كوكتيل في عالم الطب

منقول من جروب UK pathway

المواصلات: المتوسط سعر كارت المواصلات غير محدود مترو و اوتوبيس و قطر لمدة شهر بيكون بحوالي ٥٠-٩٠ جنية استرليني حسب البلد الاكل: متوسط الانسان اللي بيطبخ لنفسه مثلاً و بيشتري اكل لفرد واحد بشكل اسبوعي بيصرف من ٤٠-٥٠ جنية استرليني كل اسبوع الهدوم و المتعلقات الشخصية: هي ارخص كتير من عندنا في مصر و انت بكل سهولة ممكن تدور كويس عالنت في المكان اللي انت رايحه على thrift stores او outlet stores تشتري منها و بيكون اسعارها كويسة و فيها براندز و هكذا خط التيليفون: في كذا نوع بس اللي حسيته value for money اكتر هو فودافون بيديك خط عليه باقة مكالمات و رسايل بلا حدود و ٢٠-٣٠ جيجا نت لمدة شهر و بتكون ب٨-١٠ جنية استرليني في طبعًا خطوط تانية و باقات تانية بس دي اللي حسيتها افضل و الخط بيتشرى عليه الباقة من السوبر ماركت عادي آخر حاجة انا ليه بقولك اعمل الكتڤ، هو في اوبشنز تانية اصلاً؟ في حاجة اسمها observership دي بتطلبها منهم في الايميل اللي بتقدم بيه عادي و هما بيقولولك عندهم ولا لا بس دي مشكلتها انها مفهاش hands-on يعني ايه بقى اصلاً hands-on , معناها انك تلمس المريض او تتعامل معاه او تكشف عليه فا الobservership دي انت راشق مع دكتور معين و لازقله بتتعلم منه بس ممنوع تتكلم مع او تلمس العيان في زيها حاجة اسمها clinical attachment بس دي بالحب اكتر في نظام حجزها يعني لو ليك دكتور معرفة ممكن ياخدك و يمضي انه قابلك كا clinical attachment و تروح تلزقله برضه لكن مينفعش تمد ايدك عالعيان علشان كدة انك تقدم مع جامعة ده احسن حاجة هما بيعملولك بروجرام بتدرس مع الدكاترة الامتياز زيك زيهم و بتلف معاهم عادي و الموضوع بيكون تعليمي علشان هي الجامعة وظيفتها الاولى هي التعليم اقل تكلفه للالكتڤ حوالي ٤٥-٥٠ الف جنية مصري محسوبة على: 400 استرلينى سكن 100 استرلينى فيزا 200 اكل وشرب 90 استرلينى مواصلات 100 كمان نظرا للظروف كدة 890 هتضربهم ف سعر البنك زائد 10% عمولة و معاهم ٥-١٠ الف جنية تذكرة طيران اقصى تكلفة بقى على حسب اختيارك للمكان و الطيران و مدة التأشيرة و الذي منه هاتجيب منين بقى انت فلوس كاش و انت رايح؟ قبل معاد طيارتك ب٤٨ ساعة هتروح البنك اللي عندك حساب فيه و تقدملهم نسخة ورقية من تذكرة الطيران و جواب الCAS Letter اللي من الجامعة و تقولهم انك عايز كاش للسفر لو حسابك عادي هيحولك من فلوسك ما يعادل ٥٠٠ دولار لو حسابك platinum or wealth هيديك ما يعادل ١٠٠٠ دولار لو المدة اللي انت قاعدها طويلة اكتر من شهر ممكن تطلب منهم يزودولك و ده طبعًا في حالة ان حسابك فيه رصيد كافي و هما بيدوك كاش اكتر من المسموح على حسب المتاح ساعتها لما بتسافر هناك ممكن تصرف بالكريدت كارت بتاعك لو حسابك عادي الليميت بتاعك بيكون ما يعادل ٢،٠٠٠ دولار امريكي لو حسابك platinum or wealth الليميت بتاعك بيكون ما يعادل ٣،٠٠٠ دولار امريكي طبعًا لو هتروح الكتف في لندن هيكون مكلف جدًا لكن لو روحت في بلد ريفيه مثلاً هتكون اقل كتير لأن البلد بتكون ارخص آخر حاجة الجامعة مبتاخدش منك فلوس تعليم انت بتتكفل بمعيشتك بس علشان كدة في تنوع في الاسعار لان انت اللي بتحدد سكنك و طيارتك و اكلك و شربك و مواصلاتك في الآخر بتاخد recommendation letter من الsenior اللي معاك و بتاخد certificate of completion من الجامعة انك خلصت معاهم التدريب في التخصص الفلاني للمدة الفلانية و اتعلمت كذا و كذا و كذا بس بص! لو روحت متنساش تدعيلي، بالتوفيق

