شوية ضو
Open in Telegram
2 106
Subscribers
+124 hours
-97 days
+93630 days
Data loading in progress...
Similar Channels
Tags Cloud
No data
Any problems? Please refresh the page or contact our support manager.
Incoming and Outgoing Mentions
---
---
---
---
---
---
Attracting Subscribers
September '26
September '26
+16
in 0 channels
August '26
+991
in 0 channels
Get PRO
July '26
+38
in 0 channels
Get PRO
June '26
+10
in 0 channels
Get PRO
May '26
+16
in 0 channels
Get PRO
April '26
+13
in 0 channels
Get PRO
March '26
+215
in 0 channels
Get PRO
February '26
+25
in 0 channels
Get PRO
January '26
+14
in 0 channels
Get PRO
December '25
+5
in 0 channels
Get PRO
November '25
+5
in 0 channels
Get PRO
October '25
+43
in 0 channels
Get PRO
September '25
+9
in 0 channels
Get PRO
August '25
+9
in 0 channels
Get PRO
July '25
+9
in 0 channels
Get PRO
June '25
+3
in 0 channels
Get PRO
May '25
+16
in 0 channels
Get PRO
April '25
+4
in 0 channels
Get PRO
March '25
+21
in 0 channels
Get PRO
February '25
+26
in 0 channels
Get PRO
January '25
+3
in 0 channels
Get PRO
December '24
+1
in 0 channels
Get PRO
November '24
+4
in 0 channels
Get PRO
October '24
+8
in 0 channels
Get PRO
September '24
+16
in 0 channels
Get PRO
August '24
+21
in 0 channels
Get PRO
July '24
+5
in 0 channels
Get PRO
June '24
+4
in 0 channels
Get PRO
May '24
+10
in 0 channels
Get PRO
April '24
+10
in 0 channels
Get PRO
March '24
+20
in 0 channels
Get PRO
February '24
+7
in 0 channels
Get PRO
January '24
+16
in 0 channels
Get PRO
December '23
+1 147
in 0 channels
| Date | Subscriber Growth | Mentions | Channels | |
| 08 September | +2 | |||
| 07 September | +3 | |||
| 06 September | 0 | |||
| 05 September | +1 | |||
| 04 September | +3 | |||
| 03 September | +4 | |||
| 02 September | +2 | |||
| 01 September | +1 |
Channel Posts
يقول د. أحمد خالد توفيق:
التمس لي العذر إن صادفتني شاحب الوجه إن راسلتني ولم أجبك إن اتصلت ولم أرد عليك قد اكون منهكاً وغير قادرٍ علي فعل شئ.. إلتمس لي عذراً إن لم أبتسم في وجهك إن مررت بقربك ولم ارك قد أكون في عالم آخر أنت لا تعلم عنه شيئاً.!
ويقول الشافعي:
اقبَل مَعاذيرَ مَن يَأتيكَ مُعتَذِراً
إِن بَرَّ عِندَكَ فيما قالَ أَو فَجَرا
لَقَد أَطاعَكَ مَن يُرضيكَ ظاهِرُهُ
وَقَد أَجَلَّكَ مَن يَعصيكَ مُستَتِرا
#من_عندكم
| 2 | مرات تقول وش فايدة أنو ننشر المنشور الفلاني، نتعب عليه ومبعد يشوفه واحد برك!
هذه حسابات البشر.. بصح لي عارف أنو راه يستثمر مع ربه مستحيل يخمم هكذا.. بش نوضحوا الفكرة خليونا نوقفوا مع قصة مصعب بن عمير رضي الله عنه.
بعد بيعة العقبة، بعث النبي ﷺ مصعب إلى المدينة بش يعلم لي أسلموا القرآن ويفقّههم في دينهم. وفي يوم من الأيام، كان مصعب قاعد مع أسعد بن زرارة رضي الله عنه، جاهم أسيد بن حضير رضي الله عنه غاضبًا، وحب يمنعهم من وش قاعدين يديروا..
أيا شاف معاه مصعب بهدوء وقاله: أقعد معانا واسمع .. إذا عجبك أقبل عليه.. إذا ما عجبكش كفه عنك. جلس أسيد وبدأ مصعب يقرأ عليه القرآن، ويحدثه عن الإسلام.. وسبحان الله ما هي إلا لحظات حتى أسلم ..
وبعدها قال بلي يعرف واحد، إن اتبع هذا الدين لن يتخلف واحد من قومه على الإسلام.. وذلك الرجل كان سعد بن معاذ رضي الله عنه.. وبالفعل جا ليهم وأسلم هو تان.. وأسلم جل قومه.
مصعب ما كانش علباله بلي جلسة مع شخص واحد حا يسلم بها قوم كاملين، لكن صدقه وإخلاصه خلاو ربي سبحان يوفقه ويفتح به.
لذلك كن ديما شعلة خير لغيرك، قول كلمة طيبة، شجع غيرك وانصحه.. علمه شيء نافع، ذكره ولو بآية، أو حتى موقف بسيط يخلي الناس تقول مزال خير في الدنيا هذه.
