رَفِيْــق.."

صَباح الخَير.. "إن الذي جبرَ القلوبَ جميعَها هو قادرٌ يا صاحبِي أن يجبرَك"

وَأنتَ الرّجاء إليكَ النِّداء وَمَن لي سِواك أعودُ إليه!

- معلش يدكتور ممكن تشوف العيان ده محجوز في العناية في المستشفى، تطمنا كده عليه الله يباركلك = أنا: حاضر يا حبيبي، تحت أمرك اليوم التاني دكتور العناية: أهلا وسهلا يدكتور إبراهيم، أحمد حالته كويسة جدا الحمد لله، الأكسجين تمام والجسم كله شغال تمام لحد دلوقت وفيه تحسن، بإذن الله خلال ٣ أو ٤ أيام هنخرجه بإذن الله وهيبقى زي الفل أنا: حبيبي يدكتور، متشكر جدا، ربنا يطمنا عليه ومشيت وأحمد صاحي وشايفني وتمام، كان يعتبر هو الوحيد الصاحي في العناية ومفتح عينيه .. طمنت اللي سألني والحمد لله. من ساعة عرفت أن أحمد مات! لوهلة مخي وقف، ازاي أفضل واحد في العناية (بالمعايير والأرقام الصحية) يموت ؟ ولا نقول إلا ما يرضى ربنا، إنا لله وإنا إليه راجعون وحقيقي يا جماعة الدنيا دي أحقر وأصغر وأقل من أنك تتمسك بيها وتحرص عليها وتعطلك عن ربنا أو تظن أنك هتخلد فيها لحد ما تتوب براحتك وترجع ع كيفك لكن الموت للأسف مبيديش إنذارات لحد، واللي مبيروحش لربنا على رجليه، هيروحله كده كده متشال على الأكتاف أحمد شاب في ريعان شبابه، اتعرض لحادثة وهو بيشتغل، أحمد مات! كان عنده أحلام وطموح وبيت وشغل، ساب كل ده في ثانية بعد ما كله قال أنه خلاص راجع، ولكن قدر الله نافذ اللهم اغفر لأحمد وأسكنه فسيح جناتك واجعل ما حدث له في ميزان حسناته، آمين. #دار_فناء_لا_دار_بقاء #الساخر_الهادف

مبروك لكل طلاب الثانوي اللي جابوا مجموع كويس، ومبروك لكل الطلاب اللي مجابوش مجموع كويس بس عدوا المرحلة! مبروك أنك عديت من مرحلة هي أسوأ ما صنعته الحداثة في نفوس الناس وعقولهم ، وأبشرك سواء كنت الأول أو ناجح بملحقين: الحياة بعد الثانوي لا علاقة لها بالثانوي، ولو مخترتش طريقك وعافرت واجتهدت وبذلت وتعبت هيبقي زيك زي اللي متعلمش خالص حتى لو أنت دخلت طب أو هندسة الثانوي مرحلة وانتهت، اطوي الصفحة وشِد حيلك في الطريق اللي اتحطيت فيه وبعد سنين طويلة هتكتشف أن الحياة كانت أوسع بكتير من نظرتك وطموحك، بس أنت اللي كنت بتبص ف اتجاه واحد ومصمم عليه! قُل الحمد لله، واستعن بالله في القادم! الله يسددكم ويسعدكم ويوفقكم لما يحب ويرضى، آمين #الساخر_الهادف