بص يا باشا انت راجل عايز تسافر و تروح تشتغل في انجلترا و عايز اي حاجة تديك ميزة علشان تتقبل بسرعة في اول شغلانة انا هكلمك عن ازاي تعمل الكتڤ من اول ما ازاي هتقدم لحد ازاي هتصرف على نفسك هناك و ترجعلنا بالسلامة الاول نبدأ بأنك هتقدم فين و ازاي و تقولهم ايه هتفتح معايا الموقع ده هتلاقي عليه اسماء جميع جامعات اللي فيها تدريب طبي او الكتڤ في انجلترا في مناطق مختلفة https://www.medschools.ac.uk/studying.../medical-schools فتحت الموقع هتدوس على اسم اي جامعة او مستشفى تعجبك هتلاقي ظهرلك ايميل او الموقع بتاعهم هتخش تبعت للايميل او الAdmissions تقولهم انك طالب دولي جاي من مصر و انا في سنة خامسة مثلاً درست كذا و كذا و كذا و فاضلي تخصصات كذا و كذا مثلاً هل عندكم الكتڤ في الشهر الفلاني؟ و ايه مدته و في انهو تخصصات؟ هيردوا عليك عندهم الف مبروك معندهمش خش عاللي بعده لحد ما تلاقي اللي يناسبك المهم تظبط ايميلك ميكونش في اخطاء املائية يكون فيه كل معلومات عنك و عن درست ايه و جاي منين انهو جامعة و الذي منه و هتاخده بقى كوبي لكل الجامعات لحد ما تلاقي المناسب الموضوع ده متاح لحد ما تخلص امتيازك بعد التخرج مش بينفع لان لازم تكون طالب طب هما ممكن يطلبوا منك ايه بقى؟ هيقولك هاتلي بيان درجات/ transcript بنجيبه من شئون الطلبة هيقولك هاتلي جواب توصية بنجيبه من مكتب الوكيل هيقولك هاتلي بيان قيد برضه بنجيبه من الشئون هيديك ابليكشن تملاه هيقولك عايز اثبات لغة ممكن IELTS, OET, IGCSE English بيتقبلوا و كل جامعة بتبقى حاطة الامتحانات اللي بتقبلها و في منها بيكون اونلاين اصلاً صورة للباسبور و لو هي مستشفى جامعة بتطلب منك تراسل حد من الدكاترة اللي جوا المستشفى علشان يقبلك و يبلغ انه موافق يدربك و كدة و انت بتاخد الايميل اللي بيقولك انه موافق فيه سكرين شوت و تبعتهولهم ضمن ورقك و ده بقى بنعمله ازاي؟ موقع الكلية بيبقى فيه خانة في المينيو اسمها our staff بيبقى فيها ايميلات كل الدكاترة اللي في المستشفى و كمان جروب الadmissions اللي بيرد عليك لما تراسلهم ممكن تقولهم انا عايز تدريب في تخصص كذا يبعتولك ايميلات دكاترتهم عادي طب اتقبلت في جامعة الدنيا حلوة و كله كويس لازم هتعمل تأشيرة هتطلع تأشيرة سياحة عادي ٦ شهور بتسمحلك انك تعمل تدريب طبي او الكتڤ طالما مدته اقل من ٦ شهور و ده اللينك من موقع التأشيرات و الهجرة الخاص بالمملكة المتحدة اللي بيوضح الكلام ده https://www.gov.uk/standard-visitor/visit-to-study... و الجامعة نفسها بتبعتلك ايميل فيه CAS Letter علشان يوضح سبب التأشيرة فا تتقبل بسهولة هنشتري تذكرة طيران عن طريق ويز اير زي ما كان محمود منزل علشان تكون سعرها كويس و ده اللينك ‏https://www.facebook.com/share/iM8oNY3dRsg7yS2G/?mibextid=WC7FNe او عن طريق انك تشوف ارخص طيارة موجودة في الوقت اللي انت هتسافر فيه من على https://www.google.com/travel/flights و انت بتحجز الطيارة الاكتڤ عادةً بيبدأ يوم اتنين احجز طيارتك الخميس اللي قبلها لان الجامعات هناك بتطلب منك حاجة اسمها Right To Study و ده بيتعمل الجمعة اللي قبل اول اسبوع ليك ده بياخدوا باسبورك يشوفوا بس ان مش عليك احكام او نك تمام و ليك الحق انك تتعلم و مستوفي الشروط اجراء روتيني يعني و اهو بالمرة تدي نفسك فرصة تتعرف عالمكان و المواصلات و كدة علشان متتوهش من اول يوم😂 جميل كدة فاضلك مكان تبات فيه و ازاي هتصرف على نفسك هناك المكان اللي هتبات فيه عندك مواقع كتير تدور فيها على مكان ايجار اولهم https://www.airbnb.co.uk/ https://www.rightmove.co.uk/ https://amberstudent.com Https://www.UniAcco.com https://www.student.com/uk https://m.spareroom.co.uk/ هتلاقي الاماكن بتبدأ من مثلاً ٤٠٠ جنية استرليني في الشهر فيما فوق بس انا بقولك ٤٠٠ ده المتوسط في ارخص و في اغلى و في اخر واحد اللي هو spare room ده بتكون قاعد في اوضة في بيت حد تاني او شراكة فا بالتالي بيكون ارخص طب روحنا و اجرنا و كله تمام هصرف على نفسي ازاي؟ ممكن تشتغل حاجة اونلاين الفلوس تجيلك على حسابك على طول زي على المواقع اللي تحت دي كل يوم ٣ ساعات مثلاً او يومين الويك اند على بعض https://virtualworkernow.com/ https://www.upwork.com/ https://www.fiverr.com/ دي مواقع تقدر تشتغل عليها اونلاين تقدم اي خدمة بتقدر تعملها زي مثلاً الترجمة للعربي او انك تسمع ريكورد و تفرغه مهارات بسيطة يعني و قصاد كل تاسك تاخد في حدود ٨-١٠ دولار امريكي ممكن ابقى اكلمك عنها في بوست لوحدها ممكن لو حابب تشتغل كول سنتر اونلاين او انت اوريدي شغال كدة كدة تكمل بس هي فكرة برضه فا بقولهالك لما تشتغل حاجة كدة هتقدر تجيب مصاريف يومك موصلاتك و اكلك و شربك و حاجتين تروح بيهم لعيلتك😂 اللي هما ايه اصلاً ؟