مرات بزاف نستصغروا أثر الحوايج الصغيرة.. لكنها كبيرة عند ربي، متخيل تجارة الطرف الثاني تاعها الله وتكون خاسرة؟
#نور | 15 |
| 3 |  نتا كأب علاقتك مع بنتك ما لازمش تكون سطحية.
لازم تعرف بلي الأب من أوائل الأشخاص اللي الطفلة تتعلم معاه معنى الأمان، الحب، الاحترام والثقة. ومن خلال علاقتها بيك راح تتكون عندها صورة على كيفاش لازم يكون التعامل اللي تستحقه من الناس في حياتها، وخاصة مع الرجال.
إذا شفت بنتك تخاف تهدر معاك، وباش تطلب منك حاجة لازم تدخل بيناتكم واسطة اللي هي أمها، وإذا ولات تخاف تضحك معاك ولا تهدر بعفوية، و تكون على طبيعتها قدامك، هنا لازم تراجع مفهوم الأبوة عندك.
بنتك ما لازمش تحس بلي باباها شخص لازم تخاف منو وتحسب كل كلمة قبل ما تقولها، لازم تطمنها بلي مهما واش صرا تقدر تجيك وتحكيلك.
وحتى كي تغلط تكون متأكدة بلي راح توجهها وتعلمها، ماشي تمارس عليها العنف اللفظي ولا الجسدي.
ونتا خير يا تكون السند والملجأ لبنتك، يا تكون راجل تخاف منو لدرجة تروح تحوس على الأمان والحب اللي ما لقاتهمش في دارها عند ناس وحدخرين لي ممكن ما يرحموهاش.
#وَهج | 8 |
| 4 |  تسمع أذان الفجر، لكن بدل ما تقوم، تخلي الشيطان يثقل عليك العبادة تقول خمس دقايق برك .. حتى تطلع الشمس عليك، وكأنه ما صرا والو.
هدا مثال واحد فقط..
ممكن تكون هادي نتيجة سلسلة طويلة من الانتكاسات، ذنب بعد ذنب، وتأجيل بعد تأجيل حتى يضعف قلبك، وتولي الطاعة ثقيلة والذنب ساهل.
قال الله تعالى: ﴿وَلَٰكِن كَرِهَ اللَّهُ انبِعَاثَهُمْ فَثَبَّطَهُمْ﴾.
خاف على روحك لأنو أعظم خسارة ماشي أنك تفوّت مصلحة من مصالح الدنيا، وإنما أن تُحرم التوفيق للطاعة، وتُترك لنفسك وهواك.
إذا راك تستثقل الطاعات، وتأجل فالتوبة، ارجع لربي قبل ما يقسى قلبك أكثر، واستغفره بصدق، واسأله أن يعينك على طاعته..
«اللهم لا تكلني إلى نفسي طرفة عين، وأعني على ذكرك وشكرك وحسن عبادتك».
#طيف | 7 |
| 5 | «الهدرة فالوجه دواء».. كي تكون بأسلوب مهذب ومحترم وفيه مراعاة مشاعر الإنسان لي راك تهدر معاه، لأنه في أغلب الأحيان تجي في سياق نصيحة ولا رأي يعني نية اللي يهدر تكون حسنة.
لكن مرات تدل على عدم التربية وصحانية الوجه، لأنو كاين ناس لقاو رواحهم يدورو وحدهم، وواحد ما بغى يتقبلهم غير من لسانهم لي يقطر بالسم..
الإنسان قبل ما يهدر كلمة يليق يوزنها، ويديرلها إسقاط على نفسو قبل ما يخرجها من فمو، درك نتا كلمة ما تتقبلهاش.. بصح كي تهدرها لواحد آخر نورمال؟؟
الهدرة في الوجه دواء مليحة، مثلا .. كي تلقى إنسان ولد حومتك طول مريح، تجبدو وحدو وتقلو يا خويا روح حوس على خدمة باش تسترزق منها وفي نفس الوقت ما تبقاش قاعد... هذي من باب النصيحة وحاجة مليحة ثاني، الناس هذي شبعانة وواثقة من روحها، حتى كي تنتاقد تعرف كفاه توصلك المعلومة، وما عندهاش عقد نفسية، الله يكثر من أمثالهم في حياتنا..
وكمثال آخر تكون مريح فالحومة ويجوز عليك إنسان "بصحتو" .. تقلو نتا: يا"السمين نقص شوي ماكلة "، هذي تبين سوء الأخلاق وعدم التربية تاعك... لأنو كون جيت إنسان واعــي وعاقل، كنت تحكمو وحدو وتقولو: خويا دير شوي sports، عاون روحك بالريجيم، وادخل للصال تريني...
وما تشقاش تقلي «أنا لي في قلبي على لساني»، لأنه كاين فرق بين الصراحة والوقاحة.
خــويـا، حاول تكون إنسان عاقل ومحترم، صفي قلبك، وكيـما تحب الخير لروحك، حبُّو للناس وكي ما تقدرش تمد رايك للناس، احكم فمك وخلي هدرتك عندك.
الرسول ﷺ يقول: «مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ، وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ جَارَهُ، وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ».
