ذِكر وسَكِينَه ♥

بعض الناس يحسبون انو بس فعل الطاعات هي اللي لها عواقب وثمرات وتنعكس عليهم الثمرات هو فعلا صحيح لكن مو بس الطاعات اللي لها ثمرات! ترى حتى الذنوب والمعاصي لها عواقب وثمراتها تنعكس عليك بدينك وخُلُقُك وحياتك كلها! والبعض يشتكي من قلّة التوفيق والرزق وتراكُم الأفكار السلبيه عليه! ولو سألتهم عن صلاتهم؟ قالوا متهاونين والعبادات الأُخرى اللي هي سبب توفقيك في الحياة بعد الله! قالوا الله يهدينا مقصّرين! طيب سؤال كيف تبغون التوفيق والطمأنينة وأنتم أصلًا تاركين أسباب التوفيق ولا تعملون بها! قال الله تعالى؛ ﴿ مَا أَصَابَكَ مِنْ حَسَنَةٍ فَمِنَ اللَّهِ ۖ وَمَا أَصَابَكَ مِنْ سَيِّئَةٍ فَمِنْ نَفْسِكَ ۚ ﴾ أي ذنب ترتكبونه؟ اعرفوا انو وراه عاقبه وخيمه! وبتأثّر عليك بحياتك كلها ! لما تجيكم الرغبه في فعل أي ذنب تذكّروا انو بيصير وراه عاقبه ومُستحيل يمر مرور الكِرام! الملائِكه سجّلت والثمره ستحصل، أيًا كان هذا الذنب وبالذات لو كان من ذنوب الخلوات! هذه الذنوب بالذات عواقبها وخيمه جدًا جدًا ! كل المشاكل اللي تصير لك بحياتك سببها ذنب! نسيت تستغفِر عنه وتتوب منه، ولما ترتكبون المعاصي والذنوب! ع طول ترى بيجي بعدها مشكله بمعنى ثمرة الذنوب! فهل هذا الذنب يستحق إني أعيش أيّام وشهور ويمكن سنين أتعاقب عشانه؟ أسألوا أنفسكم وحاسبوها ترى النفس أمّاره بالسوء ولو ما وقفتوها عند حدّها ودتكم بستين داهيه! كل ليلة حاسبوا أنفسكم واستغفِروا عن جميع الذنوب وتصدّقوا، نعم صحيح الحسنه اللي تصيبك من الله والمصائب اللي تصيبك من نفسك! قال الله تعالى: ﴿ وَما أصابَكم مِن مُصِيبَةٍ فَبِما كَسَبَتْ أيْدِيكم ويَعْفُو عَنْ كَثِيرٍ ﴾ ترى ربي يعفو عن كثير ولو يؤاخذ الناس بما كسبوا ما ترك على الأرض من دابّه! لكن الذنوب اللي نستهين بها؟ والله إنها سبب الدّمار بالدنيا والآخره! لذلك دائمًا استغفروا وتوبوا وارجعوا لله حتى لو ذنوبكم عنان السماء؟ المهم ما تيأسون وترجعون لله في كل مره، تدرون انو النبي ﷺ يستغفر في اليوم أكثر من سبعين مره؟ وهو مغفور الذنب! ما بالكم احنا اللي مقصّرين وفوقها نذنب ونرتكب من المعاصي ما اللهُ بها عليم! الله يتوب علينا جميعًا وترى ما فيه أحد معصوم من الذنوب كلنا نذنب لكن المغزى إنك تستغفِر وترجع لله في كل مره وحتى لو ما اذنبتوا؟ بنضل مُقصّرين والله، عشان كذا نحتاج للإستغفار والتوبه والرجوع لله دائمًا وأبدًا الخُلاصة: المشكله اللي تحصل لك فجأه! اعرف انو وراها ذنب! استهنت فيه ولا استغفرت عنه ولا حتى ناوي تتوب منّه، لذلك كل ليلة حاسبوا أنفسكم: وش ارتكبتوا بهذا اليوم من ذنوب؟ واستغفروا وتصدّقوا وتوبوا وادعوا ان ربي يعفُ عنكم، فلا تيأسون وربكم من كتب على نفسه الرحمه ❤️

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

الحياة مليئة بالنِّعم، لكن وسوسة الشيطان تُحاول أن تُركّزنا على نقطةٍ صغيرة من الألم أو الفقد أو الصعوبة يُشغلنا بالسلبية، لننسى كم من الخير يحيط بنا فلا تدعه يُعمِيك عن نعمِ لا تحصى، انظر إلى جمال الحياة، فهو أعظم بكثير من الألم وتذكّر أن الظلام الذي يُظهره لك! ليس إلا نقطة صغيرة أمام نورٍ واسع أحاطك اللّه به!

