МЕГИНО-КАНГАЛАССКИЙ УЛУС

Мэҥэ Хаҥаластан бүгүн, ыам ыйын 31 күнүгэр, сарсыарда олох эрдэттэн айаннаан, паромунан туораан улуус баһылыга Дмитрий Тихонов салайааччылаах 20 киһилээх бөлөх сарсыарда 8:30 чааска Нам улууһугар көмө аҕалла. Дмитрий Иванович Мэҥэ Хаҥалас улууһун үлэһит дьонун аатыттан көмөнү, 17 төбө ынах сүөһүнү, ньирэйи уонна 3 тн. сиэмэ хортуопуйу Нам улууһун баһылыгар Юрий Слепцовка туттарда. Бөлөх халаан уутуттан эмсэҕэлээбит нэһилиэнньэлээх пууннарга көмөнү туттара уонна субуотунньуктуурдуу салгыы айаннаата. *** Дмитрий Иванович Тихонов улууһун олохтоохторугар ыам ыйын 20 күнүгэр сааскы халаан уутуттан эмсэҕэлээбит Нам улууһун нэһилиэктэригэр гуманитарнай көмө хомуйарга ыҥырыы таһааран 1 млн. солк. харчынан уонна аһынан - үөлүнэн, таҥаһынан - сабынан, туттар наадалаах тэриллэринэн көмөлөспүтэ. "Мэҥэ Хаҥалас улууһа" МТ дьаһалтатыгар, үтүө санаалаах дьонугар - сэргэтигэр барҕа махталбытын тиэрдэбит! Сиһилии видеоҕа истиҥ⤵️ «Нам улууһа» МТ пресс-сулууспата

НАМҤА КӨМӨ СУБУОТУННЬУК Бүгүн, ыам ыйын 31 күнүгэр, Нам улуууһугар баһылык Дмитрий Тихонов салайыытынан улууспут 18 киһилээх дэлэгээссийэтэ сырытта. Улууспут баһылыга Дмитрий Тихонов Нам улууһун баһылыгын Юрий Слепцову кытта көрсөн, олохтоохтортон фондаҕа киирбит 1 100 000 солкуобай көмө үбү тиэртэ. Салгыы Хатырык нэһилиэгин дьонугар хаһаайыстыбаларбыт ыыппыт сүөһүлэрин аҕалан туттардыбыт. Ону тэҥэ өрдөөҕүттэн тыа хаһаайыстыбатынан дьарыктанар Надежда уонна Петр Шадриннар дьиэ кэргэттэригэр субуотунньук тэрийдибит. Сүүрбэччэ төбө сүөһү батан турбут хотонун бүтүннүү уу ылан, көтүрэргэ күһэллибиттэр. Үлэһит уолаттар өр гыммакка, былаахылары көтүрэ тардан, Камаас массыыналаах буолан ыраастыы охсон кэбистилэр. Шадриннар дьиэ кэргэн соһуччу көмө тутан, махтана хааллылар. Нам улууһун дьоно-сэргэтэ улууспут амарах санаалаах олохтоохторугар улахан махталларын тиэрдэллэр, этэҥҥэ буолууну баҕараллар! Мэҥэ Хаҥалас улууһун дьаһалтатын пресс-сулууспата

Күндү дьонум-сэргэм! Ууттан эмсэҕэлээбиттэргэ көмөҕө ыҥырыы биллэриллибитигэр биир сомоҕо буолан көхтөөхтүк кыттыбыт улууспут олохтоохторугар барҕа махталбын тиэрдэбин! Бүгүн Нам улууһун Хатырык нэһилиэгэр субуотунньуктаатыбыт. Надежда уонна Петр Шадриннар дьиэ кэргэн хаһаайыстыбатыгар үлэлээтибит. Күүстээх үлэҕэ кыттыспыт улууспут эр хоһууттарыгар махтал буоллун. Бу курдук бэйэ-бэйэҕэ көмө-тирэх, өйөбүл буоллахпытына, барытын кыайыахпыт-хотуохпут, үгүһү ситиһиэхпит. Этэҥҥэ буолуҥ! @dmitriytikhon0v

Ытыктабыллаах иистэнньэҥнэр, улууспут олохтоохторо! Бэс ыйын 1-2 күннэригэр Дьокуускай куораттан Ийэлэр өрөспүүбүлүкэтээҕи түмсүүлэрин «Илии сылааһа» иис сыаҕын маастардара Нөөрүктээйи нэһилиэгин «Айылгы» култуура киинигэр анал байыаннай дьайыыга сылдьар уолаттарбытыгар таҥас тигиитигэр маастар кылаас ыыта кэлэллэр уонна бары баҕалаах иистэнньэҥнэри кыттыыны ыларгытыгар ыҥыраллар. Бэйэҕитин кытта иистэнэр массыынаҕытын, туттар тэриллэргитин илдьэ кэлэргит ирдэнэр. Материал, сап бэриллэр. Төлөбүрэ суох, босхо. ❗️Буолар күнэ-дьыла: бэс ыйын 1-2 күннэригэр, 09:00 чаастан ❗️Буолар сирэ: Нөөрүктээйи нэһилиэгин «Айылгы» култуура киинэ. Маастар кылааска тигиллибит таҥастар анал байыаннай дьайыыга кырдьык, эйэлээх олох туһугар туруулаһа сылдьар биир дойдулаахтарбытыгар ыытыллар. Сиһилии билсэр нүөмэрдэргит 📲89142975329 Марфа Сергеевна Дмитриева, «Айылгы» култуура киинин дириэктэрэ 📲89841137057 Ирина Егоровна Саввина, «Илии сылааһа» салайааччыта Мэҥэ Хаҥалас улууһун дьаһалтатын пресс-сулууспата

