روايـات آية مصطفى فرغلي.

اول يوم في قراية فاتحتي.. لاقيت رسالة من خطيبي بالليل كدا ف السهرة بيقولي فيها بصي يا آية انا غلطت كتيير في حياتي من قبل اول خطوة اخطيها معاكي؛ عارف ان ربُما أخطائي متتغفرش لو عرفتيها بس ال اعرفه دلوقتي أن الأخطاء دي مش هتتعمل ف وجودك مهما حصل .. لاقيت نفسي تلقائي بسأله انت بتحب البانيه؟ اصل انا بحبه قوي ؟ الموبايل بتاعي بيرن ، رديت عليه، بصراحة كانت اول مره اسمع صوت شاب ف تليفون بيكلمني فتحت وسكتت! لاقيته بيقولي وهو بيضحك، بقى اتكلم معاكي ف كلام هيحدد علاقتنا تكَمل ولا لاء وانتي بتساليني بحب البانيه ولا لاء ؟ ايوا يا ستي بحب البانيه ، ها اي تاني؟ بتحب الشاي؟ اه بحبه ، ها اي تاني؟ بتحب آية ؟ لاقيته سكت شوية .. وبعديها بيقولي عارفه امتى عرفت اني بحبك ؟ قولتله امتى؟ قالي لما بطلت اعمل حاجات كتير غلط ، علشان ترضي بيا ، كنت بغلط ايوا، بس كنت بخاف خوف مش طبيعي، مع انك متعرفنيش ، وخطوبتنا صالونات ، بس كنت عايزك قوي ، محتاجك انتي مع ان حواليا كتير .. وانا مسمحاك حتي لو متقبلتيش اغلاطي؟ ان سمحت تحكيها؟ مش هتخليني احكيهالك؟ لاء طبعا، مطلتبش ومش هسمحلك تجهَر بذنب سواء قدامي أو قدام غيري .. انا قبلتك كدا زي م انتَ ف اول لحظة جيت فيها ف بيتنا ، وحسيت قلبي راضي عن فلان ابن فلان، ومسمحاك على ال عدى مهما كان.. لو قولتلك اني حبيتك اكتر؟ عيب ياراجل دي حتى لسه اول مكالمه بينَّا بحبك والله ، ومش راضي الا بيكِ الله يرضي قلبي بيك ، ويجعلك السند الصالح ليا،إن شاء الله.. #اسكريبت -آية مصطفى فرغلي.. متنسوش إن تقدروا تطلبوا رواياتي "اليازوغ وكلوديا" من دار مختلف للنشر والتوزيع، متوفرة دلوقتي وبسعر مناسب جدًا وعليهم تخفيض💗

الإقتباس الأول من رواية كلوديا..

ال كلم الدار امبارح بخصوص حجز الرواية، يبلغني علشان اوقعلكم عليه👈🏻👉🏻

حبايبي عملالكم تخفيض علشان خاطركم وهيكون سعر الرواية داخل معرض الكتاب ب 60 جنية بس، اي خدمة 😂💚💚💚💚

كل ال بيحبوا يقرأولي يتجمعوا هنا، عملالكم عرض من النهاردة لحد أيام المعرض، تخفيض لسعر رواية كلوديا + مصاريف الشحن لأي محافظة ب 90 جنية بس وعاملة عرض على رواياتي الإتنين، كلوديا واليازوغ بمصاريف الشحن 150 بس يعني عرض ولا اروع، يلا مش خسارة فيكم، وبحبكم قوي وشكرًا لدعمكم😂👉🏻👈🏻 للتواصل لطلب الروايات يرجي إرسال رسالة على رقم الدار 01018947986

https://m.facebook.com/story.php?story_fbid=pfbid04T8uFw5HScDjha7qKdAxrDS3Dtpv5Dszn1RYaDNz23mofrABEFWucP8ESPBbQS1Dl&id=100066834733451&mibextid=Nif5oz متنسوش تدعموني على بوست الفيس نفسه علشان الاك معمولة تقييد ومش بيوضل اعملوا كومنتس كتير💚