#أســـامة | 8 |
| 6 |  أصعب معركة قادر يخوضها الإنسان في عمرو، ماشي ضد الظروف ولا ضد عباد حابين يطفّوه، بل هي معركته ضد النسخة القديمة تاعه، نهار يقرّر يحبس اللّوم ويبدا في إعادة هندسة شخصيته، وقتها تتنظم حياته.
في علم النفس، أخطر سجن يعيش فيه الشاب اليوم هو منطقة الراحة، لي يكون مملوء بالمتع العابرة والعادات لي تستهلك في صحتك وهيبتك بلا ما تفيق، حتى تولي تشوف روحك عادي، بصح في الحقيقة راك تأجل في نجاحك، وتطفي في نور وجهك، وتضيع في راس مالك لي هو الوقت، نهار تخلي " المزاج " هو اللي يسوقك، أعرف بلي راك رهينة للضعف.
الساس تاع التمكين، يبدأ بنهار زلزلة النفس، نهار تفهم بلي البدن والعقل أمانة ورايح تتحاسب عليهم، ومستحيل ترضى تخليهم في الهامش. التغيير الحقيقي ما يحتاجش ضجيج، يحتاج مجاهدة صامتة في طريق الطاعة، وفي غض البصر الرقمي والواقعي، وفي بناء روتين قاسي يخلي عقل الصباح أصفى وأقوى من أي وقت فات.
استثمر في وقتك، تقدر تبني مشروع، تحفظ القرآن، وتطور مهاراتك وأنت في غرفتك وبتليفونك برك، المهم تحبس الاستهلاك العشوائي وتبدأ في الإنتاج الحقيقي، نهار تولي صلاتك في وقتها، ربي سبحانو راح يرزقك وقار وهيبة وسط الناس.
#الدرويش | 8 |
| 7 |  علبالك علاش ربي أمرك ما تركزش على أرزاق الناس وواش عندهم؟
لأنك كل ما شفت حاجة تتمناها عند غيرك، راح تدخل في دوامة تع حزن ومقارنة، وتبدا تقارن حياتك بحياة غيرك، وتركز على واش ناقصك بدل ما تشوف واش عطاك ربي من نعم.
ومع الوقت راح تفقد الرضا والقناعة بحياتك ونفسك، وتولي النعم لي عندك عادية في عينيك، وممكن حتى تنسى تحمده عليها وتلقاها راحت من يديك بسبب جحودك.
ولهذا ربي قال: ﴿وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ﴾.
كي تتبع أمر الله وتغض بصرك على ما آتاهم من فضله راح ترحم نفسك، لأنو كل إنسان عنده نصيبه في هاذ الدنيا، وهذا فضل الله يؤتيه من يشاء.
تفكر بلي ماشي كل حاجة تشوفها عند غيرك لازم تكون من نصيبك، وماشي كل حاجة ما عندكش معناها راك محروم. ورزقك راح تديه اليوم ولا غدوة
لقولهﷺ:« لا تَموتُ نفسٌ حتى تسْتكمِلَ رِزْقَهَا وإنْ أبطأَ عليهَا»
#وَهج | 13 |
| 8 |  كي نتزوج نتهنى..
هادي وحدة من الجمل اللي يقولوها البنات كي يصرا مشكل على الشغل في دار باباهم.
تتهنى من أنو يماها تحاسبها على الطياب والماعن و الحوايج، وترسم في أحلامها حياة ورديّة، تنوض وقت ما تحب وتعيش كيما تحب.
بصح كي تتزوج، تفهم بلي لي كان في دارهم مسؤولية هو راحة بالمقارنة مع المسؤولية اللي تستنى فيها.
راح تولي تهتم بالأمور اللي كانت يماها توجهها باش تديريهم تنوض، تطيب، تغسل، ترتب، وتبع تفاصيل ما كانتش حتى تنتبه أنو يماها كانت تديرهم.. لأنها راح تولي مسؤولة على عائلة!
وقتها راح تفهم علاش كانت تنوضها بكري، علاش كانت تزعف من أمور تحسها تكبر فيهم برك .. وتفهم بلي بزاف صوالح كانت تشوفهم عاديين كانو في الحقيقة تعب أم تخدم في صمت.
الزواج مرحلة تخليك تشوفي ذاك التعب اللي كنتي تشوفيه بعين البنت… بعين المرأة.
وقتها يمكن تقولي .. صح يا يما دوكا فهمتك.
#طيف | 16 |
| 9 |  «روح ربي يديك ويهنّيني منك!»
«الله لا يربحك!»
«إن شاء الله يعطيك ضربة!»
هذو عبارة عن أدعية مرات بزاف نلقاو أمهات يدعيو بيهم على ولادهم في لحظة غضب، وكانت وين يدعيو بيهم لانو والفوا برك!!
وتقولها وهي أصلًا ما تقصدش يتأذى ولا يصرا له شيء، إنما قالتها من شدة الغضب، وولات عندها عادة.. بصح واش إذا الدعاء هذا خرج في ساعة استجابة؟
وسبحان الله.. كاين الداعية السعودي عبد الله بانعمة ربي يرحمه، دعا عليه والده مرة في لحظة غضب.. أيا دار حادث وصراله شلل رباعي، والو ما يتحرك فيه من غير لسانه!
