Rin Vichet-PBS

មនុស្សច្រើនជាង៩សែននាក់ បានធ្វើអត្តឃាតជារៀងរាល់ឆ្នាំ។ ការធ្វើអត្តឃាតគឺជាមូលហេតុធំទីពីរនៃមនុស្សដែលស្លាប់ក្នុងវ័យក្មេង។ មានមនុស្ស៣នាក់ក្នុងចំណោម៤នាក់ ដែលមានជំងឺផ្លូវចិត្តធ្ងន់ធ្ងរ មិនបានទទួលការព្យាបាលទេ។ មានការព្យាករណ៍ថានៅឆ្នាំ២០៣០ជំងឺធ្លាក់ទឹកចិត្ត នឹងក្លាយជាមូលហេតុចម្បង នៃបន្ទុកជំងឺនៅទូទាំងពិភពលោក។ ទាំងនេះ គឺជារបាយការណ៍របស់អង្គការសុខភាពពិភពលោក (WorldHealth Organization) នៅក្នុងផែនការសកម្មភាព សុខភាពផ្លូវចិត្ត ពីឆ្នាំ ២០១៣ ដល់២០២០។ ការរីកចម្រើនផ្នែកវិទ្យាសាស្រ្តនិងវេជ្ជសាស្រ្តអាចជួយសម្រួលដល់ការរស់នៅនិងព្យាបាលសុខភាពផ្លូវកាយដល់មនុស្សបានប៉ុន្តែមិនអាចព្យាបាលសុខភាពផ្លូវចិត្តបានឡើយក៏មិនមែនបានន័យថា ជំងឺផ្លូវចិត្តគ្មានថ្នាំព្យាបាលនោះដែរគ្រាន់តែវិធីព្យាបាលជំងឺផ្លូវចិត្ត ជាថ្នាំដ៏អស្ចារ្យ គ្មានរូប គ្មានក្លិន គ្មានពណ៌ ឱ្យយើងឃើញបានឡើយ ឬយើងអាចហៅថាជាថ្នាំវេទមន្តក៏បាន! ខ្លឹមសារនៅក្នុងសៀវភៅនេះគឺជាមេរៀនល្អៗរួមដោយគន្លឹះពិសេសៗ សម្រាប់ជួយព្យាបាល និងទប់ស្កាត់ជំងឺផ្លូវចិត្តរបស់អ្នកជួយឱ្យជីវិតមានសុភមង្គលកាន់តែច្រើន។ ក្នុងនាមជាអ្នក ដែលធ្លាប់បានឆ្លងកាត់ជំងឺធ្លាក់ទឹកចិត្ត នឹងបញ្ហាផ្លូវចិត្តជាច្រើនដង ខ្ញុំយល់ថា ជីវិតដែលសុខ ក៏ព្រោះចិត្តសុខ។ ប្រសិនបើមានសេចក្តីសុខផ្លូវចិត្តហើយ នោះយើង ក៏ទទួលបានសុខភាពល្អ រាងកាយមាំមួន ហើយសុភមង្គលក៏កើតតាមលំដាប់ដែរ។ក្នុងសៀវភៅនេះខ្ញុំបានបែងចែកខ្លឹមសារជា៤ជំពូកគឺ៖ ជំពូក១៖ សិក្សាពីចិត្ត ជំពូក២៖ សិក្សាពីអារម្មណ៍ ជំពូក៣៖ សិក្សាពីចេតសិក ជំពូក៤៖ វិធីសាស្រ្តគ្រប់គ្រងចិត្ត ក្នុងជំពូកនីមួយៗខ្ញុំបានព្យាយាមបកស្រាយ និងលើកឧទាហរណ៍បង្ហាញពីចំណុចនីមួយៗយ៉ាងច្បាស់ ហើយប្រភពធំបំផុត នៃសៀវភៅទាំងនេះ គឺដកស្រង់ពីបរមត្ថធម៌ ជាគោលការណ៍គ្រឹះសំខាន់បំផុត នៃពុទ្ធសាសនាដែលអាចនាំឱ្យមិត្តអ្នកអានយល់ពីទិដ្ឋភាពទូទៅរបស់ចិត្តនិងបញ្ហានានាបានយ៉ាងងាយទោះជាយ៉ាងណាក៏ដោយមេរៀនទាំងនេះអាចមានប្រសិទ្ធភាពទៅបានក៏ត្រូវអាស្រ័យលើការយកចិត្តទុកដាក់របស់អ្នកអានដោយខ្លួនឯងផងដែរលុះត្រាតែអ្នកមានការតាំងចិត្តថានឹងអនុវត្តដោយខ្លួនឯងដើម្បីធ្វើឱ្យចិត្តមានការធូរស្បើយពេលដែលមានវិបត្តិកើតឡើងក្នុងជីវិតគ្រប់យ៉ាងគឺស្ថិតនៅលើអ្នកជាអ្នកសម្រេចដោយខ្លួនឯង។ ខ្លឹមសារនៃសៀវភៅនេះអាចមានពាក្យខ្លះដែលពិបាកអានឬមានឃ្លាខ្លះដែលតម្រូវឱ្យអានច្រើនដងទើបអាចយល់ន័យតែខ្ញុំជឿថាមិត្តអ្នកអាននឹងតាំងចិត្តអាននឹងស្វែងយល់ពីអនុវត្តនូវមេរៀនដែលមានក្នុងសៀវភៅនេះដើម្បីកើតជាប្រយោជន៍ដល់ខ្លួនឯងបាន។ #វាំងននចិត្តមនុស្ស #រិន វិចិត្រ #ផ្ទះបុស្បាសៀវភៅ