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

قال النبي ﷺ: ”أكثروا من الصلاة عليَّ ليلة الجمعة ويوم الجمعة فإن صلاتكم معروضة عليَّ.“ اللهمَّ صلِّ وسلِّم على سيِّدنا مُحمَّد وعلى آله وصحبه ومن تبعهم بإحسانٍ إلى يومِ الدِّين 🤎

اللهمَّ صلِّ على محمَّد وعلى آل محمَّد، كما صليتَ على إبراهيم وعلى آل إبراهيم، إنَّك حميدٌ مجيد، وبارِك على محمَد وعلى آل محمَّد، كما باركتَ على إبراهيم وعلى آل إبراهيم، إنَّك حميدٌ مجيد

اللي ما يستشعرون الصلاة ع النبي هالكلام لكم وللجميع، بعد هالكلام بتصلّون عليه وكلكم حُب للنبيﷺ 🥹❤️! لو سألتكم وش أكثر صفه تحبّونها بالشخص؟ أكيد 97٪ بيقولون: الحنيّه، والرحمَه، والعطف، والتفاهُم، واللّين، والأسلوب الطيّب، والصدق، لأن هذه لو وجدت بالشخص خلاص ما تشيل هم حاجه وانت تتعامل معاه، لأنك عارف لو أخطيت بيتفهّمك ولو أعتذرت بيقبلك ولو قسيت بيحن عليك ويرحمك، ولو تهت بيرشدك، طيب تدرون أن هذه هي أخلاق الرسولﷺ؟ وهذه الصفات نقطه من بحر، كمّله ربي بالخُلُق الحَسَن كل شيء فيه كامل حرفيًا صلوات ربي وسلامُه عليه، لذلك جعل الله كل شيء حلو فيه عشان يكون قدّوه للأمّه وعشان بين يديه رسالة ويقدر يوصّلها للعالم أجمَع والأغلب ما راح يتقبّلها إلا عشان أخلاقه الحسنه لما شافوا رحمته واخلاقه صاروا معاهﷺ لذلك قال الله تعالى: ﴿ فَبِما رَحمَةٍ مِنَ اللَّهِ لِنتَ لَهُم وَلَو كُنتَ فَظًّا غَليظَ القَلبِ لَانفَضّوا مِن حَولِكَ ﴾ برحمةٍ من الله! منَّ عليه باللّين والخُلُق الحسن، لو كان فظّ غليظ القلب وقاسي! لأنصرفوا الناس عنه، لكن الله الرحيم أدرى بخلقه، لذا اللي أبي أوصّله لكم أن الرسولﷺ كلامه حقّ وهو الصادق الأمين ولما أخبرنا أن بالصلاة عليه يُكفى همنا ويغفر ذنبنا؟ هذه والله أكبر هديّه ورحمة من الله لنا وتدرون أنه يدعي لنا بكل صلاة! ولو فقط التزمت بالصلاة عليه 10 مرات مع أذكار الصباح والمساء أدركت شفاعته يوم القيامه؟ طيب أبشّركُم بالبُشرى الأجمَل والأحَنّ؟ الله عزّ وجلّ جعل لكل نبيّ دعوه مُستجابه يعني يطلب أي شيء يبغاه ويتحقق له، وبمعنى الحديث أن الله قال أطلب والنبي قال ما أبي من الدنيا شيء وادّخر دعوته وخلاها شفاعه لأمّته يوم القيامه؟ يعني ترك نفسه ويبي بس ينقذ أُمّته بالله شوفوا رحمته وحبّه لنا! ما يستحق مننا إننا نصلّي عليه واحنا مستشعرين وش قاعدين نقول؟ طيب كيف تدرك شفاعته كما قلت لكم، لو بس تحافظ ع الصلاة عليه صباح ومساء 10 مرات فقط؟ أدركت شفاعتهﷺ ما بالكم لو أكثرتوا؟ واستشعرتوا واقتديتوا بأخلاقه؟ وما بالكم لو علّمتوا الناس بهذا الكلام؟ واقتدى غيرك بالنبي ﷺ بسببك! "اللهُم صلِّ وسلم على نبينا محمد" ❤️

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

إذا استفدتوا من قناتي ولو بكلمة وحدة؟ فلا تنسون أبوي من دعواتكم، بالعفو والرحمه والفوز بالجنه 💚