حتى النبي ﷺ حذّرنا من الدعاء على الأولاد، وقال: «لا تَدْعُوا عَلَى أَنْفُسِكُمْ، ولا تَدْعُوا عَلَى أَوْلادِكُمْ، ولا تَدْعُوا عَلَى أَمْوَالِكُمْ، لا تُوافِقوا من الله ساعةً يُسأل فيها عطاءٌ فيستجيبَ لكم». رواه مسلم.
مستحيل يكون أب ولا أم، يرضاو بشيء مش مليح لولدهم.. لذلك علاش يدعيو أصلا ومبعد يندموا؟
قلقك والدك ساهلة! قله ربي يهديك، ربي يصلح حالك، ربي يبصرك بالحق!
خصنا نتعلمو ندعيو لبعض، ماشي على بعض، ونديروا في بالنا بلي راه كاين ملك موكل مع كل دعوة يقول: «آمين، ولك بمثل».
#نور | 15 |
| 10 | واش يصرا للأطفال لي يموتوا في سن صغير؟
أطفال المؤمنين لي يموتوا وهم صغار راح يكونوا في جبل في الجنة، وجاء في الحديث أن إبراهيم عليه السلام وزوجته سارة راح يتكفلوا بيهم ويرعاوهم حتى يوم القيامة، ومن بعد يردّوهم لأبائهم!
والأجمل من هذا، أن يوم القيامة راح ويكونوا سبب في شفاعة ودخول والديهم الجنة بإذن الله، لقوله صلى الله عليه وسلم «يُقالُ لهم ادخلوا الجنَّةَ , فيقولون : حتَّى يدخُلَ آباؤُنا , فيُقالُ : ادخلوا الجنَّةَ أنتم وآباؤُكم »
وحتى صبر الوالدين على فقدان ولدهم عندو جزاء عظيم، قال رسول الله ﷺ: «إِذَا مَاتَ وَلَدُ الْعَبْدِ، قَالَ اللَّهُ لِمَلَائِكَتِهِ: قَبَضْتُمْ وَلَدَ عَبْدِي؟ فَيَقُولُونَ: نَعَمْ، فَيَقُولُ: قَبَضْتُمْ ثَمَرَةَ فُؤَادِهِ؟ فَيَقُولُونَ: نَعَمْ، فَيَقُولُ: فَمَاذَا قَالَ عَبْدِي؟ فَيَقُولُونَ: حَمِدَكَ، وَاسْتَرْجَعَ، فَيَقُولُ اللَّهُ تَعَالَى: ابْنُوا لِعَبْدِي بَيْتًا فِي الْجَنَّةِ، وَسَمُّوهُ: بَيْتَ الْحَمْد»
ولأنه غير مكلّف ما ندعولوش بالمغفرة، ندعيو لوالديه بأن يجعله الله «فَرَطاً وذُخْراً وشفيعاً مجاباً لوالديه»."🤲🏻
#وَهج | 16 |
| 11 | تخيل ان تبكي رفقًا على غيرك فتكون من أقوام الجنة لي افئدتهم مثل أفئدة الطير ⬇️
الرسول ﷺ قال على البكاء رحمة حطها ربي في قلوب من شاء من عباده، ورغم هذا كاين ناس يخجلوا بدموعهم، يحبسوها ويشوفوها ضعف وعيب لأنو البعض قال هكذا .. بصح بصح هل يقدر اي واحد يقول على الرحمة عيب؟
جا في حكاية الصحابي أسامة بن زيد رضي الله عنه، أنو كان هو وسعد بن أبي وقاص وأُبي بن كعب مع النبي ﷺ، وفي هذي اللحظة بعثتلو بنتو زينب رضي الله عنها، وقالتلو بلي بنتها راهي تحتـضر، يعني قريبة للموت، وطلبت منو يجي عندهم .. رد عليها النبي ﷺ وقاللها تصبر وتستنى الأجر من عند ربي، لأنو كلش من عندو، هو لي يمد وهو لي ياخذ، وكل حاجة مكتوبة ومقدرة عندو سبحانو ..
كي شافت زينب أنو النبي ما راهوش جاي عندها، عاودت بعثتلو مرة أخرى وأقسمت عليه يجي .. وبالفعل راح عندها النبي، وكي وصل جابولو حفيدتو الصغيرة ووضعوها في حجره، وهي تتنفس بصعوبة كبيرة، روحها كانت تنازع، ونفسها تقعقع يعني تضطرب وتتحرك من شدة التعب .. وهنا، عيني النبي ﷺ فاضت بالدموع
الصحابة كانوا مستغربين، شافوا نبيهم لي ديما يأمرهم بالصبر والثبات قدام المصائب، يبكي! فسألوه فيما معناه "واش هذا يا رسول الله؟" فرد عليهم النبي ﷺ وقال: "هذه رَحْمَةٌ وضَعَها اللَّهُ في قُلُوبِ مَن شاءَ مِن عِبادِهِ، ولا يَرْحَمُ اللَّهُ مِن عِبادِهِ إلَّا الرُّحَماءَ."
الدموع أنواع منها دموع الجزع والنَوح وهذي هي اللي نهانا عليها إسلامنا، ومنها دموع الرِفق وهذي لي عقدنا منها المجتمع وخلانا نشوفوها ضعف، ورجع القوي هذاك لي لا يبكي ولا يحس ..