«នីសា! សុំទោសដែលខ្ញុំចូលក្នុងជីវិតនាងយឺតមួយជំហ៊ានសុំទោសដែលខ្ញុំមិនអាចក្លាយជាស្នេហាគ្រាដំបូងរបស់នាង។ ប៉ុន្តែតទៅមិនថាខ្ញុំមកយឺតឬក៏លឿនមិនខ្វល់ថាជាមនុស្សដំបូង ឬចុងក្រោយខ្ញុំសុំត្រឹមតែនាងព្រមចាប់ដៃខ្ញុំព្រមឱ្យខ្ញុំក្លាយជាចំណែកមួយជីវិតនាង។ឱ្យខ្ញុំបានមើលថែនាងរួមដំណើរជាមួយគ្នារហូតទៅ...» នីសាញញិមទាំងទឹកភ្នែកដោយក្តីរំភើប ហើយតបទៅគេវិញ៖ «វីរៈ! ខ្ញុំអរគុណលោក។ អរគុណដែលព្រមចូលមកក្នុងជីវិតខ្ញុំពេលដែលខ្ញុំដុនដាបបំផុត។ លោកធ្វើឱ្យខ្ញុំដឹងថាស្នេហាពិតគឺមិនមែនស្រឡាញ់ព្រោះស្អាតមិនមែនស្រឡាញ់ព្រោះល្អ ប៉ុន្តែគេនឹងធ្វើឱ្យ យើងក្លាយទៅជាមនុស្សម្នាក់ដែលស្រស់ស្អាតដោយសារក្តីស្រឡាញ់របស់គេ... អរគុណណាស់វីរៈ អូនស្រឡាញ់បង!» #អ្នកដទៃក្នុងបេះដូងបង... ចុចអានរឿងពេញ៖https://t.me/MrHaply/223 #រិនវិចិត្រ

