لانتوری

من دەرگاکەم داخست بەڵام قفڵم نەکرد. ..

ئەمڕۆ ساڵێکیتر لە تەمەنم زیادی کرد. مرۆڤی نوێم ناسی. مرۆڤی جوان. هەندێک مانەوە و هەندێک ڕۆشتن. ئەوانەی ڕۆشتن یادەوەری جوانیان بەجێهێشت و لەهەرکوێیەکی ئەم جیهانەن خۆشمدەوێن و هیوام وایە هەمیشە ئاسودەبن. ئەی ئەوانەی کە هەن؟ هەمیشە هەبن! خۆشمدەوێن. ..

گەر کۆساریی ئیزن بدات من دەمەوێت ئەمەی بۆ زیادبکەم و بڵێم: ‏خۆشەویستیت، دڕکێکە و لە گەروم دەچەقێ. ‏..

ئەمڕۆ لەفەکەی دەستمم دا بە یەکێک لەم سەگە بەرەڵایانەی سەر شەقام، لەلای دانیشتم تا ھەمووی خوارد. کە تەواو بوو یەکسەر ھەستا ڕۆشت. بێ ئەوەی ئاوڕ بۆ من بداتەوە. دەمویست بڵێم لەم سەگانە زۆرن لە ژیانماندا... ھەڵبەتە ویستم پۆستەکە کەمێ فەلسەفیانە دەرچێ ئەگینا خۆ چاوەڕێ نەبووم سەگەکە بڵێت: دەستت خۆش کاک سوهراب، خوا ڕسقت بدا. بە ڕوخسەتت من ئیتردەڕۆم. ..

ھەندێکجار، کەسێکت خۆشدەوێ. دواتر وێنایەکی جوانی بۆ دەخولقێنیت لە زەینی خۆتدا. بە تێپەڕینی کات، بە زیاتر وردبونەوە لێی، بە نزیکبونەوە لێی، چیتر ئەوت خۆشناوێت. تەنھا ئەو وێنا جوانەت خۆشدەوێ کە بۆ ئەوت خولقاندووە لە زەینی خۆتدا. ..

هەمووشتێک کە تۆ لە سۆشیال دەیبینیت، فەیکە. تەنانەت ڕەنگەکانیش. ..

هەپی فاکس دەی. ..

هەموو ڕێگاکان بەرەو لای تۆ دەمهێنن،ڕێگاکان نازانن کە ئێمە پەیوەندیمان بەیەکەوە نەماوە. ..

کورترین و کاریگەرترین پرسیاری مێژوی بەشەریەتیش حسێن پەناھی کردوێتی کە دەپرسێت:«ئەمە بوو ژیان؟» ..

من فێر نەبووم شتێک بکەم بە قوربانی بۆ شتێکی گرنگتر. ئەوەی من فێربووم ئەوەیە کە ئەوەندە بجەنگم، ئەوەندە ھەوڵ بدەم، تا ھەردوو شتەکە پێکەوە بە فەک بدەم. ..

حەیف لەو تەمەنەیا نەماوم نامە بۆ خەڵک بنێرم بڵێم: ئەکرێ ببین بە هاوڕێ؟ ئەگینا ئەم هاوڕێیانەی خۆم بەکەڵکی فلسێ نایەن ..

لەتەمەنێک بەدوا ئینسان ئیدی لەبەرامبەر دروستکردنی پەیوەندی نوێدا بەرگری دەکات، یانی خۆی بەدوور دەگرێت. ڕەگەزیش ھیچ جیاوازیەکی نیە بۆی. ..

هەنێکتان لەجیاتی ئەوەی پیرۆزبایی ڕۆژی لەدایک بوونم لێبکەن ئەبێ داوای گەردن ئازاییم لێکەن ، ئینجا ئازاشی ناکەم* ..

جۆرێک تۆڵەکردنەوە ھەیە، ھیچکات نایکەیتەوە، وەریناگریتەوە، بەڵام بەردەوام لە مێشکتدایە، بیری لێدەکەیتەوە. بەردەوام؛ خولەک بە خولەک، چرکە بە چرکە! ..

ئێستا کێ مۆسیقای شادیت بۆ ئەژەنێ؟ وا دەنگی منت لا ژاوە ژاوە؟ ؛

مرۆڤ بمرێت بەس لەبەرچاو نەکەوێت ..