Channel Tai ၸိူင်းငဝ်းတူင်ႉ ၽႃႇသႃႇလိၵ်ႈတႆး

ပၢႆးမၢၵ်ႈမီး ယႃႈမဝ်းၵမ် (The Business Of Drugs) မၢႆၸိူင်း - 070 (တွၼ်ႊ - 1 ထိုင် 6) ၵႃႊၶၼ် - 3000 Ks

လွင်ႈၼႂ်းၸႂ်မႅဝ်း မၢႆၸိူင်း - 069 “ၼႂ်းၸႂ်မႅဝ်းၼိူင်ႈတူဝ်ၼၼ်ႉ ပဵၼ်သင်ဝႆႉယူႇ” လႃႇ? ၶေႃႈထၢမ်ၼႆႉ ပဵၼ်လွင်ႈၽူႈႁၵ်ႉမႅဝ်းလႄႈ ၽူႈၶူၼ်ႉၶႂႃႉလဵပ်ႈႁဵၼ်းမႅဝ်းၶဝ် တိုၵ်ႉၶတ်းၸႂ် ႁႃၶေႃႈတွပ်ႇမၼ်းဝႆႉယူႇ။ တႄႇၸဵမ်မိူဝ်ႈပူၼ်ႉမႃး မိုၼ်ႇပီႊလိူဝ် မႅဝ်းၸိူဝ်းၼႆႉ ၶဝ်ယူႇၸွမ်းႁဝ်းယူႇသေတႃႉ ႁၢၼ်ႉတေႃႇဝၼ်းမိူဝ်ႈၼႆႉ ႁဝ်းယင်းပႆႇႁူႉပွင်ႇ လွင်ႈၼႂ်းၸႂ်မႅဝ်းၶဝ်လႆႈ လီလီၵွၼ်ႇ။ ယဝ်ႉၵေႃႈ ၵၢၼ်ၶူၼ်ႉၶႂႃႉလွင်ႈမႅဝ်းၼႆ့ ပေႃးတႅၵ်ႈၼိူင်းၵၼ်တင်း ၵၢၼ်ၶူၼ်ႉၶႂႃႉ လွင်ႈမႃၼႆ မၼ်းတူၵ်းလိုၼ်းယူႇ (15) ပီႊၼၼ်ႉယဝ်ႉ။ မိူဝ်ႈလဵဝ်ၼႆႉ   ၽူႈလူင်ႉလႅၼ်ႇပၢႆးသၢႆႊ ဢၼ်ၶူၼ်ႉၶႂႃႉလွင်ႈမႅဝ်းၶဝ် ဢွၵ်ႇမႃးတင်းၼမ်ၵွႆးဢမ်ႇၵႃး လွင်ႈၸၢမ်းတူၺ်း မႅဝ်း လႄႈ ၶူၼ်ႉလွင်ႈမႅဝ်းၵေႃႈ မီးမႃးတင်းၼမ်ယူႇယဝ်ႉ။ လွင်ႈၼႂ်းၸႂ်မႅဝ်း လႄႈ ပိူင်ယူႇပိူင်သၢင်ႈ မႅဝ်းၶဝ်ပဵၼ်ႁိုဝ် မီးႁိုဝ်ဢၼ်ဝႃႈၼၼ်ႉ ႁဝ်းၶႃႈ ၶဝ်ႈတူၺ်းၵၼ်ၸွမ်း တင်းၽူႈၶူၼ်ႉၶႂႃႉၶဝ် ၼႂ်းငဝ်းတူင်ႉႁူဝ်ၼႆႉ လႆႈယဝ်ႉၶႃႈ။ ငဝ်းတူင်ႉႁူဝ်ၼႆႉ ပိုၼ်ၽႄဢွၵ်ႇမိူဝ်ႈပီႊ 2022 သေ ယူႇတီႈ Netflix ၶဝ်သေ ပိုၼ်ၽႄဢွၵ်ႇ ပဵၼ် ၸိူင်းမၢႆတွင်းဢၼ်ၼိူင်ႈၼၼ်ႉယဝ်ႉ။ ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies

