شقحات صنعاني 🇵🇸 𖠲

ولن نقول لكم إلا كما قال سمير سمكره مالوش في المسخره.. #يهنئ

ياعيباه والقارح وقع سمعتوا طاير التخديرة ابن اليهودية..

" في الضيق والضبح هذا ماعاد بيسلي علينا ويضحكنا الا ريال مدريد.🤦‍♂😹🚬 #غااااغهه "

" غارق في احزاني ، كسفينة كان حلمها أن تعبُر باب المندب بسلام.!#~ #ياوجع_السُفن_والحسابات "

" فلان وفلتان وزعطان وعلان اشتي ادرى منهم هولا عيال السوق اللي بيدخلو في نصايح الوالد الله يحفظه بالذات ابن فلان هذا اتعبني والله.🤦‍♂.! #من_زغن_الحدث #قدو_الصدق "

" إنَّا للَّه وإنَّا اليهِ راجعونَ تصحى على خبر يقهرك صاحبنا وصديقنا نزيه سوار انتقل إلى جوار ربه واربعه من اصحابه ربي يرحمك ويغفر لك يا نزية ويصبر قلب اهلك.😞💔 توفي غرق بالحديدة هو واربعه جنبه. #الله_يرحمهم "

" أشهر كذبه عند النسوان ايام العيد والله إن بديتك عندي احسن من الفلوس وهي قد بتفكر من قبل العيد بـ اسبوع تشتري لولدها متر بالعسب الذي عيقع لها.🤦‍♂😹. #الحرب_مطوله "

" قدنت تدخل تسلم عندهم وتعسب وتخرج ولا عاد في جيبك ريال تحس انك دخلت تلعب قمار مش تسلم على الارحام.🤦‍♂.! ناولت جاهل يصرف الف ويشل له خمس مية قال مابش صرف ورجع لي الباقي مليم ابو عودي.! سهل هذا كله بس الذي يقهرك الذي يقلك مابش داعي للعسب والله يكفي بديتكم وقده لابس للكوت حقك.🤦‍♂😹🚬 #يهنئ "

" مال الناس هاكذة قلك شال بـ الف دولار.! وراس ترامب ان معي شال ابو 4 الف وقد له 3 سنوات بين اتقبع به وانشف به القات واتمخط به وشاعيد به والكل.🐸🚬 #يهنئ #محد_احسن_من_احد "

" قريبأ كعك صبوح كعك غدا كعك عشاء كعك قبل م تخزن حلي بكعك بعد القات كعك لوما قد الواحد فيه ضمور من سوء التغذيه مبشم حالته حاله.🤦‍♂😹🚬 #الله_يخارجنا #يهنئ "

" القات في رمضان ما يقرح الا متأخر تحس ان بحشامتك جلست تصلي تراويح.🤦‍♂💔. #وريحهم_ياقوم

الوقت من بعد المغرب بيرجع قعيطي.!! #يالله_دحنا

" من غلا الملابس هذه الأيام اللي معه خمسة جهال يكسي واحد فيهم والباقي يهنوه ساع العريس.🤦‍♂😹💔 #يهنئ "

" البزي بطنة بتوجعة اشتي انزل اشتري له زبادي مارضي يأكل شي من الصبح وامي تشتي اشتري لها تونة علشان الفطائر حق العشاء..! ذاحين انا كيف اقنع صاحب البقالة يدي لي تونة وزبادي بدون ما يشك ان انا اشتي افطر ويشولح بي ملان الحارة.🤦‍♂💔 #يهنئ "

" وقلك ماقد فعل السيد حقكم نزّل عار اليهود البدرومات وبيرقّدهم من مغرب قولي انت ايش فعل العليمي حقكم..! العليمي هذا قطع غيار ياربي لك الحمد." #الله_اكبر "

" السلام على روحك الطاهره إنا على العهد يا ابو حمزه فنحن يمن الإيمان والحِكمة {نَحْنُ أُولُو قُوَّةٍ وَأُولُو بَأْسٍ شَدِيدٍ} الملثم الاسود ابو حمزة ارتقى اليوم الى ضيافة الله." #سلام_الله_علئ_روحك_الطاهره "

" يمرض لكنه لا يموت ❤💙 4 اهداف من الدقيقة 70 ايش الجنان هذا.! الدقيقة 70 ...2/0 الدقيقة 96 ... 2/4 والله كانت مباراة حماس غير طبيعي شحبت صياح الحمد لله الزلط الي استاجرنا بها الاستراحة حلال.🤦‍♂😹🚬 #سخراط "

" عتخلونا نرمض ساع الناس يا عيال السوق احنا والضررب هذه الساع.! قبل شويه قصفوا ذمار المهم ذلحين انا بنهم اصحاب يريم عيخرجو يقولوا وهم ليش مايقصفوهم حسادين.🤦‍♂.! "

" قصف صهيوني امريكي على صنعاء الآن..! ياعيباااه امانه ٨ او ٧ صواريخ ورا بعض هزت الحاره كلها في الجراف اقسم بالله زي حق الضاحيه.💔 #مايقرحوش #عيال_الحرام "

" الفقر نعمة من الله..! لما تكون فقير تعتمد بكل شي على نفسك تجاهد على نفسك جهاد علشان توصل لحلمك تتعب وتكافح وتتألم وتعاند وتصر كل هذا علشان تضمن وصولك.🐸.! عكس الاغنياء يضمن كل شي بفلوسه وبدون تعب ولا كفاح يدخل المباراة وقد جاب للحكم سيارة وبيت وخمسين الف $ ويلعب وهو راكن حتى لو هدفو عليه ضربة جزاء راكن ان الحكم بيلغيها ويجيب أي عذر ويفوزهم كما حدث قبل امس بمباراه ريال مدريد.🤦‍♂😹😹💔 ما اجمل الفقر والفقراء حبايب غلبي فيسكا برسا.💙❤️. #يهنئ "