𝑩𝑨𝑪 𝑾𝑰𝑻𝑯 𝑺𝑨𝑹𝑨 🎓🏅

كيما حطولكم اليوم الفلسفة في الفيزياء ، حطولهم الفيزياء في الفلسفة 🤣🤣🤣🤣🤣🤣🤣🤣🤣🤣🤣🤣🤣🤣🤣

درك نصائح عامّة شوية : ✅ بما أنه مقالك البيولوجيا بزاف اقترحوها ، صدر روحك نفسيا اذا ماجاتش ، خلينا اذا جاد خلّطها واكتب مقالة يحيروا فيها 🤣🤣🤣🤣 ، التجارب تاع العلوم كااامل ، التمارين تاع المسعى لي حليتوهم عام كامل ، حطّوهم في المقالة هذه ، كبلر والقانون تاعه ، المسارات الاهليليجية بعدما كانوا يسحبوا أنها دائرية ، نيوتن والمبدأ الأساسي للتّحريك ، كلش كلش كلش !

المهم علابالي درك تلقاو عدّا نصف الوقت القسم كامل خرج ، ما تخلوش هذا الشيء يأثر عليكم ، الدار ماشي هاربة توصل الستّة ونص وتروح للدار وتكره منها !

أنا كنت آخر وحدة خرجت من المركز كااااااامل ، كي خرجت مالقيت حتى واحد ، مالڤري كنلت قبل الوقت ، حبيت نراجع ونشوف كاشما نزيد !

حذاري تتحمسوا وتخرجوا بكري ، تحبّ قفل باب المركز قفلوا

قبل كلّ خطوة منهجية : خلّوا فراغ مثلا 1 سم ، وقبل كلّ حجة خليوا فراغ أقلّ ، هكّا تبان الورقة منظمة ، ومن بعيد يبانوا العناصر تاعهم !

اذا جاتك فكرة وأنت تكتب حطها على المسودة ، المهم ، تبدا في المقدمة ، ديرها مليحة ، فضها بطرح التساؤل ، كي تحب بصيغتين ، ابدا بالموقف عرّف بيه ، انصاره ، الرأي تاعهم، واكتب ومما استند عليه أنصار هذا الموقف ،العقليون …كلّ مرة بدل باش ماتطيحش في التكرار ، كلّ حجّة ديرها في فقرة صغيرة ، بشرحها بالأمثلة تاعها بالأقوال ، وابدا من الحجة الأضعف للأقوى …

غير ما يمدولك الموضوع ( يا ربّ طيح فيكم المقترحات ) ، نحكي في حالة عرفتوا مقالة سواء جدل أو استقصاء : المسودة احكمها في الجدل قسمها لزوج موقف أول ثاني ( كلّ موقف ابدا بالممثلين تاعه ، ومباشرة ابدا بالأقوال علابالي ليه ليه يتنساو ، اكتب الأقوال تاع كلّ موقف ، وسم الله وابدا بالحجج ، رؤوس أقلام برك ، خلي الشرح على ورقة الإجابة ! )

✅ وصلنا كيفاش ندير مع الفلسفة : روحلها بحسن ظن بالله وتفاؤل كبير كبير كبير !!!!!

ارتحت وقلت خلاص نكمل نمد واش عندي ، توكلت على ربّي وبديت بالمسودة !

غير دخلت ، ووزعوا المواضيع ولقيت أصل الرياضيات جدل والحتمية استقصاء ، نعمة لو حمدت الله عليها ما وفيت ، الحمد لله دائمًا وأبدًا !!!

تخيلوا ثلاثة غير خمسة وأنا مازال مادخلتش للمركز 🥲

ماشفيتش أصلا كيفاش وصلت للدّار ، دخلت سبحان الله تفكرت بلي حليت تمرين يشبه لواش حالة والحمد لله لقيت حلوا كيفي ، بالنسبة للدارة كي ركحت مع روحي ظهرت درت عكس واش كان في راسي وكنت أصلا كنت عاكستهم في بالي ، تسمى جبتو صحيح ( السالب في السالب موجب 😌 )، حمدت ربّي ، والحمد لله اطمأنيت ، وبديت نراجع للفلسفة ، كانت نشفى الوحدة ونص ، بديت نراجع في علم النفس ، الأنا والغير هذو ماقريتهمش قريتهم من اليوتيوب ديت فكرة برك ، راجعت البيولوجيا ، مقالة الحتمية واللاحتمية حفظتها كيما اسمي لأنو درناها في الفرض ، زدنا في الاختبار ، زدنا في البكالوريا التجريبي ،وزادت جات في الباك الحمد لله ، في الطريقة راجعت اليقين وأصل الرياضيات …

قلت وسواس ، لقيت وحدة نعرفها سقسيتها قلتها من الموجب للسالب ولا السالب للموجب ، ماشفيتش شوا قاتلي ، المهم ظهرت عكس واش درت رغم أنني عام كامل وأنا نمثل في الدارة حتى ولات حاجة بديهية ، وليت نسقسي من واحد لواحد وواحد ماحب يجاوبني ، المهم هنا تحطّمت ، قلت خلاص الباك راح ، نقطة ونص في الفيزياء خلاص ، تفكرت بلي كاين حاجة شكيت فيها وزدت تفكرت بلي الفلسفة ماقريتش كلش وقادر تطيح فيّ مقالة ماقريتهاش وووو … و انهرت بكلّ معنى الكلمة …

علابالي رايحين تكملوا الوقت … نحكيلكم حكايتي مع الفيزياء ، سمانة كامل وأنا متحكمة في روحي ماشفت لا تصحيح لا تناقشت ، إذا عرفت بلي غلطت نفيق وحدي ومانخليش روحي نتأثر ، حتى جاء نهار الفيزياء ، ماعرفتش كيفاش غدرني الوقت طولت مع تمرين الأقمار مع أنه بسيط ، حتى لقيت روحي ضربت فيه ساعة ( كيفاش مافهمتش 💔🙂 )، وليت فعلت وضع السرعة الخارقة باش نكمّل الموضوع، والحمد لله لحقت كتبت آخر نتيجة ، لا علينا لصقت الأوراق ، ضربت طلة كاشما محيت وماعاودتش كتبت ، تأكدت من كلش ومديت الورقة ولله الحمد ، أنا هابطة في الدّروج جاتني في بالي بليت عكس التوترات في الدّارة …

سمعت قالوا مليح ، بشروني 🥺🤌🏻

سلام عليكم ، يا ربّ جابولكم موضوع مليح ، نسناكم شوية ونبداو نحكوا على الفلسفة 🥺❤️

مراجعة لجميع الوحدات الأستاذ ڤزوري جزاه الله كلّ خير

بالتّوفيق لي رايحين يعڤبوا أمازيغية العشية بإذن الله ، معندي حتى معلومة عليها من غير أنّك تقدر تدّي فيها عشرين ، اخدموا على عشرين 🤌🏻🥲

7/9 ✅ الحمد لله !