لذا متخليش فوضى المجتمع هذي تربطك بالبكاء الذي لا يُبكى وين تبقى دموعك عالقة، فبعض البكاء عبادة وتخيل أنك تبكي فيرتفع مقامك عند الله
فتبكي رحمة على أحدهم ويرحمك الله أضعاف هذي الرحمة .. تبكي خوفا من الله فتطفي دموعك غضب الله عليك، ان تبكي خشوعًا في صلاتك فيُورثك الله جناته ..
الموضوع منقول من صفحتنا الأم 3labalek 🤍 | 195 |
| 12 | الوليد إبن المغيرة هو والد سيف الله المسلول «خالد ابن الوليد» كان من سادة قريش، عطاه ربي المال، الجاه، والأراضي والتجارة، ونِعَّم ما كانتش عند بزاف ناس في قريش، والأهم من هذا كان فصيح اللسان ... من هاذ القصة راح نشوفو كيفاه فضَّل المال والجاه والرزق على قول كلمة الحق، وكيفاه بدّل كلامو غير باش يرضاو عليه سادة قريش
وحد المرة الوليد ابن المغيرة كان فايت، وبالصدفة سمع النبي ﷺ يقرا فالقرآن، وبالفطرة رقّ وحن قلبو... بعدها راح لكبار قريش وقاللهم: واش تقولو في محمد؟
قالولو: مجنون... قاللهم محال يكون مجنون، لأنو كلامو يخرج غير من إنسان عاقل، والناس مراحش يأمنوكم...
قالو مالا نقولو عليه كاهن... قاللهم الوليد: أنا نعرف الكهنة بصح من المستحيل يكون كاهن...
قالو مالا نقولو عليه شاعر...قاللهم أنا نعرف الشعر والشعراء ومحمد لا يقرأ ولا يكتب...وهذي حجة ضعيفة والناس مراحش يصدقوكم...
قالو مالا نقولو عليه ساحر.. قاللهم هو ماش ساحر، لأنو ما شفت حتى حاجة تدل على السحر...
هنا أهل قريش سقساوه... واش يظهرلك أنت؟؟
قاللهم الوليد ابن المغيرة... أنا سمعت كلام محمد وإنَّ في كلامه لحلاوة، وإن عليه لطلاوة، وإن لأعلاه لمثمر، وإنه يعلو ولا يعلى عليه... وراح وخلاهم
بعدها راحو عندو كبار قريش وقالولو وقيلا أسلمت؟
قاللهم لالا.. بصح هذا حق هدرتو بيني وبينكم
سادة قريش كان في لغتهم تهديد... والوليد ابن المغيرة خاف على نفسو وعلى الرزق تاعو، وبقى يخمم ويحوس على سبب باش يطعن في صدق سيدنا محمد ﷺ، وبقى يقدّر فالموقف شحال من مرة... ومبعد قاللهم:
رأيي أنو نوقفو على كلمة وحدة، ونقولو محمد ساحر، رد عليه كبار قريش "بصح نتا قلتلنا محمد ماش ساحر"
قالهم قولو ساحر... لأنو السحر يفرقو بيه بين الراجل وولدو، وبين المرأة وزوجها... الخ
قالولو كيف ذلك؟؟
شوفو خبث الوليد وكيفاش رد عليهم...
قاللهم: الكافر إذا أسلم ولدو راح يفتارقو على بعض، وإذا أسلمت مرتو راح يفتارقو على بعض أيضا... وهذا أقرب شي نقولوه باش يصدقونا الناس...
بعدها نزلت فيه آيات من سورة المدثر لقوله تعالى:{ذَرۡنِي وَمَنۡ خَلَقۡتُ وَحِيدٗا (11) وَجَعَلۡتُ لَهُۥ مَالٗا مَّمۡدُودٗا (12) وَبَنِينَ شُهُودٗا (13) وَمَهَّدتُّ لَهُۥ تَمۡهِيدٗا (14) ثُمَّ يَطۡمَعُ أَنۡ أَزِيدَ (15) كَلَّآۖ إِنَّهُۥ كَانَ لِأٓيَٰتِنَا عَنِيدٗا (16) سَأُرۡهِقُهُۥ صَعُودًا (17) إِنَّهُۥ فَكَّرَ وَقَدَّرَ (18) فَقُتِلَ كَيۡفَ قَدَّرَ (19) ثُمَّ قُتِلَ كَيۡفَ قَدَّرَ (20) ثُمَّ نَظَرَ (21) ثُمَّ عَبَسَ وَبَسَرَ (22) ثُمَّ أَدۡبَرَ وَٱسۡتَكۡبَرَ (23) فَقَالَ إِنۡ هَٰذَآ إِلَّا سِحۡرٞ يُؤۡثَرُ (24) إِنۡ هَٰذَآ إِلَّا قَوۡلُ ٱلۡبَشَرِ (25) سَأُصۡلِيهِ سَقَرَ (26) وَمَآ أَدۡرَىٰكَ مَا سَقَرُ (27) لَا تُبۡقِي وَلَا تَذَرُ (28) لَوَّاحَةٞ لِّلۡبَشَرِ (29) عَلَيۡهَا تِسۡعَةَ عَشَرَ (30){