*منقول من بوست ع جروب المعادلة

وفى شهر اجازة لكل فرد من التلاته بيغطيه الاتنين التانيين فاعمل حسابك فى شهرين فيهم اون مول او ساعات اوفر بحسابها طبعا فى أماكن تانية بتشتغل ٢ بس .. فيه اخصائى من ٩ ص ل ١٢ ظ ومن ٥ م ل ١٠ م .. فأنت بتغطى من ١٢ ظ ل ٥ م ومن ١٠ م ل ١ بليل وشفت تانى من ١ ل ٩ مثلا .. ولو زميلك اوف ف يوم او ف شهر اجازة له انت اون كول ف عدد ساعاته بالاضافة لساعات شغلك العادية ... اوقات راحتك .. واوقات اكلك وشربك وغسيل وطبخ و و لازم تحسبها .. متقولش هشتغل ٨ وابقى حر نفسى بقية اليوم .. هيصفصف معاك ٣ او ٤ ساعات غير ربطة ١١ شهر يوميا شغل ف السنة .. والجمعة اون كول او اوفر تايم فصعب الصراحة

قبل ما تسافر ١ - مترتبطش عشان فتح بيت له مسئوليات من نوع آخر هتخلى طريقك أصعب شوية مع مميزات اخرى من الزواج ٢ - مرتبات ال GP حاليا شهر ١٢ / ٢٠٢٣ رينج ٦٠٠٠ ل ٦٥٠٠ آلاف ريال .. منهم ١٥٠٠ اكل وشرب .. هيتبقى لك ٤٥٠٠ ريال لو هتصرف ٧٠٠ ريال مصاريف اخرى وهيتبقى ٣٨٠٠ فدول حوالى ١٠٠٠ دولار ( دا اللى هتقدر تعمله ف الشهر ) يعنى شغل سنة يجيبلك حوالى ١٠ الف ل ١٢ الف دولار .. حسب هتصرف ايه وتحوش ايه ٣ - محتاج سنة خبرة وتوثيق أوراق وامتحانات فى حدود ٥٠ الف ج مصرى او ٣٠٠٠ ريال سعودى او ١٠٠٠ دولار امريكى ( داتا فلو او توثيق ب ٦٨٠ ريال - تسجيل وتصنيف ١٤٠٠ - ٢٨٩ دولار امتحان البرومترك ) .. مذاكرة حوالى شهرين مثلا للامتحان ٤ - نظام شغلك هناك ٨ ساعات .. فى أماكن هتديهم لك متصلين من ٨ ص ل ٤ عصرا و ٤ عصرا ل ١٢ بليل و ١٢ بليل ل ٨ ص