 ၶတ်းတႃႉတေႃႇ ၸဝ်ႈၶူင်းၼိူဝ် မၢႆၸိူင်း - 068 ပုမ်ႇသိူၵ်ႈ ဢၼ်ဝႃႈ သင်ဝႃႈတူၺ်းမႅၼ်ႈၺႃး သၢႆတႃ "မႄႇတူႇသႃႇ" ဢၼ်မီးၶူၼ်ႁူဝ်ငူးယဝ်ႉၼၼ်ႉ တေယဵၼ်းပဵၼ် မၢၵ်ႇႁိၼ်ၵႂႃႇဢၼ်ဝႃႈၼၼ်ႉ ၵမ်ႈပႃႈၼမ် တေယၢမ်ႈငိၼ်းယူႇၶႃႈ။ ၼႂ်းၸိူင်းႁူဝ်ၼႆႉတေႉ တေလႆႈႁၼ် ၸၢႆးၸိူင်း ဢၼ်ထႆႇၸိူင်း  Avator ဢၼ်ပဵၼ် Sam Worthington လႄႈ Taken ဢိၵ်ႇၼၢင်းၸိူင်း  Gemma Arterton ၶဝ်ၸိူဝ်းၼႆႉ ၶဝ်ႈပႃးဝႆႉယူႇၶႃႈ။ ၸိူင်းၼႆႉတေႉ ထႆႇဝႆႉ လွင်ႈပုမ်ႇသိူၵ်ႈ ၽြႃးၵွတ်ႉ ၸဝ်ႈၶူင်းၼိူဝ်ၶဝ် ယွၼ်ႉၵူၼ်းၶူင်းၵၢင် ဢမ်ႇၼပ်ႉယမ် လူလၢႆမႃးလႄႈ ဢွၵ်ႇၸႂ် ၶႂ်ႈသၢင်ႇသွၼ် ၵူၼ်းၶူင်းၵၢင် မႃးၼၼ်ႉယဝ်ႉ။ ၽြႃးၵွတ်ႉ ဢၼ်ၽၢၼ်သၢင်ႈ ၵူၼ်းၶူင်းၵၢင်မႃးၼၼ်ႉ ယွၼ်ႉၶႂ်ႈမီးၽုင်းမုၼ် ဢဵၼ်ႁႅင်းယႂ်ႇသေ ၸႂ်လမ်တေႃႇၵူၼ်းယဝ်ႉ ႁိမ်တီႈယူႇၵၼ်ၶိုၼ်းသေ ယွၼ်ႉၽွၼ်းယွၼ်ႈၼၼ်ႉ ႁွတ်ႈထိုင်မႃး မိူင်းၵူၼ်းလႄႈ ၸင်ႇမီးလုၵ်ႈၶိုင်ႈ ၽြႃးၵွတ်ႉ "ပႃးသျီးယႅတ်ႉ" ၸွၺ်ႈထႅမ်ၵူၼ်းၶူင်းၵၢင် ႁႂ်ႈလွတ်ႈပူၼ်ႉတႂ်ႈ ၽုင်းမုၼ် ၽြႃးၵွတ်ႉ မိူၵ်ႈမႂ်ႈ မၢင်ပႃးမႃးယူႇယဝ်ႉ။ ပုၼ်ႈတႃႇတေ သဵင်ႇတႃႉတေႃႇ ၽြႃးၵွတ်ႉ မိူၵ်ႈၼၼ်ႉ လိူဝ်သေသၢႆတႃ ၼၢင်းမိၵ်ႉသႃႇ "မႄႇတူႇသႃႇ"  ၼၼ်ႉ ဢမ်ႇမီးတၢင်းလႂ်လႄႈမၼ်းၸၢႆးၸင်ႇလႆႈ ၵႂႃႇႁႃ ၶႃႈႁႅမ်ဢဝ်ၵွၵ်းႁူဝ် ၼၢင်းမိၵ်ႇသႃႇၼၼ်ႉမႃးယူႇယဝ်ႉ။ မိူဝ်ႈမၼ်းၸၢႆး ၵႂႃႇဢဝ်ၵွၵ်းႁူဝ်မိၵ်ႉသႃႇၼၼ်ႉ လႆႈယၢပ်ႇယဵၼ်းၵႃႊႁိုဝ်ဢၼ်ဝႃႈၼၼ်ႉ ၶဝ်ႈတူၺ်း ၼႂ်းၸိူင်းတဵမ်မၼ်းလႆႈယဝ်ႉၶႃႈ။ ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies

