quiet🌸✨

معارفة هتفهموني ولا لأ بس من كتر الفرجة ع كيدراما وانا حاسة اني محتاجة اعيش حياتي بتكلم كوري اللي هو لما زول يزهجني ف اقوله اشششششش شيبال سيكيا تشوكليه!؟ ، ولما حاجة تعجبني اقول واااه ديباااك جنجا ، ولما اكون مفاهمة حاجة اقول وييهههههه بصوت عالي والناس تفهمني عادي ، ولما اكون معترضة ع حاجة بيبقى جوايا رغبة اقول انديه تشولتي انديه اكتر من لا او مستحيل ، ولما اشوف بنوتة شكلها حلو اقولها اومو اومو يبودا ، ولما اعمل مصيبة اكورك و اتدردق واقول اوتوووووكيه ، ولما اكون مرهقة اقول ايغو ايغو ايغو وانا بنفخ كده ، ولما اكون عايزة انادي زول مزهجني اقول ليه يااااااااااااااااا بصوت عالي كده ف نص الشارع ، بحس اني محتاجة اعيش بالمصطلحات دي بجد انتو فاهمني!؟

عزيزي الرجل لو حابي تتعرف على واحدة من مواقع التواصل الإجتماعي تحديدا اوع تبدأ كلامك معاها ب (ممكن نتعرف؟؟ ) السؤال دا عندنا نحن البنات معناته انك زول وهمي ساي ، وما اظن في بت طبيعية حتفكر تتعرف ليها على زول وهمي فحيتم تجاهلك بنجاح :) حتقول لي طيب اعمل شنو ؟؟؟ جوابي دا بعتمد على هدفك من التعارف دا زاتو ، اذا كنت مثلا النوع الحاسي بفراغ وداير يمسك زمن ببنات الناس في ونسة ما منها فايدة من نوع اسمك منو وانتي من وين وكيف الشغل وكيف ناس البيت كمقدمة ممتازة لعلاقة عاطفية عابرة ، انصحك تكسر الحنك بدري بدري والله ، لأنو نحن بقينا ما زي زمان ، يعني رفاهية المكيف البارد ، والخدمة الرخيصة والشنو شنو شنو البتدعم الموضوع دا بقت ماف :) فأنا كأخت بنصحك تستثمر وقتك الفاضي دا في اي شغل يفيدك ويفيد ناس بيتكم ويساعدك تأسس عشان تعرس عديل . أما لو انت النوع البعيد من ارض الوطن او حتى ما بعيد لكن ما بتعرف تتعامل مع بنات بصورة مباشرة  وداير ترتبط وتعرس جادي ، فما انصحك بالصراحة المطلقة من البداية :) يعني حنك السلام عليكم انا اسمي سعيد فتحي ، عمري ٣٠ سنة ، مغترب قطر وداير اتزوجك جادي ، دي ما بتشتغل مع البنات ، عارفين ليه ؟؟؟ لأننا اساسا ما قعد نصدقكم :) واي واحدة فينا لما تلقى مسج زي دا بتكون عارفة انو الوهمي الرسلو عمل تحديد للجميع وشاتو ومنتظر البترد اول  ، وما حتعبرك برضو الا لو هي ذاتها وهمية وبصراحة ما بنصح بالنوع دا من الزيجات عشان نقدر ننجب ذرية تبنيهو ما دام نحن فشلنا :( حتقول لي طيب اعمل شنو يعني ؟؟؟ ما تستعجل ياخ هندا دايرة اوريك :/ ١. ما تختار بصورة عشوائية ، يعني ما اي صورة بروفايل سمحة طوالي تلبس ستها الزفاف وتلبس بدلتك وتتخيل روحك في الجرتق ، اي السماحة طبعا مطلوبة لكن الشخصية كمان مهمة ودا الحيسوقنا ل اتنين ٢.شوف طريقة كلامها ، تعليقاتها على ردود الناس ، الحاجات البتشاركها وحتى القنوات البتعلق عليها ، الموضوع دا بعكس ليك كم وتمنين في المية من شخصية الزول وحتقدر تعرف اذا بشبه تفاصيلك ولا لا من الحتة دي قبل ما ترسل ليهو زاتو :) ٣. رسل لكن ما اول ما ترد طوالي تجي منكشح زي الزول المتكل في الباب وفتحوهو فجأة فجا واقع ، خليك تقيل حبة نحن ذاتنا ما بنحب الرجال الخفاف ، بنحسهم بتخاففو مع كل البنات والمتاح دا في اي قانون كوني بمسخ ليك صراحة :) ٤. قلنا فوق ما حترسل طوالي مش ؟؟ الحمد لله انكم متذكرين عشان ما حتخشو الخاص قريب ، حتبدو بالونسة فالقروبات، وما ونسة شترا عليك الله ، النوع البكون كلام في جهة الرد في جهة داك ابعدو منو ، ولا يكون ونسة انبراش ورقاد رز والحركات البتعملوها دي ، كلام يكون رزين ومقعد وليهو علاقة بالموضوع يحصل نقاش واخذ وعطاء وتاخد بالها من وجودك :) ٥. دي كان مفروض تكون اول وحدة والله ، ناس الأسماء الوهمية ديل ماف بت قعد تركز معاهم طبعا ، طائر الظلام ، وقلبي مليان احزان ، والتنين المدمر واسماء الشفع دي المهم ما يجتهدو في الخطوات الفوق دي الا لو غيرو اسمائهم بأسماء حقيقية وصورة حقيقية حتى لو شين ما مشكلة المهم تكون ظريف :) ٦. بعد تعلق كم مرة في القروب على فترات متباعدة عشان ما ممكن تكون صابيها زي العاطل ودايراها تركز معاك ، لازم تختفي وتظهر حسب أهمية الكلام الكاتبهو وقدرتك على اثارة نقاش محترم قادر يبهرها ويحسسها انك زول فاهم :) ٧.دي بقى يادوب مرحلة الخاص الممكن اقدر اضمن ليك فيها نجاح لا بأس به :) ٨.ما تنبرش طوالي ٩. اتعامل كصديق وأخ ١٠.بعد تحس بيها اتعودت عليك حتى ابدأ لمح ١١. لقيتها اتقبلت التلميح اطرح عديل . ١٢.امشي البيت اخطبها ، اخطبها ما تعقد عشان انتو لسه ما بتعرفو بعض كويس ١٣.اعرفو بعض كويس ١٤.عرسو :) ١٥.اعزموني العرس ^_^

: يَتَّعافى المَرء إذا قَلّل عِلاقاتُّه✨.

‏: إنهَا مَسؤوليتِّي، أن أجعَل أيامِّي سعَيدة✨.

: أختَيارك للشخَص إللي تحكِيله مشاكلك أهَم مِن مشاكلك نَفسَّها .

" أُحِبُّ كُلّ ما لا يَلتفِت لهُ الآخرُون".

ياليته هُنا لكان الحزُن مني ما دنا بقربِه كلُ أيامي هَنا! 🦋🦋🦋🦋🦋🦋🦋🦋.

تجنبي قلباً مسموماً للحُبِ لا ينتمي!💗