ЫАМ ЫЙЫН 31 КҮНЭ - ААН ДОЙДУТААҔЫ ТАБАХТАН АККААСТАНАР КҮН Бүгүн, ыам ыйын 31 күнүгэр, Аан дойду үрдүнэн табаҕы утары охсуһар күн. Доруобуйа харыстабылын аан дойдутааҕы тэрилтэтэ кэлэр көлүөнэ бу куһаҕан дьаллыктан аккаастанан чөл буоларын ситиһэргэ туһаайан бу күнү 1988 сылтан ыла бэлиэтиир, араас тэрээһиннэр, аахсыйалар ыытыллаллар. Бу үлэ үтүө түмүгүнэн билиҥҥи үйэҕэ чөл олох, чэгиэн турук, спордунан дьарыктаныы инники күөҥҥэ турара буолар🔝🏃🏻‍♀️🏃🏻⚽️🏒⛷️🏂🏋🏻‍♂️🧘🏻‍♀️ Ол эрэн, ыччаты сутуйар аныгы табахтар ырыынакка тахса тураллар. Бэлиэтээн эттэххэ, табахтааһыҥҥа кальян, вейп, электроннай табахтар, снюс эмиэ киирсэллэр уонна доруобуйаҕа тугунан да итэҕэһэ суох куһаҕаннык охсоллор. Бу туһунан сиһилии манна киирэн ааҕыҥ⏬️ https://mr-megino-kangalasskij.sakha.gov.ru/news/front/view/id/3401427 Чэгиэн туруктаах буолуоҕуҥ, чөл олоҕу талыаҕыҥ! Мэҥэ Хаҥалас улууһун дьаһалтатын пресс-сулууспата

Биһиги Ил Дархаммыт Айсен Николаев халаан уутуттан эмсэҕэлээбит улуустарга чөлүгэр түһэрии үлэтин ыытарга бары күүһү уурар. Бу үлэҕэ кыттыһаммыт бүгүн Нам улууһун дьонугар-сэргэтигэр көмөлөһө кэллибит. Улуус баһылыгар Юрий Слепцовка фондаҕа хомуллубут улууспут олохтоохторун аатыттан 1 мөлүйүөн 100 тыһыынча солкуобай көмө харчыны туттардыбыт. Ааспыт нэдиэлэҕэ тэрилтэлэрбит, уопсастыбанньыктарбыт, урбаанньыттарбыт, биирдиилээн дьоммут ас-үөл, таҥас-сап, туттар мал-сал, дьиэ тэрилин хомуйан гуманитарнай көмөбүтүн ыыппыппыт. Ону таһынан маннык хаһаайыстыбаларбыт: «Тумул» кэпэрэтиип (Десяткина Т.В.), «Хорообут» ХЭТ (Плотников Г.П.), «Томтор» ХЭТ (Жирков Д.К.), «Чүүйэ» МУТ(Лукин А.Е.), «М.Егорова» ХЭТ (Шамаев П.П.), биирдиилээн хаһаайыстыбалаах дьоммут Сергучев Н.Н., Попов Г.П., Федорова Т.И., Игнатьева М.И., Дмитриев А.Н., Ксенофонтов Ю.В., Сергеев Н.С. барыта холбоон 17 төбө ынах сүөһүнэн, Нөөрүктээйи нэһилиэгиттэн Петров В.Ф. хаһаайыстыбата 3 туонна сиэмэ хортуоппуйунан көмө оҥорбуттарын аҕаллыбыт. Бу күн 18-с эр дьон буолан Хатырык нэһилиэгэр үлэлиэхпит. Ону тэҥэ ууттан эмсэҕэлээбит Өлүөхүмэ улууһугар фондаҕа киирбит харчыттан 700 тыһыынча солкуобай көмөбүтүн ыыттыбыт. Биһиги, мэҥэ хаҥаластар, маннык түгэни эппитинэн-хааммытынан билэбит. Бар дьоммор хайа да түгэҥҥэ туора турбакка күүс-көмө буоларгытыгар барҕа махталбын тиэрдэбин. Сахабыт сирин олохтоохторо куруук түмсүүлээх, инникигэ дьулуурдаах, эрэллээх этэҥҥэ буолуоххайыҥ! Норуот күүһэ - көмүөл күүһэ! @dmitriytikhon0v

УЛУУСПУТ ДУОБАТЫН ИСТОРИЯТЫГАР ДЬОҺУН СИТИҺИИ Эрэнэр кэскиллээх ыччаппыт - маастарга кандидат, Мэлдьэхси орто оскуолатын 10-с кылааhын үөрэнээччитэ Прокопий Говоров Подмосковьеҕа ыытылла турар эр дьон ортотугар сүүс харахтаах дуобакка Арассыыйа чемпионатыгар боруонса призер буолары ситистэ. Бу улахан түһүлгэҕэ биэс гроссмейстер, алта спорт маастара, сэттэ маастарга кандидат илин-кэлин түһүстүлэр. Уолбутун Проняны улахан ситиһиигинэн улууспут олохтоохторун ааттарыттан эҕэрдэлиибин! Төрөппүттэригэр, тириэньэригэр - өрөспүүбүлүкэ үтүөлээх тириэньэрэ Василий Куприяновка махталбытын, эҕэрдэбитин тиэрдэбин. Инникитин даҕаны үрдүк ситиһиилэр, кыайыылар-хотуулар кэлэ турдуннар! @dmitriytikhon0v