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

الصلاة وما أدراك ما الصلاة : الصلاة مو مُجرد عِباده عشوائيه تصلّيها متى ما فضيت؟ وبغيت؟ بل موقوته بأوقات مُحدّده أمرنا الله بالإلتزام فيها بوقتها المُحدّد! ولا فرضها الله علينا بكتاب موقوت؟ إلا لأنو بهذه الأوقات أسرار وكرامات عظيمه أحنا المُستفيدين منها بالأول والأخير، لما ربي يخصّص لك وقت مُعين لكل فرض لازم تصلّي فيه على الوقت! فـ لازم تطيع الله، دامك سَمعت المؤذن يقول حَيَّ على الصلاة حَيَّ على الفلاح؟ لازم تلبّي النداء، لأن الفلاح مقرون بالصلاة، تصلّي؟ بتفلح بدنياك وآخرتك والله، وإذا ما كنت متواجد بهذا الوقت العظيم! تسمع النِداء! لكن ما تلبّيه؟ فلا تلوم إلا نفسك! وعمرك ما راح تتعلّم الإنضباط والإلتزام أبدًا وحياتك كلها عشوائية وتشتّت وفوقها نفسك؟ ما راح تنكر المُنكر لأن الصلاة تنهى عن الفحشاء والمُنكر صلاتك بعد الله تحفظك عن الفواحش والمُنكرات وتعلّمك الكثير ومنها حياتك تصير منتظمه ومرتّبة وتعرف تلتزم بكل أمور حياتك، وكل شيء يمشي بمساره الصحيح، وإذا كنت تصلّي لكن صلاتك ما نهتك عن الفحشاء والمُنكر؟ راجع نفسك وصلاتك زين يعني أرجع صلّي لأنك ما كنت تصلّي أو بالأصح! تصلّي لكن متأخر، تصلّي لكن تجمها، تصلّي لكن بدون خشوع، تصلّي لكن بسرعه وكأن أحد يلحقك!! الصلاة أعظم وصل بينك وبين الله ولازم يكون هالوصل أو الحبل متين وقويّ لدرجة تتمسّك فيه كل مره تهزمك ظروفك والحياة! إذا ضاقت عليك نفسك وما التجأت للصلاة ومُناجاة الله والدُعاء بالله وين بتروح؟ إذا ما كانت الصلاة وجهتك وملجأك الأول والأخير ولا لك عنها مفرّ بالله وين بتلقى الملجأ الآمن؟ أصلًا مُستحيل تلقى الأمان والطمأنينة إلا بصلاتك وسجودك وقُربك من الله « أقرب ما يكون العبد من ربه وهو ساجد » متخيّلين هالقُرب؟ فلا تحرم نفسك منه، تدرون ان الصلاة لها ثمرات عظيمه وهالثمرات تنعكس عليك بدنياك قبل آخرتك؟ طيب كيف اخشع بصلاتي؟ تدري إنك لما تصلّي؟ أنت تكون أمام الله تعالى ولا بينك وبينه حجاب؟ استشعر هالشيء قبل كل صلاة، لما تكبّر تكبيرة الإحرام من إسمها إحرام يعني تحرم عليك الأشياء اللي كنت تسويها قبل صلاتك مثل الكلام وغيره، بقول لكم شيء أجمَل، لما تصلّون بخشوع وتركيز وعارفين إنكم أمام الله؟ ربي يجيب ذنوبك كلها وتكون ع رأسك وعاتقيك ومع كل ركعه وسجده تتساقط عنك الذنوب هذه، يعني الصلاة تكفّر عنك الذنوب متخيلين عظمتها؟ وكل ما زاد خشوعك زاد تأثريها عليك روحيًا وتطهّرك من داخل وتنقّيك، وبقول لكم شيء ألطف لما تخلّص من صلاتك خليك ع سجادتك في مُصلاك واستغفر وسبّح وادعو لأن بهذه اللحظه؟ الملائكه تستغفر لك! يا الله! وبُشرى عظيمه! لما تقرأ آية الكُرسي بعد كل صلاة ما يمنعك من دخول الجنه إلا الموت! طيب كيف التزم بالصلاة بوقتها؟ النيّه والإخلاص لله ربي بيعينك لما يشوف صدقك معاه، مجاهدة النفس لما تسمع المؤذن؟ ع طول قوم صلي لا تقول شوي كذا ما راح تلتزم! ذكّرك نفسك بفضل واجر الصلاة وذكّر نفسك بعقوبة تارك الصلاة لأن من تركها فقد كفر! ومُستحيل تارك الصلاة يلقى الفلاح والسعاده والنجاح بحياته وحياته كلها من عسر إلى عسر! خلّي لك مكان نظيف للصلاة ولبس نظيف وحط لك تنبيه واخيرًا بقول الكلام اللي يطمّن، لما تلتزم بالصلاة مع النوافل ربي يحبّك تدرون؟ ما زال عبدي يتقرب إليّ بالنوافل حتى أحبَّه، فإذا أحببتُه كنتُ سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، وإذا سألني أعطيته، وإذا استغاث بي أغثته” يعني أنت تحاول تتقرب من ربي وفوقها ربي يحبّ اللي يتقرب إليه بالنوافل وعلاوةً على ذلك لو سألته أعطاك ولو أستغثته أغاثك، وش هالعطاء الجزيل؟ يا ربي لا تحرمنا من فضلك وكرمك 🥹❤️❤️❤️❤️