خلص يومنا ال مكنتش اتمنى يخلص أبدًا وخلاص عامر اتفق مع بابا وقرر أن يمشي انا بصيتله ال هو انا فعلًا من جوايا موافقة على حد؟ اصل كان قرار صعب جدًا جدًا ازاي قلبي مفتوح لحد من يوم وليلة؟ مشي عامر خلاص ودخلت الاوضة بفكر في ال حصل يادوب لسه هقعد على سريري لقيت موبايلي رن رقم غريب قلبي قالي أنه هو مش عارفة ليه فتحت، رديت الو؟ عامر: اكيد وحشتك صح؟ انا باستغراب، هو انت لحقت تمشي اخر شارعنا حتى،في اي يا جدع، مش كدة عامر: خلاص خلاص، انا قولت اشوشر على تفكيرك شوية انا: اممم عامر: خلاص خلاص، عمومًا لما اروح البيت هكلمك. انا: تكلمني؟ هو انت فاكر انك بقيت خطيبي خلاص ولا اي؟ مش لسه هفكر ونرد عليك ب ايوا أو لا؟ عامر: ايوا او اي؟ لاء مفيش الكلام دا أن شاءالله، انتي روحي اعملي حاجة مفيدة بس لحد ما ارن عليكي علشان اقولك هنلبس اي في الخطوبة. انا وانا مبتسمة مش عارفة ارد اقول اي: دا انت زنان بقى عامر: هو الإنسان لو مش زنان مع حبيبه هيكون زنان مع مين؟ انا: هتشششل منك. عامر: مش مشكلة المهم ال هيشلك انا 😂 فضلت اضحك وقفلت السكة في وشه، يادوب مكملتش وبابا دخل، اي رأيك؟ انا: هو في أي؟ انتوا كلكوا مستعجلين ليه انا عايزة افكرررررر بابا: بس انا حسيتك مبسوطة انا: اي دا بجد، هو باين عليا قوي كدا بابا: انا شايفة محترم وعنده اخلاص وكمان شاب شاطر جدًا، وشاطر في شغله ومجاله وعنده الإمكانيات ال هتريحك، وكمان بيحبك ورايدك. انا: بصراحة هو انا موافقة، بس مش من يوم وليلة هنرن عليه نقوله موافقين، احنا نستنى شوية. بابا خلاص براحتك، بس عمومًا فجأة ماما فتحت الباب وقالت، بس عمومًا الف مبروك يا عروسة يا قمر. ضحكت جدًا وقتها وقلبي راضي، بس قررت اصلي استخارة، وافكر كويس جدًا برضوا قبل ما اخد خطوة مهمة زي دي في حياتي آخر الليل اتوضيت وصليت وحسيت قلبي راضي جدًا، مكملتش ولاقيتني نمت. صحيت من نومي على صوت رنة موبايلي للمرة العشرين. انا: عامر انت مبتزهقش عامر: مش برن عليكي، كنتي فين انا: كنت نايمة عامر: يا شيخة كنتي قولي كدا انا: كنت اقولك ازاي يعني وانا نايمة مش فاهمه عامر: مش عارف عمومًا كنت هصحيكي برضوا😂. انا في سري، باااااس انا عرفت مين ال هيجبلي جلطة في حياتي، هو دا الاختيار الصح ال كان مفروض يجي من زمان. ابتسمت جدًا، وحسيتنس مبسوطة قررت اتعرف عليه اكتر اليوم دا، وبدأ يتكلم عنه كتير وعن اعجابه بيا وحلمه الكبير أن أكون زوجة صالحة ليه في يوم من الأيام، بصراحة كنت حابة كلامه جدًا، شخص عفوي تلقائي جميل طفولي جدًا، انتهى يومنا وقفلنا الكلام.. بعديها باسبوع لاقيت عامر ومامته وباباه واخته صحبتي، عندنا في البيت بعتله على الواتساب مش تقولي انك جاي؟ لاقيته بيقولي لا، انا بحب المفاجئات وبعدين انتي اي الحلاوة دي كلها امال لو كنتي عارفة أننا جايين كنتي هتبقي قمر اكتر من كدا اي، الله واكبر الله واكبر الإنسان خايف يحسدك. وتمت الشروط على خير اعزمكم في خطوبة عامر وخطيبته بقى😂. #تكملة_اسكريبت_عامر. - آية مصطفى فرغلي. متنسوش أن روايتي كلوديا نازلة معرض الكتاب السنادي صالة2 جناح A45 دار مختلف للنشر والتوزيع .

انا وهو ضحكنا على كلامنا 😂 حسيت بنسبة كبيرة قبول ف قلبي اتجاهه. انا: طيب سؤال. عامر: قولي. انا: انت مش قولت قدامك سنتين؟ عامر: اصل لو بعديهم جيت ولاقيتك مخطوبه هقتلك انتِ وهو طب وعلى اي؟ احنا نستولى عليكِ مره واحده كدا علشان محدش يجي ياخد مكاني وابقا ضامن ان وجودك ليا. انا: الكلام دا بيوترني. عامر: لاء اتعلمي ميوتركيش ياختي هتسمعي زيه كتير بعد كدا.. وتمت قراية الفاتحه بحمدالله وجواز صالونات/ ماصونات سعيد وجميل♥️ ملحوظة 📢 متنسوش أن روايتي " كلوديا" نازلة معرض الكتاب السنادي، صالة 2 جناح A45 دار مختلف للنشر والتوزيع . #اسكريبت. - آية مصطفى فرغلي.

