عَجايب .

لو إني عرفت أنسى مثل ما عرفت أحبّ ‏ما حملني القلب الشقي حمل ما أطيقه

الجمايل لاعجزت تردها قدّرها.

خطَف طيفك من جيوب الشعور المزدحم بسمة ‏ تحت ظل الظروف اللي تغيّرني على أحبابي .

ان حكينا ندمنا وان سكتنا قهر ‏بين قلبٍ عطيب وبين راسٍ عنيد .

ليه التردد دام قلبك به البوح ‏إكشف مشاعر خافيه في عتابك ‏لا تخفي إحساس وتناهيد وجروح ‏ولاتترك لقلبي المعنى صوابك ‏القلب حاله من عنا الهجر مذبوح ‏وأعذارك الي تشتكي لي غيابك ‏يا قلب صادق مسكنه داخل الروح ‏انا قصيد إشتاق لمة كتابك ‏وأنا أسير بعالمك وين ما أروح ‏وعطشان شوفك ما رواني سرابك ..

تكاثرت عذرك لين صار الفراق رضاي ‏ وأنا إنسان ما يكذب لسانه على قلبه

‏" اللي ما يدور لك وقت لاتدور له مكان "

كنت غالي وكان لك قدر ومقام ‏وكنت هاقي فيك فـ اليوم العسر ‏كنت أشوفك وسط هالظلمة نهار ‏وكنت أظن وصار ظني ما يسر ‏جيت أمررها كأن ما شي صار ‏" بس قسم بالله عيّت لا تمر " ‏إيه متشرّه .. وشرهاتي كبار ‏وشرهة الغالي على الغالي عمر

أروح لمكانٍ خابره .. خابره يأتيه ‏أسوق القدم صوبه وهي مالها حاجه ‏مكانٍ نزيه و اول مواجهي له فيه ‏وانا خابرٍ ما رجلٍ مثله بدواجه ‏لعل و عسى ماحدني للمجي يدعيه ‏و اشوفه وانا ماودي اسبب احراجه..

ما كل خاطر نبي نتبع مراعاته ‏بعض الخواطر حرام انك تراعيها ‏اللي يقدمك عن كل اهتماماته ‏حاول تقدم له الدنيا بما فيها ..

اثر ضياع الغلا كنّه ضياع الجميل ‏لا صار في واحدٍ ماهوب يستاهله

والله اني عذرته .. لين الاعذار منه تبرّت .

لو خابت الهقوة عوافي ولا باس ‏قدّرت كل الودّ بينك .. وبيني ‏انا عشان رضاك ضحيت بالناس ‏وانت عشان الناس ضحيت فيني ..

بغيتك يوم وقتي سمح والخاطر ضحوك وطرب ‏وأنا هالحين أحنّك من غثاي . . وشينة أخلاقي .

لو يموت التواصل بين . . ليله ويوم ‏ماتموت الضماير في صدور الكرام

"تمنيتك وأنا كل الأماني جبتها بعناد ‏وتصاغرت الظروف اللي تهدّ وجيت لك كلي ‏قطعت دروب وأحلامي قراح وذكرياتي زاد ‏عطيتك صافي شعور المحبة وش تبي قل لي ‏لو إنه بيني وبينك عذول ومعجزة وبلاد ‏أحسك نسمةٍ مرت عجولة تحتضن ظلي"

عطيتك الواجد ويوم زان الزمان اقفيت ‏نسيت ان وراك إنسان مايشحذ الجيّه

أستحيت من المشاريه ومعاتب جفاك ‏وأقتنعت إن الغلا مايجي عرض وطلب ‏قلت أصدّ بـ كل حبي وتعظيمة غلاك ‏قبل أصدّ بـ قلب عايف وحالٍ منقلب .

ما سألتيني عن اسباب ابتعادي ‏والله اني ما بغيت الصد مره ‏مير حاديني عن مشاهدك حادي ‏الله اعلم ما بقى بالصبر ذره ‏متمسك بالسلوم و بالمبادي ‏لو بعضها مر و الايام مره ‏سامحيني عن قساي و عن عنادي ‏و اذكرينيّ بالمحبه و المسره