دەریای سەلەف

قال أمير المؤمنين علي رضی الله عنه: ​مَنْ عَلِمَ مِنْ أُخِيهِ مَرُوءَةً جَمِيلَةً فَلَا يَسْمَعَنَّ فِيهِ مَقَالَاتِ الرِّجَالِ، وَمَنْ حَسُنَتْ عَلَانِيَتُهُ، فَنَحْنُ لِسَرِيرَتِهِ أَرْجَى. ​شرح صحيح البخاري لابن بطال (۹/۲٦۱)📚 ​ ئەمیری ئیمانداران عەلی کوڕی ئەبو تالیب (ڕەزای خوای لێ بێت) فەرموویەتی: هەرکەسێک جوامێری و ڕەوشتی بەرزی لە براکەی دا زانیبێت، با بە هیچ جۆرێک گوێ لە قسە و قسەلۆکی خەڵکی لەسەری نەگرێت، وە هەرکەسێک ڕووبکار و ئاشکراکەی باش بێت، ئەوا ئیمە زیاتر هیواداری و گومانی باشمان بە شاراوەکەی دەبێت. ​دوو سوودی گرنگ: ​حوکم دان بەپێی ڕووبکار و ڕاهات: ئەسڵ لە ئیسلام دا ئەوەیە بەپێی ڕەفتاره ئاشکراکان مامەڵەی لەگەڵ خەڵکی بپێوین و دیوی شاراوەی خۆیان بۆ خوا ببهێڵینەوە. ​پشتگوێ خستنی قسەوقسەڵۆکی خەڵکی: ئیماندار نابێت ڕێگە بدات غەیبەت و عەیب دۆزینەوەی ئیمانداران بەسەریان دا زاڵ بێت.