🕌ⲘⳘⲊⲀⳐⲘⲀⲚⲔⲀ☝️

❗Аз беҳтарини амалҳо дар шаби қадр қироати Қуръон аст, зеро фазилати ин шаб ба сабаби Қуръон аст ва Қуръон дар ҳамин шаб нозил шудааст. 🌹 Ба номи Худои Бахшояндаи Меҳрубон! • Ба дурустӣ ки Мо Қуръонро дар шаби Қадр фурӯ фиристодем. • Ва чӣ медонӣ, ки «шаби Қадр» чист? • Шаби Қадр аз ҳазор моҳ беҳтар аст. • Дар он шаб фариштагон ва Рӯҳ ба фармони Парвардигори хеш барои саранҷом кардани ҳар коре фуруд меоянд. • Он шаб то вақти субҳ (маҳзи) саломатӣ аст. 📖 (Сураи Қадр)

Шаби 5 ба 6 апрел дар Тоҷикистон Шаби қадр фаро мерасад. Шаби 27-уми моҳи Рамазон ин Шаби қадр аст ва онро ҳамчун беҳтарин вақт барои тоату ибодат мегӯянд.

Дар қиёмат аъмолро шумориш намекунанд, балки онро вазн мекунанд. Вазни ҳар чизе бештар вобаста ба ҷинси он аст, то миқдораш. Пас, ниятҳоямонро холис кунем, намоз ва зикрамонро бо ҳузури қалб адо намоем. Чи басо чизҳои кӯчак вазни зиёд доранд, ва чи чизҳои бузург, вазни кам. Бо нияти дуруст ва дур аз риё ва бо ҳузури қалб вазни аъмоламонро афзоиш диҳем.

🌙 Парвардигоро, бо ту ба субҳ расидем ва бо ту ба бегоҳ расидем ва баҳри ту мезием ва баҳри ту мемирем ва бозофариниши мо ба суи туст.

15 ҳадиси шариф дар мавриди моҳи мубораки Рамазон: 🌱 Руза сипаре (дар баробари оташи дузах) аст. 🌱 Касе, ки Рамазонро аз рӯи имон ва барои касби аҷру подош рӯза бигирад, гуноҳҳони гузаштааш бахшида мешавад. 🌱 Савганд ба Зоте, ки ҷонам дар дасти Ӯст. Бӯи даҳони рӯзадор назди Худованд аз бӯи мушк ҳам хушбӯтар аст. 🌱 Ҷаннат дарвозае дорад, ки ба он Район мегуянд ва рӯзи қиёмат фақат рӯзадорон аз он вориди ҷаннат мешаванд. 🌱 Касе, ки дуруғгӯӣ ва амали монанд ба онро тарк накунад, Худованд ниёзе надорад, ки ӯ хӯрдану нушиданро тарк кунад. 🌱 Ҳар касе шаби қадрро зинда нигаҳ дорад (яъне он шабро дар ибодат ва бандагӣ сипарӣ кунад), ҳама гуноҳони гузаштааш мавриди авф қарор хоҳанд гирифт. 🌱 Саҳарӣ бихӯред, зеро дар хӯрдани саҳарӣ, хайру баракат нуҳуфта аст. 🌱 Худованд мефармояд: Ҳар амале, ки фарзанди Одам анҷом диҳад, барои худаш мебошад, ҷуз рӯза, ки махсуси Ман аст ва Ман худ подоши онро медиҳам. 🌱 Вақте моҳи Рамазон фаро мерасад, дарҳои биҳишт кушода ва дарҳои дузах баста мешаванд ва шайтонҳо ба занҷир баста мешаванд. 🌱 Мардум то замоне дар хайр ба сар мебаранд, ки, дар ифтор намудан аҷала кунанд. (Яъне дарҳол баъд аз расидани вақти ифтор, ифтор намоянд). 🌱 Рӯзадор набояд носазо гуяд ва амали ҷоҳилона анҷом диҳад. 🌱 Ҳар касе моҳи Рамазонро рӯза бигирад ва баъд аз он шаш руз аз Шаволро рӯза бигирад, монанди он аст, ки тамоми солро рӯза гирифтааст. 🌱 Ҳар касе рӯзадореро ифтор диҳад, ҳамонанди ӯ аҷр мебарад. Бидуни ин, ки чизе аз аҷри рӯзадор кам шавад. 🌱 Рӯзадор ду бор хушҳол мешавад: Яке ҳангоме, ки ифтор мекунад ва дигаре замоне, ки бо Парвардигораш мулоқот мекунад. 🌱 Ҳар касе қасдан ва бидуни узри шаръӣ як рӯзи Рамазонро бихӯрад, агар тамоми ӯмр рӯза бигирад, наметавонад ивази як рӯзро ба ҷо биёрад.

