Театр ТИНЧУРИНА - ТИНЧУРИН театры

Тинчурин театры оркестры һәм Казан дәүләт консерваториясенең Традицион музыка уен кораллары ансамбле бер сәхнәдә очрашып, халык моңын яңача яңгыратты 🎤 ▫️▫️▫️▫️▫️▫️▫️▫️▫️▫️ Когда на одной сцене встречаются два оркестра — рождается что-то по-настоящему особенное ❤️

Син нинди Казан егете? 🤔 Реакцияңны калдыр ⬇️ 😍 Альфред — үзен яратучы, аңа бөтен кызлар гашыйк булган дип санаучы егет 🔥 Алмаз — башта эшләүче, аннары шуның турында уйланучы егет 🤓Тукай — әби малае 👍🏻 Фирдәвес — кулыннан бөтен эш килүче чын авыл егете КАЗАН ЕГЕТЛӘРЕ

«ЕлМай» бәйрәм алдыннан мәрхәмәт, игътибар һәм җылылык өләште ❤️ Өлкәннәр көне алдыннан «ЕлМай» сөт комбинаты вәкилләре театрыбызның тарихын һәм җанын саклаучы кешеләр — өлкән буын артистларыбыз белән очрашты. Бу рәсми визит кына түгел, ә дусларча җылы очрашу иде. Алар сәхнә ветераннарын бәйрәм белән котладылар, аларга ныклы сәламәтлек, озын гомер һәм бетмәс-төкәнмәс энергия теләделәр. «ЕлМай» сөт комбинаты хезмәткәрләренә гомерләрен сәнгатькә багышлаган шәхесләребезгә күрсәткән эчкерсез хөрмәтләре өчен зур рәхмәтебезне белдерәбез!❤️

1 октябрь, Өлкәннәр көнендә, без бөек композитор Сафьян Ибраһимовны искә алу кичәсенә җыелдык. Кайчандыр Сафьян Ибраһимов көй язган спектакльләр безнең сәхнәдә барган, аның баяны театр бинасында яңгыраган, ә бүген инде аның җырларын башка буын артистлары башкара. Бер гасырлык юбилей сан гына. Ә иҗатның яше юк икән. Сафьян Ибраһимовка — 100. Аның көйләре һаман яңгырый.

Ике оркестр. Бер сәхнә. Халык моңы. ИРТӘГӘ «Моң дөньясы» концертлар циклы кысаларында «ХАЛЫК МОҢНАРЫ» концерты. Тинчурин театры оркестры һәм Казан дәүләт консерваториясенең Традицион музыка уен кораллары ансамбле бер сәхнәдә очраша 🎤 📅 2 октябрь | 18:30 📍 Тинчурин театрының кече сәхнәсе Халык моңын яңача ишетергә чакырабыз! 👐👐👐👐👐

Октябрь ае туган көннәргә, истәлекле даталарга һәм гастрольләргә бай! 🎭❤️

«Шигърият сулышы» Әнгам Атнабаев

«Йөрәккә дә ремонт кирәк!..» 📅 4 октябрь - 17:00 📅 1 ноябрь - 17:00 👐👐👐👐👐

ТАССРның халык артисты Люция Фарсинаның тууына 96 ел... (30.09.1930 - 04.03.2005) Люция Габдулла кызы Фарсина 1930 елның 30 сентябрендә Казан шәһәрендә сәнгатькәрләр гаиләсендә туа. Казан театр училищесын уңышлы тәмамлаганнан соң, Республика Күчмә театрына (хәзерге Кәрим Тинчурин исемендәге Татар дәүләт драма һәм комедия театры) эшкә чакырыла һәм театрда 1951-1958, 1961-1986 елларда эшли. 1958–1961 елларда Г.Камал исемендәге Татар дәүләт Академия театрында эшләп ала. Люция Фарсина 35 еллык сәхнә эшчәнлеге дәверендә татар, рус һәм чит ил классикалары буенча куелган спектакльләрдә Сара («Беренче чәчәкләр», К.Тинчурин), Пари («Сулган чәчәкләр», Җ.Җаббарлы), Сәкинә («Тугыз гашыйк», З.Шаһиморатов), Зөлхия («Кыр казлары артыннан», И.Юзеев), Зөһрә («Таһир-Зөһрә», Ф.Бурнаш), Рәхилә («Беренче мәхәббәт», Х.Вахит), Разия («Киек каз юлы», А.Гыйләҗев), Кручинина («Гаепсездән гаеплеләр», А.Н.Островский), Лика («Минем бичара Маратым», А.Н.Арбузов) һ.б. 100 гә якын образ иҗат итә. Алар барысы да тырышлык, эш сөючәнлек, рухи нәзакәтлек, куелган максатына тугрылык белән сугарылган.