كنت قافله سوشيال وبعدت عن الوسط نهائي لمدة شهر تقريبًا. فتحت الموبايل لاقيت اكتر من 25 رسالة. من واحد اسمه عامر ، استغربت مين عامر دا؟ واي الرسايل دي كلها قعدت اقرأ .. لاقيت معظمها رسايل حُب وامتنان لشخصيتي وتفاصيلي ووجودي .. وفي وسط الرسايل كام رساله كان بيستغرب مني انا مش ظاهره ليه.. مبقتش عارفه أرد ولا لاء، طب مين عامر دا وباعتلي كدا بناءًا عن اي رديت: حضرتك مين واي الرسايل دي كلها. وبعد 25 دقيقه بالظبط: رادد بشغف انتِ كنتِ فين ومالك حاصل معاكي حاجه، انتِ كويسه؟ انا برضوا مش عارفه ادي ردة انفعال معينه لحد دلوقتي ، اصل واحد معرفهوش وف نفس الوقت كلامه لطيف، ولا انا عارفه اهاجمه ولا اتفاهم معاه بدون جرح. انا: استاذ عامر هو حصل م بينا اي شيء مسبقًا باعتلي كل دا بناءًا عنه، اصل انا فاكرة كويس اني متعرفتش على حضرتك قبل كدا عامر: لاء محصلش بينا حاجه شخصيًا.. بس انا بحبك من 3 سنين. مش انتِ صحبة ياسمين؟ انا: ياسمين مين؟ عامر: ياسمين طاهر كانت صحبتك في الثانويه انا عامر اخوها ، بحبك من 3 سنين وعايز اكلمك من فتره طويله بس خايف. انا: استاذ عامر حضرتك مستوعب بتعمل اي دلوقتي؟ وردات فعلك وكلامك الغير مسموح دا بالمره. ^^^^^^^^^^^^^^^^^^^^^^^^^^^^^ عامر: عايز اتجوزك. انا: وباب بيتنا قصّر مع حضرتك في حاجه؟ عامر: قلبك هو ال مقصّر. انا: نعم!!!!!! عامر: بصي انا قاعدلي سنتين وعايزك وخايف في ال سنتين دول اجي الاقيكي بتحبي حد وفي حد ف حياتك.. ف بالله عليكِ متسمحيش لاي فرصه لحد ما اجيلك. انا: حضرتك دلوقتي سألتني اذا كان في حد في حياتي حاليًا ولا لاء؟ اي الثقة دي. عامر: ياسمين قالت انك مش مرتبطه. انا: هو انا لازم اجي احكي لكل واحده انا مرتبطه ولا لاء؟ يمكن بحب شخص بيني وبين نفسي ومش حابه حد يعرف عادي.. روح يا استاذ عامر شوف حياتك انا مش فاضيه للكلام دا عامر: هتحبيني انا. انا: هو بالعافيه؟ انا مش سكتي احب حد ف ابعد عني علشان اسلوبي وحش وممكن يضايق حضرتك. عامر: هبعد حاضر. وقفل. بعديها ب 12 ساعه . لاقيت رساله مبعوتالي." صباح الخير" . انا: شوفتها من برا وعملت نفسي مش واخده بالي ان في رساله اتبعتت من عامر. عامر بعد ساعتين: انا هقعد مع والدك النهارده. لاقيت نفسي بفتحها بسرعه، قلبي اتقبض. عامر: مش بتردي برضوو؟ شوفت رسالته ومردتش عليه. بس عامر دا حلو قوي ليه كدا، بصيت لصورته ع الابلكيشن باين عليه شخصية جميله ولطيفه كدا ، أيعقل يكون شاب هامشي وكل كلامه دا شغل عيال وتقضية وقت؟ قفلت الموبايل خالص وفضلت قاعده متوتره. الساعه جت 9 بالليل بابا قاعد جمبي اهو والبيت كله قاعده مفيش حاجه. يعني لو كان هيجي كان جه من بدري؟ ولو اتكلم مع بابا كان بابا فتح معايا الموضوع.. لسه يدوب بتكلم ف سري لاقيت جرس بيتنا رن .. قلبي اتقبض وقومت واقفه ولا ال زي ميكون عليا طار. البيت كله بصالي واستغرب ، اي دا هو في اي؟ دخلت اوضتي وعملت نفسي ولا اكن في حاجه. وبابا خرج فتح الباب . طلعت من الاوضه وببص لاقيت شاب واقف لابس قميص حاطه جوا البنطلون وشوز قمر كدا ... _ بركز كويس اي دا ، دا عامر؟؟؟!!!! _ دا طلع كلامه بجد. فضل كلامهم مع بعض ساعه وماما طلبت مني اتجهز والبس اي حاجه لطيفه كدا. معرفش كنت بلبس بنِفس وفرحة ليه مع اني كان اول مره يحصل م بينا كلام وقت رسالته، واول مره شوفت فيها صورته قلبي اتخطف.. ايعقل الصالونات يطلع حلو بالشكل دا؟ او حبيته من اول نظره؟ بفكر وانا بلبس لاقيت ماما فتحت الباب وبتقولي تعالي اقعدي مع العريس ال متقدملك يمكن تكون فتحة خير.. انا بانفعال: ليه لك انا بايرة ولا اي؟؟؟؟ ماما : لاء بس باين عليه شاب رزين وعاقل كدا. انا: عجبك؟ احلفي كدا .. ماما: شاكة فيكِ انا: والله والله والله معرفهوش بس انا من اول مشوفته مرتحاله معرفش لي ماما: امممم، شوفتيه فين؟ انا : مره من على الباب ومره؟ ماما: مره فين وهي بتضحك. انا: ياست ابقا افهمك بعدين. ^^^^^^^^^^^^^^^^^^^^^^^^ خرجت وبابا خلاني اسلم عليه وقعدت جمبه انا استغربت يعني من اول مره يجي فيها بيتنا بابا يخليني اقعد معاه؟ غريبه جدا. قعدت جمبه ومكسوفه جدًا ، حاسه ان في ماية باردة اتكبت عليا حالًا. عامر: انا اتكلمت مع والدك من فتره ودي تاني مره اكلمه وجيت البيت. انا: اي دا بجد؟ وانا استغربت هما خلوني اقعد معاك ازاي؟ اممم انت بقا صاحب الرسايل الكتيره دي؟ عامر: ايوا انا، حاسس اني عاجبك. انا: اتوترت وسكتت. عامر: وحاسس انك هتوافقي ، على فكره انا حلو برضوا، ايوا انتِ قمر اربعتاشر بس انا مش وحش عليكِ انا: بابتسامه كدا لاء بس انا كنت عايزه واحد عنيه خضره. عامر: هحطلك لينسيز حاضر اي تاني؟