النهارده بعد صلاة العشا سمعت صوت ورايا عمال يقول بصوت عالي (الله أكبر) وأصوات ضحك مكتوم كده على هذا الرجل الذي يكبّر فلما لفيت لقيت شاب كبير من عندنا ممن رُفِعَ عنهم القلم.. معروف ومشهور، وللأسف كعادة المصريين بيخلوا الناس دي نكتة ويفضلوا يدايقوهم ويعصبوهم ويضحكو بكل قلة رحمة وقلة عقل، والشاب يعني غلبان خااالص ومخه يدوب.. الله يشفيه ويشفي كل مريض يا رب مش ده اللي بحكي الموقف عشانه بحكي الموقف عشان أقولك أنه الشاب ده كان بيصلي وهو قالع التيشرت وجسمه باين، وفارش التيشرت في المسجد وبيصلي عليه.. تأثرت جدا بالموقف ده، شاب مرفوع عنه القلم وجاي يصلي وقالع هدومه زي الأطفال وعمال يكبّر بصوت عالي، فوقع في صدري: ازاي ده بيصلي وجاي لربه وغيره ممن هم أعقل وأوعى لا يصلون ؟ ده واحد تَرْك الصلاة لا يضره عند الله ورغم ذلك بيصلي، ف ليه أنت مبتصليش يا حبيب أخوك ؟ ليه ده يسبقك وأنت تحتاج للصلاة وأجرها أكثر منه بكثير ؟ وافتكرت لما كنت بصلي في مسجد ولقيت واحد مواظب على الصلاة في الصف الأول، وكنت من جهلي فاكرُه بيدلع لأنه بيحط ايد واحدة بس ع الأرض في السجود، اكتشفت أن دراعه مبتور! بيصلي السنن كلها وبيصلي جماعة كل فرض، منظر لازم يحركك: ازاي ده يسبقني وأنا بكامل صحتي وعافيتي ومش قادر حتى أعمل ربع اللي بيعمله ؟ ومن يومين بالظبط كنت في مول، لقيت اتنين شباب واحد منهم رجله مكسورة ومتجبسة كلها ومعاه عكازين، جاي مع صاحبه ودخل اتوضى وجه عشان يصلي ملقاش المسجد فاتح وهو مش هيعرف يصلي مع الناس ع الأرض على الكراتين، دورناله ع كرسي وجبناه وصلى، كنت سعيد خااالص وعمال أتساءل: هل الألوف اللي موجودة في المول كلهم حريصين كده على الصلاة ؟ الشاب ده سبق كام حد فينا بحرصه أنه يصلي بحالته دي وهو كمان خارج يتفسح ؟ بص يا حبيب أخوك مهما حققت ومهما كان معاك من فلوس / شهرة / شهادات / مكانة / جمال .. كل ده ملوش أي قيمة ((لو أنت مبتصليش)) قال رسول الله ﷺ: إنَّ أوَّلَ ما يُحاسَبُ به العَبدُ يَومَ القيامةِ من عَمَلِه صَلاتُه؛ فإن صَلَحَت فقد أفلَحَ وأنجَحَ، وإن فسَدَتَ فقد خابَ وخَسِرَ.. صدقني كلنا محتاجين لربنا، في كل خطوة وكل قرار وكل همسة وكل لحظة، والصلة الكبرى بينك وبين الله هي صلاتك! فلو مبتصليش فكيف يأتيك الفرج والمدد والتوفيق والسعادة ؟ لو مبتصليش مستني راحة القلب واستقرار النفس يجيلك منين والأمن والطمأنينة لا تكون أبدا إلا بالله كما قال: الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ يدوب كده .. ارجع لربك .. ارجع صلي! #ارجع_صلي #الساخر_الهادف

طُوبَى لِمَن عَرفتهُ المَحَارِب فِي الظُّلُمات . قيامُ اللِّيل أثابكم ﷲ

لمَّا نتيجة الثانوية تظهر بعد أيام هتلاقي فيه إختبار تاني؛ وهو الرضا بقضاءِ الله وقدره، الإختبار دا النجاح فيه أهم من حصولكم على أعلى المَجاميع، مهما كانت النتيجة تقبَّلها بالصَّبر والرضَا والشُكر، واعلم أنه خيرٌ لك، وربُّ الخير لا يأتي إلا بالخير ♥

يوم القيامة هتكون الدنيا ضلمه جداً حتى وقت لما نيجي نعدي من على الصراط! في قول الدكتور راغب السرجاني :" تختفي في يوم القيامة مصادر النور العادية .. فتتكور الشمس وتنكدر النجوم ، ويبعث الخلق في ظلمة شديدة ، ظلمات بعضها فوق بعض إذ أخرج يده لم يكد يراها ، ويحتاج الناس للنور لكي يدركو طريقهم ويسيروا بين الجموع الهائله ، ويكون الجميع في أشد الإحتياج إلى النور عند الجواز على الصراط " ولا يسعف الناس في هذه الظلمات الحالكة إلا أنوار صلاة الفجر ، حيث قال صلى اللّٰهُ عليه وسلم : " بشر المشائين في الظلم الى المساجد بالنور التام يوم القيامة " صلاة الفجر هتكون مصدر من مصادر النور يوم القيامة ، يعني كُل واحد بقى وعلى قد نوره.

وعِند مطلعِ الفجرِ، تَوَلّني، وأرِني وجهتي، ولا تردّنِي خائبًا. - صلاة الفجر | أذكار الصباح | وِرد القرآن.

