مُخْتَارَاتٌ

مساء الخيرات أوّل سلّمة من سلّمات المرحلة الأولى ؛ مرحلة الموديولات والكويزات و أخيرا بكده هيبدأ العد التنازلي لامتحانات و خطوات الترم ده؛ الأخير لينا في الكلية بأمر الله، الواحد عارف قد اي الفترة اللي فاتت كانت مقلقة موترة صعبة وتقيلة و تسلل شعور لكتير مننا (اي الترم ال بدايته مبشرة ده :( ) ولكن نبص للجملة و نقول انه لسة بداية الترم و لسة الترم طويل ونتمنى و نتعشم باذن الله إن اللي جاي يكون أحسن و أفضل بإذن الله ونفتكر إن ظروف الموديول و الصعوبات ال واجهناها ما كانت إلا خارجة عن إرادتنا ولو كانت ظروف أيسر و أحسن كان الوضع هيبقى احسن كتير، فالحمدلله عملنا اللي نقدر عليه و طالما مقصرناش فالباقي على الله اول موديول أساسي في الترم عدى يا رفاق👀 ونتمنى نوصل لل 4/4 في أقرب وقت و نستبشر خير باللي جاي

اتبعت ترشيح لموضوع Hiatus Hernia لشرح د. جوزيف وإنه كويس وشارح الموضوت كامل زي الكتاب، فطبعا للي حابب يسمع الموضوع كامل الشرح أهو https://t.me/brufengit/365 ولكن مع السؤال المتكرر لرئيس القسم فهو قال معانا جزء الكتاب و خلاص فاللي يحب يسمعه الشرح فوق اهو👀

موضوع Colostomy شرح موضوع مهم جدا جدا على حسب كلام د. رفعت و ال قال انه مليان في الامتحانات او mcq كتير، الشرح لدكتور رفعت بردو و الموضوع كان جزء من ريكورد قصيته على قده و هبعته دلوقتي ان شاء الله

موضوع Fecal Incontinence موضوع اتبعت عليه أسئلة كتير سواء على جروبات الدفعة أو الفورم أو غيره و ال جه ترشيح بيه لشرح الكلية السنة اللي فاتت، كل الشكر لقناة أونلاين سنة خامسة انها جابته و كمان جه ترشيح بيه بيقول (شرح زي الكتاب بالضبط محاضرة السنة اللي فاتت والشرح رائع) هبعت الريكورد دلوقتي

موضوع Food Borne Diseases تاني ترشيح جالي اكتر من مرة بيقول (ده شرح للكوميونتي من زميلة اكبر لنا على شارك "رفيقتي جزاها الله خير دلتني عليه" وشرحها رائع حقيقي ومسابتش ولا كلمة على هيئة ريكوردز محصلتهم اقل من ساعة وبتتسرع في 2 كمان للي حابب ينجز الكوميو "ملحوظة هي مشرحتش عنوان الparasite في آخر الشابتر اللي هو صفحة ونص قالت بسيط اقروه" ) و كمان (شرح الكميونتي لزميلتنا ف الدفعة الأكبر علي قناة شارك كافي ووافي وجميل وكل كلمة مترجمة وقمة ف الإبداع ووقته قليل ) جبت الريكوردز من قناة شارك وضميتهم هبعته دلوقتي

موضوع مادة ال Toxicology ككل شرح مواضيع التوكسو (عدا صفحة بسيط) من زميلة أكبر مننا و كتير شكر فيه و اتبعت على الفورم برضو بيقول فيه (شرح توكسو كلها في نص ساعة شرح حلو اللي خابب ينجز كله مشروح ما عدا toxic effect of radiation) الريكورد في نص ساعة و هبعت الريكورد دلوقتي