بسيطة Basita 😉

السلام عليكم ورحمة الله وبركاته ورق بسيطة لمحاضرة الهستو عشان اللي عاوز يطبعها

عشان الشباب اللي بتسأل احنا هنشرح أناتومي وبايو وفسيو وهستو مش أناتومي وفسيو بس. وبعد ما شفنا الجدول فالدكتور محمد إن شاء الله هيشرح في الأناتومي والفسيو والدكتور إسلام معاه وهيشرحوا البايو والهستو مع بعض. موفقين إن شاء الله ي دكاترة

https://docs.google.com/forms/d/e/1FAIpQLScV-0rveZdxHwCuHt9gFXo_rkSGB-ne4z4tHqddg9sQ_AqGPw/viewform?usp=sf_link تيم جودة بسيطة ي شباب بيحييكم، وعمل ليكم استبيان عن أول محاضرة في الترم التاني .... والاستبيانات دي هتبقى موجودة باستمرار بعد شرح عدد من المحاضرات بحيث دايما نحط آرائكم بعين الاعتبار ... فياريت اللي سمع المحاضرة ميكسلش يخش يملى الاستبيان ولو مسمعتش خش اكتب رأيك بس قول إنك مسمعتش 😄.

السلام عليكم ورحمة الله وبركاته ازيكم ي دكاترة، مستعدين للترم التاني لموديول الماسك موديول الماسك من الموديولات التقيلة في السنتين النظري لذلك أنتم بتاخدوه على مرتين تقريبا ٩ أسابيع ولأن ماسكلوسكليتال معناه أناتومي كتيييير هيكون معانا في شرح أناتومي الموديول ده د.إسلام والشرح هيبقى على برامج 3D تسهل عليكم تخيل العضلة وخارجة من أنهى حتى في العضم بالظبط ورايحة فين بالظبط. ود.محمد زي ما اتعودتوا وسمعتوه في الفسيو هيبقى معانا في شرح فسيو الموديول ده إن شاء الله... وهو من أمتع محاضرات الفسيو اللي هتدرسوها إن شاء الله وكنا واخدين عنه فكرة إلى حد ما هو والهستو في ثانوية عامة. ودول اكبر اتنين في الموديول والباقي هيتقسم بينهما إن شاء الله. بالنسبة بقا لطريقة الدفع : الدفع هيبقى عن طريق فودافون كاش على الرقم ده 01061415400 التحويل ي شباب نقدي مش رصيد ٣٠٠ ولو أنتم أربعة زي ما قلنا هتحول ١٠٠٠. الشرح هيتم على قناة تليجرام مش برنامج لحد دلوقتي. فأنت هتصور عملية الدفع سواء دفعت فوري أو حتى محول مباشر من فودافون كاش خد اسكرين وابعت على اليوسر ده @Abdo0059 ابعتلي اسمك ... وانا هبعتلك لينك تخش من عليه بس ضروري تكون مسجل التليجرام بتاعك باسمك عشان أقبل طلب انضمامك. الدفع متاح في أي وقت يعني مش شرط النهاردة وهنقفل والكلا ده .... ربنا يوفقكم ويصلح حالكم ي دكاترة.

