950
Subscribers
No data24 hours
-37 days
-1830 days
Posts Archive
950
هتقول لي مشاكلك بتكتر ، مسؤولياتك بتزيد ، خِناقاتك ما بتخلصش، حُزنك مكمل معاك، خايف من اللي جاي، هقول لك: (إن الله على كُل شيءِ قدير) يعني الصعب عليك سهل عليه سُبحانه وتعالى، واللي مالوش حل عندك ربك قادر يحلّه في لحظة ، فإنسى الخوف والقلق ووكل أمرك لصاحب الحِكمة والرحمة .
{اللَّهُ يُنَجِّيكُمْ مِنْهَا وَمِنْ كُلِّ كَرْبٍ} .
950
مُريحة أوي فِكرة إنّك تكبر دماغك من الناس؛ الكويس كويس لنفسه والوحش برضو لنفسه، إنت تشوف النوع اللي هيناسبك وتفتح له بابك والنوع التاني تقفل الباب في وشه، لا توجع دماغك مع حد ولا تحاول تغيّر حد، كُل واحد ينام على الجنب اللي يريّحه وإحنا نقرّب من الناس اللي شبهنا واللي هيهوّنوا علينا لكن اللي هيتعبنا معاه بلاش منّه.
950
فرق كبير بين إنّك تبقى مش مالي عين الطرف التاني وبين إن الطرف التاني دا أصلًا عينه فارغة .. فبلاش ثِقتك في نفسك تتهز وتدخل معركة مع روحك عشان تثبت للطرف التاني إنّك جامد وكويس وبلا بلا بلا !
كلنا عندنا نواقص ومحدش فينا كامل .. وإنتَ مهما تعمل أصلًا مش هتعجب ومش هتتشاف لإن في ناس حرفيًا ما يملاش عينيها غير التُراب .
فَ فوق لنفسك كدا وما تتهزش عشان المُشكلة مش عندك صدقني .
950
لازم تعرف حدودك مع ربنا وإن مش من صلاحياتك الإعتراض على الأقدار والأرزاق .. إنت مطلوب منّك تقول (الحمد لله وسمعنا وأطعنا) مش (إشمعنا).
ربنا سُبحانه وتعالى (إذا كلف أعان وإذا حكم عدل) وإنتَ ما عليك إلا الحمد والرضا.
إنسى النتايج لإنها مش بتاعتك، إنتَ بس إجتهد وما تقصرش والنتيجة دي بتاعت ربنا .. وكُل اللي يجيبه ربنا فضل ونعمة وكتير علينا كمان.
950
بعد وفاة احمد رفعت الله يرحمه
أى حد تشم بس ريحة انه بيأثر عليك نفسياً بالسلب ، أو يضايقك أو يحطك تحت ضغط بأى شكل م الأشكال نصيحة لوجه الله لو قدرت تمسحه من قاموس حياتك اعمل كدا بكل ضمير راضى
فى شغل او فى علاقات انسانية او فى الحياة عموماً والله ماحد هينفعك ، مش مضطر انك تستحمل أذية أى حد لأى سبب من الأسباب مهما كان مين لو على الشغل والرزق ف دى حاجة مش ف إيد اى حد من البشر وأرض الله واسعة لو فى علاقة انسانية اقطع علاقتك وانسحب وريح دماغك ومهما اتقال عنك ماتسمعش اصلاً ولا تحط اعتبار لاى مغفل .. الحياة لو ماخدتش بالك فيها ان لنفسك حق عليك وواجب عليك انك تحمى نفسك الأول من قرف البشر انت اللى هتكون خسران ومش أى خسارة هتخسر نفسك وصحتك .
950
ده عمر صحبي واخويا 20 سنه لسه في عز شبابه ، ربنا اختاره من بينا كلنا علشان ياخده من وسطينا ، مشي وسبنا وكسر ضهرنا كان جدع اوي وطيب وصاحب صحبه وبيحب الخير للغريب قبل القريب ، مات وسبنا كسر ضهرنا من بعده ، عايزكم تدعوله بالرحمه والمغفره ، عمر كان جدع اوي وسيرته حلوه من بين الكل الناس ادعوله بالرحمه والمغفره بالله عليكم 💔
950
أنا ما بطيقش الناس المُتناقضة ، الناس اللي بتحلل الحاجة لنفسها وتحرمها عليك، اللي بينهوك عن تصرُّف ما ويعملوه هما عادي، يحاسبوك على غلطة مُعيّنة ويكبروا الموضوع ولما هما يعملوا نفس الغلطة بيحطوا لنفسهم ألف عُذر وألف مُبرر .. حرفيًا مالهُمش كتالوج !
الناس دي التعامُل معاها مضيعة للوقت وهدر للعُمر .
950
العِلاقات السَويَّة فيها خِناقات عادي ، وفيها إختلاف في الطِباع ووجهات النظر، وفيها شخصين عندهم عيوب ، وفيها شد وجذب ولوم وعِتاب ، فاللي فهمك إن العِلاقات السَويَّة ما بيبقاش فيها مشاكل ضحك عليك .. لكن اللي بيميّز العِلاقة السَويَّة عن غيرها إن مَفيهاش إيذاء وإهانة ولا مُعايرة وقِلّة قيمة .
اللي هو نختلف ونشد لكن في الأخر مالناش غير بعض وأوبشن التجريح دا مش موّجود أساسًا في قاموسنا..
950
السلام عليكم و رحمة الله و بركاته
بمناسبة اللي بيحصل لإخواتنا في رفح و فلسطين و السودان و سوريا؛ كتير مننا بيحاول ينشر اي شئ يعرف الناس بالاهوال اللي بتحصل بس النتيجة انه بيلاقي كل البوستس و الفيديوز مش بيوصلوا لأي عدد ولا حتي بيظهروا علي التايم لاين نهائي
بسبب قيود مارك و سياسة النشر اللي بتمنع وصول اخبار رفح..
بس احنا لو قاطعنا فيسبوك كمان و اي منصة بيملكها مارك ده لمدة يوم او يومين هيخسره كتير و خسارته هتقدر بمليارات و كمان هيقلل شوية من القيود اللي عاملها علي فيسبوك
"هنعمل حملة ضد الفيسبوك لمدة يوم هيكون يوم الاربعاء 29/5"
ارجوكم يا شباب بلاش حد يستخدم الفيسبوك يوم الاربع عشان دم اخواتنا و المجازر اللي بتحصل ليهم
عشان لما نتسأل قدمنا اي يكون عندنا رد حتي
"فَوَرَبِّكَ لَنَسْأَلَنَّهُمْ أَجْمَعِينَ عَمَّا كَانُوا يَعْمَلُونَ"
شيروا في كل الجروبات اللي عندكم جزيتم خيرا.
950
صديقي بدأ سلوكه ينحرف شوية وحسيت إنّي مش حابب أتعامل معاه خاصةً بعد ما نصحته كتير وهو مش عايز يستجيب ، فبدأت أتهرّب منّه لغايه ما هو فهم وكلمني، قال لي بالحرف : (أنا عارف إن من حقك تحمي نفسك ، بس أنا هجاهد نفسي وهجاهد الظروف عشان أرجع تاني زي الأول، بس خليك معايا عشان لو إنتَ مشيت أنا هبقى لوحدي وطول ما أنا لوحدي شيطاني هيتحكم فيا ).
وفعلًا إديته فُرصة تانية ووقفت جنبه، وصاحبي دا حاليًا حاجة جميلة جدًا ما شاء الله عليه وربنا يحفظه .
أحيانًا الفُرصة التانية مُمكن تحيي البني آدم .
