platformauzb_live

Octobank Londonda xalqaro hamkorlikni kengaytirmoqda Octobank 7–8-oktabr kunlari Londonda bo‘lib o‘tgan IAMTN 2026 xalqaro sammitida Gold Sponsor sifatida ishtirok etdi va Xalqaro pul o‘tkazmalari tarmoqlari assotsiatsiyasiga Platinum Member maqomida qo‘shildi. Sammit davomida bank jamoasi 22 mamlakatdan 34 ta tashkilot vakillari bilan muzokaralar o‘tkazdi. PayPal, Dubai Islamic Bank va Worldpay bilan amaldagi hamkorlikni rivojlantirish, Thunes, UniTeller va Belmoney bilan esa yangi pul o‘tkazmalari yo‘nalishlarini yo‘lga qo‘yish bo‘yicha dastlabki kelishuvlarga erishildi. Octobank Boshqaruv raisining o‘rinbosari Sardor Shavqiyev sammitdagi ishtirok va uning ahamiyati haqida quyidagi fikrlarni bildirdi: “IAMTN 2026 Annual Summit doirasida erishilgan kelishuvlar milliy va xalqaro moliya institutlari o‘rtasidagi aloqalarni mustahkamlashga xizmat qiladi. Bunday sammitlarda ishtirok etish bizga nafaqat O‘zbekistonda, balki Osiyo, Yevropa va Amerika mamlakatlaridagi hamkorlar bilan aloqalarni kengaytirish, xalqaro to‘lovlar tarmog‘iga integratsiyalashish hamda mijozlarimiz uchun yanada qulay va tezkor pul o‘tkazmalari yechimlarini rivojlantirish imkonini beradi.” Yangi xalqaro aloqalar — mijozlar uchun kengroq imkoniyatlar. Octobank hamkorlik geografiyasini kengaytirib, tezkor va qulay transchegaraviy to‘lov yechimlarini rivojlantirishda davom etmoqda. Octo-mobile | Instagram | YouTube Telegram | Facebook | 712023333 Reklama @platformauzb

Ички ишлар вазирига шунақа валломат керакми? Ички ишлар вазири матбуот котиби Шоҳруҳ Ғиёсов сўнгги пайтларда журналистларни ўзига ёв сифатида кўриши аён бўлиб бормоқда. Бу айниқса 9 ойлик якунларига бағишланган матбуот анжуманида яққол сезилди. Анжуманда журналистлар ўзларига керакли саволларга қониқарли жавоб ололмаганидан норозилигини билдирмоқда. Ш.Ғиёсов эса минбарда туриб, ОАВ вакилларига ваъз ўқиди, ақл ўргатди ва кўпчилигини товламачи-фирибгарга чиқарди. Бундан ташқари, Ғиёсов журналистлар билан талашиб-тортишишдан тап тортмайди, унинг можаролари аввал ҳам тарқалиб кетган. Савол юборган журналистларга интригали жавоблар ёки саволли жавоблар йўллайди. Бирор журналист ё блогерга жиноий иш очилган бўлса, оғзини тўлдириб эълон қилади, юзларини ва шахсини очиб, фото ва видеоларгача ҳаммага очиқ тарқатади. Айбсизлик презумпциясига тупуриб қўяди. Лекин ўзларидан бирор жиноятчи аниқланса, сичқон ини минг танга бўлиб кетади. Масалан, Бекмурод Абдуллаев иши бўйича расмий изоҳ бермаган, оқланганини ҳам айтмаган, ҳатто кўплаб журналистлар сўров юборганда ҳам. Хўш, Ички ишлар вазирлигининг мақсади нима ўзи? Журналистларни ўзига дўст билишми ёки аксинча? Интригали, сўров юборган ОАВ вакилининг жиғига тегувчи (журналистда қитмирона савол бўлиши табиий, унинг иши шу, маълумотни суғуриб олиш) гаплари билан нимага эришмоқчисизлар? Ички ишлар ходимларининг обрўси бу йўл билан яхшиланмайди. Матбуот котиблари фаолияти қайта кўриб чиқилиши, тафтиш этилиши ва қаттиқ чиғириқдан ўтказилиши лозим. Ахборот майдонидаги нўноқликда қисман уларнинг ҳам айби бор. @platformauzb

