Pink space 🪷

نعاودو نرجعو نديرو daily challenges !! I want May to be a month full of productivity

المقاطعة اسلوب حياة مش ترند

I think had l canal nkhaloha ll podcasts 🪷✨ 🔽🔽🔽 https://t.me/pinkspacee

نديرو كانال تع صوتيات و بودكاست؟

Follow us on instagram: (then.rx)

مهم مش كل علاقة لازم تكون صحية و مش كل ام تعرف كيفاه تحب بنتها بالطريقة لي تحتاجها حسب ملاحظاتي من حياتي و من بزاف ناس روماركيت بلي اغلب الاطفال لي يجو مستقلين نوعا ما هوما لي تلقاوهم كي الاعداء في لافامي ، علاه ؟ بزاف امهات يحسبو بناتهم امتداد ليهم مش كائن منفصل بعقلية منفصلة و تفكير منفصل ، رح يشوفوها تمرد و يحسو بالتهديد دونك يديرو البوسيبل بش يقمعوك و يهشموك حتى تولي تابعة ليهم ، سمعا و طاعة حتى لو كان الشي يأثر على صحتك النفسية و العقلية و اكثر كائن يحارب الفردية و التميز هي الام لي جابتك ، الاستقلال بجميع اشكاله في حدود الدين و طاعة ربي سبحانو مهوش جريمة بصح تهديد حاذق لاشخاص ترباو على الطاعة العمياء دونك تلقايهم طاقتهم الكل يحطوها فيك بش يخضعوك حتى لو كان بالقهر ، العقوبة دون سبب ، التفرقة بينك و بين خاوتك مش كل علاقة مضطربة بين ام و بنتها معناها كاين سحر تفرقة و كذا ( حسب تجربتي ) المشاكل لي بين الام و الطفلة عموما لي يبداو من سن بلوغ الطفلة سن معين ( على الاغلب مين تطلع ليسي ) سببه تراكمات طريقة تفكير الام و اسلوبها في التربية و توقعاتها المبنية من اجل ارضاء المجتمع و غرورها ، و المحاولة تعها بش تسيطر عليك و على حياتك و قراراتك و بالتالي مستقبلك ، هذا مش سحر ذي مجرد مباراة في علاقة سامة مبنية على التحكم و التلاعب النفسي WAKE UP

السلام عليكم ورحمة الله وبركاته رح ننشر فالقناة الثانية بعض من المقالات و المعلومات والبعض من المواضيع الفلسفية والتي تخص العلوم الإنسانية 💕 https://t.me/theunseenfiless

مهم بنوتي بش متقوليش منقدرش بابا يمدلي 200دج مصروف اليوم و انا نقرا في طرف الدنيا ( دايرة ابونمو تع تران و ميطرو و طرام يعني هذو الحمد لله سلكوني سما اذا منصرفش نصرف غير 50دج حق طرونسبور) منيش خيرمنك بش نبدا نكريي بلان كفاه نلم دراهم بش نعاود شمبرتي 🤭 كوني ذكية و اقفزي على عمرك انا مديت الفكرة و نتوما اطرحوها و قسموها حساب ظروفكم و اهدافكم ، شهر شهرين ، منا على عام تبان النتيجة ان شاء الله ربي يقدرني منفتحش البيغي بانك حتى آخر العام ربي يقدرني عليها و يطول في عمري ( دراهم تع لابورس الجايين ان شاء الله تان نحطهم فالبيغي بانك ديركت ( رابال تع جانفي و فيفري و مارس نويت نتكسى بيهم و صافي )

