🏃‍♂️ماراثون الصحة النفسية مع القرآن و السنة 💪

لسه بنسخن عشان نجهز دماغنا و مشاعرنا للتحدى الفعلى الذى هو الالتزام بأى واجب عملى  ياتى لاحقا خللينا نوضح شوية فكرة النية اولا و اثرها على الصحة النفسية ... فكرة النية عبارة عن فكرة من اقوى الأفكار و طفرة ف الطب النفسي لتدريب الإنسان على ضبط مشاعره و مراقبة أفكاره و تعديل مسار نفسه بانتظام عشان يفضل دايما فى الاتجاه السليم .. و النية  مش بس تنبيه و تحفيز يؤدى الى يقظة العقل و مراقبة النفس إنما هى كمان بتساعد على التماسك النفسي و الثبات الداخلي للانسان ... و الحقيقة الحديث اللى من ايام الرسول صلى الله عليه وسلم اللى بيقول ما معناه ان لكل إنسان ناتج نيته و اللى بيعتبره العلماء من أساسيات الاسلام هذه الأيام كل العالم بيتكلم عن محتواه.. العالم دلوقت بيؤكد على قوة النية في التاثير على مشاعر و سلوكيات الإنسان ... لان النية هى الفكرة المحركة للشعور و السلوك ... فلو انسان نوى يدخل مشروع عشان يثبت انه اشطر و أقوى و أذكى واحد هيبقي محدود جدا لأن كل اللى بحركه تمحوره حول نفسه و نرجسيته  ... اما لو انسان دخل مشروع كانت نيته فيه خدمة الناس و النجاح في اعمار الأرض و كمان لوجه الله حتى لو كان هيربح او هينجح  في الغالب هذا الإنسان بيبقي مش بس ناجح و فعال إنما كمان له قبول عالى و غالبا الناس بتثق فيه و بتعزز نجاحه اكتر ... و طبعا لو كان لوجه الله يبقي زرع فى الدنيا مكسب الآخرة... المهم ان العالم الذى يفكر بعملية بحتة و بدون اى مرجعية دينية دلوقت بيؤكد ان نية الإنسان هى سر نجاحه ... ليه سر نجاحه لان النية اللى ربنا اشترطها على المسلم هى البوصلة الداخلية التى تجعله يراقب نفسه و يضبط اتجاهه و يتحكم فى مساره و يعيد تقييم أفعاله و يظل يقظ لهوى نفسه الذى ممكن ان يجعله يتخلى عن قيمه فينحرف نفسيا و عقليا و صحيا ... النية نظام نفسي و عقلي و قلبي و روحى بيساعد فى ظبط تكوين الإنسان المؤمن و يجعله قوى و يقظ و منتبه و قادر على السيطرة على نفسه و أفكاره و توجهاته و متمسك بقيمه و بأداء مهامه على الوجه الذى يرضى ربه ... لذلك فكرة التعهد بنية الاستعانة بالله و إخلاص النية لله و بذل قصارى الجهد قدر الاستطاعة كانت مهمة جدا ... و ستظل النية جزء محورى من التحدى ... انا باتحدى الخوف ليه ؟؟ عشان ابقي بدون خوف او حزن و بس ... لا من الان فصاعدا نجهز عقلنا و قلبنا و روحنا ... انا باتحدى الخوف و الحزن .. عشان اكون المؤمن القوى الذى *يعبد الله على مراد الله *و يعمر الأرض و لا يفسد فيها ابدا .. *و يصل للحياة الطيبة في طاعة الله .. *ويربى أبناءه لله و يعمل لله .. *و يقدر على مواجهة الابتلاءات صح و الخروج منها أقوى و أكثر يقين فى الله *و يكون دعوة لله برضاه عن ربه و ثقته فى تدبير الله ... صباحكم زى السكر ... صباح كله نوايا طيبة ... 🌺شعار اليوم "ان صلاتى و نسكى و محياى و مماتى لله رب العالمين " نحاول نتمرن اننا نفتكر و نطبقها قدر المستطاع و نكتب لنفسنا المواقف اللى نجحنا فيها في المفكرة اللى هنشتغل فيها على التحدى و نراقب و نجدد النية بانتظام  ... د.سمية محمود

