مطّلَق

علموا سمح المحيّا ترى علومي عفاه مستحيل انساه مادام قلبي بجسدي - مهدي بن صوال السبيعي

ودريت انك لغيري وانفجر وسط الصدّر شريان رحّلت وقلت يانبض الغلا وينك وانا ويني - صالح ال مانعه

أحر من وقع السيوف وأشد من طعن الرماح لا صار فيك الهم باين وانت صامل تنكره

تغيرت ليت الوقت يرجع مثل ماكان انا من اول من الضحك مايتقي سنّي - جابر النشيرا

‏ انا يوم اجنب بعض الايام ولا اغيب ‏عن اهل البلد واصد في نازح الصحرا ‏احاول على التجنيب مادام لي تجنيب ‏عن المجتمع ومقابلت ناره النكرا ‏ابي زلتي تبقى عن المجتمع في الجيب ‏ولا ازرى على بعض الرفاقه لا يزرا - محمد عبّاد السلولي

عاشت بلادنا والعز تزها به عاد عيد البلاد وعيد حاميها ♥️

كل عام وانتم طيبين

قلوبنا ماتشيل الا الغلا والجروح تشيل جرحٍ ندي وتشيل حبٍ شجي احيان نضحك عشان اللي نحبه يروح واحيان نبكي عشان اللي نحبه يجي - خالد مبارك

من تولاه الحنين وذاق طعم الفرقى لو تشوف الناس من حوله تراه لحاله - عايض العاطفي

من كثر ما اواجه الصدمات واجحدها اخاف اذا مت محدً يكتشف موتي - سلطان بن عباس

مرني لا تاه دربك من زحام الحياة الغلا اللي رحت منه على حطت يدك - سعد بن جدلان

يحز في خاطري جدًا و يؤسفني ‏إني ماعاد أشتحن من بعده و قربه ‏ ماعاد أكلف عليه و لا يكلفني ‏إلا قصيدٍ عليه الناس منطربه ‏محتاج أفضفض لأحد ماهو يعرفني ‏ أقابله في وطن ثاني و في غربه ‏مابيه من ماحصل فالوقت ينصفني ‏أبيه يسمع فقط و يروح في دربه ‏- ناصر الحمادين

مادريت ان ضحكة الوقت خداعه شفت مدخالي ولا شفت مطلاعي لو النبات يطلعه دمعة ايام شفتو على وجهي زهور وبساتين - بن جدلان

في مواصلك يجي قلبي إنشراح ‏يا غاية القلب يا العذّب القراح