YOZUVCHILAR UYUSHMASI QASHQADARYO VILOYATI BO'LIMI (RASMIY KANAL)

ИМОМ БУХОРИЙ ЙИЛИ 1446 ЙИЛ – ИМОМ БУХОРИЙНИ МУҲАББАТ БИЛАН ЁД ЭТИШ ВА АСАРЛАРИНИ ИҲЁ ҚИЛИШ ЙИЛИ (Ақра. Медия) Биринчи суҳбат Имом Бухорийнинг кароматлари Китобларда, хусусан, “Жомиъ ул-мутун” асарида авлиёнинг кароматлари, валийлик даражалари муфассал баён қилинган. Масалан, ҳеч бир авлиё бир саҳобанинг мартабасига ета олмайди. “Узоқ масофаларни қисқа вақтда босиб ўтиш, хоҳлаган онда ноз-неъматлар, ичимлик ва кийим-кечакларни ҳозир қилиш, сув устида юриш, жонсиз мавжудот билан гаплашиш, узоқ масофалардан туриб кўриш ва эшитиш – валийлар учун каромат, пайғамбарлар учун эса мўъжизадир. Шулар ва шунга ўхшаш (воқеа)лар ҳақдир ва ростдир” (“Жомиъ ул-мутун”). Лекин Ҳақ таоло ҳазрати Имом Бухорийга бошқа бир каромат ато қилган: у кишига ҳадис ҳифзи ва илми каромат қилиб берилган. Бу сўзни ўзимизча тўқиб айтаётганимиз йўқ. Булар ул азиз Имомнинг маноқибларида ёзилган гаплардир. Ҳазрат Бухорий жами 600 мингга яқин ҳадисни тўплаб, шундан 100 минг «саҳиҳ» ва 200 минг «ғайри саҳиҳ» ҳадисни ёд билганлар. Абу Бакр Калвазоний айтадилар: “Муҳаммад ибн Исмоилга ўхшаганини ҳеч кўрмадим. У киши бир китобни қўлларига олиб, бир қараб чиқишнинг ўзидаёқ ундаги ҳадисларни бошдан-охир ёд олишга улгурар эдилар”. ✍Мирзо КЕНЖАБЕК “ЕР ЮЗДУЗЛАРИ” китобидан. https://t.me/qashqadaryo_adabiyoti 🔹🔹🔹

#retro "ОНА" ✍Бобур Бобомурод 🎙Юлдуз Усмонова https://t.me/qashqadaryo_adabiyoti 🔹🔹🔹

* * * Жавонларда идишлар янги, Янги рангда товланар девор. Янгиликни рўмолдай танғиб, Ивирсийди хонада рўзғор. Уйимизда салқин устивор – Паст келмайди совутгич ёзга. Супурилар уй. Кечаги ғубор Хокандозга тушади аста. Хиргойида билмаганим куй – Ўтган ғамнинг сўкилган чоки. Қайтиб келар уйдан кетган уй – Ошхонада чой ичар сокин. Енгил тортиб – ариб эскидан – Чарақлайди рўзғорим маним... Кароватда ётар юзтубан Илдиз отиб ҳориган таним. ✍Усмон АЗИМ “Куз” китобидан https://t.me/qashqadaryo_adabiyoti 🔹🔹🔹

* * * ВАТАН, қалблардасен, қароқлардасен, Қодирийлар билан қамоқлардасен. Ватан, диллардасен, иймонлардасен, Шаҳидларинг билан майдонлардасен. Ватан, нафасларда – ҳаволардасен, Осмон аҳли билан фазолардасен. Ватан, жонлардасен, толалардасен, Заҳматкаш жон билан далалардасен. Ватан, кўнгилдасен, масдарлардасен, Мусофирлар билан сафарлардасен. Мени ҳайрон этар гап берувчилар, Ҳар қандай замонга чап берувчилар; Мени ҳайрон этар сухан сотурлар, Ватани оғзида бўлган ботирлар; Ватан, жонлардасен, вужудлардасен, Дунёларга сиғмас ҳудудлардасен!.. ✍Мирзо КЕНЖАБЕК @m_kenjabek https://t.me/qashqadaryo_adabiyoti 🔹🔹🔹

#ТАФАККУР_БЕКАТИ 🔰🔰🔰 Икки нарса борки, уни амалга оширсанг икки дунё саодатига эришасан: Яхши кўрмаган нарсангни Аллоҳ севгани учун бажаришинг ва севган нарсангни Аллоҳ хушламагани учун тарк этишинг. ✍Фузайл ибн ИЁЗ (раҳимаҳуллоҳ) https://t.me/qashqadaryo_adabiyoti 🔹🔹🔹