ၶတ်းတႃႉတေႃႇ ၸဝ်ႈၶူင်းၼိူဝ် မၢႆၸိူင်း - 068

သိုၵ်းလဵၵ်း ၽိုၼ်ႉလူၵ်ႈ မၢႆၸိူင်း - 066 ပွၵ်ႈၼႆႉတေႉ "ဢေႃႇတူဝ်ႇပွတ်ႉ" ၶဝ် တေဢမ်ႇတိုၵ်းတေႃး ၵၼ်တင်း "တီႇသႅတ်ႇၵုၼ်ႇ" ၶဝ်ယဝ်ႉ။ ၸိူင်းၼႆႉတေႉ တေပႃးမႃး "မႅၵ်ႇသီႇမႄႇ" ၶဝ် ဢၼ်ပဵၼ်သိုၵ်းလဵၵ်း သတ်းပႃႇ ၶဝ်ၼၼ်ႉယဝ်ႉ။ ၶဵၼ်လူင် ဢၼ်ၶဝ် တေလႆႈတေႃႇသူႈ တိုၵ်းတေႃးၼၼ်ႉတေႉ ပဵၼ် " ယူႇၼီႇၶရုၼ်" ဢၼ်ပဵၼ်မိၵ်ႉသႃႇယႂ်ႇလူင် သတ်ႉၸႃႇဝရႃႇ ဢၼ်ၵိၼ်လႆႈ လူၵ်ႈတေ လူၵ်ႈၼၼ်ႉယဝ်ႉ။ ၼႂ်းၸိူင်းၼႆႉတေႉ ဢၼ်ပဵၼ်မိၵ်ႉသႃႇ ႁၢႆ့လူင်ၼၼ်ႉ ယႃႉလူႉ လူၵ်ႈ "မႅၵ်ႇသီႇမႄႇ" ၶဝ်ယဝ်ႉသေ "မႅၵ်ႇသီႇမႄႇ" ၶဝ်သမ်ႉလႆႈ ပၢႆးမႃး သွၼ်ႉယူႇတီႈလူၵ်ႈၵမ်ႇၽႃႇၼႆႉယဝ်ႉ ၸင်ႇလမ်းမႃး ၸွမ်းႁိမ် ၵၢၵ်ႇသေႃး "ထရွၼ်ႇသဝႃႇ" ဢၼ်ၸၢင်ႊပိုတ်ႇၽၵ်းတူ ၵၢင်ႁၢဝ် တႃႇၶဝ်တေပွၵ်ႈမိူဝ်း ၶိုၼ်းလႆႈၼၼ်ႉယဝ်ႉ။ သင်ဝႃႈမိၵ်ႉသႃႇၼၼ်ႉ ႁိမ်လႆႈ ၵၢၵ်ႇသေႃးၼၼ်ႉၵႂႃႇၼႆ မၼ်းတေၸၢင်ႊၵိၼ်လႆႈလူၵ်ႈ ၼႂ်းသတ်ႉၸႃႇဝရႃႇ ၼႆ့တင်းသဵင်ႈၼႆယဝ်ႉ။ ၵွပ်ႈမိူဝ်ႈ မၼ်းၸွမ်းလမ်းမႃးႁိမ်ဢဝ် ထိုင်တီႈ လူၵ်ႈၵမ်ႇၽႃႇၼႆႉလႄႈ ပၢင်တိုၵ်း သိုၵ်းလဵၵ်း ၽိုၼ်ႉလူၵ်ႈ ၶဝ်ၵေႃႈၸင်ႇလႆႈ ၵိုတ်ႇၶိုၼ်ႈမႃးယူႇယဝ်ႉ ၸွင်ႇမိၵ်ႇသႃႇၼၼ်ႉ သမ်ႉတေဢဝ်ပေႉလႆႈ သိုၵ်းလဵၵ်းလူင်ၶဝ်ၼၼ်ႉၵႂႃႇလႆႈယူႇႁိုဝ် ဢၼ်ဝႃႈ ၶဝ်ႈတူၺ်းလႆႈၼႂ်းၸိူင်းတဵမ်လႆႈယဝ်ႉၶႃႈ။ ၵပ်းသိုပ်ႇ သိုဝ်ႉလႆႈတီႈၼႆႉၶႃႈ - https://t.me/TaiMovies