وانا في سنة خامسة كان عندنا راوند شيست (قلب وصدر)، ومعاد الراوند كان من ١١ ل ١ والضهر بيأذن ١٢، وفيه مسجد في وش الأوضة اللي بناخد فيها الراوند، ف بنبقي ناخد بريك ٥ دقايق كده نصلي ونفصل وبعدها نكمل لأن ساعتين مدة طويلة، والدكاترة عادي يعني مبيدققوش ومتساهلين الله يحفظهم لدرجة أن حد منهم مرة سألنا بتروحوا فين فقلناله بنصلي ف سكت وشعر بالحزن.. وقالنا بعدها أنه زعلان أنه مجبر يشتغل في وقت الصلاة وأنه يبختنا بنعرف نطلع نصلي ومحدش بيعاقبنا، لقطة كوميديا سوداء جدا بس مش ده اللي عاوز أقوله المهم اللي كانت بتدينا الراوند واحدة عصبية وغريبة جدا وكانت لسه هاينة زميلة ليها أصغر منها قدامنا عادي وشرشحتلها (حرفيا) المهم فضلت تتكلم ف الفون من ١١ لحد ١١.٤٠ ! ودخلت بقي بعد ساعة إلا ربع عشان تشرح وكده، ف أذّن الضهر، قمت أنا والراجل المؤدب ده إبراهيم عبدالله نصلي كالعادة، لقيت دي وشها قلب وبرّقت ودار الحوار كالتالي هي: رايح فين يدكتور؟؟؟!؟!؟!؟؟!؟ أنا: هنصلي بس حضرتك وندخل تاني هي: اقعد مكانك يدكتور!!! وتشاور بصباعها فعيني أنا: حضرتك مش هنتأخر والله هم ٥ دقايق بالظبط والمسجد أهو هي: اقعووود مكككاااانككك يدكككتوورر!! بزعيق عشان أخاف وأعيط وكده أنا: حضرتك هو فيه مشكلة أننا نصلي طيب ؟ هي: هو أنت مش سامعني ولا ايهههه!!!! أنا بعد ما اتعصبت خلاص بسبب أسلوبها الفج وزعيقها: أيوه سامع، حضرتك سامعاني بقي ولا ايه ؟ طبعا كأني ضربتها طلقة وخدت اسمي ورقمي في القايمة وهددتني وكده، وطلعت صليت ورجعت ودخلت وكان فيه امتحان اليوم ده ف اخر الراوند امتحنت وخلصنا بعض زمايلي اللي بيحبولي الخير أصرّوا أعتذرلها عشان سابت الراوند بعد ما انا طلعت ومشرحتش وفضلت تقول هعمل وهسوي وتهدد باللي هتعمله فيا وفي أهلي اللي هيروحوا يتذللو ليها ويبوسوا رجلها عشان تسامحني وتعفو عني (اه والله قالت كده) ف صحابي خافوا عليا جزاهم الله خيرا، قلتلهم بلااش يرجالة هتهينكوا وتهيني وهرد تاني 😂 مسمعوش كلامي، رحت مع الرجل الطيب ده Ahmed Ismaiel Farhan وهو بيكلمها وأنا قاعد وساكت وهموت من الضحك وهو قالي متتكلمش يبراهيم وأنا هتكلم، ف بيشرحلها ان ده سوء تفاهم وأن ابراهيم ده غلبان والله ومحترم، فقالتله: يعني يدكتور الصلاة أولى ولا المحاضرة؟؟ ف إسماعيل أخويا الطيب المسلم قالها: هو الصلاة اهم طبعا يدكتورة بس المحاضرة مهمة برضو فهي فتحت عينها وسألته باستنكار: الصلاة أهم من المحاضضضضرة!!!؟!؟!؟!؟ فقال وهو حاسس أنه فيه حاجة غلط: اه.. الصلاة أهم ولسه بيكمل كلامه وكده قامت سايباه وماشية وهو بيتكلم، آه والله بدون سلام ولا كلام في امتحانات آخر السنة بقي لقيناها نازلة امتحانات العملي مخصوص للجنة بتاعتي! متخيل حجم الغل والكره، فضلت شهووور مستنية اليوم اللي هتحط عليا فيه وجاتلنا مخصوص، الصراحة نفختنا وادتنا درجات زي الزفت، وزعقتلها ف قلب اللجنة وعملت بوليكة قدام الدكاترة زمايلها، وبرضو ربنا كسفها واشتكيناها وخدت درجاتي بفضل الله وجبت امتياز باطنة وامتياز ف سنة خامسة بحكي ده عشان أقول أن فيه أمثلة بنت *#^&÷] هتقابلها حتى في أرقى الأماكن وأحسنها زي كلية الطب، ناس دينها مش في الحسبة، ناس فاكرة المحاضرة أهم من أعظم فرض فرضه ربنا! ناس أخلاقها مش مهمة، وفاكر عشان هو دكتور فهو إله يُعبَد من دون الله وده يديله صلاحية يهين ويشتم ويظلم عادي وأنت دورك السمع والطاعة يا عبد وإلا تكون مش محترم أساتذتك ودكاترتك.... إلخ وعاوز أقول لكل الناس: الأدب شيئ، والرضا بالذل والإهانة شيئ تاني خالص! خلّى عندك كرامة ومتخافش غير من اللي خلقك طالما ليك حق ومغلطتش، ومتضيعش حقك بشتيمة أو تجاوز، اصبر وخد حقك بعقل، بس متسيبهوش لأن كرامتك لو فرطت فيها هتعيش بائس مش محترم ولا حد بيعملك حساب، ومتخافش، محدش هيأذيك إلا لو ربنا رايد. بالنسبة للدكتورة دي، ربنا يشفيها بجد لأن حالتها فعلا صعبة، ونحمد ربنا أننا اتربينا وأهلنا علمونا الأدب والاحترام للأكبر والأصغر منا ومنسيوش ده، ونسأل الله الثبات على ده، وأسأل الله أن يقصم ظهر كل ظالم ويفضحه ويخلصنا من شره، آمين.

