Chiraz_studies 🩺👩🏻‍⚕️

بصح كي مديت الورقة هذ المرة كنت على يقين بلي فيها خير و الحمد لله جبت 18 كي حطوا التصحيح ماما تقولي واش زعما قداه تدي

كي شريت هذاك لكتاب تاع السلسة الزرقاء نحل و نصحح لروحي نلقاها 12 /14/11,5 يطيحلي لمورال بصح نقول اواه لازم نعرف وين راحتلي نعاود نقرا الحل و نزيد نحلوا وحدي هكا وليت نخمم كيما يخمم المصحح نهار الباك كي حطوا السوجي خيرت فربع ساعة بديت نجاوب و نقول الحمد لله الحمد لله 😅😅😅 والله الله غالب كنت خايفة منها ميتة و نقول شيراز متتحمسيس متديهاش فروحك جاوبي بعقلك

و متقولوش زعما كنت نحل التمرين طول صحيح يييييي كنت نحل بلغالط نوض نبكي 😅😅😅😅

المهم العلوم هذي نرقد بيها نوض بيها سكنتلي في مخي بصح قريتها صح و حبيتها

منبعد كي وصلوا ليكونترول شوي ولا لوقت معنديش قررت نرجع ندير ليكور عند الاستاذة ريمة لانها كانت توجهني و تمدلنا واش نحتاجو يعني نربح الوقت منبقاش نحوس على التمارين

كنت منروحش نقرا وحدة خلاف حتى نكمل الوحدة ليقبلها بيها بالتمارين و التمارين ميتمش العدد المهم تشوف روحك تمكنت منهم و اي فكرة تقدر تجاوب عليها

تركيب البروتين قريت غير الملخص بسك كنت فاهمتو مليح بديت طول نحل فالتمارين بصح الوحدات لخرين كامل عاودتهم من الصفر

بديت نروح للجامعة و كي نجي نجي غلبانة ميتة بصح نقاوم و نوض نتفرج فيديو تاع كتفي و هي تشرح و نكتب معاها فكراس الخفاء نقرا presque كل يوم 3h علوم

بحكم أني نقرا فلجامعة قلت خلي منديرش ليكور و نقرا وحدي من اليوتيوب بعدما سمعت بزاف على الاستاذة كتفي قررت نعتمد عليها بالاضافة الى كراس تاع ليكور تاع لعام ليفات

كيما كان الحال بدينت نقرا ف 24سبتمبر

المهم فشلت شوي و قلت صاي انا منزيدش نعود لباك هذا نكمل فارماصي و خلاص رجعنا نقراو انا سمعت بلي بداو يسجلوا الأحرار و انا اواه انا العلوم هذي بقات تحرق فقلبي ياربي واش ندير ياربي عاوني باه نتاخذ قرار صليت صلاة استخارة بعدها نضت صباح قلت طول لماما اني رايحة نعاود لباك بصح متهدري لحتى واحد نقرا فلجامعة و نعاود فنفس الوقت و كيما كتبهالي ربي نقنع بصح هذي عي المرة الأخيرة لينعاود فيها

ليوم سهرتنا مع 📚العلوم📚 نبداو بسم الله كيما علبالكم انا كنت شعبة رياضيات منبعد عاودت الباك شعبة علوم باك 2022 بلوكيت العام في الجامعة (سنة ثانية صيدلة) و عاودت الباك سجلت الدروس الخصوصية و نقرا من اليوتيوب تبعت شاوش و درت عندو فالزوم تاني المهم كل يوم نقرا العلوم و نحل التمارين وصل الباك وصلت الثلاثاء حطوا السوجي شفت الموضوع الأول لقيت التمرين الثاني حليت فكرة تشبهلوا مع استاذتي فليكور و الموضوع الثاني التمرين الأول تاني حليت كيفو هيا كيفاه نخير كيفاه قلت نخير الموضوع الأول خير بسك فيه تمرين على 7 نقاط و هذاك عليه 5 7 خير من 5 بديت نجاوب كتبت النص العلمي وصلت للتمرين الثاني حليتو انا وصلت للتمرين الثالث تاع الجونتاميسين يخاوتي ملقيتش واش نستنتج كي شغل الوثائق ناقصين المهم حسيت روحي تودرت خلص الوقت قلت ربي يجيب الخير فات الباك و حطو التصحيح النموذجي انا قلت خلاص ندي 15 بسك التمرين الاول و الثاني خدمتهم مليح نهار النتيجة نلقاها 15,77 ياربي فواه مخدمتش وصل نهار الرولفي 💔 و الصدمة 13 في العلوم 😭😭😭 ياربي راح المعدل الموزون راح العام هكاك و انا بلوكيت ياربي واش ندير