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير

إختصار اليقين وحسن الظن بالله: مثلاً: دعيتي الله ببيت ملك، وأنتِ ساكنة بإيجار، وفجأة صاحب البيت طردكم بدون سابق إنذار .. وش بتقولين؟ اللي عندها سوء ظن بتتسخّط وتقول: أنا دعيت بالبيت الملك، والحين حتى الإيجار ما عاد عندي، وتبدأ تتشكّى وتقول دعيت وما استجاب لي وتوقّف دُعاء لكن اللي عندها حسن ظن ويقين بالله بتقول: يمكن هذا اللي صار هو بداية الإجابة 🤍 لأنها تعرف إن اعتمادها على الله، مو على الظروف والأسباب .. أنتِ تشوفين اللي صار من ظاهره، لكن ربي يشوف الغيب كله، ويمكن الشيء اللي كرهتيه يكون هو الباب اللي يوصلك لدعوتك فلا تتسخّطين إذا تغيّرت الظروف، يمكن القدر تحرّك لأجلك وأنتِ ما تدرين ادعي، وأحسني الظن، وثقي إن ربي ربّ الأسباب، وإنه قادر يجيب لك دعواتك من حيث ما تحتسبين

محتاجة جرعة تحفيز لليقين والدُعاء؟ أقري هالكلام ⬆️

بتقولين طيب أنا أعرف انو الدُعاء عباده عظيمه وانه يغيّر القدر ولازم أدعو بيقين وقلب حاضر عشان تتحقّق دعواتي، طيب كيف أحقّق اليقين؟ بضرب لك مِثال بسيط عن حضور القلب أثناء الدُعاء عشان توضح الفكره، مثلًا أنتِ قاعده قدَّام أمير كريم، وأنتِ تعرفين إنه كريم ولا يرُد السائِلين! وبيعطيك كل اللي تطلبينه! كيف بيكون شعورك؟ أصلًا بتطلبينه من كل قلبك وبتشكين حالك له بصدق! وقال لك تم بعد شهر أعطيك كل ما ترغبين! بتفرحين صح ولا راح تفكّرين بالموضوع! طيب ليش وثقتي به؟ عشانك تعرفين من هو وعندك معلومات سابِقه عنه فبالتالي عقلك حوّل هذه المعلومات أو الأفكار الإيجابيه لمشاعر ثقه به وبوعده! هذا هو إختصار لحضور القلب، وكل ما تعرّفتي ع الله! كل ما قلبك عظّم الله وطلبتيه وقلبك حاضر! ولأنك عارفه وش تبغين وتطلبينه وأنتِ مركّزه في كلامك ومُصرّه ع طلبك وتعرفين أنه الآن يسمعك وبيجيبك فبالتالي صار عندك حضور قلب وصادقه فعلًا! نجي للدُعاء ولله المَثلُ الأعلى! الدُعاء ما يستجيبه ربي من قلب لاهي! لازم قلبك يكون حاضر وتكونين مُخلصه لله وتركّزين في دعواتك عشان تستشعرينها ويكون عندك إلحاح دايم تدعين! وتعرفين انو ربي الآن يسمعك وينظر إليك ويفهم كلامك حتى لو إنه ملخبط المهم مركّزه ع دعواتك، طيب ننجي لليقين ركّزي ع الأفكار اللي ماخذتها عن الله تعالى! لانو الأفكار تتحوّل لمشاعر والمشاعر تنعكس عليك سواءً إيجابيه أو سلبيه، عشان كذا هي اللي بتجعل عندك يقين أو العكس، خليني أوضح لك، مثلًا دائِمًا تفكيرك عن قُدرة الله وعن إستجابة دعوات الأنبياء وعن عظمة الدُعاء كيف قادر ع تحقيق دعواتك وتسمعين عن الله ورحمته دائمًا وفاهمه لما قال ربي أنا عند ظن عبدي بي فلظن بي ما شاء! فلما تجين تدعين! الأفكار اللي ماخذتها عن الله تعالى! تنعكس عليك وتتحوّل لمشاعر طمأنينة وعدم خوف، يقين وعدم يأس، حسن ظن وعدم سوء ظن، وهكذا، وان كان العكس؟ أفكارك دائِمًا سلبيه وتسمعين للسلبيّين اللي يقولون لي سنين أدعي ولا شفت شيء! بتنعكس عليك هذه الأفكار وتصبح مشاعر خوف وقلق وسوء ظن وعدم يقين، فالخُلاصه إنك لما تفكّرين انو ربي مُستحيل يخيّبك وسيستجيب لك وبتعيشين بين دعواتك! راح يجيك شعور بالسعاده لأنو أفكارك صنعت لك مشاعر السعاده هذه، فبالتالي تدعين وكلك يقين وحسن ظن بالله! طيب كيف أغير أفكاري! أول شيء راقبيها أول ما تجيك فكره سلبيه! لا تعطينها وجه واستبدليها بالإيجابيه، أوضح لك أكثر! لما تقولين كم لي سنين ادعو هذه الدعوه ولا تحقّقت! ذكّري نفسك بانو ربي أعطاك نِعَم كثيره ما طلبتيها، وذكّري نفسك بانك بالماضي قد دعوتيه! والدعوات بين يديك الآن، ذكّري نفسك أن الله قال ادعوني استجب لكم؟ يعني معقوله تصدّقين فكرتك! ويكون عندك شك في وعد الله! معقوله صدّقتي الأمير اللي وعدك بعد شهر! ولا صدقتي وعد الله وأنتِ أصلًا تؤمنين أن الله لا يُخلف الميعاد! حاشَ لله ربي سُبحانه مُستحيل يُخلف الميعاد ترى! يعني قال بستجيب لكم، بتشوفين دعوتك لو بعد حين فتطمّني، فانسي شعور السنين اللي فاتت! أول شيء يمكن قبل كنتي تجهلين أشياء كثيره عن الله يمكن كان عندك سوء ظن يمكن دعوتي الله وقلبك لاهي يمكن عندك مانع للإجابة! ويمكن استجابها الله ع طول لكنها بتجيك بالوقت المُناسب لك، يمكن صرف ربي عنك سوء يمكن ادّخرت لك بالآخره! لكن الآن! أنتِ تعرفين من هو الله وعندك يقين وتدعينه وقلبك حاضر وعندك رصيد من التسبيح والعبادات الأُخرى! وتعرفين انو ربي مُستحيل يخيّبك! هذا هو اللي يبعث شعور الطمأنينه بقلبك لأن الله الكريم اللي بيده خزائِن السماوات والأرض واللي ما قدرناه حقّ قدره سُبحانه وتعالى! أعظم وأكبر من الوصف لو أتكلّم من اليوم لقيام السّاعه! ستنفد كلماتي ولا قدرت أن أصف جلال وعظمة الله ولا وفيت حقّ ثناءه، فأنت كما أثنيت على نفسك يا الله يا عظيم، ومن أسباب إجابة الدُعاء أيضًا أن تعظّمين الله وتشكرينه، ثم تشكين حالك لله يعني تعلمينه بظروفك وربي طبعًا أدرى بك منك لكن هذه من أسباب إجابة الدُعاء الأنبياء كانوا يشكون حالهم لله! زكريا بالأول وضّح لله ضعف جسده وشيخوخته وأن زوجته عاقِر! وفيه فرق بين العاقِر والعقيم العاقر مُستحيل تُنجب! والعقيم يمكن تُنجب! ثم قال هب لي من لدنك وليًا ! والنتيجه! رزقه ربي بنبي! وموسى كذلك وجميع الأنبياء! عليهن السلام، أنا قاعده أوضّح لك دعواتهم عشان يقينك بالله يرتفع ولا تعتمدين ع الأسباب! والأهم إنك تدعين باسم الله الوهَّاب، لأن الهبه باختصار اصطفاء من الله لك وكأنه يهديك نوع آخر مُتكامل من فضله وكرمه ورحمته ❤️❤️

لا إله إلّا الله وحدهُ لا شريك له، لهُ المُلك، ولهُ الحَمد، وهوَ على كُل شيءٍ قدير