https://m.facebook.com/story.php?story_fbid=400293012352663&substory_index=400293012352663&id=100066834733451&mibextid=Nif5oz لينك بوست الفيس بتاعتي عايزاكم تظهروا هنا وأشوف مين مهتم♥️♥️

ولإن كل ال قرأ الرواية دي عجبته، وكله حابب الإسم وكتير سألني عليها، ف انا حبيت تكون مفاجئتي ليكم السنادي إن أنزل بيها ك عمل جديد من تاني في معرض الكتاب بغلاف تاني مختلف وزي السُكر، وأنا واثقة أنها هتعجبكم جدًا بإذن الله وهتعيطوا فيها كتير جدًا جدًا 😂♥️ عايزة احرق جزء كدا من الرواية وأقول إن بلال حب كلوديا اكتر من رضوان🥹 مستنية رأيكم ومباركتكم وفرحتكم لآية..

انتظروا غلاف روايتي كمان شوية، عايزة كل ال في الجروب ينبهر بيه ويجيب ناس تنبهر معاه علشان مبسوطة جامد😂💜💜💜💜💜💜💜

أحب اشكر ال دخلوا القناة مخصوص ومهتمين يقرأولي ♥️♥️♥️♥️♥️♥️♥️

بالنسبة لرواية السنادي انتظروا الغلاف قريبًا ♥️♥️ ومش هنساكم اكيد بعد امتحاناتي هبدأ انزلكم روايات تقرأوها وتكتبولي رأيكم🤍

رواية اليازوغ، من الطف الأعمال ال كتبتها حقيقي، معتقدش إن ممكن حد يقرأها ومتأثرش في قلبه، نزلت العام الماضي وهتكون متوفرة في معرض القاهرة الدولي السنادي إن شاءالله من ضمن أعمال دار مختلف للنشر والتوزيع.

دا غلاف اول أعمالي الروائية، كتاب صعيدي بلا روح، وهو عبارة عن مجموعة قصصية، بتتكلم عن قصص مختلفة، متنوعة من العاطفة والرعب والأحزان،🤎

اول حاجه حابة اكتبها هنا على القناة بمناسبة اني ف وقت امتحانات ف مشغولة، ومعنديش وقت انزل روايات دلوقتي، ف حبيت اعمل الجروب واجمع فيه الناس ال بتحب تقرأ ل آية مصطفى، واعرضلكم نبذة بسيطة عن أغلفة اعمالي الروائية ال نزلت معرض الكتاب الأعوام الماضية💚