مهم كي العادة و العوايد فضفضة و شوي نقاش نستفادو عندي زمان ونا نسمع بمقولة المال يفسد الطبع و بحكم تربيت في بيئة قيس يعني مكاش دراهم اكسترا كنت نشوفها يزيدو عليها و بس و كنت نقول كي نلحق ليها ندير و ندير مهم صححح المال يفسد الطبع الا من رحم ربي ، كنت نشوف روحي في ذكية منهم عندي الذكاء المالي طلعت نفخة والله اول حاجة تقسيم تع دراهمي فري مش منظم ، يا يروح مصروفي ماكلة كي نسخف ، يا نشري حاجة منحتاجهاش يا نخبي و نشح يعني راكو تشوفو ؟ البارح ونا نغسل فالماعن جاتني ذي الفكرة قلت نجربها شهر ( لي تحب تجرب تان ) و نردلكم بالخبر دونك انا حاليا حبست الخدمة لأجل غير مسمى دونك رح ندير الحساب غير دراهم طرونسبور تمام ! انا ضك خرجت 4000 ، 1000 راحت فليكسي لشهر مارس ، و نحيت 600 تاكس تع لابوست تع ليكوليي لي رح يلحقوني ذا الشهر ، و جصب شحال صرفت اليوم ، مهم نقولو بقات 2000 نحي منها 1000 نكمل بيها شهر تع طرونسبور (شغل رح نحاول نوجد بادج تع طرونسبور في اول شهر مش كيما موالف يمدلي بابا يا في بداية السمانة يا كل يوم و مصروفه ) و في نفس الوقت المصروف لي يمدولي بابا كل يوم نخبيه ف بيغي بانك ( حصالة ) حسبت ابيبري نخبي 2000 فاللخر تع شهر مع 1000 تع شهر لي وراه و 1000 تع فليكسي تع الشهر الجاي ( دراهم طرونسبور و فليكسي تع شهر افريل) تقولولي علاه الحساب و الدوخة هذي خوتي الدراهم توجور ينقسمو على ثلاث ، و حاولت نكريي طريقة لي تناسب الاغلب يعني ( تقدرو ديرو حساب للشهر الجاي و تبداو عادي ) أيا يقلك الدخل يتقسم على 3 ، الثلث الاول على الاشياء الضرورية ، معلباليش بالاك ليسارفيات ، دوا تع بيريود اي حاجة معلباليش ، كيما انا عندي الفليكسي مهم الثلث الثاني للاستثمار (مراحش نديرو هذا الشهر تان ، الثلث الاخير لي تخبيه ، هذا كي تخبيه ما تمسيهش كامل حتى تلحقي الهدف تاعك لي خبيتيلو دراهم. ذهب ؟ تلفون ؟ بيسي ؟ مهم انا درت البوست هذا بش منا على شهر ان شاء الله نزيد نجي ليكم و نقلكم اسكو حققت الهدف المالي ديالي او لا ( نخبي 2000 بلا ما نصرفها بعيدا على دراهم لابورس و دراهم الخدمة )