ندعوك في صَباح يوم الجمعة أن نمضي في حياتنا مُطمئنين في دروبٍ نرضاها إلىٰ أهدافٍ نريدها برفقة قلوبٍ نحبها!» -أكثروا من الصلاةَ علىٰ النبيِّ؛ إنّ الصلاةَ علىٰ النبيِّ تَكفلُ اسْتجَابة كُل ما خَفِيَ فِي قلبك.

تخصيص قراءة الفاتحة في الخطوبة أو العقد أو على الأموات؛ بدعة.

خرج موسى متوجِّهًا نحو مدين، وليس له علمٌ بالطريق إلا حُسنُ ظنّهِ بربِّه. ابن عباس.

‏"أبوء لك بنعمتك عليَّ وأبوء بذنبي" تلخص حياتنا كلها: فضلٌ من الله، وتقصير منا! -أحمد عامر .

ربنا خلَق الأُنثى بارِعة في الإستقبال، يعني ما تقدمهُ لها تُباركهُ وتقدمهُ لك بصورة أكبر وأوْسع، مثلاً لو إديتها نُطفة؛ هترجعهالك -بأمر الله- طِفل، لو إديتها خُضار؛ هتديهولك وجبة، ولو إديتها نكد؛ فلا تلومنَّ إلا نفسَك! فلو مش حابب اللي بتَاخده منها؛ غَيَّر اللي بتُعطيه، يعني لو بتشتكي من الجَفاء إعطي قطعَة من الحُب، ورفقًا بهِنَّ؛ فهُنَّ خيرُ متاعِ الدنيا. - منقول بتصرُّف.

‏-الصلاة خير من النوم- ‏ صلاة الفجر تبقيك في ذمة الله ‏سنة الفجر خير من الدنيا وما فيها. ‏﴿ وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا ﴾ ‎

للَّهِ، كم فى ليلةِ الجمعة من أُنسٍ وسكينةٍ تغشى قلبٌ فرِحٌ باللَّه، راضٍ به ربًّا وبمُحمَّدٍ نبيًّا! صلِّ على النبي ﷺ؛ لِتُكفى همّك، ويُغفَرُ لكَ ذنبك.

لم تُخلَق عبَثًا. وكل ما يجري معك من أحداث لا يحدث عبثًا! وحتى مَن تلتقي بهم من بشر، ليس عبثًا. فتفاصيل حياتك منظومة بحكمة. لذلك أحسن الظن بالله والعمل، مْستذكرًا نعمه سبحانه عليك. ثم اجعل من كل معطيات حياتك لَبِنات بناء وارتقاء، وقد اكتفيت بنعمة "الله مولاك".

جاءَ في معنىٰ "التَوْفيق": أنْ تجتمعَ مشيئةُ الله معَ مشيئة العبد فيُوفق لما يُريد. يا واسع الفضل يا رب

‏الرقص في حفلات التخرج لا يعدو أن يكون معصيةً، فما أباح الله للمرأة أن ترقص بحضرة الرجال لا في عُرْسٍ ولا في حفلةِ تخرجٍ ولا في غيرِه. ‏وليس من شِيَمِ الرجلِ قبولُ ذلك على نسائه ولا المشاركةُ فيه بأي صورةٍ، بل هو فعل مُزْرٍ بالرجل كذلك. ‏والواجب أن يُعاد للعِلمِ هيبتُه وللمرأةِ حياؤها وللرجلِ وقارُه، وأن نجعلَ فرحتَنا منضبطةً بما شرعَه الله لنا لا أن نستبيح وقتَ الفرحِ مخالفةَ شرعِ الله.