Егетләр вәгъдә бирде. Кызлар ышанды. Ә аннары… 👀 Аннары «Казан егетләре артыннан» 🎭 🙂🙂🙂🙂 Үзебез дә түземсезлек белән көтәбез! 🎫 Билетлар сатуда. Тик алар да бик тиз бетәр кебек тоела безгә. 📅 30, 31 октябрь 😍😍😍😍😍😍

2027 ел Татарстанда Минтимер Шәймиев елы дип игълан ителде. Ә Тинчурин театры бу елга инде әзер! ❤️ Без булдырабыз!

Безгә иң еш бирелә торган ике сорау бар: «Казан егетләре»ндә кайсы состав уйный? Һәм финалда яңгыраган җырны кайдан табарга? ❤️ Җырны ВКонтактеда сылтама буенча таба аласыз, ә октябрьдә кайсы көнне кайсы состав уйнавын монда теркәп калдырабыз: 📅 2 октябрь — яңа состав 📅 3 октябрь — яңа состав 📅 24 октябрь — беренче состав 😍😍😍😍😍😍

ӨЛКӘННӘР КӨНЕ УҢАЕННАН ТИНЧУРИН ТЕАТРЫННАН БУШЛАЙ БИЛЕТЛАР! ❤️ Халыкара өлкәннәр көне уңаеннан пенсия яшендәге тамашачыларыбызга 40 бушлай билет бүләк итәбез Бушлай билетларны түбәндәге чараларга алырга мөмкин: 📅 1 октябрь | 16:00 🎭Композитор, Татарстанның атказанган мәдәният хезмәткәре Сафьян Ибраһимовның тууына 100 ел тулуга багышланган хәтер кичәсе — 20 билет 📅 2 октябрь | 13:00 🎭«Театр ул — тормыш, театр ул — яшәеш!» экскурсиясе — 20 билет Бушлай билетны ничек алырга? ➡️ Тинчурин театры кассасына килергә → MAX кушымтасын ачарга → «Цифрлы ID»ның QR-кодын кассада күрсәтергә → бушлай билет алырга. 🎫 Билетлар саны чикләнгән — һәр чарага 20 билет. 📍 Тинчурин театры, Татарстан ур., 1

ТАМЧЫЛАР НИ ДИЛӘР? (Луиза Салиаскаровага)

Сандыгыңда ята Синнән калган Белешмәләр салган ридикюль: Миннән сиңа — гомер юлдашыма — Иң беренче бүләк иде ул. Ридикюльдә калган белешмәләр… Анардагы кайбер билгеләр Тормышыңның соңгы хәбәрләрен Бүген миңа сөйләп бирделәр… Һәркайсында — Тамчы-тамчы эзләр, Алар нинди тамчылар икән? Болыттанмы алар, Әллә синең Керфекләрдән тамдылар микән?.. Тәрәзәңә «җилләр» бәрелгәннәр, «Сагынма!» — дип янап киткәннәр… Күнмәгәнсең… Эштән сөрелгәнсең… Еллар сине донор иткәннәр… Посылкалар белән ярдәм иттең: — Без бит илдә… өйдә бит… — дидең. Ә ул ярдәм — Каныңа алыштырган Паёкларың икән бит синең… Алдарсың дип уйлый идеммени? Ә син мине алдагансың ич: Өзелер хәлгә җиткән гомеремне син Җаның белән ялгагансың ич! Соңгы таңың беленеп килгәндә дә Күрешү көнен көткәнсеңдер дә, Ләкин ирек бераз кичегеп килеп Эзләп тапты мине Себердә… Баш иям дә рәсмең каршында мин, Күзләреңә багам тилмереп, Яшьле күзен Мадоннага текәп, Сүзсез калган Рафаэль кебек… Тирбәлешеп куя уйчан гөлләр, Бер-беренә хәбәр биргәндәй: «Кеше булсак әгәр, Без дә шулай Сыкрар идек, бәлки…» — дигәндәй…

😍😍😍😍😍😍 «ЛУ» 📅 30 сентябрь - 18:30 📅 10 октябрь - 17:00 📅 11 октябрь - 17:00 👐👐👐👐👐

Спектакльләребездә очрашыйк 🎭 🎫Билет алырга 😍😍😍😍😍😍

Алмаз Фәтхуллин тизлекне киметергә җыенмый! Яңа үрләр яуларга дип, Теләче районы аңа юбилее уңаеннан ат бүләк итте!❤️