Dilobar_O'rolova

Худога солма Қанча неъматларин тутқазди ҳаёт, Билмадим муҳаббат қадрин гарчи ман. Дунёда севги йўқ, ишқ йўқ деб бот-бот, Таъкидлаб ҳайқирган ношуд жарчиман. Ғуруринг, шаънингни топтаб мен нодон, Самимий изҳоринг қилдим масхара. Билмайсан, билсайдинг бугун бағрим қон, Ишқдан тониб, ишқ деб ёнишим қара. Жуда кеч тушундим ўзимни ўзим, Сенга боғланганим рост экан буткул. Тилимда қолдида "севаман" сўзим, Энди имкони йўқ, аҳволимдан кул. Истасанг айбла, хоҳла қарғагин, Мендек хатокорнинг ёнида қолма. Майли айбдор де, кечирма, лекин, Севгимдан кечди деб Худога солма. ✍ Дилобар Ўролова @uralova_dilobar

Гўзал кутубхона экан. Бу ерда қанча нодир асарлар бўлиши шубхасиз.😊🤗 @uralova_dilobar

Кутубхонага келинг. Қоши қора, чақноқ кўз, Дўстларим сизга бир сўз. Ҳар кеча, ҳар бир кундуз, Кутубхонага келинг. Билимга билим қўшиб, Куч ғайратингиз тошиб. Ҳам талпиниб, ҳам шошиб, Кутубхонага келинг. Имкон бор, ўқиб изланг, Баланд чўққини кўзланг. Дўстларингизга сўзланг, Кутубхонага келинг. Китоблар қатор-қатор, "Шоҳнома"," Хамса"лар бор. Вақтни ўтказмай бекор, Кутубхонага келинг. Ўқи, ўйла, изла, топ, Қалбинг ёришар офтоб. Чинакам дўстдир китоб, Кутубхонага келинг. Яхши-ёмон биласиз, Фарқин идрок қиласиз. Маърифатга тўласиз, Кутубхонага келинг. Севиб ўқинг китобни, Мағзин чақинг китобни. Тарғиб қилиб китобни, Кутубхонага келинг. Бўларсиз аҳли толиб, Китоб-қалбга берар зеб. Зўр инсон бўламан деб, Кутубхонага келинг. ✍ Дилобар Ўролова @uralova_dilobar

Ибрат Умр китоби... @uralova_dilobar

Тафовут Бир бировга талпинади дил, Кўзлар йўлга термулади зор. Лек юракка сиғмаяпти қил, Ўртамизда тафовутлар бор. Сен сўзлайсан ўртаниб, ёниб, Мен йиғлайман яна қайтадан. Бўлмаяпти, севгидан тониб, Дардларимни кимга айтаман? Саволларинг қолар жавобсиз, Юрак шошар, ақл қўймайди. Биз қисматнинг олдида ожиз, Тақдир синов бериб тўймайди. Кўниккандек тутиб ўзимни, Мен "Кет" дейман, сен айтасан "Кут". Беркитаман ёшли кўзимни, Ўртамизда душман тафовут. Нега учрашгандик аслида, Йўл охири айрилиқ бўлса? Дил титрайди ҳижрон фаслида, Наҳот энди ишқимиз сўлса? Гарчи сен деб бедор фикр-у ёд, Қўнғироқлар жавобсиз туут-туут. Кўнмоқликка мажбурмиз минг дод, Бизни айирмоқда тафовут. ✍ Дилобар Ўролова @uralova_dilobar

Хайрли тонг Азизлар! Кунингиз файзли, омадли у́тсин. Tongda xotirjam uyg'onishimizning o'zi katta Baxt. BUNING UCHUN YARATGANIM O'ZINGGA SHUKUR. ✍️Dilobar Uralova 🎙️Ramziddin Egamberdiyev @Ramziddin_Egamberdiyev

🌤 – Уйқудан турганингизда Алҳамдулиллаҳ дейлик , чунки Аллоҳ бизни уйқусидан уйғонувчилар сафида қилди. АССАЛОМУ АЛАЙКУМ ! Яратган Эгамнинг инояти ила яна бир мунаввар ва осойишта тонгни кутиб олар эканмиз ўзига бехисоб шукроналар бўлсин ! Сахар туриб Аллохдан нимаики сўраган бўлсангиз , барчаси мустажоб бўлсин ! Аллохим насиб этган яна бир гўзал тонг муборак бўлсин! @uralova_dilobar

*** Бошингга бахт қуши, ё балолиғ бўлиб келдим, Ёруғ толеъйинг ёки қаролиғ бўлиб келдим. Кўнглинг сирин англолмай, озордадир бу жонлар, Билмам сенга йўлдошми, жудолиғ бўлиб келдим. Сукунатингда не бор, билмай жоним куядур, Сен-ла бўлсам шодман-у, сенсиз оним куядур. Термулиб кўзларимга бунча бедор айладинг, Ул нигохлар ичинда, хонумоним куядур. Телбавор бу ишқ мени, охир хароб этмаса, Жонимни бўлиб-бўлиб, ўтда кабоб этмаса. Тан олмайман севгингни, юрагимга нур солиб, Юрар йўлим ёритиб, токи офтоб этмаса. ✍ Дилобар Ўролова @uralova_dilobar

🌤🌤Ассалому алайкум. Бугунги кун учун қилган режаларингизни, орзу ниятларингизни Аллоҳ хайрли қилсин. Гох нолиб қоламиз Тақдир азалдан. Сув ҳам лойқаланар Доим тиниқмас. Кеча ўтиб кетди, Бугун БУГУНдир Эрта не бўлиши Хали аниқмас. Баски шундай экан Яшайлик бугун. Бугундан харакат Бугундан шитоб. Токи бугун ўтиб Эрта келганда "Эссиз кечам" дея Қилмайлик хитоб. ✍ Дилобар Ўролова @uralova_dilobar