Абдулхаков Абдулазиз Ахатович Яшнобод тумани ҳокими лавозимига тасдиқланди. 2025 йилдан Тошкент шаҳар UET Construction МЧЖ ижтимоий объектларни қуриш департаменти директори лавозимида фаолият юритган. @platformauzb

❗️Тошкентда учта туман ҳокими лавозимидан озод этилди Тошкент шаҳрида қуйидаги туман ҳокимлари лавозимидан озод этилди: ▪️ Чилонзор тумани — Холхўжаев Саидқаҳҳор Муҳаммадкарим ўғли; ▪️ Яшнобод тумани — Рахманкулов Бахтиёр Тугамбаевич; ▪️ Янгиҳаёт тумани — Иногамов Хаёт Илясович. Ҳозирча уларнинг ўрнига ким тайинланиши ҳақида маълумот берилмаган. @platformauzb

Ахборот сиёсатидаги нўноқлик "Ўчир", "Бу мавзуни ёритма", "Расмий манбаларга таяниб ёрит" каби цензурага йўғрилган босимлар шу кунларда одатий ва оддий ҳолга айланиб бормоқда. Маҳаллий нашрлардан тортиб блогерларгача бўлаётган бундай таъқиқлар "қора туш" давридагидек Би-Би-Си", "Озодлик" каби  чет эл  ОАВлари тегирмонига сув қўймоқда – аудиториясини кенгайтиштиришга хизмат қилмоқда. Истаймизми-йўқми, ёпиқлик, биқиқлик ҳолатида миш-мишлар урчийверади, омма илгаригидек маҳаллий ОАВга эмас, ташқи манбаларга мурожаат қила бошлайди. Яқин тўрт-беш кун нари берисида бўлган икки кейс – таълим ва илм-фан вазири ҳамда Сирдарё вилояти ҳокимлиги лавозимларига тайинловлар давлатнинг расмий нашрлари эмас, саройга яқин блогерлар орқали сиздирилиши ҳам миллий ахборот сиёсатида нимадир хато кетаётганини англатади. Ҳатто, ҳукуматнинг бош нашри ҳам блогерга таяниб тайинловлар ҳақида хабар тарқатди.  Бу ҳолга келишимиз нимани англатади: ахборот майдонини бой беришда давом этаяпмиз.  Турли мафкура ва ташқи кучлар манфаатларига хизмат қилувчи ОАВларнинг миллий ахборот маконимизда "жавлон" уришига (билиб) билмай ўз қўлимиз билан шароит яратиб бераяпмиз. Аслида буни тушуниш учун катта салоҳият ва юксак заковат соҳиби бўлиш шарт эмас. Гоҳида миллий ахборот сиёсатига масъулларнинг мақсади нима эканлигини тушунмай қоляпман. @platformauzb

Кўкдала ҳокими ҳужумга учради Унга туманда савдо фаолияти билан шуғулланувчи тадбиркор болта билан жароҳат етказгани айтилмоқда. Манбага кўра, ҳокимлик ташаббуси билан тадбиркор савдо қиладиган дўкон бузилиши керак бўлган. Ҳокимнинг қандай жароҳат олгани ва айни пайтдаги соғлиги ҳақида маълумот йўқ. ИИВ матбуот хизмати ҳодиса содир бўлганини тасдиқлади ва прокуратура ўрганиш олиб бораётганини маълум қилди. @platformauzb

Бизнес қонунчилигида муҳим процессуал ўзгариш — “Тадбиркорлик фаолияти эркинлигининг кафолатлари тўғрисида”ги қонунга мувофиқ, хусусий секторга дахлдор ҳар қандай норматив-ҳуқуқий ҳужжат Адлия вазирлиги экспертизасидан олдин Президент ҳузуридаги Жамоатчилик кенгашида муҳокама қилиниши шарт бўлди. Йиллар давомида кабинетларда, реал бозор шароитидан узилган ҳолда ёзилган ҳужжатлар қабул қилиниб, сўнг бизнесга юк бўлаётган бир пайтда бу қадам ниҳоятда зарур эди. Янги тартиб хусусий секторга ўйин қоидалари кучга кирмасиданоқ уларга барвақт эътироз билдириш ва таклиф киритиш имконини яратади. Механизм шунчаки қоғозда қолмаётганига биргина мисол — Кенгашнинг навбатдаги йиғилишида солиқ, муаммоли кредитлар ва гаров каби ўта таъсирчан йўналишларга оид 11 та лойиҳа кўриб чиқилди, лойиҳалар билдирилган эътирозлар сабабли қайта ишлаш учун ортга қайтариб юборилди. Бизнесга бевосита таъсир ўтказадиган қоидалар ва чекловлар хусусий секторнинг ўзи билан маслаҳатлашган ҳолда ишлаб чиқилиши — бу соғлом иқтисодий муҳитнинг асосий шартларидан биридир. Буни доимий ишлайдиган амалий ва самарали институтга айлантириш эса хусусий сектор манфаатларини ҳимоя қилишда муҳим қадам бўлади. @platformauzb

