Zona News

Իրանում սկսվել է ուղղաթիռի կործանման հետևանքով զոհվածների մարմինների նույնականացման գործընթացը: Բացի Իրանի նախագահից, ինքնաթիռում եղել են արտաքին գործերի նախարար Հոսեյն Ամիր Աբդոլլահիանը, նահանգապետ Մալիք Ռահմատին և Թավրիզի իմամ Մուհամմադ Ալի ալ-Հաշեմը:

Իրանի ռադիոն և հեռուստատեսությունը պաշտոնապես հայտնել են նախագահ Ռաիսիի մահվան մասին:

Մոհամմադ Ալի Ալ-Հաշեմը, որն Իրանի նախագահ Էբրահիմ Ռայիսիի հետ հետ գտնվել է նույն ուղղաթիռում, կոշտ վայրէջքից հետո երկու անգամ կապի է դուրս եկել և հայտնել, որ իր ինքնազգացողությունը վատ է:   Նա նաև հայտնել է, որ շտապօգնության ավտոմեքենաների ազդանշանների ձայները լսվում են: Այս մասին տեղեկացրել է Իրանի արտգործնախարարի տեղակալ Մեհդի Սաֆարին:   Ավելի վաղ հաղորդվել է, որ հաջողվել է կոշտ վայրէջքից հետո կապ հաստատել Իրանի նախագահին տեղափոխող ուղղաթիռի ուղևորներից և անձնակազմի անդամներից մեկի հետ:

Իրանի նախագահին տեղափոխող ուղղաթիռի և ուղևորների մասին լուրեր մինչ այժմ չկան: Չնայած սառը եղանակին՝ որոնողական աշխատանքները շարունակվում են:

🇪🇺 Եվրամիությունը կօգտագործի իր CopernicusEMS արբանյակային համակարգը՝ Իրանի նախագահի և արտաքին գործերի նախարարի ուղղաթիռի որոնման աշխատանքներին աջակցելու համար, հայտարարել է ճգնաժամային կառավարման հարցերով եվրոհանձնակատար Լենարչիչը։ Նա նշել է, որ դա կարվի «Իրանի աջակցության խնդրանքով»։

Իրանի Կարմիր մահիկի ընկերության օպերատիվ շտաբը հերքում է տեղեկությունն այն մասին, որ փրկարարները հայտնաբերել են Ռայիսիի ուղղաթիռը։

Փրկարարները հայտնաբերել են ուղղաթիռը, որում գտնվել է Իրանի նախագահ Ռայիսին։

Իրանի նախագահի որոնողական աշխատանքներին մասնակցող փրկարարներ են անհետ կորել․ Iran International

Իրանի նախագահին և արտաքին գործերի նախարարին տեղափոխող ուղղաթիռը «կործանվել է լեռնային տեղանքում մառախուղի մեջ»՝ Ադրբեջանի հետ սահման այցից վերադառնալու ճանապարհին, Reuters-ին ասել է իրանցի պաշտոնյան։ «Մենք դեռ հուսով ենք, բայց կործանման վայրից ստացվող տեղեկությունները շատ մտահոգիչ են», - ասել է պաշտոնյան՝ անանուն մնալու պայմանով:

3 ուղղաթիռ ուղեկցում էին նախագահին, 2-ը վերադարձան Թավրիզ։ Այժմ խիտ մառախուղ է, որը շատ կարճ ժամանակով անհետանում է, ապա նոր ալիք է գալիս և այժմ մակարդակն այնքան բարձր է, որ տեսանելիությունը հասել է 10 մետրից ցածր։ Irna