غَوْثٌ"

تعرف إيه آخر كلمة قالها ربنا لأهل الأرض قبل انقطاع الوحي للأبد ؟ . الجملة اللي ربنا ختم بيها آلاف السنين من تتابع الوحي على الرسل والأنبياء . الجملة اللي لخصت كل أوامر ربنا في كل الكتب السماوية لأهل الأرض ، الجملة اللي بعدها هيتقفل باب الوحي للأبد : وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ يعني يا أهل الأرض حتى تقوم الساعة : إعملوا حساب اليوم اللي هتقابلوا فيه ربنا وكل واحد فيكم هيبقى هو وعمله واللي عمله واكتسبه جملة مرعبة مزلزلة حازمة حاسمة قاطعة لكل تشويش ملخصة للحكمة من كل هذا الوجود = عمل ثم حساب ثم إلى جنة أو إلى عذاب مقيم