Савдо-саноат палатаси ҳайбаракаллачиликдан бошқасига ярайдими ўзи? Савдо-саноат палатаси аслида тадбиркорларнинг ҳимоячиси бўлиши керак, лекин амалда бу сезилмаяпти. Бунга мисоллар етарли. Масалан, Тошкент шаҳри ҳокими қарори билан қанча тадбиркорларнинг бекатлардаги дўконлари шунчаки бузиб ташланди, оиласини боқаётган дўкондорлар додини биров эшитмади, ҳатто ССП ҳам. Ёки яна бир мисол, ичимликларни маркировка қилиш муаммоси роса муҳокама қилинди, тадбиркорлар тармоқларда дод деб чиқди, лекин ССП кўр ва карни ёқиб олди. Энди шу аҳмоқона сиёсат ўсимлик ёғига ҳам қўлланилиши кутиляпти. ССП яна жим. Ёинки маиший техникаларга қўйилган аждарҳо божлар, электрокарларни эркин олиб киролмаётган минглаб тадбиркорлар додини кимга айтсин?! Бўлмаса, палата деярли ҳар ойда камида бир марта тадбиркорлар билан мулоқот ўтказади. Ўзича уларнинг дардини эшитаётгандек кўрсатади. Аслида ҳолат бутунлай бошқача эканини ҳаёт кўрсатиб турибди. Ахир палатага аъзо бўлиш кичкина сумма эмас. Тадбиркорлар ҳам бадал тўласин, ҳам муаммоларга кўмилсин, ҳам палатадан ёрдам кутмасинми?

ССПга аъзолик бадаллари базавий ҳисоблаш миқдорига (БҲМ) нисбатан тадбиркорлик субъектининг тури ва фаолият йўналишига қараб белгиланади: • Йирик солиқ тўловчилар учун — БҲМнинг 400 баравари миқдорида. • Давлат улуши бўлган банклар — БҲМнинг 2000 баравари миқдорида. • Бошқа тижорат банклари — БҲМнинг 300 баравари миқдорида. • Давлат улуши бўлган суғурта компаниялари — БҲМнинг 200 баравари миқдорида. • Бошқа суғурта компаниялари — БҲМнинг 100 баравари миқдорида. • Саноат маҳсулотлари ишлаб чиқариш соҳаси — БҲМнинг 70 баравари миқдорида. • Қурилиш соҳаси — БҲМнинг 60 баравари миқдорида.

@platformauzb

Виждонли... @platformauzb_live

Барча идоралар хизматчисидан диктант олиниши керак – президент қарори 2025 йил 21 октябрдан бошлаб ҳар йили октябрь ойида ҳокимият ва идоралар, вазирликларда умуммиллий диктант лойиҳаси ўтказилиши керак. Ҳозирча бу ҳақда расмий эълон ёки билдиришлар кузатилмади. Шу пайтгача бирорта давлат ишчи хизматчиси диктант топширганини эшитмадик. Ваҳоланки, президент қарорида бевосита Республика маъанвият ва маърифат маркази ва бир қатор ташкилотларга бу бўйича аниқ топшириқ белгиланган. Вазирлар Маҳкамасидаги Тил бўйича департаментнинг эса бор-йўқлиги ҳам билинмайди. Аслида бу тил департаментининг функционал вазифаси эмасми?! Ҳартугул эртага, 15 октябрь куни соат 10:00 да Билим ва малакаларни баҳолаш агентлиги Қорақалпоғистон бўлими биносида маҳаллий ижро этувчи ҳокимият органлари ҳамда хўжалик бирлашмалари раҳбарлари ва ходимлари иштирокида "Умуммиллий диктант" лойиҳаси ўтказиларкан. @platformauzb

