لامرئيات الفن السابع 📽

" أكره الطريقة التي تتكلم بها معي وطريقة تسريح شعرك أكره الطريقة التي تقود بها سيارتي أكره ذلك عندما تقوم بالتحديق أكره أحذيتك القتالية الغبية الكبيرة والطريقة التي تقرأ بها عقلي اكرهك كثيراً لدرجة الغثيان اكره كيف تجعلني انظم كالشعر كلماتي اكره عندما تكون محقاً دائماً اكره عندما تكذب اكره الأوقات التي تجعلني فيها أضحك والاسوء عندما تجعلني ابكي اكره عندما تكون بعيد عني وحقيقة أنك لم تتصل بي ولكن الأغلب.. أنني اكره عدم كرهي لك ليس حتي قريباً....ليس حتي قليلاً.. .... بل ليس علي الإطلاق " 10 Things i hate about you (1999) 📌 رابط المشاهدة بالتعليقات 🔎

للتذكير : لينك قناة اليوتيوب 🎬 https://www.youtube.com/@theseventhart7 قناة اليوتيوب Shorts 💯 https://youtube.com/@theseventhart7shorts

"لقد أذنت للشيطان ان يدخل بابك" الفيلم ده فكرته مجنونة مجنونة لابعد الحدود، وبيخليك متوتر طول أحداث الفيلم ومترقب الحدث الجاي او المشهد الجاي بكل فضول لدرجة انه بيخلص من غير ما تحس بالوقت!! الفيلم بيتكلم باختصار عن عيلة سعيدة بتروح تقضي اجازة، بيجيلهم شخص غريب بيطلب انه يقعد عندهم ربع ساعة عشان يكلم بنته بما انه تليفونه فصل شحن، بس محدش يعرف وقتها انه "شيطان" وهيتحكم ببنتهم عن طريق "السحر الأسود" ولازم يسمعوا كل طلباته فمقابل انه يعفو عن بنتهم، ومن هنا بتبدا الأحداث الحقيقية للفيلم... فيلم Shaitaan مقتبس من فيلم تاني اسمه "Vash" اتعمل من سنة تقريبا، وكمان نفس البطلة عملت الدورين هنا وهناك، بس حابب اقولك ان نهاية فيلم شيطان متجيش حاجة جنب درامية وسوداوية الفيلم الاصلي لانها حزينة جدا جدا الحقيقة...وتجنباً للحرق هكتبلك النهاية الأصلية فكومنت. 📌 بقلم /المُترجم عبدالرحمن أسامة 📌متاح للمشاهدة بالتعليقات 🔎

"هكذا تحركت الدُمى" حابب اقولك ان حلقة انهاردة هي اكثر الحلقات غموضاً على مدار السيزون الاول كله بما اننا قربنا نختمه خلاص، لدرجة ان تقريبا اول مرة ابقى بتفرج على حلقة ومش قادر احدد الخطوط العامة لحد وقت قريب جدا من النهاية. الحلقة بتتكلم عن واحدة مش لاقية الحاجة اللي عاوزة تشتريها في المركز التجاري كله لحد ما بتطلع الدور التاسع ورغم انه مكان فاضي بتلاقي موظفة بتقولها انها عارفة اسمها وعارف طلبها، بتشتري وهي مستغربة ولما بتمشي بتلاحظ ان فيه تلف فالحاجة اللي اشتريتها، فبعدها بتروح للإدارة عشان تشتكي وهناك بتتصدم بحاجتين....الاولى لما بتعرف اني مفيش دور تاسع اصلا فالمركز التجاري ده، والتانية لما بتكتشف ان الموظفة في الأصل عبارة عن "تمثال عرض!" للي ميعرفش مسلسل Twilight Zone، هو اقدم واعظم مسلسل خيال علمي في التاريخ، وكل حلقة منه ابطال وقصة مختلفين، والحلقة قائمة بذاتها بالظبط زي بلاك ميرور بس الفرق اني Twilight zone هو الأصل لكل الأعمال ديه، فاستمتعوا لانه هيكون تجربة عظيمة فعلاً 👌 The Twilight Zone S1E34

2️⃣ الفيلم بيبدا براجل بيجمع اولاده وبيبلغهم انه هيتطوع باختياره "بالموT الرحيم" هو ومرات ابوهم المُعضلة كلها بتبدأ لما بتيجي شرطة التنفيذ وبتقول انهم مهمتهم بتقضتي "تحصيل جثTين" وبما انهم حصلوا على ج$ة الأب بس ومع هروب زوجته، ""فالمُعضلة الحقيقية بتكون فمين من الأخوات هيقرر سواء طواعية او بالطريقة الصعبة انه يكون الج$ة التانية؟!"" وبتقرر شرطة التنفيذ انها تسيبهم ساعتين يفكروا في القرار.... بالنسبة لنهاية الفيلم مش وحشة بس كانت ممكن تكون احلى لأن القصة قوية جدا واتمنى اقتضاءاً بسلسلة التطهير انه يتعمل جزء تاني متوسع بشكل اكبر ، ومعلومة هامشية تانية الفيلم بيجي من إخراج Caitlin Cronenberg وهي بنت المخرج الكندي الكبير DAVID CRONENBERG اللي عمل اعمال زي A dangerous method بتاع فرويد وكارل يونغ وافلام تانية كتير لا حصر لها...، وتعتبر التجربة الأولى ليها كفيلم روائي طويل. فيلم غريب جدا وعجيب الحقيقة. 📌 بقلم/ عبدالرحمن أسامة 📌 متوفر للمشاهدة بالتعليقات 🔎