من خلال تفسير الآيات راح نعرفو حجم النعم لي أنعم بيها ربي عليه «ذَرۡنِي وَمَنۡ خَلَقۡتُ وَحِيدٗا» ربي يذكّرو بأصلو، خلقو وحدو وكانوا يلقبوه "الوحيد" بين قريش كبرياءً واعتزازاً، «وَجَعَلۡتُ لَهُۥ مَالٗا مَّمۡدُودٗا» رزقه بأموال طائلة وممتدّة تجيه من التجارة بين الشام واليمن، والبساتين الممتدة بين مكة والطائف، كان عندو كوكبة من الأولاد يتباهى ويستقوى بيهم بين العرب(ومنهم خالد بن الوليد قبل إسلامه)، بسطله العيش والجاه وجعله سيدا بين سادة قومه
لكن رغم كل هاذ النعم، لما جاه الحق وعرف بلي هذا كلام ربي، خاف يخسر مكانتو بين سادة قريش، ويخسر ماله وتجارته فختار يبيع الآخرة بالدنيا، فكان جزاؤه من جنس عمله «سَأُصۡلِيهِ سَقَرَ» وهو واد في جهنم، أي خسارة الدنيا والآخرة... ومات على الكفر، أما إبنه خالد ابن الوليد فقد أصبح من أعظم القادة في الإسلام
#أســامة | 157 |
| 13 | إذا كنت تعاني من أزمة التعلق بالماضي والذكريات، فأكيد راك تخمم تتخذ قرار باش تتبدل، وتحبس عليك المهزلة، بصح لازمك تعرف بلي " الحباسة " هي أسهل خطوة، و الصعيب راه جاي وراها. أصعب معركة تواجهك في طريق التعافي هي كي تطفى السخانة والحماس تاع البداية، و تلقى روحك وحدك مع " الفراغ "، وهنا ناس ياسر يتراجعو للوراء بخطوات كثيرة، عوض انهم يتقدمو. وسباب هذا أنهم ركزوا على " واش لازم ينحو من حياتهم " و نسو " واش لازم يبنو في حياتهم ".
إذا نحيت " خيط " من حياتك، لازم تعوضو بخيط آخر ، و إلا الثوب تاع حياتك راح يقعد مقطع، و البرد تاع الماضي راح يدخلك من كل جيهة، وهذا لي أنت في الأصل هارب منو. باش تحاول تدخل سكة التعافي شوي شوي، وتطوّر صح ، لازمك تفهم ثلاث حوايج، قبل هذا كامل، نحيلي من راسك أنك مريض وفيك العيوب السبعة، باش تقدر تركز وتفهم مليح.
أولا: الفراغ ماشي عدوك، هذيك السماطة لي تحس بيها هي " نقطة الصفر"، الروديماري تاعك، الفرصة الجديدة باش تعاود تبني روحك على نظافة، ما تهربش منها للتلفون ولا الرقاد ، واجهها بالخدمة.
ثانيا: لازمك تستثمر في " الألم المنتج "، بما أنك نهضت من النوم وديزاكتيفيت وضع الكوالا، رح تولي عندك عادات جديدة، هاذ العادات مرحش تكون بلا مقابل، هي ثاني عندها وجع خاص بيها، مثلا وأنت تقرا كتاب، ولا تمارس الرياضة، ولا تتعلم مهارة جديدة، أكيد تبدا تحس بوجع، بصح "وجع صحي" يخليك تكبر، يبنيك، ويمهدلك الطريق. عكس الوجع القديم لي كان "يهدمك"، ويستهلكك وأنت غارق في دوامة.
ثالثا: التغيير يبدأ من الداخل، إذا ما بدلتش نظرتك لروحك، راح تقعد تشوف روحك " ضحية " للماضي والذكريات، وهذا هو أكبر فخ تبقى عالق فيه، ابدا شوف روحك، ما تكتفيش بأنك تكون نقي، كون قوي، النقاء هو البداية برك، والقوة هي اللي تخليك ما توليش للوراء.
لو كان يعطوك " فرصة ثانية " تبدا حياتك من جديد ، واش هي الحاجة اللي راح تركز عليها ياسر؟
والسلام على قلوبكم.
#الدرويش | 115 |
| 14 | ﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هادي الآية هي دعاء نبي الله موسى عليه السلام بعدما سقى للمرأتين في مدين، في هاديك اللحظة كان غريب على المكان وخايف من المجهول، جائع ما عندوش لا مال ولا مأوى.
ساعد المرأتين ورجع لبلاصتو تحت الظل، وجلس يناجي ربه ما قالش يا رب اطعمني ولا أعطيني عمل، ولا طلب حاجة معيّنة من حوائجه قال:﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
وكأنه يقول يا رب، أنا محتاج لكل خير تنزله عليا، أنت تعرف مدى حاجتي وأدرى بحالي.
موسى عليه السلام ما اشتكاش للناس، اشتكى حاله لربه، وأظهر فقره وضعفه أمام الله "إني فقير".. وحتى كلمة «خير» جات نكرة، تفتح الباب لكل خير ممكن ينزله الله على عبده.