#اعجبتنى رسائل الفجر: الدين كلــه أنك بالله ولست بنفسك.. أنت محتاج ، منكسر ، مفتقر لله.. ان يَكلك إلى نفسك يَكلك الى خذلان وعجز وضعف أنت_بالله_ولله "إِيَّاكَ نَعْبُدُ وَإِيَّاكَ نَسْتَعِينُ" لا يُنسيك الإسْتغراق في العَمل واَعتياده النيّة فِيه، فَهي أهمّ ما يحرص عَليه المَرء، وأهمّ ما يُحاسب اللّٰه عَليه. ‏لُّطف ﷲِ غالب، مهما اشتدت وضاقت..🌹 استعن بالله و لا تعجز

صباح القوة النفسية و الاقدام بلا تردد لماذا العهد مع نفسي أمام الله ؟؟؟ لأننا نبذل عهود كثير و ننقضها فعندما نعاهد امام الله سنستعين بالله لأنى ساستحضر أن الله رقيب على و ناظر إلى و شاهد على صدق عملى و عزمى و إجتهادى لاحصل على  حياة طيبة فى سبيل الله و هذه هى اول مهارات التحدى في الحقيقة و التى سنظل نعمل عليها طول الوقت بطرق مختلفة... فالحقيقة انه اى انسان مهما بلغت مهاراته و قوته النفسية  لا يستطيع أن يفي بعهد قطعه على نفسه أمام الله الا بتوفيق الله ... اذن الخطوة الأولى في الإستعداد لهذا البرنامج اذن ان نتدرب من الان على ... ١. النية و تجديدها و تدريب المخ على اليقظة للهدف و عدم الاستسلام لتسويف النفس و تخذيل الشيطان و عدم التردد في الاقدام على باب خير فتحه له الله ٢. الاحتساب و تدريب القلب على الارتباط بالهدف الاصلى و هو حب الله و الرضا عن الله و الامان في كل طاعة لله و القرب من الله في السراء و الضراء لان هذا القرب هو مصدر القوة الحقيقي ٣. الاستماتة في الاستعانة بالله و التوسل إلى الله ان يرزقنا القوة التى تمكننا من قهر الخوف و الحزن و عدم الخوف من الابتلاءات و الوصول إلى الحياة الطيبة في طاعة الله صباحكم زى الفل اكتبوا العهود من الان و احفظوها في مفكراتكم و راجعوها و جددوا النية و تابعوا معانا الشغل .. د.سمية محمود

هنبدأ نسخن للشغل  ... محتاجين كلنا تجهيز أجندة أو مفكرة أو كراسة  خاصة.. نكتب في اول صفحة .. اتعهد انا ( الاسم ...) اننى سابذل قصارى جهدى حسبة لله فى مجاهدة نفسي و الشيطان لكى لا أقع في فخ الخوف و الحزن ... ليه بنتعهد ... لان المؤمنون عند شروطهم و لان النية جزء مهم من اى عمل و لها تأثير قوى على كيمياء المخ و الجسم و على قدرة الإنسان على أن يبقي عقله يقظ لالاعيب النفس و الشيطان و النية بتقوى القلب لأنها مشهد خاص بين الإنسان و ربنا لو خان بيخون نفسه و عهده مع الله ... و الاحتساب بيزيد القوة النفسية على الاجتهاد  كمان لان الأجر بيتضاعف.. فاول خطوة ... ١. الأجندة ٢. العهد ٣. النية ٤. الاحتساب نستعد للبدء باسم الله  بنية طيبة و رجاء فى عمل صالح متقبل باذن الله د.سمية محمود

التحدى هيبدا ان شاءالله استفادتك من هذا البرنامج مبنى على ١.قبول الالتزام بالواجبات العلمية و العملية ٢. كتابة التمام اليومى بتنفيذ الواجبات فى مفكرتك ٣. انك تكون مقرر تقف لنفسك صح ٤. ان تكون نيتك جادة في الاستعداد لحياة افضل فى طاعة الله ٥.ان توافق على الحجج غير مقبولة ٦. أن تلتزم بأن الأفكار السلبية غير مقبولة ٧.ان تتفهم أن البرنامج هدفه اعداد ايجابى محتاج صبر و مجاهدة و صدق استعانة بالله هذا البرنامج بسيط و مفتاحه ابسط .... مفتاحه الالتزام نبدأ باسم الله اولى خطوات تحدى الخوف و الحزن لأجل حياة افضل فى طاعة الله باذن الله د.سمية محمود