جرعة وعي

الواحد ماقادر يينسى كمية الغلات وشكل الطين الخشاهو عشان يحدد هل كيكل (إستسلم) ولا (فك تسجيلو) من الجنجويد لصالح الجيش! عزيزتي .. لو ما أداكي النظرة دي معناها مابحبك!

لحد هسة المؤكد إنو البرهان قابل نتنياهو في عنتيبي، واستقبل وزراء إسرائيليين في الخرطوم، وفسحهم في الصناعات الدفاعية، واتبادل معاهم الهدايا التذكارية! لكن ده ماوكتو! هسة خلينا نشتم القحاتة ونتهمهم بالعمالة لإسرائيل!

عشان ماتقولوا ماكلمناكم! كمبو كديس ده تاريخو متشابه لدرجة التطابق! وأريت الناس لو بتتعلم!

المبادئ لاتتجزأ! التواصل مع الصهاينة قفز فوق دماء الآلاف من ضحايا الكيان! وخيانة للقضية! لو عملها برهان أو بابكر فيصل فهي خيانة! ولو إتعملت بإسم السلطة أو بإسم صمود فهي خيانة! الصهاينة مافيهم خير! كان اتعلمتو من أكراد العراق! أو موارنة لبنان! التطبيع خيانة وخيانة مجانية كمان!

عاين هنا يارهينة! في ناس قاعدة تستغل صدمة الحرب دي في كتابة تاريخ جديد يغسل الجرائم الارتكبوها في حق البلد وناسها! وطالما إنو دورنا في مجريات الحرب كناس عديمين تاتشرات منعدم، حيبقى من واجبنا نحفظ التاريخ ده للناس الذاكرتها ضعيفة. واجبنا نوري الناس بالوثائق (منو عمل شنو؟) ووصلنا للحالة دي! ماعاجبك الكلام ده أو شايف إنو (ما وقتو؟) بالتوفيق ليك.. شوف الحاجة البتريحك وأعملها! بس مامن حقك تفرض علينا نتكلم عن شنو ونخلي شنو! التاريخ قاعد يتزور قدام عيوننا. وغسيل السمعة شغال على قدم وساق! لو إنت اخترت تقيف متفرج على الحاجة دي.. نحن لأ!

سعيا منها لمكافحة النهب المسلح، الداخلية تحظر استخدام وترخيص التندرا! ونحن الكنا قايلين المشكلة في المليشياوي الراكب في التندرا! طيب لو المليشياوي كان راكب تاتشر عادي؟ شغل البصيرة أم حمد ده بوصلنا وين ياجماعة؟ الحل الحقيقي حل المليشيات وسيادة القانون! أي حاجة تاني مجرد عبث وعبط!

باختصار! العايز يمارس السياسة يتحمل الردم! ماممكن تصرح تصريح سياسي ولمن الناس ترد عليك تشبكهم إنتو كارهين للدين. وماممكن تكون لابس الكاكي وتمارس السياسة والحكم ولمن الناس تنتقدك تشبكهم بتكرهوا الجيش! ماعجبك الكلام؟ أقعد في جامعك أو ثكنتك وخلي السياسة لأهلها! لاقداسة مع السياسة!

أي سلفنجي إتعلم السياسة في جامع الصحافة يقول ليك (الليطاري سبب الحرب) قول ليه السان ده بيختلف معاك!

رغم إنو سؤال (البديل منو؟) ده إترد عليه مية مرة لكن خلينا نرد تاني: البديل ما (منو؟).. البديل (شنو؟) والرد عليه ببساطة (تحول مدني ديمقراطي) قوم يا البرهان معاك جنجويدك وكيزانك ومليشياتك صححوا المسار واعملوا الانقلاب! الزمن داك لمن قلنا ليكم مافي انقلاب عندو راسين وحتودونا جهنم! شبكتونا الرجعة مستحيلة. لكن السؤال الحقيقي لمن كلكم إتآمرتوا على التحول الديمقراطي مالكم ما سألتوا (البديل شنو؟)