وبالفعل، ما هي إلا لحظات حتى جاءه الفرج من حيث لم يحتسب، رجعت ليه وحدة من المرأتين، ثم وجد العمل والسكن، والزوجة الصالحة واستقرت حياته بعد أن كان شخص هارب ماعندو والو.
لكن موسى عليه السلام ما قعدش في الظل ودعى ربه يفرج عليه هو أحسن أولًا وساعد وسقى للمرأتين بلا مقابل من بعد باش دعا ربي.
وهذا درس آخر لينا التوكل ماشي تقعد راقد وتستنى الفرج، وإنما تتخذ بالاسباب وتترك النتيجة لله.
#طيف | 136 |
| 15 |  علابالك بلي كاين ناس ما تحبش تدخل الجنة؟!
درك تقولي: كيفاش؟! مسلم وما يحبش يدخل الجنة؟! مهما دار من ذنوب، تلقاه طامع في رحمة ربي!
لكن مع الأسف نعم، وهذا لي مش حاب يدخل الجنة، يقدر يكون أنا كيما يقدر يكون أنت، كيما يقدر يكون أي واحد يعرف حديث الرسول صلى الله عليه وسلم: «لَا يَدْخُلُ الْجَنَّةَ قَتَّاتٌ» رواه البخاري ومسلم.
والقتّات هو النمّام لي يصنت على الناس وينقل الكلام بينهم بش يفسد. متخيل بلي راك عارف بلي الشخص هذا ما يدخلش الجنة، ومبعد تبيع جنتك بحكاية خمس دقايق:
«تعرف واش قال عليك فلان؟»
«بصح ما تقولش بلي أنا قلتلك..»
هكذا تبدأ تخسر الجنة، على جال حكايات ما تنفعك بوالوا! لذلك يرحم والديك.. إذا وصلاتك حكاية خليها تحبس عندك، وإذا اغتبت فلان استغفر من ذنبك واطلب السماح.. الدنيا فانية وآخرتها قبر!
#نور | 186 |
| 16 | علاش مجتمعنا يقدس العادات والتقاليد أكثر من الدين؟
أكيد تلاقيتو في حياتكم مع ناس عندهم العادات والتقاليد خط أحمر، مجرد ما تناقشهم فيها ولا تقولهم بلي بعضها ما عندها حتى معنى، يبداو يهاجموك وممكن يوصل الأمر حتى أنهم يشككوا في وطنيتك وانتمائك لمجتمعك.
المشكل ماشي في العادات بحد ذاتها، لأن العادات جزء من ثقافة المجتمع، وكاين منها عادات مليحة لازم نحافظوا عليها. المشكل كي نقدموا العادة على الشرع والعقل، وندافعوا عليها لمجرد أنها موروثة عن الآباء والأجداد، حتى لو كانت مخالفة للدين أو فيها ظلم للناس.
ولو رجعنا لبعض العادات الموروثة، راح نلقاو ممارسات كانت تظلم المرأة وتحرمها من التعليم، ومن حقها في الميراث، وأحيانا حتى من حقها في اختيار الزوج ولا رفضه، في حين أنو ديننا يأمر بتكريم المرأة وحفظ حقوقها وكرامتها.
وللأسف كاين كذلك تقاليد فيها بدع، وقادر يوصل بعضها إلى أمور شركية، ومع ذلك تلقى الناس متمسكين بها.
وما ننساوس كذلك العادات اللي تزيد تعسر حياة الإنسان، وتفرض عليه أمور ما ألزمش بها لا الدين ولا العقل، فقط لأنو المجتمع تعود عليها.
والأسوأ أنو الإنسان إذا حاول يخرج عن هاذ المألوف راح يواجه الرفض والنبذ من مجتمعه.
لهذا الإنسان لازم ما يخليش العادات هي اللي تحدد له الصح والغلط، وإنما يرجعها للشرع ويميز بينها بعقله، يأخذ منها ما وافق الدين وكان فيه خير، ويخلي ما خالف الشرع أو زاد عليه في المشقة.
#وَهج | 160 |
| 17 | كـي نقلك راجــل... كل واحد كيفاش يصنف معايير الرجولة
لكن وللأسف...كاين وحد الفئة في المجتمع تاعـنا راهي عايشة في وهم وإعتقاد خاطئ وخطير... كَمثال:
يشوفو لي طالع بالفـاس والبالة راجل... ولي يخدم ورقة وستيلو ولا فالبيرو ماشي راجل...
كاين لي حاسب الرجولة كي يعمر بيدون ماء ولا يدخل للدار رافد قضيان «هي حاجة مليحة أنك تعاون الدار، بصح ماهيش معيار باش تقول راني راجل وتفتاخر بيها قدام صحابك ولا ولاد حومتك»
في مجتمعنا كي يشوفو إنسان نظيف ومتهلي في روحو، يبداو يطلقو في سمهم ويقولو عليه ماشي راجل وتوصل حتى وين يعايروه بعبارات غير لائقة.
الراجل لي يتهلا في روحو نسموه إنسان محترم، وما ننساوش بلي النظافة من الإيمان...