សួស្តីមិត្តអ្នកអាន! មួយរយៈពេលហើយដែលខ្ញុំខកខានមិនបានចេញផ្សាយរឿងនៅលើផេក និងឆានែលតេឡេក្រាម។ ក្នុងអំឡុងពេលនេះខ្ញុំបានដកឃ្លាពីការសរសេររឿង មកបញ្ចប់ស្នាដៃសៀវភៅបែបចិត្តសាស្រ្តមួយក្បាល ដែលជាការស្រាវជ្រាវពីបញ្ហាផ្លូវចិត្ត និងវិធីសាស្រ្តគ្រប់គ្រងចិត្ត កាត់បន្ថយភាពស្មុគ្រស្មាញ បង្កើនសុភមង្គល និងជោគជ័យក្នុងការងារ។ ក្នុងនាមជាអ្នក ដែលធ្លាប់បានឆ្លងកាត់ជំងឺធ្លាក់ទឹកចិត្ត នឹងបញ្ហាផ្លូវចិត្តជាច្រើនដង ខ្ញុំយល់ថា ជីវិតដែលសុខ ក៏ព្រោះចិត្តសុខ។ ប្រសិនបើមានសេចក្តីសុខផ្លូវចិត្តហើយ នោះយើង ក៏ទទួលបានសុខភាពល្អ រាងកាយមាំមួន ហើយសុភមង្គលក៏កើតតាមលំដាប់ដែរ។ ជំងឺផ្លូវចិត្តគឺជាឃាតករដ៏សាហាវតែវាមិនគួរឱ្យខ្លាចទេ បើយើងដឹងពីវិធីទប់ស្កាត់ និងព្យាបាល។ ក្រោយចាយពេលអស់ជាងពីរខែសៀវភៅថ្មីនេះខ្ញុំបានសរសេរបញ្ចប់ និងឆ្លងកាត់ដំណាក់កាលពិនិត្យអក្ខរាវិរុទ្ធរួចរាល់ជាស្ថាពរ ហើយខ្ញុំនឹងដាក់ឱ្យទាញយកអានដោយឥតគិតថ្លៃក្នុងឆានែលតេឡេក្រាមរបស់ខ្ញុំឆាប់ៗនេះដែរ... --------------------------------- អានរឿង និងអត្ថបទជាច្រើនទៀតដោយឥតគិតថ្លៃក្នុងChannel Telegramរបស់ខ្ញុំ៖ https://t.me/MrHaply #រិនវិចិត្រ #វាំងននចិត្តមនុស្ស #រិនវិចិត្រ #PBS

អបអរសាទរ ទិវានារីអន្តរជាតិ ៨មីនា២០២៣ -----------

ផ្ញើជូននិស្សិតជាពិសេស

#អបអរសាទរទិវាវប្បធម៌ជាតិលើកទី២៥ វប្បធម៌រលត់ជាតិរលាយ វប្បធម៌ពណ្ណរាយជាតិថ្កើនថ្កាន #រិនវិចិត្រ

#សួស្តីខែមីនា ពីមួយវិនាទីទៅមួយវិនាទី ពីមួយនាទី មួយម៉ោង មួយថ្ងៃ មួយខែរហូតដល់ឆ្នាំ មានរឿងរ៉ាវជាច្រើនដែលយើងម្នាក់ៗបានឆ្លងកាត់ គ្រាន់តែរឿងខ្លះយើងមិនបានចាប់អារម្មណ៍រហូតមិនដឹងខ្លួនថាបានឆ្លងកាត់វាឬអត់ផង។ រឿងខ្លះទៀតមានឥទ្ធិពលមកលើជិវិតយើងរហូតដល់មិនបំភ្លេចបានស្ទើរតែពេញមួយជីវិត។ ភាពឈឺចាប់ ភាពសប្បាយរីករាយ ភាពជោគជ័យ បរាជ័យ សេចក្តីស្រលាញ់ និង ស្អប់ រឿងរ៉ាវផ្សេងៗ ព្រមទាំងមនុស្សដែលនៅជុំវិញខ្លួនយើង គង់នឹងចាប់ផ្តើមរសាត់ចេញ និងប្រែប្រួលម្តងបន្តិចៗ ហើយយើងក៏គង់នឹងដឹងថា ហេតុអ្វីក៏វាក្លាយជាបែបនេះ។ រាល់ការកើតឡើង រមែងតែមានការផ្លាស់ប្តូរ ហើយការផ្លាស់ប្តូរសុទ្ធតែមានហេតុនិងផល។ សំខាន់បំផុត យើងត្រូវចេះទទួលស្គាល់ថា មិនមែនសុទ្ធតែគ្រប់រឿងដែលបានកើតឡើងមកលើយើង ក៏ដូចជាគ្រប់គ្នាដែលយើងបានជួប នឹងត្រូវនៅជាមួយយើងរហូតបែបនេះនោះឡើយ។ រាល់ហេតុការណ៍ និងមនុស្សគ្នាដែលបានចូលមកក្នុងជីវិតយើងក្នុងពេលណាមួយ រយៈពេលឆាប់ឬយូរក៏ដោយ សុទ្ធតែផ្តល់អោយយើងនូវមេរៀន បទពិសោធន៍ មនោសញ្ចេតនា កម្លាំងចិត្ត ខុសៗគ្នាយ៉ាងច្រើន សម្រាប់យើង ដើម្បីទុកជាការលូតលាស់ផ្នែកបញ្ញា ស្មារតី កាយសម្បទា ហើយរឿងខ្លះទៀត ធ្វើអោយយើងយល់ថា សេចក្តីស្រលាញ់ចំពោះខ្លួនយើងគឺសំខាន់ប៉ុណ្ណា។ ដូចនេះ ចូរកុំអស់សង្ឃឹមនឹងបរាជ័យ កុំខឹងឬតូចចិត្តនឹងរឿងដែលមិនសមបំណង កុំអំនួតនឹងភាពជោគជ័យដែលយើងបានធ្វើ ឬទទួលបានពីអ្វីមួយ តែត្រូវទទួលស្គាល់ការពិត រឹងមាំ បន្តដុសខាត់និងអភិវឌ្ឍនូវអ្វីដែលយើងស្រលាញ់ អ្វីដែលធ្វើអោយជីវិតយើងស្កប់ស្កល់។ ស្វែងរកនិងផ្តល់ក្តីស្រលាញ់ចំពោះខ្លួនយើង នោះយើងនឹងយល់កាន់តែច្បាស់ ថាអ្វីទៅដែលហៅថាការនៅក្នុងភាពជាមនុស្ស។ _____ #រិនវិចិត្រ