فهمت يارهينة يعني شنو (المجد للبندقية)؟

استشهاد رقيب شرطة إثر نجدته لجاره في مواجهة مسلحين متفلتين في أم درمان، بعد استجابته الفورية لاستغاثة جاره الذي تعرض لاعتداء مسلح داخل منزله. تتذكر عزيزي الدولجي الرهينة لمن صحت ورا الكاهن المجد للبندقية، وإنت لابندقية ولامسدس موية! تتذكر لمن قلنا ليك أعقل؟ تتذكر؟ المجد للمدنية

متأكد؟؟ ما القحاطة يعني؟ طيب ولا المشتركة البتقبضوا تاتشراتهم كل يوم؟ ولو واحد من ناس المكافحة اتجرأ يفتش التاتشر بيتملي قسطير؟

حينط من الاتفاق؟ ماحيبقى البرهان لو مانط!

أهون للجيش إنو يربي مليشيات يقسم معاها السلطة، قسمة يحتفظ لي نفسو فيها بنصيب الأسد، ولو دخل نفسو في حروب ما بتخلص. أهون ليه مية مرة من إنو يفك السلطة لي مدنيين يشبكوهو مدنياااو ويقولوا ليه ارجع ثكناتك وابقى جيش محترم واشتغل شغل الجيوش المحترمة في البلدان المحترمة! الصورة من تخريج دورة سلاح الإشارة لدفعة من القوات المشتركة تحت إشراف الجيش!

الناس بتتعلم من أخطاءها، المؤسسات بتراجع إجراءاتها، الحارس مالنا ودمنا عايز يعيد تجربة المليشيات للمرة الدشلمية!

بحسب أفريكان انتلجنس: حصول النور قبة والسافنا على ملايين الدولارات من السعودية، مقابل الانشقاق من الجنجويد والانضمام لحضن الوطن! كما أسلفنا من قبل إنو حضن الوطن ده مامجان! طبعا خبر زي ده الدولجية حيعملوا منو رايحين كالعادة! المشكلة إنو الدولجية شايفننا نحن العملاء والمأجورين!

القوات المشتركة تعتدي بالضرب والحلاقة على الناشط الطوعي عبدالرحمن كردي خبر متكرر لدرجة إنو بقا ماخبر! باختصار.. المشتركة إتبادلت الأدوار مع الجنجويد! خشت في حضن الوطن إلى جوار (المؤسسة الوطنية) والدعم السريع إستلم مكانها في الخلا والخيانة! ومازال الدولجية الرهاين قاعدين في نفس موقع السكوت عن الانتهاكات، واتهام الناس البتنتقد الوضع ده بالخيانة والعمالة! متى يتعلم الأغبياء؟

قال إنه أصبح رقمًا عالميًا، ترك يدعو لتفويض البرهان رئيسا للجمهورية! ده على أساس إنو البرهان ليه 7 سنين رئيس رابطة مشجعي الهلال مارئيس أمر واقع! وكل سنة من طين لي طين! وياها شغلة البرهان، قدر مايتزنق باستحقاقات التحول المدني الديمقراطي ينزل المدنيين بتاعينو من الفضية يعمل بيهم كم حركة ويرجعهم تاني!

على اليسار: النور قبة، القائد العسكري اللي اسقط الفاشر بيد الجنجويد من يد الجيش يستقبله البرهان بكل الحفاوة. على اليمين: د. أحمد شفا، صيدلاني ماعندو أي سلاح، محكوم بالسجن 25 شهر بتهمة التسبب في سقوط الفاشر. لاتخرج قبل أن تقول سبحان الله! وإن لم تفعل فاعلم أن العميل سلك قد منعك.

أيام الانتقالية المنقلب عليها كان في ناس ماسكين مسطرة الرداءة والجودة لكل زول وكل شيء، ياربي الناس دي روحت المسطرة ولا كسرت الحنك؟ يابتاع الرداءة مالي أرك مرفوع الرأس وكرعيك هاويات كأنك في تاني دور؟ تكلم!