Хуб Гуш Кунед 🥺☝️❤️

Закоти мол ва закоти фитрро наметавон ба масҷид, мактаб ё сохтмони пуле дод. Он ҳақи мискинон аст. Аммо аз дигар садақот метавон ба ҷойҳои зикршуда, бахшид.

🌙 Худованди мутаол вақти дақиқи шаби Қадрро барои ду фоидаи азим ошкор накардааст: 1. Мушаххас шудани касоне, ки содиқона ин шабро меҷӯянд ва боке надоранд, ки барои ба даст овардани он даҳ шабро бо талош сипарӣ намояд. Аммо онҳое, ки танбаланд, барояшон сахт аст, ки даҳ шабро барои як шаб ба ибодат сипарӣ намоянд. 2. Аҷри бисёр дар пайи аъмоли бисёр ба даст меояд. Яъне ҳар чи амали нек бештар бошад, подоши он низ бештар аст — Ибни Усаймин

Шурӯъи даҳаи сеюми моҳи Рамазон муборак! --------------- Рамазон беҳтарини моҳҳост ва барои он, ки ҳимматҳо дар охири он суст нашавад, Худованди мутаол охирашро бофазилаттар аз аввали он қарор додааст ва маҳрум касе аст, ки онро зоеъ кунад. Худованд охири онро нисбат ба аввалаш бофазилаттар қарор додааст, зеро нафси инсонҳо дар ибтидои ҳар коре шавқу нишоти бештар дорад, аммо дар ниҳояти корҳо заиф ва суст мешавад. Албатта ҳар касе ба андозаи имонаш собит хоҳад мон. Касе, ки дар ибтидои Рамазон кӯтоҳӣ кардааст ва охири онро бо ҷаҳду кушиш ва ибодату некӣ пур мекунад, беҳтар аз касе аст, ки дар рӯзҳои аввал мамлӯ аз ибодат буда, аммо дар охираш кӯтоҳӣ мекунад ва ҳамоно аъмоли бандагон ба хотимаи он бастагӣ дорад. Даҳаи охири Рамазон беҳтар ва бофазилаттар аз тамоми бист рӯзи аввали он аст ва ҳар ибодате, ки дар бист рӯзи аввал бузург ва бофазилат буд, дар даҳ рӯзи охир чандин маротиба фазилаташ бештар мешавад. Беҳтарин ва бартарин ибодатҳо дар даҳ шаби охир, иборатанд аз намоз хондан, қироати Қуръон ва дуо кардан. Ва беҳтар аст, ки ҳар серо бо ҳам якҷо анҷом дод. Масалан қиёми намозро бо қироати Қуръон ва саҷдаашро бо дуо кардани тӯлонӣ. Паёмбари Худо (салому дуруди Худо бар ӯ) бо вуҷуди он, ки идораи давлатро бар уҳда дошт ва муфтии уммат буд ва тамоми мусалмонон бар ӯ ниёзи мубрам доштанд, аммо боз ҳам дар даҳ шаби охир ба эътикоф мепардохт ва худашро барои ибодати шахсӣ фориғ менамуд.

🌙 Худоё, мабодо, ки ин моҳ ба поён бирасад ва мо ҳанӯз ҳамлкунандаи бори сангини гуноҳҳонамон бошем.

Дидани лабханди онҳое, ки ранҷ мекашанд, аз дидани ашки онҳо дардноктар аст... Сад доғи ниҳон дорад, Ин сина, ки механдад. Сад гуна бало дидаст, Ин дида, ки мегиряд.

🌙 Беҳтарин рӯзҳои сол, хеле зуд мегузаранд. Рамазон нисф шуд. Ғанимат шуморем.

🌙 Рамазон моҳи судҳо ва ғаниматҳост. Пас онро бо ибодат ва намозҳои зиёд ва ҳарчи бештар Қуръон хондан ва зикр кардан ва бахшидани мардум ва эҳсон ба онҳо ва аз байн бурдани кинаву душманӣ ғанимат бидоред. — Ибни Усаймин