السلام عليكم ورحمة الله وبركاته شباب سنة أولى الجمال عاملين ايه وايه أخبار الأجازة معاكم، يا ريت تستمتعلك باليومين الأجازة ي طالب عشان بكرة ممكن متلاقيهمش تاني( أو أكيد). تيم بسيطة بيأكد إنه لسه معاكم وفي ضهركم دايما، ومش بس كده.... لا بوشكاش محفوظ بيضحي النهاردة؛ لأن احنا كمان هنضيف : 📌 جروب للشات عشان تتواصلوا مع دكاترة بسيطة بشكل مباشر 📌اختبار دوري عن طريق فورم جوجل لكل محاضرة بسيطة هتشرحها عبارة عن ٤/٥ أسئلة تختبر تركيزك. 📌وطبعا لسه معانا صراحة شغال (هو الحساب ضاع بس ابعتوا عليه يمكن ألاقيه 😂) 📌وبوت الداتا لسه هيشتغل أكتر؛ لأن بسيطة هيبقى ليها داتا خاصة بيها في شرح كل محاضرة بشكل مختصر ومبسط ومرتب لداتا الكلية زي داتا الفارما بتاع دكتور محمد كده تيسيرا عليكم. ☆ولأن ي شباب شرح الموديول كامل نظري وعملي بيعمل ضغط كبير على الدكاترة ولسه التيم هيخشوا ناس فتيم بسيطة هيضطر يخلي الترم التاني مدفوع ... واحنا عارفين شدة الغلاء اللي الناس فيه فمش هنحمل أهاليكم ي دكاترة أعباء الكورس اللي ٧٠٠ و٥٠٠ أو حتى ٤٠٠ في المادة الواحدة بسيطة معاكم الموديول كامل إن شاء الله (((نظري وعملي))) في((( كل المواد))) ب ٣٠٠ جنيه وفيه كمان عرض الصحاب لو اشتركتم ٤ هيبقوا ب١٠٠٠. =يعني خلاص أنتم بقيتم كورس مش هيتواصل معاكم بقا غير المشتركين ؟ ●لا خالص احنا زي محنا معاكم اللي عاوز يسأل في حاجة يبعتلنا عادي سواء في الكلية أو عن النظام عموما ... اللي مش قادر يشترك يخش يبعتلنا ويخش مجاني عادي جدا ... العلم مش حكر ي شباب ومش سلعة بس لأن استمرار التيم كله محتاج تطوير لمعدات تصويره وزيادة الجودة بالإضافة إن مش كل الناس بترحب بالتيم في المساعدة.... واحنا لو هدفنا التربح وهنشرح ٣٠ محاضرة والمحاضرة عليها ٢٠ جنيه حتى بعد التحضير والكتابة والتصوير والضغط والرفع كانت جابت أكتر من كده بكتير --------------------------------------- =يعني هتبقوا كورس وأنتم بتنزلوا المحاضرة بعدها بشهر أصلا وكويس إننا مستحملين ؟ ● لا ما هو ده كمان جديد؛ لأننا هيبقى لينا جدول كل أسبوع بأسبوعه وملتزمين إن شاء الله في وقت نزول كل محاضرة. ------------------------------------------------ اللي هيشرح لحد دلوقتي في الموديول الجاي هم دكتور محمد ودكتور إسلام •كل دكتور فيهم هيشرح ايه ؟ •هنشرح فين ؟ •هندفع ازاي؟ كل ده هينزل قبل بداية الموديول إن شاء الله بكام يوم ... موفقين ي دكاترة، ربنا يصلح حالكم ويوفقكم.

ايه ده ده لسه فيه ترم تاني =

مش هتعرف قيمة مكانك الا لمّا حد يحتاجك… المذاكرة الكتير بتخلق ملل وفقدان عزيمة لكن لو حد في يوم احتاجك في شغلتك ولبّيت حاجته هتفهم انت مين وربنا اختارك هنا ليه… بلاش تستعجل والأهم بلاش تسمع كلام كل واحد شايف المشاكل بس ومش شايف غير صعوبات الدنيا. هتعدّي…هتمرّ…هتفرح…هتعرف قيمتك في يوم أكيد د. حازم عبدالتواب

لقد هرمنا من أجل هذه اللحظة

الجزء التاني ان شاء الله بليل

L2 para Trematodes and cestodes

هي الدفعة بقيت دحيحة ولا ايه ؟

قولوا ي دكاترة قولوا -يسر الله لكم : يارب يسر علينا الامتحان، اللهم كن معنا وقت النسيان وذكرنا، وكن معنا وقت السؤال ، اشرح صدرنا، ويسر أمورنا، واحلل عقدة من لساننا، اللهم أنزل السكينة على قلوبنا، اللهم ذكرنا إذا نسينا، اللهم علمنا إذا جهلنا. يا رب استودعناك مستقبلنا و جهدنا وتعبنا القليل واستودعناك كل اللي ذاكرناه اللهم رده إلينا عند حاجتنا إليه اللهم لا سهلاً إلا ما جعلته سهلاً و أنت تجعل الحزن إذا شئت سهلاً. ربِّ اشرح لي صدري، ويسر لي أمري، واحلل عقدة من لساني يفقه قولي. يا حي يا قيوم برحمتك استغيث أصلح لي شأني كله و لا تكلني إلى نفسي طرفة عين. اللهم ثبت قلبي واهد لساني اللهم إني استودعتك ما علمتنيه فرده إليَّ عند حاجتي إليه. "وقل رب أدخلني مدخل صدقٍ وأخرجني مخرج صدقٍ واجعل لي من لدنك سلطاناً نصيراً"