BRB LIFT халқаро реклама фестивалида энг яхши PR-лойиҳа бўлди Бизнесни ривожлантириш банкининг BRB LIFT телевизион реалити-шоуси Тошкент халқаро реклама фестивали — TAF!26 да энг яхши PR-лойиҳа сифатида эътироф этилди. Фестиваль доирасида турли компанияларнинг маркетинг ва коммуникация соҳасидаги ташаббуслари баҳоланди. Мустақил ҳакамлар ҳайъати BRB LIFT лойиҳасини энг яхши PR-лойиҳа деб топди. Шунингдек, банк вакиллари тадбир иштирокчилари билан ўз тажрибаси ва амалий кейсларини ўртоқлашиб, бизнесни қўллаб-қувватлашга қаратилган ёндашувлари ҳақида маълумот берди. BRB тадбиркорлар учун янги имкониятлар яратиш ва бизнес ривожига кўмаклашишга қаратилган лойиҳаларни амалга оширишда давом этмоқда. Реклама @platformauzb

“Энг ишонган кадримни олиб келиб, таълим вазири қилдим” — Шавкат Мирзиёев Эркинжон Турдимовни таълим ва илм-фан вазири лавозимига тайинлагани ҳақида @platformauzb

Соғлом эканлигингизнинг 3 та белгиси: - доим нимадир ейишни хоҳлайсиз; - доим ухлашни хоҳлайсиз; - ҳеч қачон ишга боришни хоҳламайсиз…😉 @platformauzb_live

Бу валломат ким бўлди экан?! "Мен шундай тураверайми, оч йўлни" дея ЙПХ ходимига буйруқ беряпти. @platformauzb

“Калламиз ишламаса ҳам фарзандларимиз билан бирга дарс қилишимиз керак” — Эркинжон Турдимов. @platformauzb

Банклар энди картангиздаги охирги тийингача ечиб ололмайди - камида 680 минг сўм қолиши шарт! Марказий банк тижорат банкларининг кредит ёки кафиллик қарздорлиги бўйича қарздорнинг розилигисиз (акцептсиз) карталардан пул ечиб олиш тартибига муҳим чеклов киритди. Нима ўзгармоқда? Адлия вазирлигида рўйхатдан ўтказилган янги қарорга мувофиқ, банк хизматлари истеъмолчиларининг ҳуқуқларини ҳимоя қилиш мақсадида қуйидаги талаб белгиланди: • Кредит ёки кафиллик шартномаларига асосан мижознинг топшириғисиз унинг барча банк карталаридан пул маблағлари ечиб олинаётганда, ҳисобварақларда меҳнатга ҳақ тўлаш энг кам миқдорининг (МҲТЭКМ) камида ярми миқдоридаги маблағ қолдирилиши шарт. @platformauzb

Эркинжон Турдимов соғлиқни сақлаш тизимига ҳам масъул бўлди Президент фармони билан Ўзбекистон Республикаси Вазирлар Маҳкамасининг ижро этувчи тузилмасида Бош вазирнинг биринчи ўринбосари — таълим ва илм-фан вазири лавозими жорий этилди. Таълим, илм-фан ва соғлиқни сақлаш масалалари котибияти ташкил қилинди. Бош вазирнинг биринчи ўринбосари — таълим ва илм-фан вазирига республика ижро этувчи ҳокимият органлари — вазирликлар, қўмиталар, агентликлар ва инспекциялар раҳбарлари, шунингдек, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг таълим, илм-фан ва соғлиқни сақлаш соҳаларидаги вазифа ва функцияларни бажариш бўйича фаолиятига ўз ваколатлари доирасида умумий раҳбарлик қилиш ҳамда уларнинг ишини мувофиқлаштириш вазифаси юклатилди. Ушбу йўналишлардаги вазифалар ижросини ташкил этиш ва назорат қилиш Ўзбекистон Республикаси Президенти Администрацияси раҳбари С.Ш. Мирзиёева зиммасига юкланди. @platformauzb

Таълим ва илм-фан вазири лавозими Бош вазирнинг биринчи ўринбосарига тенглаштирилади. @platformauzb

Катта эҳтимол билан Турдимов Эркинжон Оқбўтаевич янги ташкил қилинган Таълим ва илм-фан вазири лавозимига тайинланади. @platformauzb