ازاي تجيب فلوس "بالحلال" لأطباء الإمتياز في الفترة دي ؟ _________ مبدئيا لازم متنساش انك دكتور و هتبقي بإذن الله دكتور فاي يكن الشغل الي هتاخده فده شغل جانبي حاجة تساعدك في بداية حياتك و ممكن تبقي Passive Income ليك بعدين او عامل أمان ليك لو منجحتش في الطب لا قدر الله لكن مش من المنطقي انك تضيع مستقبلك الطبي علشان شغل جانبي الا لو انتا واخد قرار الCareer shift من الأول بقي ثانيا احنا بعاد خالص عن حضانات الأطفال او الICU او غيره من الشغل الAdvanced الي احنا غير مؤهلين فيه و بندخل في حرمانية شرعية غير المشاكل القانونية غير انهم اصلا هيستغلوك و ياكلوا عليك فلوسك علشان معكش ورق + هو عموما اي وظيفة محترمة هتعوز منك تحضير قبلها لكن لو مضطر فاشتغل اي حاجة حاليا لحد ما تبقي Qualified علميا و عمليا تشتغل ميديكال __________ 1- [ مساعد دكتور ] الدكاترة الكبار بيحبوا يبقي عندهم شاب صغير طبيب يتبنوه علميا و ينزل معاه و يساعده في عيادته او عملياته و الحركة دي هتديك خبرة و تعليم و بعض الأموال الكويسة وياسلام لو اي حاجة الدكتور احتاجها تحاول انتا تعملها بنفسك و تتعلمها زي الماركتنج و الديزاين و الريسيرش و كدا هتاخد فلوس اكتر طبعا وده معتمد علي علاقتك بالدكاترة الي هتكونها خلال الكلية وانك تبان انتريستد بجد في التخصص بتاعهم و مهتم تشتغل معاهم. __________ 2- [ مساعد دكتور كورسات ] ممكن تشتغل Assistant لدكتور بيدي كورسات برضو سواء undergrad او post grad تحضرله باوربوينت او تساعده في الماركتنج او التصوير او تحضير الاسئلة او تحضير الماتريالز الي هيشرح منها خصوصا كورسات الكلينكال بيعوزوا facilitators كتير ينزلوا يقفوا علي الحالات او المانيكانات فهتاخد فلوس و شوية خبرة حلوين __________ 3 - [ دروس ثانوية عامة : أحياء ] سيستم الثانوية العامة اختلف حاليا و بقي معتمد علي الفهم والاستنتاج بس الموضوعات قريبة اوي من الكلية فكتير من طلبة الطب نزلوا يدوا دروس للثانوية العامة و هي مسألة تحضير كويس و اهتمام و تبدأ واحدة واحدة و تكبر إن شاء الله __________ 4 - [ كورسات undergrad برايفت ] سوق الundergrad ككورسات لأعداد كبيرة تنافسي جدا و صعب جدا لكن سوق البرايفت كبير اوي طلبة كتير متعثرين محتاجين مساعدة و اهتمام بشكل شخصي و ده بيدي فلوس كويسة جدا كبداية ليك و بتشرح علي ماتريالز الجامعة المهم تفهمه بس و تتابعه __________ 5 - [ كورسات اسعافات أولية ] كتير من الوظائف بتتطلب انك لازم تكون واخد كورس اسعافات أولية و كتير من الماس بتبقي مهتمة يبقي عندها تدريب طبي أساسي لحالات الطوارئ فمن هنا هتلاقي ان الكورسات دي مطلوبة جدا و بيقبل عليها ناس من خلفيات طبية و ناس اكتر بكتير من برا المجال الطبي __________ 6 - [ شركات تنظيم المؤتمرات ] كل الاقسام في كليات طب بتعمل مؤتمرات سنوية و كل تخصص فيه جمعيات طبية كتيرة جدا ففيه شركات كتير بتعمل تنظيم للمؤتمرات دي و اغلب ملاكها أطباء لكن بيشغلوا معاهم ناس غير اطباء لان محدش من الاطباء بيقبل علي ده مع انه شغل لذيذ و كبير و تقدر تاخد منه فلوس كويسة __________ 7 - [ متابعة الحالات ] في المستشفيات الخاصة الكبيرة زي السعودي الالماني و النيل بدراوي و المركز الطبي العالمي و دار الفؤاد و كليوباترا واندلسية وغيرهم بيبقي فيه وظيفة تقريبا انك بتوثق كل حاجة اتعملت للحالة من أول ما دخلت المستشفي لحد ما خرجت المسمي علاقات المرضي او السجلات الطبية مش متأكد لو مهتم اسأل في HR كل مستشفي منهم __________ 8- [ كورسات المعادلة ] لو اخدت اي امتحان معادلة ممكن تدي كورس في الجزء الي خلصته خصوصا انك هتكون ذاكرت و حضرت كويس و نجحت و جبت سكور فدي حاجة في صالحك اينعم مش هتقدر تنافس الكبار القدام في المجال لكن كالعادة انتا هتقدم حاجة أرخص و customized اكتر علي الطالب الي قدامك و عدد طلبة أقل فإهتمام أكتر يعني اكيد هتلاقي category طلبة تهتم تحضر و تبقي Mentor ليهم في التراك في نفس الوقت __________ 9- [ كتابة المحتوي الطبي Medical Content Writing ] كتير من المواقع الطبية الأونلاين بيحتاجوا ناس تكتب مقالات طبية و بتتحاسب بالمقال بتحتاج تصيغ معلومات طبية بلغة عربية سليمة و طريقة مشوقة و كويسة