واش رايكم؟ جاكم الإحساس هذا من قبل؟ شاركوني رايكم

سلام عليكم التلاعب بالعقول... موضوع واسع بزاف، بصح اليوم حبيت نحكي على جانب واحد مهم: الصداقة. شفت بزاف منشورات في القروبات وقلت علاه ما نعاونش البنات بش يفهموا كيفاش يحطوا النقاط على الحروف. تخيلي تكوني في علاقة، صداقة ولا غيرها، لكن دايما عندك إحساس غريب، شك، عدم راحة... هل هذا طبيعي؟ هل هذه علاقة متوازنة؟ اليوم رح نحكي على العلامات لي تخليك تعرفي إذا كنتي فعلا في صداقة حقيقية، ولا مجرد استغلال مقنع. 🚨 علامات تدل أن صديقتك تستغلك، حطي النقاط على الحروف! 🚨 📌 1. دايما تطلب وما تعطي والو ديما عندها حاجة تطلبها: دراهم، خدمات، وقت، دعم نفسي و عاطفي .. بصح كي تحتاجيها، ما تلقايهاش. إذا لاحظتي أنك ديما الطرف اللي يعطي وهي عمرك ما شفتي منها خطوة بش تعاونك ول على الاقل تعرض المساعدة ، فهنا لازم تراجعي العلاقة. العلاقة لازم تكون فيها تبادل، مش طرف يعطي وطرف ياخذ بلا مقابل. الصداقة مش "صفقة تجارية"،بصح لازم يكون فيها توازن، وإذا انتي الوحيدة لي تبذلي مجهود، فهذي علامة خطيرة. ولازم تراجعي روحك و تسلكي روحك من المستنقع قبل متغرقي كثر و تجيك ثقيلة و صعيبة كفاه تتخلصي من العلاقة هذي 📌 2. مشاعرك ما عندها قيمة عندها تحسي روحك مهمشة؟ كي تحكي على مشاكلك، ترد عليك بعبارات كيما: "يخي هذا حاجة تزعف؟ دراما كوين!ايه هذي برك كون تشوفي ناس مسكينة تع الصح من وش تعاني " تحاول تقنعك بلي مشاكلك تافهة، بصح مشاكلها ديما مهمة. العلاقة السامة تخليك تحسي أن مشاعرك بلا قيمة، وهذا مؤشر خطير! كل مرة تحاولي تعبري على مشاعرك، تحسسك أنك تبالغي أو أنك حساسة بزاف، وهذا يخليك تشكي في إحساسك وتولي تتجاهلي مشاعرك. و ذي اسوء حاجة يا لبنات انك تتجاهلي مشاعرك صدقيني في البداية تحسيها دليل على القوة النفسية ديالك مي مع الوقت صدقيني رح تعاني ابسط شي تولي تبغي تخففي من الخنقة لي فيك خمس دقايق تقولي ايه بصح ذي متستاهلش و كي تدوم ذي الحالة رح تولي بعد تتجاهلي مشاعر الناس و حرفيا ذي اسوء نقطة يشوفوك الناس باردة قلب سوغتو لي تكون علاقتك معاهم متوازنة و تكون لازم عليك تدعمي في ذيك النقطة و هنا رح تخسري علاقة متوازنة صحية صادقة و تجذبي علاقات توكسيك لا ارادياا 📌 3. تلعب على مشاعرك باش تتحكم فيك "إذا كنتي صحبتي تع الصح و تشتيني راكي ديري هذي الحاجة بلا ما نقولك انا ." تستعمل أساليب الابتزاز العاطفي، تجيبك لعالم "إذا تحبيني لازم..." العلاقة الصحية مبنية على الحرية والاحترام، مش على الضغط والتلاعب. كي ترفضي حاجة، تقدر تولي تزعف، تحسسك بالذنب، أو حتى تهددك بطريقة غير مباشرة باش توافقي على كلامها. 📌 4. الغيرة السامة والفرح بفشلك لما تنجحي في حاجة، تحسسي بلي عندها غيرة غير طبيعية. "اه مليحة، بصح شوفي فلانة خير منك!" بدل ما تفرحلك وتشجعك، تحاول تحبطك ول تستصغر انجازاتك باي طريقة كانت تقلك هيه هذمكان انا ندير ما خير بتمسخير ول ندير هذي الحاجة لي تعبتك و استنزفت غير باللعب و الرقاد علاه راكي فرحانة بذي شوي تع الانجاز تقدر حتى تتجاهل إنجازاتك أو تقلل منها باش ما تحسيش بالفرحة و تحسي بعدم الانجاز مرات تلاحظي بلي كي يصرا لك مشكل، تظهر مهتمة ولكن في العمق تحسي بلي فرحانة لأنك في وضع ضعيف. 📌 5. تحسي بروحك مستنزفة بعد كل لقاء كل مرة تخرجي معها، تحسي بتعب نفسي وعقلي؟ إذا العلاقة تخليك تحسي بالإرهاق بدل الراحة، فهذا دليل أنها مش في صالحك. العلاقة الصحية تزيدك طاقة إيجابية، أما العلاقة السامة تستهلكك نفسيًا. دايما تحتاجي وقت طويل باش تتعافي بعد لقاء معها، وتشعري بضغط نفسي كبير. واش ديري؟ #حطي_حدودك: لازم تكوني واضحة مع نفسك ومع الآخرين على الحاجات لي ما تقبليش بيها في علاقتك. متخليش شخص يستغل وقتك، طاقتك أو مشاعرك بلا مقابل. قولي "لا" بلا خوف ولا تبرير. #اختبري_العلاقة: جربي تطلبي منها خدمة أو تدخلي في موقف صعب، وشوفي كيفاش تتعامل معاك. الصديقة الحقيقية رح تكون واقفة معاك، مش غير كي تحتاجك. #راقبي_إحساسك: ديما اسمعي لنفسك! إذا كل مرة تحسي بالإرهاق، القلق أو الإحباط بعد التعامل معها، فهذه إشارة قوية أن العلاقة مش صحية. #واجهيها_بصراحة: إذا كنتي حاسة أن العلاقة متعبة ليك، جربي تهدري معاها بصراحة. قولي لها كيفاش تحسي بدون خوف من ردة فعلها. الصديقة الحقيقية رح تفهم وتقدر مشاعرك. #خذي_مسافة_إذا_لزم_الأمر: إذا شفتي أن الحوار ما جابش نتيجة، خدي خطوة للوراء. مو ضروري تقطعي العلاقة نهائيا مباشرة، بصح تقليل التواصل يساعدك تشوفي الأمور بوضوح أكثر. #كوني_مستعدة_تخسري_اشخاص_باش_تربحي_راحتك_النفسية: هذا أهم قرار لازم تاخديه! مش كل شخص يدخل حياتك لازم يبقى فيها. بعض العلاقات لازم تنتهي باش تحسي براحتك الحقيقية. الصداقة الحقيقية ما تجيش على حساب راحتك النفسية، وإذا الشخص الوحيد لي يستفيد من العلاقة هو الطرف الآخر، فأنتي لازم تعيدي النظر فيها. 💬

