခြင်း အခမ်းအနား” အား S.O.F တပ်ရင်း-၂ ၊ တပ်ခွဲ ၂ တွင် တပ်ရင်းမှုးဦးဆောင် ကျင်းပခဲ့သည်။ အထူးစစ်ဆင်ရေးတပ်ဖွဲ့ - SOF ပြည်သူ့ကာကွယ်ရေးတပ်မတော်

ဆုတောင်းလို့ မပြီးသေးပါဘူး။🙏🙏🙏 19.6.2025 🎂အမေစုမွေးနေ့လေးမှာ အမေ့ကို ပို​ပြီးသတိရကြပါတယ်၊ ပိုပြီးလွမ်းဆွတ်ကြတယ်၊ စိတ်မကောင်းလည်းဖြစ်ကြတယ်၊ ဒါပေမဲ့ မျှော်လင့်ချက်ကလည်း ပိုမိုထင်ရှားလာတယ်။ တိုင်းပြည်အတွက်၊ ပြည်သူလူထုအတွက် အမေဟာ မရှိမဖြစ်၊ တန်ဖိုးဖြတ်လို့မရတဲ့ ခေါင်းဆောင်ကောင်းတစ်ယောက်ပါ။ အမေ့ကို အားလုံး အရမ်းချစ်ကြပါတယ်။❤️❤️❤️ အသက် ၈၀ ပြည့် အမေ့မွေးနေ့အတွက် SOF တပ်ဖွဲ့မှုးနှင့် ရဲဘော်များမှ မွေးနေ့ဆုတောင်းခြင်း၊ ကဗျာရွတ်ဆိုခြင်းနှင့် မွေးနေ့သီချင်းလေးပါ စုပေါင်း ဖန်တီးတင်ဆက်လိုက်ပါတယ်။🎼 အမေကျမ်းမာပါစေ။ အထူးစစ်ဆင်ရေးတပ်ဖွဲ့ - SOF

Happy Birthday ပါ အမေစု။🎂 အမေကျမ်းမာပါစေ။🙏 မတရားဖမ်းဆီး အချုပ်အနှောင်ခံဘဝကနေလည်း အမြန်ဆုံး လွတ်မြောက်ပါစေအမေ။💪 ကျွန်တော်တို့ SOF သင်တန်း စတက်စဥ်အချိန်တုန်းက ကျွန်တော်တို့ကို ကျွန်တော်တို့ရဲ့ မရိမ်းသင်တန်းဆရာတယောက်က သင်ပြပါတယ်။ မင်းတို့ တော်လှန်ရေးလုပ်တဲ့အခါ ဘယ်တော့မှ ဟီးရိုး မလုပ်နဲ့ဆိုပြီးတော့ ညွှန်ပြပါတယ်။ ကျွန်တော်တို့ ညဘက်မှာ ပြန်စဥ်းစားပါတယ်။ ကျွန်တော်တို့ တော်လှန်ရေးလုပ်တာ ဘာအတွက်လုပ်တာလည်း။ အဖြေကတော့ ရိုးရိုးရှင်းရှင်းပါပဲ။ စစ်အာဏာရှင်စနစ်ချုပ်ငြိမ်းဖို့၊ အပြီးတိုင် အမြစ်ဖြတ်ဖို့၊ ဒီမိုကရေစီနိုင်ငံတော်သစ်ကို ပြည်ထောင်စုတစ်ခုအနေနဲ့ သာတူညီမျှသွားနိုင်ဖို့၊ လွတ်လပ်ဖို့ဆိုတဲ့ အဖြေပါပဲ။ ဒါပေမဲ့ ကျွန်တော် တော်လှန်ရေးလုပ်တာသည် ကျွန်တော်တို့နိုင်ငံ စစ်အာဏာရှင်စနစ်အောက်က လွတ်မြောက်ဖို့လည်း ဟုတ်သလို ၊ ကျွန်တော်တို့ခေါင်းဆောင်တွေအတွက် တိုက်ပွဲဝင်တာလည်း ဟုတ်ပါတယ်။ ဒါကြောင့် ကျွန်တော့်ရဲဘော်ရဲဘက်တွေကို ကျွန်တော်ပြောဖူးပါတယ်။ ငါကတော့ တော်လှန်ရေးလုပ်နေရင်းနဲ့ လိုအပ်ရင်လည်း တချိန်မှာ ငါတို့ခေါင်းဆောင်တွေအတွက် ငါတို့ ဟီးရိုး လုပ်သင့်ရင် လုပ်မယ်ဆိုပြီးတော့ ကျွန်တော် ပြောဖူးပါတယ်။ အမေ့အတွက် ပြည်သူလူထုအားလုံးအတွက် ကျွန်တော်တို့ ဆက်လက်တိုက်ပွဲဝင်သွားမှာဖြစ်ပါတယ်။ အမေကျမ်းမာပါစေ။ အောင်စံရှား - SOF

အောင်ပွဲတွေလဲရှိသလို နောက်ကွယ်မှာပေးဆပ်မှုတွေလဲရှိစမြဲပါ။ ဒါပေမဲ့ ပန်းတိုင်ကိုတော့ မလျော့သောဇွဲလုံ့လမဆုတ်မနစ်သောတော်လှန်လိုစိတ်တွေနဲ့တော်လှန်ရေးအောင်မြင်တဲ့အထိကြိုးစားကြရမှာမလွဲဧကန်ပါ။ #ခမရ-၅၉၈ #ရှေ့ကိုတက် S.O.F #အထူးစစ်ဆင်ရေးတပ်ဖွဲ့ #တောင်ပိုင်းစစ်ဒေသ #ပြည်သူ့ကာကွယ်ရေးတပ်မတော်