- Муваффақият сири нимада? - Тўғри қарор қабул қилишда. - Тўғри қарор қандай қабул қилинади? - Тажриба орқали. - Тажриба қандай орттирилади? - Нотўғри қарорлар ортидан. @uralova_dilobar

Ибрат 🔥Агар Аллоҳ сўраганингни берса, сен иймонлисан! 🔥 Агар сал кечиктириб берса, сабрлисан! 🔥 Агар бермаса, сен ундан буюгига лойиқсан! @uralova_dilobar

Алвидо бўйдоқлик😉😉😉 Яқинда қизлар билан Юрардим қилиб сайр. Онам "уйлан"деяпти, Бўйдоқлик энди хайр. 😔 Энди сулув қизларнинг, Нозларига учмайман. Ҳиёбон чеккасида, Белларидан қучмайман. 😉 Сабина, Севинч, Шаҳло, Нозима, Гули, Асал. Учрашмасам галма-гал, Бўлиб қолардим касал. 😃 Йўлларимга кўз тикиб, Гулнозахон толмасин. Ундан бўса олганим, Ҳеч ким билиб қолмасин. 🤫 Бирисин сочи узун, Бирин кўзи кўк эди. Қизлар билан учрашмай Қолган куним йўқ эди.😇 Майли, онам сўзини Ерда қолдириб бўлмас. Лекин нетай ўрганган Кўнгил ўртаниб қўймас.🤭 Алвидо эй гўзаллар, Фурсат етди нетаман. Ўтмишга қўлиб силтаб, Бўйдоқликдан кетаман.🙂 ✍ Дилобар Ўролова @uralova_dilobar

ОНАМ ДУОЛАРИ (Қўшиқ учун) Сохта дўстнинг зарби нишонга тегди, Ортдан пичоқ уришингиз жонга тегди. Хиёнатлар қалбни эзиб, бошим эгди. Бу дунёда меҳрибоним бор бўлади, Менга онам дуолари ёр бўлади. Нолимайман дунёйи-дун ўзи бир кам, Гоҳи ҳаёт кўзларингни этаркан нам. Шўрлик юрак синовлардан оғриса ҳам, Бу дунёда меҳрибоним бор бўлади, Менга онам дуолари ёр бўлади. Эгилмайман бандасига Аллоҳим бор, Синдиролмас мени бирор ғаним зинҳор. Омад қуши қисматимга бўлгайдир ёр. Бу дунёда меҳрибоним бор бўлади, Менга онам дуолари ёр бўлади. Қўшиқ айтсам қиласиз-ку ортдан миш-миш, Ўзингизнинг қўлингиздан келмас бир иш. Қараб туринг енголмайди мени ташвиш, Бу дунёда меҳрибоним бор бўлади, Менга онам дуолари ёр бўлади. Йўл топилар ҳатто ирмоқ, зарраларга, Эришаман ҳали юксак марраларга. Файз киради мен борган ҳар давраларга. Бу дунёда меҳрибоним бор бўлади, Менга онам дуолари ёр бўлади. Йигит моли топилади бўлса омон, Соҳта дўстлар майли атанг мени ёмон. Ердаман, лек билиб қўйинг бошим осмон, Бу дунёда меҳрибоним бор бўлади, Менга онам дуолари ёр бўлади. ✍ Дилобар Ўролова @uralova_dilobar

✍ Дилобар Ўролова 🎤 Шерзод Карим Сенсизлик... @uralova_dilobar

*** Kutish soatlari aylandi kunga, So'ng yorug' kunlarim aylandi tunga. Dunyo ekan faqat bag'ri butunga, Sensizlik sabrimni sindirib qo'ydi. To'kilib tugadi umid gullari, Yashnagan bog'lardan qoldi cho'llari. Oxiri bormikin, xijron yo'llarin? Dildagi orzumni tindirib qo'ydi. Yurakni sug'urib senga tutqazdim, Kuldim, garchi dildan nelar o'tqazdim. O' z qo'lim-la sevgim qabrini qazdim, Taqdir o'z xukmiga ko'ndirib qo'ydi. Baxtiga etolgan bormi xech kishi?! Og'riq berar ekan ayriliq nishi. Endi unut bo'ldi visol tashvishi, Xijron go'libligin bildirib qo'ydi. ✍ Dilobar O'rolova @uralova_dilobar

Ҳар бир зулматнинг ортида нур, ҳар бир туннинг ортида тонг ва ҳар бир сабрнинг ортида хурсандчилик бордир. @uralova_dilobar

Topa olmadim... Jilmaydim, agʻyorga salomim aytib, Oʻzimni soʻroqlab, tergab tolmadim. Umrim sarhadida kezarman daydib, Men hanuz oʻzimni topa olmadim. Garchi ruxim mudom bezovta, sergak, Ulashaman koʻpga mexrimni birdek. Tuygʻumga ba'zida aqlim asirdek Men hanuz oʻzimni topa olmadim. Xaqiqatni izlab goh urdim boshim, Arzimas insonga oqqizdim yoshim. Azal sinovlardan qorilgan loshim? Men hanuz oʻzimni topa olmadim. Koʻnglim Haqqa asir, muxabbtim ham. E'tiqodim butun, aqlim emas kam. Lek yoshim kun sayin oʻtib borsa ham, Men hanuz oʻzimni topa olmadim. ✍ Dilobar O'rolova @uralova_dilobar