كيما رانا نشوفو، الأمثلة عديدة وما يخلاصوش... وكي تخمم فيها تلقاها مجرد معايير وهمية، وما عندها حتى علاقة بالرجولة...
وفي الأخير... الرجولة ماشي فالمظهر، وماشي فالخدمة لي تخدمها، وماشي فالقوة الجسدية ولا في نظرة الناس ليك، الرجولة الحقيقية تبان في وقت المسؤولية، في المواقف الصعيبة، في الصدق كي يكون الكذب أسهل، وفي الأمانة كي تغيب الرقابة.
كون راجل بأخلاقك، بكلمتك، بمواقفك، وتحملك لمسؤولياتك... وخلي أفعالك هي لي تهدر عليك، ماشي المعايير الوهمية لي فرضها المجتمع.
#أســـامة | 129 |
| 18 |  كاين مسؤوليات صعيبة ياسر، هي في الأصل اصطفاء من الله. لكن دير في بالك، بلي ربي سبحانه، ما يستخدمش في سبيلو غير اللي يكون نقي.
منروحوش بعيد، أنت باش تخدم كاش خدمة، لازمك أدوات باش تقدر تنجزها، بصح ملاحظتيش بلي راك دايما تتأكد من نظافة الأدوات هذي قبل ما تخدم بيها؟
أنت بشر وعملت هكا، فكيف بالله وهو الأكبر؟
مدام ربي استعملك، راه شاف في قلبك ورضى عليه فاختارك! قلي واش هي الحاجة لي رح تقلقك بعدما عرفت هذا؟ ممكن من ضغط المسؤولية مرحش تشوف ولا تستوعب الأمر، بصح ما خطرلكش ولو من باب المواساة، بلي ربي ما يعطيش أصعب المعارك غير لأقوى جنودو!
خمم فيها مليح...
#الدرويش | 123 |
| 19 | ماشي كل متحرش غريب .. الحقيقة لي نرفضو نصدقوها أو نواجهوها، أحيانًا المترحش يكون شخص يدخل لدارك، يقعد مع أولادك، تكون أنت داير فيه ثقة لأنه قريب.
لهذا ولادك ما توصيهمش يحمو روحهم غير من الغرباء، علّموهم من صغرهم أنو جسمهم ملكهم، وما يحق لحتى واحد يلمسو، حتى لو كان شخص يحبوه أو كبير عليهم.
ما تسيفوش عليهم يحضنو ولا يبوسو شخص وهوما ماشي حابين، علموهم بلي يقدرو يرفضو أي تصرف من أي شخص مهما كان.
والأهم.. إذا جاكم ولدكم ولا بنتكم وقاللكم فلان دارلي حاجة ما عجبتنيش ولا ما نحبش نقعد معاه، ما تضحكوش عليهم، ما تكذبوهمش ولا تقولولهم راكم تتخيلوا.. اسمعوهم وصدقوهم واحموهم.
احموا ولادكم بوعي ماشي تخوفوهم، علموهم أنهم ما يسمعوش لأي شخص يحاول يستغلهم ويقوللهم ما تخبروش والديكم، مهما كانت صفته ومهما كانت قرابته، علموهم يفرقو بين السر الجميل والسر الخطير.
باش تحموهم لازم تمدولهم الأمان لي يخليهم يعرفو بلي يقدروا يحكيولكم على أي حاجة بلا خوف لأنو الطفل، إذا ما لقاش الأمان في والديه، يتعلم يسكت والمتحرش يتمادى كلما سكت الطفل.
#طيف | 120 |
| 20 | كاين وحد الكلمات في القاموس الجزائري لازم الناس يحبسوا ما يستعملوهم، كيما كلمة « باير(ة) » ولا « عاقر(ة) ». هاذ الكلمات لي في نظر البعض، غير وصف للحالة الاجتماعية ولا الإنجابية، بصح في الحقيقة وراها نوع من التقليل والإهانة، وكأنو هذاك الشخص توقفت حياتو عند هاذ النقطة.
ونفس الشي مع كلمة « كهل »، لي هي في الأصل مجرد وصف لمرحلة عمرية راح يمر عليها الإنسان كي يكبر، وما فيها حتى عيب، بصح المشكل كي ولات تستعمل كأنها معايرة، ويقولوها على أي شخص كانت أفكارو ما توافقش أفكارهم ولا أسلوب حياتو ما يعجبهمش.
وما نقدروش ننكروا بلي كاين ناس ولاو يستعملوا هاذ الكلمات باش ينتقصوا من الشخص لي قدامهم، ويمارسوا عليه الضغط، خاصة وأنو المواضيع هاذي حساسة بزاف في مجتمعنا.
بصح هذا كامل ما يعطيناش الحق نطلقو تسميات دخيلة، ومقرفة أحيانا، على إنسان مكانش بيدو أنو يختار حالتو لي عايشها.
لازم نتعلموا ننتقوا كلماتنا، بلاك كلمة تقولها بقصد أو حتى من غير قصد، تكون عادية بالنسبة ليك، لكن في باطنها سكين تجرح لي قدامك. لأنو الإنسان أكبر من إننا نحكمو عليه ولا نختزلو حياتو على أساس رقمو الإجتماعي أو حالتو الاجتماعية.
#وَهج | 143 |