#រឿងស៊ើបអង្កេតទាំងពីររបស់ខ្ញុំដែលធ្លាប់ចេញផ្សាយកន្លងមក។ -បេះដូងអនុសេនីយ៍ សំណុំរឿងឃាតកម្ម និងការស្វែងរកប៉ូលិសខ្មៅ ចេញផ្សាយដោយឥតគិតថ្លៃ ក្នុងChannel Telegram របស់ខ្ញុំ។ -កុលាបស្រោចឈាម រឿងរ៉ាវឃាតកម្ម និងចិត្តសាស្រ្ត ដែលដកស្រង់ពីរឿងពិតមួយនៅខេត្តសៀមរាប កាលពីឆ្នាំ២០១៨។ មានលក់នៅ ផ្ទះបុស្បាសៀវភៅ BossbaSeavphov បើអត់ទាន់បានអានអាចជួយទិញដើម្បីផ្តល់កម្លាំងចិត្តដល់អ្នកនិពន្ធផង😄 ---------------------------------

albumសម្រាបអ្នកចូលចិត្តថ្ងៃលិច.... https://m.facebook.com/story.php?story_fbid=pfbid0228QvuV5mxNZ9ddrAzkKrXnuSobf4F7pcXRP6g8ayQrLoegXfhV2hctVNYrZYR9ADl&id=100063725851695&sfnsn=mo&mibextid=6aamW6

មានតែយើងខ្លួនឯងទេ ដែលស្គាល់ខ្លួនឯងច្បាស់

ឱ្យតែរកខ្លួនឯងឃើញ ធ្វើអ្វីក៏សម្រេចដែរ...

អារម្មណ៍​ពេលអានរឿងខ្លួនឯង ខុសពីអារម្មណ៍ពេលកំពុងសរសេរ.... --------- កុលាបស្រោចឈាម ជាប្រលោមលោកបែបស៊ើបអង្កេត​និងចារកម្ម ដែលដកស្រង់ពីរឿងរ៉ាវឃាតកម្មពិតមួយនៅខេត្តសៀមរាបកាលពីឆ្នាំ២០១៨។​ មិត្តអ្នកអានដែលចូលចិត្តស្នាដៃខ្ញុំអាចរកទិញសៀវភៅនេះបានពី ផ្ទះបុស្បាសៀវភៅ BossbaSeavphov និងហាងលក់សៀវភៅនានាជាច្រើនទៀត... #កុលាបស្រោចឈាម #​រិន​វិចិត្រ