*منقول من خالد خاطر

متيجي نفكنا من الكلية و ننجح بس و هنتعلم بعد التخرج من المستشفي بقي ان شاء الله ؟ لو حاولت تنزل المستشفي و تتعلم من المستشفي بشكل مباشر هتكتشف ان هيحصل معاك الاتي اولا هتلاقي اغلب الدكاترة Overwhelmed بكمية الشغل المطلوب منهم و محدش هيبقي فاضي يعلمك من الصفر فانتا هتتعب لحد ما تلاقي حد مهتم يعلمك ثانيا هتلاقي نص الوقت طاير في الا شيئ حرفيا و علشان تعايش الحالة بتاخد علي الاقل 3 ايام من الطوارئ ثم الAdmission ثم المرور و علي ما المعامل و الاشعة تتطلب و تتعمل و تخرج و تدي الادوية و تشوف تأثيرها لو عرفت تتابع 10 حالات في ال 3 ايام دول هتبقي انت كدا حققت نجاح باهر الحالة دي بقي منها حاجات Typical و منها حاجات Atypical و منها حاجات Rare و منها حالات فيها عك كتير حصل و انت بتحاول تصلح و منها حالات Advanced جدا مش هتفهم منها حاجة اوي و هنا انت شوفت ايه الي اتعمل بس محدش فهمك ليه و ازاي ممكن في النص يشرحلك كلمتين هتنساهم او مش هيكفوك علشان تفهم طيب علي الاقل علشان تلم بأبعاد موضوع بشكل basic علي الاقل هتشوف 15 - 20 حالة لمجرد انك تبدأ تجمع معلومات بيئة المستشفي بقي لن تسمح ليك انك تشوف نفس الحالة ورا بعض هتشوفهم علي مراحل متباعدة و هتشوفهم بشكل عشوائي و كتير منهم مش هيكونوا مناسبين لمستواك لذلك الخلاصة لازم يكون فيه دكاترة يفرغوا جزء من وقتهم بحيث ينزلوا للbasics و يشرحولك و يبسطولك من تحت الصفر بشكل متسلسل منطقي متراتب علي بعضه و يصبر عليك ولازم تذاكر و تفهم و تحفظ وراهم كويس و بعد ما يبقي عندك المعلومات بقي و تبقي موجودة في دماغك تنزل تشوفها في المستشفي و تشوف ازاي بتاخدها لمستوي التطبيق العملي خطوات لا يمكن تجاوزها و محاولة تجاوزها لن تعود عليك الا بخسارة الوقت و المجهود علي الفاضي