1️⃣ الفيلم ده بيفترض انه فالمستقبل القريب بتحصل مشكلة كبيرة في نقص الموارد، لدرجة ان الدول الكبيرة بتعلن عن اجتماع طارئ بين القادات العليا للدول ومن خلاله بيتفقوا ان كل دولة هتقفل حدودها لمدة سنة عشان تحل الازمة العالمية ديه مع العلم...ان كل الطرق مشروعة للتعامل مع "التعداد السكاني" يعني بطريقة ابسط شوية كل دولة ليها حرية اختيار الطريقة...المهم ان تعداد السكان بتاعها يقل في خلال سنة واحدة بس! كأنك قدام The purge فيلم التطهير بس بطريقة روائية، كفكرة البداية وانها بتدور جوا عيلة أمريكية خالصة، وتأثير قرار زي ده عليهم...وده بيخلي أجواء الفيلم متوترة وده بيتسربلك انت كمان كمُشاهد حتى.

للتذكير : لينك قناة اليوتيوب 🎬 https://www.youtube.com/@theseventhart7 قناة اليوتيوب Shorts 💯 https://youtube.com/@theseventhart7shorts

2️⃣ والجزء التاني بيكمل القصة وبيتكلم عن واحد منهم نجا من البيت ده وصاحب البيت المجنون، بس للاسف لازم يرجع للبيت تاني عشان ينفذ مهمة إنقاذ.... والجزء ده بيتوسع اكتر واكتر من الجزء الاول وبيبقي اعلى منه كمان وحرفياً بيبقي من اعظم افلام الرعب اللي تم إنتاجها، وهتحسسك فعلا بالتوتر والرعب! ملحوظة: الفيلم يأتي من صناع سلسلة saw + الفيلم مش عائلي خااالص "الجزء الاول بأسم The Collector، والتاني باسم The Collection، بمعنى الجامع...والمجموعة" في النهاية تجربة رعب قوية جدا ودسمة ومتنوعة وجامعة عناصر كتير من الرعب مع بعض. 📌بقلم: عبدالرحمن أسامة 📌 متوفر للمشاهدة بالتعليقات 🔎

1️⃣ "ده اللي يتسمى بتجربة رعب شامل" مبدئيا كدة الفيلم ده بينقسم لجزئين والاتنين مربوطين ببعض ويُفضل انكم تشوفهم ورا بعض،ثانيا بيضم كل زيجات الرعب اللي تتخيلها واللي ماتتخيلهاش سواء نفسي او سلاشر او الاعتيادي او الغريب.... تخيل كدة بتتفرج على فيلم فيه رعب خضات ورعب نفسي وقTل ودMوية واثارة وحبس انفاس حاجة حرفياً تجبلك التوتر وانت قاعد... الجزء الأول بيتكلم عن عائلة أمريكية متوسطة الحال بتتنقل لمنطقة نائية في ولاية ديترويت. الاب بيشتغل نجارًا ويصلح الأبواب والنوافذ لكسب رزقه. وبتبدأ الديون تتراكم عليهم أكثر وأكثر، وتتورط زوجته وابنته في العديد من القروض، تلك التي لا يكفي راتبه الأسبوعي الشحيح عن سدادها.لذا يخطط لسرقة ليلية يجمع بها المال اللازم، بس اللي محدش يعرفه ان البيت ده هيكون عبارة عن بيت كله افخاخ ! والفيلم يعتبر الأب الروحي ل Don't breath الفيلم معظمه هيبقي في بيت واحد كله افخاخ ومطاردات وتصاعد توتر وإثارة رهيب وغير متوقع!

Godzilla Minus One انا كمُشاهد سينمائي مش بحب الأفلام اللي بتتكلم عن الوحوش ممكن استثني حاجة زي كينج كونغ النسخة الأصلية وثلاثية القرد سيزر عشان ديه فعلا افلام فعلا متعوب عليها وبتجمع بين عناصر كتير كلها ممتازة الحقيقة...غير كدة مفيش اي افلام وحوش بديها حتى الفرصة ان اتفرج عليها وخصوصاً أفلام الوحش جودزيلا، لحد ما شوفت الفيلم الياباني الجديد وغيرت فكرتي تماماً الحقيقة.... اول مرة اشوف فيلم لجودزيلا فيه بناء درامي وحبكة وهدف ده غير المتعة البصرية واللي استحقت عن جدارة الأوسكار لأفضل مؤثرات بصرية الحفلة اللي فاتت، ده غير الجانب النفسي للشخصية الرئيسية للعمل اللي مشهورة بيها اليابان وده بيبان خصوصا في فن الإنمي والمانجا، فكرة الصراع النفسي للبطل والحرب الخاصة بيه كانت مميزة جدا جدا... الفيلم بيدور في حقبة الحرب العالمية التانية ومع ظهور وحش بيدمر كل حاجة فطريقه، وما بين شخص بيتهرب من اداء واجبه في الجيش لحد ما بيبدا التصادم مابينهم هما الاتنين في اكتر من موقف! فالنهاية تجربة ممتازة وتستحق كل دقيقة الحقيقة في فئة الأفلام ديه وكمان بنصح بيه جدا جدا لوقت مسلي وعائلي. 📌متاح للمشاهدة بالتعليقات