خاطرش سيريو ، الواقع تعنا لي رانا نعيشوه مجرد تجسيد لطريقة التفكير تعنا ، فهمتوني ياك ! كنت نسمعها و نقول اووو زادو عليها مين بدلت تخمامي صح تبدلت حياتي و تبدلو الناس حولي و تبدلت حتى معاملتهم ليا ، وليت عزيزة

انا منيش انانية انا نستاهل غير الحاجة المليحة انا مشي مبذرة ، منحبش نخلي حاجة تحرق في قلبي انا مشي بهلولة ، انا محافظة على الجانب الطفولي ديالي و منحشمش بيه انا منكرهش التجمعات ،نكره المنافقين انا ماشي باردة قلب ، انا مؤمنة بعوض الله و رحمته انا مشي قبيحة ، منحبش نسكت على حقي لبنات تبناو هذي الفكرة ❤️

🎀

حبيت نقلكم بلي كملت الاكزام نوعا ما و رح نبدالكم السلسلة تع البزنس لي حكيتلكم عليها فالقروب الاخر (راني فتحت نافذة اسمها business/ ecommerce ) مدابيا كامل تحضروها و تستفادو منها 🎀 رح نحط أول جزء اليوم على 6 مساءً بإذن الله و مدابيا نلقا تفاعل عليه بسك راني نعصر في مخي بش نمدلكم حاجة تفيدكم 🎀 بعد نهاية كل عنصر رح نفتح فترة مناقشة و في الاخير تع الدورة بإذن الله بعد ما تتشربوا من المعلومات و تنطلقوا في المسيرة ديالكم رح نفتح فقرة تع استشارات ، نستقبل فيها اسئلتكم و نجاوب عليها لفترة محددة

🌸 : واش هي نصيحتك دايما لينا؟ نصيحتي هي اخرجو من دائرة التفكير والخوف وعيشو حياتكم، جربو كل شيئ يشعل داخلكم الحماس، متحط حتى قيود ولا حواجز لقدراتك، بيسك مارح تعرف امكانياتك الحقيقية الا مور ماتجرب وتكسر حاجز الخوف، و حب ذاتك و اتقبلها واحتويها، لانك لما تعرف قيمتك مارحش تنحط فزوايا مؤلمة تخليك تشك اذا كنت تستحق هاذ المستوى من المعاملة او افضل، كي تعرف ذاتك مرحش تقعد ثانية وحدة فعلاقات متعرفش مصيرها ولا راح تسامح ناس لي عاملوك اقل مما تستحق، واخيرا انت كائن ذكي جدا وقابل للتطور، وسع قدراتك ومهاراتك واكتشف شغفك بحب، متسمعش للمحبطين ولي معمرين بمشاعر الخوف والشك، الحياة فيها وفرة وخير بزااف لهذا استغلو كل لحظة فيها ✨ نور

تفاعل راه ناقص مالڨري المحتوى راه مميز 🔪😃 تفاعلو مع لي بوست لي لفوق 😭😔