𝐀𝐬𝐚𝐝𝐮𝐥𝐥𝐨𝐡 𝐀𝐳𝐚𝐦

Shayton, Odam Alayhissalomga „Yaratilgan“ deya sajda qilmas ekan, Odam Alayhissalomni yaratgan Allohga siz nega sajda qilmayapsiz ?

Bayram shundoq ham xayrlidir, endi biz ham xayrli va muborak bo‘lishimizni tilagan holda barchangizni hayit ayyomingiz bilan samimiy qutlab qolaman. O‘tgan ramazon oyida poklangan ushbu nafsimiz va axloqimizni muhofaza qilishga urinib, ibodatlarimizda yanada muvaffat bo‘lishga talpinaylik.

Rayyon eshigidan kirish uchun go‘zal xotimamizgacha ro‘zador bo‘lishimiz kerakligini unutmaylik. Takroran bayramingiz muborak bo‘lsin…

Dunyodaligingizni o‘zidayoq oxirat uchun libos tayyorlang. Aks holda oxiratda yalang‘och qolasiz. Kafaningizga ishonmang, zero kafan qabrniki va u chirishga mahkumdir. -Asadulloh Azam

-Jannat ahli mukallafmilar ? -Ha, ular Allohni tanish va tavhidga mukallaflar!

Tarixda hech qachon erkak ayol aralash tavof qilmagan. Ammo erkak ayol birga ta'lim olishi mumkin emas, ayollar universitetlarga bormasin deganlar bugun hukumatga kelib ka'bada erkak va ayol aralash tavof qiladigan qilib qo'ydi. -Ey vahhobiylar, niyatingiz sof bo'lsa nega bu yerda ayollar uchun alohida saflar tashkil qilmaysiz ? Yoki ayollar uchun alohida tavof vaqtlari tashkil qilmaysiz ? "Yo'q! Ibodat muhim emas. Niyatimiz shunchaki ayollar ilm olmasin, ummat ahmoq bo'lsin!" -Asadulloh Azam

Alloh taolo farishtalarni Odamga sajda qilishga buyurganida hamma farishtalar sajda qildi ammo iblis sajda qilmadi. Baqara surasining 34- oyati tafsirida Imom Nasafiy qiziq qavllarni keltiradilar. Shayton farishtalar qatorida buyurildi , u farishta edimi degan gapga Ali , Ibn Abbos va Ibn Masud roziyallohu anhumdan "Shayton farishta edi, Keyin osiylik qilib iblisga aylangan " degan qavl rivoyat qilingan. Qatoda va Hasan al Basriydan esa u Jinnlardan edi. Sababi Farishtalar nurdan ,jinnlar esa nar (olovdan) yaratilganlar deyishgan. Johizning qavli esa hammasidan qiziq: "Farishtalar va jinnlar aslida bir jins. Faqat ularning qaysi biri poklansa maloikaga aylanadi, qaysi biri nopok bo'lsa bas u shaytondir" degan. Ya'ni u farishta edi-yu sajdadan bosh tortishi bilan shaytonga aylandi. -Asadulloh Azam

•Seni har narsada ko'raman-u, Seni biror narsada ko'rmayman...Seni biror narsadek ham ko'rmayman. - Asadulloh Azam

Jannatda neft bo'ladi deyilgandi, Amerikaliklar namoz o'qishni boshlashdi... U yerga ham demokratiya kerak-ku axir. -Asadulloh Azam #hazil

Insonlar taqlid qiladigan go'zal ish qiling. Yoki go'zal ishlarga taqlid qiling. Sunnatlarni tiriltirish, olimlarning sunnatidir. -Asadulloh Azam

O'z joningizga ravo ko'rmagan ishni boshqalar qilib berishini ularga ravo ko'rishlik adolatdan emas. -Asadulloh Azam