ВАТАНИМ Ҳар бир уйда айғоқчи, Ҳар қадамда исковуч, Одамни кўрса қочар, Бедовларинг ҳуркович. Ошингга заҳар солди, Ғанимларинг бир ҳовуч, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Нон бермайди ва лекин Нон еганни ўлдирар, Ўсиб турган ниҳолни Аёз каби сўлдирар. Бозор бормай қўйнингни Пуч ёнғоққа тўлдирар, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Ҳар кўчада минг миршаб, Ҳар гўшада авахта, Ҳақ деганнинг оғзи берк, Қон ютар лахта-лахта. Ўзи-ку пахта эккан, Ёстиғи бўлди тахта, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Илму урфон жаҳолат Ғорига кириб кетди, Ўлик тирикдан ўтди, Тирик ўликдан ўтди. Адолат истаб борсанг Ёлғон тиржайиб кутди, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Қайларгадир йўқолди Меҳр билан муҳаббат, Қўлида ханжар ушлаб, Адоват қолди фақат. Ёмон гап арзон-гаров, Яхши гап бўлди қаҳат, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Тўғригўйлар бир четда, Эъзоздадир иғвогар, Қайтдик ўрта асрга, Одам пуллар савдогар. Минг йиллик хазинангни Талаб ётар ўғри, ғар, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Ўлиб ҳам бўлмай қолди, Ювғич урар кафандан, Кимлардандир юққан кир Кетмас сира бадандан. Қуруқ хашаклар қолди Гуллаб турган чамандан, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Қувган ҳам халқим дейди, Халқим дейди қочган ҳам, Лекин халқнинг аҳволин Ўйламас бирор одам. Жаллод ҳам халқ номидан Ўқир фармонни у дам, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Турфа хил замонларни Кўрган битта инсонман, Гоҳ фахр этсам, гоҳо Баридан пушаймонман. Нетайки мен на Хорун, Ва на Сулаймонман, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. Барчасига сабабдир Асли нафснинг балоси. Меҳнаткаш халқнинг эса Ечилмас муддаоси, Иншооллоҳ бандага Боққай бир кун Худоси, Ёвузларнинг қўлида Гулдай ватаним қолди, Бошида паноҳи йўқ Тулдай ватаним қолди. ✍Абдулла ОРИПОВ 2015 йил 10 октябрь, Хьюстон https://t.me/qashqadaryo_adabiyoti 🔹🔹🔹

#Manaviyat_festivali “Biz bir bo'lsak — yagona xalqmiz, birlashsak — Vatanmiz!” ⤵️ Telegram | Instagram | Facebook | YouTube  | Veb-sayt

ЖИМЖИТЛИК Жимжитлик – денгиздан бир тишлам, қурум босган девор, ишқий хотира ул эт битаётган. Жимжитлик – тўпиққа ҳам чиқмас саёзлик, намозшомги нур қалдирғоч уясига кўмилаётган. Жимжитлик – ҳовуз устидаги буғсимон бўса жиққа ҳўл ва тугал бўлмаган ҳали Жимжитлик – очликни тоғликлар тараф узатгувчи қанот, бўм-бўш, шубҳали Жимжитлик - шундайин ажиб дарвоза худди китоб мисол нафис очилур, шеър каби ёпаркан табақаларин ифори ҳар тараф нурдай сочилур. ✍Решма РАМЕШ https://t.me/qashqadaryo_adabiyoti 🔹🔹🔹

* * * Ҳа, ҳатто чайла ҳам Қурмадим боғда, Бир парча томорқа Олмадим сотиб, Одамлар ёлғони Бездирган чоғда, Шеърлар ёзавердим, Ўзимга ботиб. Ботдим... Ботавердим... Қалбнинг қаъридан – Миям фалакининг Тоқидан нари; Руҳнинг сарҳади йўқ Чексизлигидан – Ўн саккиз минг олам Сарвари сари. гулу япроқликка йўқ эди раъйим. Ботдим қаро ерга, Қоронғу тошга, Илдизлик қисматин, Буюрди қайюм... Менга не керакдир Хўш, бундан бошқа? Илдизлик куч олар – Қанча чоҳласа! О, неча боғларим Шовуллайди шаън! Руҳим дардга тўлди!.. Худо хоҳласа, Дунё гўзал қолур Мендан кейин ҳам. ✍Усмон АЗИМ https://t.me/qashqadaryo_adabiyoti 🔹🔹🔹