■تطبيق كل ما تحتاجه في البكالوريا■ -يحتوي هذا التطبيق على : ▪︎دروس و ملخصات في جميع المواد لكل الشعب ▪︎مواضيع بكالوريا من 2008 الى 2022 بصيغة (pdf) ▪︎سلاسل و تمارين في اغلب المواد ▪︎كتب و مراجع و مجلات ▪︎افضل القنوات التعليمية على منصة Youtube في كل المواد ▪︎برنامج للمراجعة خاص بكل شعبة للنظاميين و الأحرار ●رابط تحميل التطبيق: https://play.google.com/store/apps/details?id=com.bac.dzapp 🔺ملاحظة: -تم حذف الإعلانات ✅

سلام ان شاء الله تكونوا بخير وصحة بعد غياب طوييييل عن القناة ها انا أعود من جديد هذ القناة حتكون مختلفة تماما فيها الكثير من المفاجأت مبقاش بزاف و نحطلكم اي حاجة تحتاجوها 🤍 #teamchiraz

وفقكم الله و سدد خطاكم و ألهمكم الصواب عند الإجابة 🥺🤲(لاتنسوني بصالح دعائكم❤️🥺)

⛔️ اذا كنت متأخرا جدا في أي مادة فكن واقعيا فبدل ان توهم نفسك ان الوقت المتبقي قليل لمراجعة كل البرنامج راجع وحدتين او ثلاث جيدا لعل وعسى يكون ما راجعته يأتي في موضوع واحد أفضل من محاولة مراجعة كل البرنامج والنهاية لن تنال شيئا 🫶🫶

🟥 بعض النصائح في مادة الرياضيات يمكن أن تفقدك نقاطا مجانية : 1️⃣ في شفعية الدالة يجب تبيان ان المجموعة متناظرة بالنسبة للصفر (كثيرا ما ينسى التلميذ هذا الشرط المهم ) 2️⃣ دراسة اتجاه التغير نعني بها تعيين المجالات التي تكون فيها الدالة رتيبة ويجب ذكرها ثم يأتي جدول التغيرات الذي هو مستقل عنها 3️⃣ في نظرية القيم المتوسطة يجب حساب صور الاعداد مهما كانت القيم ولا نكتفي بالجداء أقل من الصفر 4️⃣ في اختيار الإجابة الصحيحة ابدأ بالتعليل لان المصحح يمكن أن يرفض الإجابة مباشرة اذا لم توفق في الاختيار و يهمل التعليل الذي يمكن أن تكون فيه خطوة واخدة فقط خاطئة 5️⃣ هناك فرق بين (بيّن أنّ) وّ (استنتج أنّ) خاصة في تمرين الاحتمالات والمتتاليات (ترفض إجابتك حتى ولو كانت صحيحة) 6️⃣ اذا لم يُعطى أساس المتتالية فحاول حساب الحدود الثلاثة الأولى لمعرفة الأساس او للتأكد، كي لا تفقد نقاط الأسئلة اللاحقة 7️⃣ هناك فرق بين احسب النهايات و بين أن النهاية تساوي، فالأولى مباشرة اما الثانية ليست مباشرة فهي مساعدة لك كي تستخدمها 8️⃣ لا تضيع وقت كثير في سؤال لم تفهمه 9️⃣ ترقيم الأوراق يساعد كثيرا المصحح

كيف حالكم ان شاء الله تكونوا بخير آسفة مطليتش عليكم غدا ان شاء الله آخر امتحان ليا الفترة هذي ضغط رهيب لكن الحمد لله 🥺 راني حاسة بيكم وعلبالي فترة صعبة التوتر زاد و التعب و كامل يجيكم الرقاد و جسمكم تعبان و تحسوا بالخمول هذوا كامل راني نجوز بيهم انا تاني لكن متفشلوش مبقاش قد ليفات يامات و يخلص كلش التعب هذا كامل فيوم يروح و تبدا رحلة جديدة رحلة تاع النتائج و كل واحد يحصد واش زرع و ان شاء الله كل واحد تعب يعوضوا ربي بفرحة كبيرة 🫶❤️

سسلسة المراجعة في العلوم للاستاذة خيرة فليتي ✅📚