TeleFix

မညာတမ်းပြောရရင် ... ခင်ဗျားကို လိုပါတယ် ။ ကျွန်တော် ဒီနေ့ ခင်ဗျားကို သိပ်လွမ်းနေတာ သိရဲ့လား ။ မနက်ခင်းတွေမှာ မင်းအသံလေးကြားပြီး နိုးထချင်နေမိတာ ။ Morningဆိုတဲ့ စကားလေးတစ်လုံးထက် ပိုပြောချင်နေမိတာ ခင်ဗျားအပြုံးလေးနဲ့ ကျွန်တော့ မနက်ခင်းတွေကို စရင် အဲ့ဒီတစ်နေ့လုံးက အဆင်​တွေပြေနေတတ်တာ ။ အေးစက်စက်နဲ့ မနက်ခင်းတွေစရင် အဲ့ဒီတစ်နေ့လုံး အဆင်မပြေတွေ ဖြစ်တတ်တာလေ ။ မညာတမ်း၀န်ခံရရင် ... ကျွန်တော် ခင်ဗျားကို လိုပါတယ် ။ အဆင်ပြေရဲ့လားဆိုတဲ့ မေးခွန်းတွေရယ် ။ ဘာဖြစ်နေလဲဆိုတဲ့ ဂရုစိုက်မှုတွေရယ် ။ အရင်နေ့တွေလို နှစ်ယောက်သားအတူတူ ရယ်မောနေရခြင်းတွေရယ် ကျွန်တော် လိုနေတယ် ။ ကိုယ့်စိတ်နဲ့ ကိုယ်ဆိုရင်လေ ကျွန်တော်က ဖုန်းတွေဆက်ပြီး စကားတွေ အများကြီးပြောနေမိမှာ အလုပ်တွေဘယ်လောက်များများ ခင်ဗျားနဲ့ ကပ်နေချင်နေမိတာ ။ စာတစ်လုံးပို့ရင် ရေစိုလက်နဲ့ စာပြန်ဖို့ ၀န်မလေးသလို အားသွင်းကြိုးတန်းလန်းနဲ့လဲ ဖုန်းတွေပြောဖို့ ၀န်လေးတာ မဟုတ်ဘူးလေ ။ ဒါပေမယ့် ... ကိုယ့်တစ်ဖက် ကြည့်နေလို့ အဆင်မှမပြေတာ ။ အလုပ်များနေမလားဆိုတဲ့ အတွေးနဲ့ ပို့လာမယ့် Message လေးကို သတိတရနဲ့ မျှော်ပါတယ် ခေါ်လာမယ့် ဖုန်းသံလေးကို တကူးတကနဲ့ မျှော်ပါတယ် ။ ကျွန်တော်က ထမင်းစားရေသောက်တာက အစ အဆင်မပြေမှုတွေအဆုံး ခင်ဗျားကိုပဲ ပြောပြချင်နေမိတာ ။ တစ်ယောက်တည်း ဖြစ်နေတဲ့ ဘ၀မှာ ခင်ဗျားကိုပဲ တွယ်တာချင်နေမိတာ ။ ကျွန်တော့်ကို မချစ်ဘူးလားဆိုပြီး ... ရင့်ကျက်မှုတွေ အားလုံးဖယ်ပြီး ခင်ဗျားကို ဆိုးချင်နေမိသလို ... ဘယ်သူမှ မမြင်ခဲ့ဖူးတဲ့ လူတစ်ယောက်အနေနဲ့ ခင်ဗျားအပေါ် ကလေးဆန်ချင်နေမိတယ် ။ အဝေးကြီးမှာဆို သိပေမယ့်လေ ကျွန်တော်ကို နမ်းပါဦးဆိုပြီး ခေါင်းလေးတိုးချင်နေမိတယ် ။ ကျွန်တော့ကို ဖက်ပါဦးဆိုပြီး လက်လေး ရှေ့တိုးချင်နေမိတယ် ။ ကျွန်တော့်ကို ချော့သိပ်ပါဦးဆိုပြီး မျက်လုံးလေး မှိတ်နေချင်မိတယ် ။ မညာတမ်းပြောရရင် ... ကျွန်တော် ခင်ဗျားကို လိုပါတယ် ။ ဖုန်းတွေခေါ်ချင်နေမိတဲ့ စိတ်တွေကို ထိန်းနေရတာက အဆင်မပြေဘူး ... စကားတွေ ပြောချင်နေမိတဲ့ နှလုံးသားကို ထိန်းချုပ်ထားရတာ ပိုခက်ခဲလာတယ် ။ လွတ်ပေးလိုက်ရင်လဲ ဖုန်းတွေ တရစပ်ခေါ်နေမိရင် ခင်ဗျားလေး စိတ်ပျက်သွားမှာလဲ ကြောက်နေမိတယ် ။ စာတွေ ဆက်တိုက်ပို့နေမိရင် ခင်ဗျားလေး စိတ်ကုန်သွားမှာလဲ ကြောက်နေမိတယ် ။ ကိုယ့်အတွေးနဲ့ ကိုယ်သာ ဆိုရင်လေ ... တစ်ရက်မှာ ၂၄နာရီလုံး ခင်ဗျားကို လိုပါတယ် ။ အဆင်ပြေတယ်မဟုတ်လားဆိုပြီး မေးခွန်းတွေ မေးရင် ထိန်းချုပ်ထားတဲ့ အစစအရာရာကို ကျွန်တော် ပြောချင် ပြောနေမိမှာ ... မချစ်ဘူးလားဆိုတဲ့ မေးခွန်းတွေ မေးလာရင် ခင်ဗျားကို ဘယ်လောက်ချစ်တဲ့အကြောင်းတွေ တဖွဖွ ပြောပြနေမိမှာ ... တိတ်ဆိတ်နေရတာ အဆင်ပြေလား မေးလာရင် ကျွန်တော် အပြေးလေးလာချင်တဲ့အကြောင်းတွေ ခင်ဗျားကို ပြောပြနေမိမှာ ။ တကယ်တမ်းကျတော့ အဝေးကြီးမှာ တိတ်ဆိတ်ပြီး အဆင်ပြေနေသလိုလေး ရပ်နေရတာဟာ တကယ်လက်တွေ့တွေမှာ ဘာတစ်ခုမှ အဆင်ပြေမနေဘူးလေ ။ ခင်ဗျားမရှိတဲ့ နေ့ရက်တွေမှာ ပျော်အောင်နေဖို့ ခက်ခဲတယ် ကျွန်တော့်အနား ရှိမနေတဲ့ ညတွေမှာ အိပ်ပျော်အောင် အိပ်ဖို့ ခက်ခဲတယ် ။ နေ့ရက်တိုင်းမှာ ပြီးတော့ နေရာတိုင်းမှာ ခင်ဗျားကို လိုပါတယ် ။ #ကျေးကို (ရင်နှင့်ရင်း၍ရေးသည်)