𝗦𝗵𝗼𝗵𝗷𝗮𝗵𝗼𝗻 𝗯𝗹𝗼𝗴/𝗞𝗶𝘁𝗼𝗯𝘅𝗼𝗻𝗹𝗮𝗿 𝗸𝗹𝘂𝗯𝗶

#𝑺𝒉𝒂𝒓𝒒𝒍𝒊𝒌_𝒂𝒚𝒐𝒍 Sal katta bo‘ldimu, dunyoga boqdim, Ko‘nglimni qurshadi turfa xayollar. Gʻarblik xonimlarning ko‘zidan o‘qdim: “Sevishni bilmaydi sharqlik ayollar!” Nazokat bobida buloqdek tiniq Ovro‘po – hammadan farqlik ayollar. Gʻarblik yigitning-da tasdig‘i aniq – “Sevishni bilmaydi sharqlik ayollar!” Huquqshunos xonim aylaydi taftish Va o‘z xulosasin uyalmay yo‘llar: “Nega xo‘rlanmasin, axir, oddiy ish – Sevishni bilmaydi sharqlik ayollar!” Anjeli Joli ham topibdi bir gap, O‘zi ko‘rsa hamki, turli visollar: “Kundoshi bo‘lsa ham indamas, sabab Sevishni bilmaydi sharqlik ayollar!” Ha, bundoq misollar ko‘pdir ehtimol, Ehtimol go‘zaldir g‘arblik ayollar, Shu sabab aytarsiz balki bemalol: “Sevishni bilmaydi sharqlik ayollar!” Ey g‘arblik do‘stlarim, bilmasangiz gar Haqiqiy sevgini, buyuk xayolni, Tilingizni tiying qiyomat qadar Tinch qo‘ying, tinch qo‘ying SHARQLIK AYOLNI! © Xayrulla Hamidov

#Bitiruvchilarga yuborib qo'yamiz😄

#Umarolarning_ulamolarga_ehtiromi Alloma Taftazoniy Amir Temurning majlisida oyoqlarini og‘riq tufayli uzatib o‘tirgan edilar. Ba’zilar: «Bu sizga hurmatsizlik qilyapti!», deb, u kishini Temurga shikoyat qilishdi. Amir Temur ularga qarata: «Nima qilayin? Mening saltanatim yetmagan joylarga uning kitoblari yetgan», deb javob qildi.

Oʻzgaribsiz... "Oʻzgaribsiz" deysan. Boʻlishi mumkin: Axir boshdan oyoq oʻzgardi dunyo. Odam, havo, tuproq avvalgidekmas, Menda oʻzgarishlar boʻlmaydimi yo? Oqibatni koʻmdik oxir-oqibat, Huquqlar haqida kimdir chertar soz... Hov issiq yurtlarda polaponlar och, Mening esa sochim toʻkilgan bir oz... "Oʻzgaribsiz", deysan. Ha, men oʻzgardim: Diydam qotdi ancha, kechdim roʻyodan. Sahroi Kabirga qor yogʻdi, axir, Oʻzgarmay boʻlarmi shunday dunyoda?! Oʻzgardim. Sezibsan. Avvalgi "men" yoʻq. Ishga koʻmilganman ertadan to kech. Muztogʻ erimoqda, men xudbin esa, Onamni koʻrgani vaqt topmayman hech. Mayli, xayron boʻlma, hammasi yaxshi Hech kimning aybi yoʻq - oʻzimdan ginam. Koʻp narsa oʻzgardi, toʻgʻri va lekin Mehrim oʻzgarmadi senga birgina... © Kabul Dusov

#Бамбук фалсафаси Хитойда бир турдаги бамбук дарахти бор. Бу бамбук дарахти экилганидан кейин 5 йил давомида ҳеч қанақа ўсишсиз, бир хил сақланиб туради. Кўпчилик ташқаридан қараганда ўсиш бўлмаяпти деб ўйлайди. Лекин аслида шу 5 йил давомида пастга қараб илдиз отаётган бўлади ва 5 йилдан кейин шунақа даражада тез ўсиб кетади-ки, 60 кунда 50-60 метргача ўсиб кетадиган ҳолатлар бўлади. Инсондаям шунақа, бирор ишни қилишга киришган пайт бошланишида ҳеч қанақа натижа кўрмайди. Бу дегани инсон ўсмаяпти дегани эмас. Ўсяпти, фақат ўзига шу даврда фундамент қураётган бўлади. Шу фундамент яхши қуриб олинса, кейин ўсиш тезлашиб кетади. Шундай экан, фундаментни қуришдан тўхтаманг, бир кун келиб албатта баландга кўтариласиз!

Gul qoʻyadi poyimizga Dil toʻkilar poyimizga Biz shunchaki yashamadik Nur toʻlsin deb oyimizga Tunlar bedor atomlardan Dunyo notinch xatolardan Bu dunyoda tinchlik boʻlsin deb soʻradik odamlardan Halovat yoʻq yegan tuzda Ketmon choptik yozu-kuzda Xaqni aytsak tilni chopti Gung boʻlmoqqa chidaymizda Er qoʻymadi qochmoq uchun El qoʻymadi qochmoq uchun Martlar kabi jon berganmiz Sizlar uchun sizlar uchun Ruslar uchun kurashmadik Millat uchun kurashganmiz Bizku koʻrdik har baloni Sizlar uchun kurashgandik Kelsin derdik yangi zamon Kunlar bo'lsin dorilomon Shunday yurtda yashayapmiz Sizlar omon bizlar omon Oʻqing doim el yoriga Oʻgʻlim shay tur el koriga Biz shunchaki o'lmaganmiz Jon berganmiz el joniga Gul qo'yinglar poyimizga Dil to'kmanglar poyimizga ✍🏻 Xushnud Xamroyev